>
လူချမ်းသာ
ခင်မျိုးချစ်
ဇူလိုင် ၂၆၊ ၂၀၁၀
ဖိုးတေနှင့် အမာတို့ လင်မယားမှာ နာမည်အလိုက် တေလည်း တေ၊ မာလည်း မာလေသည်။ သူတို့ကို ပစ်တိုင်းထောင် လင်မယားဟု ခေါ်ကြသည်။ ဖိုးတေမှာ ခပ်ငယ်ငယ်က တေပေနေခဲ့သ ဖြင့် အမာနှင့် တွေ့သည့်အချိန်တွင် တစ်လ ၆၀ရသော၊ ကြွေးလည်ပင်ထိသည့် ရုံစာရေးတစ်ဦး ဖြစ်သည်။ အမာမှာလည်း ကိုယ့်ထူးကိုယ့်ချွန်ရသော ရုံးစာရေးမ ဖြစ်သည်။ သူတို့နှစ်ဦးမှာ အလုပ် ချင်းတူ၊ လူရည်ချင်း နတ်ဖတ် နှုတ်ခမ်းပဲ့ ချင်း မီးမှုတ်ခဲ့ကြလေသည်။
သူတို့နှစ်ဦးစလုံးပင် မိတ်ဆွေ အသိပေါလှသည်။ ချစ်ခင်သူ များလှသည်။ ထို့ကြောင့် ဖိုးတေနှင့် အမာတို့သည် တိတ်တိတ်ဆိတ်ဆိတ် လက်မှတ်ထား လက်ထပ်ရုံလောက်နှင့် ကိစ္စပြီးမည်ကို နှစ်ဖက် မိတ်ဆွေ များက
“ဘယ် … ဒီလိုနဲ့ ပြီးမလဲ“
ဟု ၀ိုင်းဝန်းစီမံကြသည်။ အိမ်ထောင်မှု ခမ်းနား ငွေကောက်ခံ၍ ၀ယ်သူ ၀ယ်၊ ထိုင်ဆိုအငြိမ့် ထည့်သူ ထည့် စသည်ဖြင့် တစ်ယောက် တစ်လက် စီမံလိုက်ကြရာ သားသားနားနား မင်္ဂလာ ဆောင်တစ်ခု ဖြစ်သွားရုံမက အခြား မိတ်ဆွေသင်္ဂဟများက လက်ဖွဲ့ကြသော အိမ်ထောင်ပစ္စည်း အ၀တ်အထည်များ အမြတ်ရ လိုက်သေးသည်။
မင်္ဂလာဆောင်မှာ ပျော်ပွဲစားသကဲ့သို့ နောက်ကြ ပြောင်ကြ ပျော်စရာကြီး ဖြစ်သည်။ သူငယ်ချင်း တွေက အမာအား မင်္ဂလာစကားပြောရာတွင် ခနိုး ခနဲ့ကြသည်။ အမာက သတို့သမီးပီပီ မျက်နှာ မရဲ ၍လော မသိ၊ ထ၍ နှုတ်ခမ်းပါကလေးနှင့် ရန် တွေ့လေသည်။
ဖိုးတေနှင့် အမာတို့မှာ မင်္ဂလာ ဆောင် တွင် လူကလွဲ၍ ဘာမှ မစိုက်ရဘဲ အမြတ်ရ လေသည်။ ဖိုးတေကား ရုံးက ထုတ်ပေးသည့် အသပြာငွေ ၁၈၀ ကို ကြွေးတွေမြီတွေ ဆပ်ဖို့ စိတ်မကူးဘဲ အခွင့်ယူ၍ ထိုငွေနှင့် မင်္ဂလာဦး ခရီးထွက် လည်ပတ် လိုက်သေး သည်။
ဖိုးတေနှင့် အမာတို့သည် တစ်လလျှင် ၂၀ပေးရသော အခန်းကလေးတွင် အိုးအိမ်တည်ကြလေ သည်။ ဖိုးတေ၏ လခမှာ တစ်လ တစ်လ ကဗူလီ ကုလားကြွေး အတိုးပေးရသည်နှင့် ကုန်လေ သည်။
