>
မာမာအေး
သြဂုတ် ၁၊ ၂၀၁၀
သောတရှင်များ ကျန်းမာတော်မူကြပါစရှင် –
မာအေးချစ်တဲ့ သောတရှင်တွေ ဂီတဝါသနာရှင်တွေ အားလုံး မာအေးရဲ့ အသံလေး ကြားရတဲ့အခါမှာ ကိုယ်ရောစိတ်ပါ ချမ်းသာကြပါစေလို့ ဆုမွန်ကောင်း တောင်းလိုက်ပါတယ်။
သောတရှင်တို့ရေ၊ အရင် တပတ်က တရင်းတနှီး စုစည်း မိခဲ့ဖူးတဲ့ “မောင်လေး” ဇာတ်နဲ့ ပတ်သက်ခဲ့သူတွေ သွားနှင့်ကြကုန်ပြီလို့ အလွမ်း သီခဲ့မိပါတယ်။ မောင်လေး ဖြစ်ခဲ့တဲ့ စာရေးဆရာကြီး “နန်းညွှန့်ဆွေ” ကိုကျတော့ မာအေး ကဗျာမူးနေဆဲ တချိန်က ကဗျာတောထဲမှာ နာမည်ကို စတွေ့တာပေ့ါ။ “လှလိုက်တဲ့ နာမည်လေးဟယ်၊ မိန်ကလေး ဖြစ်ဟန်တူရဲ့” လို့ စိတ်ထဲဖြစ်သွားခဲ့ပါတယ်။ လူကသာ ယောင်္ကျားမိန်းလို နေပြီး ရင်းနေတာပေမယ့် နာမည်တောင် လှတာမျိုးမှ သဘောကျတဲ့ မာအေးဟာ ကဗျာလေးတွေကိုလဲ ချစ်မြတ်နိုးတတ်ခဲ့တာပဲ။ မဂ္ဂဇင်းတွေ တွေ့ရင် ကဗျာစာမျက်နှာက စတင် ဖြစ်ခဲ့တာပေါ့ရှင်။
မိဘနဲ့မခွဲ၊ ဇာတ်ပွဲထဲ တလိုက်ထဲ လိုက်နေရတဲ့သူဖြစ်လို့ ဆိုတာ ကတာ သရုပ်ဆောင်တာ ဘာလဲ။ အနည်းနဲ့ အများ သိထားပြီ ကျောင်းသား “လေး၊ သုံးနှစ်” ကာရန်ပွားခိုင်းလာတော့ ဘယ်သူများ အုန်းသီးထဲ ရေလာထည့်ပါလိမ့် ဆိုတဲ့ ရှာနည်းကားနဲ့ ပတ်ရှာလိုက်တာ ကိုယ့်အရွယ်နဲ့ နီးနီး ဆရာကြီးမင်းသုဝဏ်ရဲ့“မောင်ခွေးဘို့ကဗျာ” ဆိုတာလေး တွေ့လာပါတယ်။ လူမမယ် အရွယ်မမြောက်တို့ အသံကလေးတွေ ဟန်ကလေးတွေ နားလည်သလိုလို ပိုဖြစ်လာတာပေါ့။
ဆရာမင်းသုဝဏ် ဖန်ဆင်းတဲ့ “ဇာလီပျော်တဲ့ ကျောင်းသင်္ခဏ်း” ကို ရောက်ချင်တယ်- တကယ်ပဲ။ ဆရာဇော်ဂျီရဲ့ “မဗေဒါက တပင်ထဲ” ဆိုတာလို့ ဇွဲခတ်ချင်တယ်။ ဆရာနန်းရဲ့ကဗျာစုံမှာ အာရုံနစ်တော့လဲ နုမြစ်ယဉ်ကျေး မြန်မာ့ဂီတသံနဲ့ မဝေးသလိုစာတွေက ချိုပါဘိသနဲ့၊ တို့စာ အကဲ့ရဲ့ လွတ်အောင် ဘာတွေများ ဆောင်ရ ရှောင်ရပါ့။ အိပ်ရေးတောင် မဝချင်ဘူး ဖြစ်ပါရော။
ကိုယ့်မိဘနဲ့ သူတို့ အသိုင်းအဝိုင်းက သဘင် ဂီတ ရုပ်ရှင်နဲ့သာ ပတ်သက်နေကြသူချည်းပါပဲရှင်။ စာဂျပိုးရယ်လို့ကို မရှိဘူးရှင့်။ အဲဒီ အနုဝင်္ကဘာ သုံးနေရာမှာ ကဗျာလင်္ကာ စာ ဆိုတာ မပါမဖြစ်တဲ့ အရာပါ။ အလုပ်သဘော သက်သက် သုံးကြဖို့သာ ကျက်မှတ်တယ်။ သရုပ်ဆောင်ပြီးတာနဲ့ မေ့ပစ်လိုက်တာမျိုးတွေများတော့၊ ကိုယ်သိချင်တဲ့ စာ၊ ကဗျာ ဖတ်တိုင်း ရင်မှာ သိမ်းထုပ်ပါ ဆိုတာမျိုး သတိထား မှတ်သားရတော့မယ်။ ဆရာအသွင်ထားတဲ့ ကဗျာအရွှင်တွေကလဲ များပါ့။ ပြောပြဖို့တောင် အချိန်မရဘူး၊ ထားခဲ့ဦးမှ ဆရာနန်းကိုတော့ ထားမရဘူးရှင့်။ ပြောပြမယ်။
၁၉၆၈ ကနေ ၁၉၇၀ ပြည့်နှစ် အတွင်း၊ မြန်မာနိုင်ငံ ခေတ်ပေါ် တေးဂီတကောင်စီရဲ့ အလုပ် အမှုဆောင် ကော်မတီဝင် အဖြစ် တာဝန်ယူခဲ့ရတုန်းက “ဂီတပဒေသာ” မဂ္ဂဇင်း တာဝန်ခံအဖွဲ့ဝင် တဦး လုပ်ဖြစ်သေးတာမို့ မဂ္ဂဇင်းအတွက် စာရေးဆရာတွေဆီက စာမူတောင်းတာ၊ စာမူခ လိုက်ပေးတာမျိုး မာအေး ကိုယ်တိုင် လုပ်ခဲ့ပါတယ်။ အဲဒီတော့ ဆောင်းပါးရှင်တွေနဲ့ လူချင်းလဲ တွေ့ရတာပေါ့ရှင်။ လစဉ်ရေး ပင်တိုင်ဆောင်းပါးရှင်တွေထဲမှာ ဆရာနန်းညွန့်ဆွေလဲ ပါလေတော့ တဲထဲဝင်ဝင် မိသားစုနဲ့ပါ ခင်သွားခဲ့တာပေါ့။
ဆရာနန်းတို့ မိသားစုက ရန်ကင်း (၁၂) လုံးတန်းမှာ နေကြတာလို့ မာအေးတို့ နေတဲ့ ကုက္ကိုင်းနဲ့ သိပ်မဝေးဘူးလို့ ပြောရမှာပါ။ ဒီအရင်က နေခဲ့တဲ့ ကျောက်ကုန်း မင်းရဲကျော်စွာလမ်းက အိမ်နဲ့ ပျံကျဈေးတန်းကလေး ဖြတ်ဆင်းလိုက်တာနဲ့ ဆရာတို့ တိုက်တန်း ရောက်သွားတာပါရှင်။ ဆရာတို့တိုက်ရဲ့အနားက တခြားတိုက်တွေမှာ အနုပညာရှင်တွေထဲက ဂီတစာဆို ရန်နိုင်ဆွေတို့ မိသားစု၊ စန္ဒရားငွေစိုးတို့ မိသားစု၊ ရုပ်ရှင် လူကြမ်းမင်းသား ဝင်းမြင့်တို့ မိသားစုတွေလဲ ရှိကြတယ်။
အဲဒီ ပုဂ္ဂိုလ်တွေနဲ့ မနက်ပိုင်းမှာ ဆုံကြတာ များပါတယ်ရှင့်။ မာအေး အချိန်ရတဲ့ အခါမျိုးမှာ သမီးတို့နဲ့ လမ်းလျှောက်ရင်း မုန့်ဟင်းခါး ဆင်းစားကြတာပေါ့။ “ကျော်ကြားမုန့်ဟင်းခါးက ရန်ကင်းမှာ နာမည်ကြီးပါတယ်။ ဆရာနန်းတိုက်နဲ့ တတိုက်ကျော် ဆိုတော့ အတော်ဘဲ။ စားပြီးရင် ဆရာနန်းတို့က အောက်ဆုံးထပ် ဖြစ်တာမို့ အိမ်ရှေ့မှာ သွားရပ်ရင်း နုတ်ဆက်လို့ရတယ်။ ဆရာရန်နိုင်ဆွေ ကိုလဲ ဒီလိုဘဲ နုတ်ဆက်ရတာပါဘဲ။ အဲဒီဆရာနဲ့ တွေးရတာက နည်းနည်း ခက်ပါတယ်။ နေတဲ့ အခန်းက အပေါ်ဆုံးထပ်မို့ မာအေး မတက်နိုင်တော့၊ လာမှန်း သိရင် ဆရာက ဆင်းလာစကားပြောပေးပါတယ်ရှင်။