အမာ လက်ဖွာ လက်လွယ်လှသဖြင့် သူ့ကို မှီခိုတောင်းရမ်းသူ ဆွေမျိုးများကို သူ့လခနှင့် ပို့နေရသည်။ တစ်လ တစ်လ ကြွေးနှင့် ထွေးလုံးရစ်ပတ်နေကြရသော်လည်း စိတ်ညစ်ခြင်း မရှိ။ သူတို့မောင်နှံမှာ ပျော်ကြသည်။ ပဲရာဇာ ဟင်းချို၊ ငါးခြောက်ဖုတ်၊ ငရုတ်သီးထောင်းဟင်းများကို မြိန်မြိန်ရှက်ရှက် စားသောက်ကာ ကန်တော်ကြီး လမ်းလျှောက်ကြသည်။
ရုံးအားသည့် စနေ တနင်္ဂနွေနေ့များတွင် အင်္ဂလိပ် ရုပ်ရှင်ရုံများကို လည်ပတ်ကြည့်ကြသည်။ တစ်ခါတစ်ရံ အလွန် ဘိုင်ကျသည့်အခါများတွင် ညဥ့်၉နာရီမှ ၁၂နာရီပြီးသော နောက်ဆုံးပွဲကို အိမ်မှ လသာသာ ခြေကျင် လျှောက်လာကြသည်။ ရုပ်ရှင်ရုံနားတွင် ပြသည့်အချိန်တွင် ရစ်သီရစ်သီ လုပ်နေကြ၍ လူ သိပ်မကျပ် သည်ရှိသော် ရှက်ကြောက်ရမည့် အသိ မတွေ့သည်ရှိသော် တစ်မတ်တန်းက လက်မှတ်ခံ၍ ၀င်ကြည့်ကြ လေသည်။ ပွဲပြီးလျှင် ဘတ်စ်ကားခ ကုန်မည့် ပိုက်ဆံတစ်ပဲကို ကြံရည် နှစ်ပြားဖိုးစီ ၀ယ်သောက်ကာ အေးမြ သော စိတ်ဓာတ် ချမ်းမြေ့သော နှလုံးနှင့် အိမ်သို့ ပြန်ကြကုန်၏။
သူတို့နှစ်ဦးစလုံး၏ မိဘဆွေမျိုးများမှာ ခေကြသူ မဟုတ်ကြပေ။ သူတို့ကိုယ်က တေကြ ပေကြလွန်း၍ ဖြစ်သည်။ ချမ်းသာ၍ မိမိထံ ကျမည့် ဆွေမျိုးနှင့် ဆင်းရဲသဖြင့် မိမိ ကျရမည့် ဆွေမျိုး နှစ်မျိုးနှစ်စား တွင် သူတို့သည် ဒုတိယအမျိုးအစားကိုသာ အသိလုပ်ကြသည်။ ဘယ်သူ့ကိုမှ မျက်နှာငယ်ခံ အကူအညီ ကောင်းခြင်း မရှိကြချေ။ သူတို့ ညားကြပြီး ၆လလောက်ရှိလျှင် ဖိုးတေ၏ မိခင်ကြီး လာ၍ သားနှင့် ချွေးမ ဘယ်လို နေကြသည်ကို ကြည့်လေသည်။ သင်းတို့နှစ်ဦး နေပုံထိုင်ပုံတွေကို အလွန်စိတ်ပျက်စွာနှင့် သူ့မြို့သို့ ပြန်သွား ပြီးနောက် ဖိုးတေ၏ ကြွေးများ ဆပ်ရန် ငွေပို့လိုက်သည်။ နောက်ထပ် ကြွေးမတင်စေနှင့်၊ လိမ်လိမ် မာမာ နေကြရန် စာရေးလိုက်သည်။
မကြာမီ အမာတွင် သားဦးယောက်ျားလေး မွေးဖွားလေသည်။ သားကလေး မဖွားမီ တစ်လတွင် ဖိုးတေ သည် လခ ၁၅၀ရသော အလုပ်တစ်ခုကို ပြောင်းရသည်။ သူတို့လင်မယားအဖို့၌ အလို အလျောက် ဖြစ်လာ ရမည် ဟူသော စကား မှန်လေသည်။ ဖိုးတေနှင့် အမာတို့သည် အင်္ဂလိပ် ရုပ်ရှင် ကြိုက်သော ၀ါသနာ အပြင် စာဖတ်ဝါသနာပါသည်။ အားလပ်သည့် နေ့များတွင် စာအုပ် အဟောင်းဆိုင်များမှ မဂ္ဂဇင်း ဂျာနယ် စာအုပ်များ ရှာဖွေဝယ်ယူကြသည်။
ညဥ့်နက်သန်းခေါင်အထိ စားပွဲတင် မှန်အိမ်မီးရောင်အောက် ပက်လက်ကုလားထိုင်ပေါ်တွင် ဖိုးတေက သူ့သဘောတွေ့ သော စာများကို အသံထွက်အောင် ဖတ်သည်။ အမာကြား ကြမ်းပေါ် ထိုင်ကာ ခွေးမကလေး ပမာ သူ့ချစ်လင်၏ ဒူးပေါ်တွင် မေးတင်လျက် နားထောင်နေသည်။ သားသမီးရတော့မည်ဟု သိသော အခါ ကလေးနှင့် ပတ်သက်သည့် စာအုပ်စာတမ်းများကို ဖတ်ကြလေတော့သည်။ သားကလေးနှင့် ပတ်သက် သည့် မွေးသည့်နေ့မှာပင် မွေးသဖခင် ဖိုးတေသည် အားရပါးရ နမ်းရှုတ်၍ ဘယ်အဖေ များ ကလေး ကို မွေးမွေးချင်း နမ်းသလဲဟု သူ့သူငယ်ချင်းတွေကို ချဲလင့် လုပ်လိုက်သေးသည်။
သားကလေး အပါကို စာအုပ်များတွင် ပါသည့်အတိုင်း စနစ်တကျ မွေးရာ ရှေးလူကြီးများ၏ ဆိုမြည် ကြိမ်းမောင်းသည့်ကြားထဲကပင် သန်မာထွားကျိုင်းလာလေသည်။ အစားအသောက်မှာ သူဌေး သား အရာရှိကြီးသားပမာ အကောင်းအမွန်များ ကျွေးမွေးသဖြင့် ပိုက်ဆုံကုန်လှသော်လည်း နာမကျန်း၍ ခေါ်ရသော ဆရာဝန်နှင့် ဆေးစရိတ် ကုန်သည်နှင့် ကာမိသည်ဟု ဖိုးတေလင်မယား က စာရင်းချ၍ ပြသည်။ သူတို့တရားနှင့် သူတို့ မှန်နေကြသည်။
နံနက်တိုင်း ဖိုးတေသည် တရုတ် ဆိုင်က ၀ယ်သော ၂ကျပ် ၈ပဲတန် ကြိမ်လက်တွန်းလှည်းတွင် သူ့သားကို ထည့်တွန်းကာ ကန်တော်ကြီးစောင်း သွား၍ လေညင်းခံ သည်။ ထိုအခိုက် အမာသည် ဖိုးတေ ရုံးမသွားမီ စားရန် ထမင်း ဟင်း ပြင်ဆင်သည်။ ဖိုးတေ ပြန်လာ စားသောက်ပြီး ရုံးသွားလျှင် အမာနှင့် ကလေးသာ အိမ်၌ ကျန်ခဲ့သည်။ သူတို့မှာ မရှိမရှား ဘ၀တွင် ရောင့်ရဲကာ စိတ်ပျော်ရွှင်နေကြသော်လည်း အချို့ လူကြီးများက