မာအေးတို့ ဂီတကောင်စီကိုလဲ ဆရာနန်းတို့ အလုပ်ဌာန၊ ယဉ်ကျေးမှု ဗိမ္မာန် ဝင်းကြီးထဲမှာ နေရာပေးထားတော့ အံကိုက် ပြန်ရော၊ ဆရာနန်းက သုတေသနမှူးဖြစ်ပါတယ်။ မြန်မာ့ယဉ်ကျေးမှု သဘင် ဂီတဆိုင်ရာတွေ စာပေရေးရာတွေအပေါ် အမြဲတစေ စောင့်ရှောက် ရေးသား စေတနာထားရှာလို့ လေးစားလောက်တဲ့သူထဲက တယောက်လည်း ဖြစ်နေပါတယ်ရှင်။
မာအေး ဒီဘက် ထွက်လာတော့ နူတ်မဆက်ခဲ့မိဘူး။ ခဏရယ်လို့ ထွက်လာတာကိုး။ မောင်ဇာဂနာလေးနဲ့ နောက်ဆုံး အရေးမယူခင် အဆက်အသွယ်ရတော့ ဆရာနန်းတို့ ဒေါ်ကြည်ဦးတို့ စာပေချစ်တဲ့ ဇနီးမောင်နှံ ကျန်းကျန်းမာမာ ပါပဲတဲ့။
သားကလေး အဆွဲခံရတော့ အသက် တစ်ရာ့နှစ်ဆယ် (၁၂၀) ကျော်မှ ထွက်ရမယ့် ဥပဒေကြောင်းမို့များ ရှေ့ဆင့်နောက်ဆင့် သွားကြတော့တာလား။ သနားမိတာပဲ တတ်နိုင်ပါတယ်ရှင်။ အထဲရောက်နေတဲ့ ခလေးခမျာ- အမေ့တုန်းကလည်း မထွက်လာရ၊ အဖေ့ကိစ္စမှာလည်း ထွက်မလာရနဲ့ အခက်ကျလိုက်မယ့်ဖြစ်ခြင်း၊ ကိုယ့်ရင်တွင်းက သိနေပါတယ်။ ကဗျာနယ်မှာ ရွာလည်ဖူးတဲ့ ခရီးသည် ဝါတွင်းရောက်ပြီကွယ်လို့ ဆရာနန်း ငယ်ကရေးတဲ့ “ဝါတွင်းခရီးသည်” ကဗျာ အပိုင်းလေး ရွတ်ပေးရင်း နားဦးမယ်နော်။ သူ့အသံ ကြားချင်ရင်ဖြင့် နောက်တပတ်ကို ကြိုလင့်ပါ။
ရည်မျှော်ကာ စခန်းပြည်တော်သာသို့
စည်ဆော်ကာ အရောက်စောတာဖြင့်
ပျောက်သောသူ ရှာရင်တွေ့မယ်တဲ့
မမေ့ရန် သူရည်ညွှန်းတော့၊ လူရည်မွန်ဦးတင်သမိပေါ့
ဒါအလို ဝါဆိုလပေးမို့၊ ပွဲအမီနွှဲချီရပါလိမ့်
တပည့်တော် ကြည့်မျှော်ဆလို့ရယ်
ဖေးကူပါ့ဘုန်း။ ။ (နန်းညွန့်ဆွေ၏ ဝါတွင်းခရီးသည်မှ)
(မူရင်း – ဘီဘီစီ မြန်မာပိုင်း အသံလွှင့်ဌာန BBCburmese.com)
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