“ရှေ့ရေး နောက်ရေး မတွေးတတ်တဲ့ ကောင်မလေးနဲ့ ကောင်ကလေးပဲ” ဟု ညည်းညူကြသည်။
အချို့ဂုဏ်ပကာသနကိုသာ ချစ်ခင်သော မိတ်ဆွေ၊ ဆွေမျိုးများက အထင်သေးကြသည်။ ဖိုးတေ နှင့် အမာ တို့ကား သူတို့၏ သာယာသော အိမ်တွင်းလောကလောက်ကိုသာ ဂရုစိုက်ကြလေသည်။ သူတို့၏ ရွှင်လန်း ကြည်လင် သော စိတ်နှလုံးကြောင့် လူချစ်လူခင် မိတ်ဆွေ ပေါသည်။ စိတ်သဘော တူညီသော ဆွေမျိုး များက ချစ်သည်။ ထို့ကြောင့် မိတ်ဆွေ အတုအယောင်နှင့် ရွှေရှိမှ မျိုးတော်ချင် သော ဆွေမျိုးများကို သူတို့ ၏ မိတ်ဆွေစာရင်းတွင် ထည့်စဉ်းစားစရာ မလိုတော့ပေ။
အပါ တစ်နှစ်သားတွင် အရှေ့အာရှ ကမ္ဘာစစ်ကြီး ဖြစ်လာ၏။ ဖိုးတေ အမာတို့ မိသားတစ်စုမှာ ကြောက်အား လန့်အား နှင့် ပြေးကြရာ အပြေးမတတ်ကြသဖြင့် အင်္ဂလိပ် အပြေး၊ ဂျပန်အ၀င် စစ် မြေပြင် အလယ်ခေါင်၌ ပိတ်မိ နေကြသည်။ အမြောက်ချက်ပေါင်း ၂၈ချက် အပစ်ခံရသောနေ့မှာ အမာ အသက်၂၈နှစ် ပြည့်သောနေ့ ပင် ဖြစ်သည်။ ဘုရင်ဧကရာဇ် မွေးနေ့မှာသာ အမြောက်ပစ်၍ ကျင်းပနိုင်သည် မဟုတ်ပါ။ ဒါမျိုးတော့ အမာလည်း ကြွားနိုင်ပါသေးသည်။
မိမိအလိုသာဖြင့် မိုက်မိုက်ကန်းကန်း သေချင်သေ၊ ဘယ်မှ မပြေးဘူး။ ဖိုးတေ စိုးရိမ်ကြီးပြီး ပြေးလို့ သာ ပစ္စည်းကုန်၊ လူမသေရုံ ကျန်သည်ဟု ဖိုးတေအား အမာသည် အပြစ်တင်၍ မပြီးနိုင် ရှိလေ သည်။ ဒါမျိုးတော့ မဆန်းလှပါ။ ကမ္ဘာဦးအစက အာဒံနှင့် ဧ၀တို့ ရှိခဲ့ရာ မာရန်နတ်၏ ဖြားယောင်မှု ကြောင့် မဧ၀က သစ်သီး စားမိသော အခါ
“ကိုအာဒံ ရှင့်ကြောင့် ဒီလိုဖြစတာ။ ဒီနေ့မှ ရှင်က ကျွန်မနဲ့အတူ တောလည်မလိုက်ဘဲ ဘာလို့ ချန်နေရစ် ခဲ့တာလဲ။ ကျွန်မတစ်ဦးတည်း ထွက်သွားလို့ ဒီလို ဖြစ်ရတာ။ ပြီးတော့ တကယ်ဆိုရင် ရှင် ဟာ ကျွန်မရဲ့ လင်သခင် မဟုတ်ဘူးလား။ ငါ မပါဘဲ ဘယ်မှမသွားနဲ့လို့ တားထားလိုက်ပါတော့ လား“
ဟု မြည်တွန် ခဲ့သည် မဟုတ်ပါလား။
ဤသို့ မြည်တွန်တောက်တီးရင်းပင် သူတို့မိသားစုတစ်စု ရန်ကုန် ပြန်ဆင်းလာကြသည်။ ရှေးက သူတို့ သိသော ရန်ကုန် မဟုတ်။ မျက်စိသူငယ် ဖြစ်နေကြသည်။ မိတ်ဆွေ သူငယ်ချင်းများဆီ လည်း မကပ်ဝံ့။ အလိုလို ရှက်ကြောက်အားငယ်နေကြသည်။ သူတို့ကို တွေ့သူ တစ်ဦးတလေက အမြင်မတော်၍ ကလေး မုန့်ဖိုးပဲဖိုး ပေးကြသည်။ အလုပ်အကိုင်လည်း မရဖြစ်တာ၊ အကြံတုံး ဥာဏ်တုံး ဖြစ်နေစဉ် ဖိုးတေ၏ ဖိနပ်ထောင်သူ သူငယ်ချင်းတစ်ဦးက ဖိနပ်များ ထုတ်ပေး၍
“မင်းတို့ လောက်အောင် ယူစား၊ ပိုတာပေး“
စီမံကန်း လုပ်ပေးမှ ဖိုးတေတို့ အသက်ဆက်မိရုံ ဖြစ်သွားသည်။ ဖျင်တို တစ်ထွာ အသပြာတစ်ဆင့် မျှ ပေးမည့် သူ မရှိသည့်အခါတွင် ထိုမိတ်ဆွေကောင်း၏ စေတနာကို အဘယ်သူ ကျေးဇူးမတင်ဘဲ ရှိနိုင် ပါမည်နည်း။
လမ်းဘေး ပလက်ဖောင်းပေါ်တွင် ၀ါးခုနှစ်ချောင်း သက်ငယ် ခုနှစ်ပျစ်နှင့် တဲဆိုင်ကလေး ဆောက်၊ ဖိနပ် ရောင်းချပါ သော်လည်း ကော်ပိုရေးရှင်း အမိန့်ကြောင့် တစ်ဖျက်တည်း ဖျက်နေရသဖြင့် နောက်ဆုံး၌ ပလက်ဖောင်း ပေါ်တွင် ရွက်ဖျင်းခင်း၍ ရောင်းရသည့်အဖြစ်သို့ ရောက်လေတော့ သည်။ မိတ်ဆွေအချို့မှာ မကြည့် ရင်နိုင်ကြ၊ ရှက်ရှာလိမ့်မည်ဟု ထင်၍ ရှောင်သွားကြသည်။ ထိုလူ များအချင်းချင်း ဖိုးတေတို့အား ဘယ်လို ကူညီရမည်ကို တိုင်ပင်ကြသည်။
ဖိုးတေနှင့် အမာကား ရှက်မည်ဝေးစွ။ ဖွတ်နှစ်ကောင် ပြာရထားတွင်မွဲ မျက်နှာပြောင် သားနှင့် ကြွားကြွားဝင့်လျက်ပင် ရှိကြသည်။
သူတို့၏ကံမှာ တစ်နေ့သော် အလှည့်ကြုံရပြန်လေသည်။ အမာကို ယခင်က လုပ်ဖူးသည့် နေရာ တစ်ခုတွင် အလုပ် ပေးလာသည်။ စင်စစ် ရခြင်းရလျှင် ဖိုးတေ အလုပ်ရခြင်းကို အမာ ပိုမိုလိုလား သည်။ ထိုအလုပ်ကို အမာ ငြင်းလိုက်သည်။ ဈေးကလေး ရောင်း၍ မနက် ခြောက်ချက် ည ခြောက်ချက် နေရတာက ကောင်းသေး သည်ဟု အောက်မေ့လိုက်သည်။ သို့သော်
“မိအမာရဲ့ နင့်ကို အလုပ်နားလည်လို့ ခေါ်တာပါဟဲ့၊ နင် မလုပ်ရင်တို့မှာ အခက်တွေ့နေပါလိမ့် မယ်။ တို့ကို မကူညီ တော့ဘူးလား“
ဟု ပြောကြရာ ဖိုးတေက
“အားနာပါတယ် အမာရာ … လုပ်လိုက်ပါကွာ၊ ခဏဖြစ်ဖြစ်ပေါ့“
ဟု ကူညီပြောလေသည်။ ထိုအခါ မိတ်ဆွေများက အားတက်၍ –
“ကဲပါဟာ … နင့် အားကိုးလို့ ပြောနေတာပဲ ငြင်းမနေပါနဲ့“
ဟု ထပ်ပြောကြပြန်သည်ကို အမာမှာ ခေါင်းညိတ်လိုက်ရပြန်သည်။
“ရှင် အားနာတတ်တာနဲ့တော့ ဒုက္ခပါပဲ၊ ရှင့်မှာဖြင့် နေရာတကာ အားနာနေတာပဲ“
ဟု ရှေ့နေ လိုက်မိသော ဖိုးတေကို မကျေနပ်နိုင် ဖြစ်မိပြန်သည်။
အမာသည် ဖိုးတေကို အိမ်တွင် ကလေးနှင့်ထား၍ အလုပ်လုပ်ရသည်ကို မပျော်ပိုက်ချေ။ သူ၏ မိတ်ဆွေများ အပေါ်တွင် စောင့်သိအပ်သည့် ၀တ္တရားကြောင့် အောင့်အည်းနေရလေသည်။ ဂျပန် ဖက်ဆစ်ခေတ်တွင် အလွန်း သင့်လျှင် သင့်သလို အလုပ်အကိုင် ပေါသည့်ခေတ်၌ အမာသည် မတုန်မလှုပ် ကျောက်ရုပ် လုပ်နေ ခဲ့သည်။
“ညည်းနှယ်အေ … နေနိုင်ရန်၊ ကိုယ့်လင် အလုပ်မရှိတာများ ကြံဖန်လုပ်ပေးလိုက်ရောပေါ့“
ဟု မဲ့ရွဲ့ အပြစ်တင်နေကြလေသည်။ ဟိုလူ သည်လူ ကပ်ရပ်တောင်းပန်သည့် အလုပ်ကို အမာ သည် လမ်းပေါ် ဈေးတောင်းချ ရောင်းရသည်ထက် ရှက်သည်။
“ဒီလို စကားမျိုး ဘယ်သူ့ကိုမှ သွားပြောလိမ့်မယ် မထင်နဲ့၊ မေ့မှားလို့ ပြောမိရင် လျှာကို လှီးပစ် လိုက်မယ်“
ဟု အမာက ပြောသည်။ ထိုအခါ ဖိုးတေက
“ဒီလို စကားမျိုးတော့ ဘယ်သူ့ကိုမှ မေ့မှားလို့တောင် မပြောမိပါစေနဲ့၊ အိမ်ကြီးရှင်မ၊ ဒေါ်အမာရယ်“
ဟု ထပ်ခါ တလဲလဲ သတိပေးရလေသည်။ ဖိုးတေသည် မကြာမီ ဘယ်သူ့မှ မကပ်ရဘဲနှင့်ပင် အလုပ်တစ်ခု ရရာ အမာလည်း အလုပ်က ထွက်လိုက်လေသည်။
ဂျပန်ခေတ် တစ်ခေတ်လုံး လခစား အလုပ်က လွဲ၍ မလုပ်မကိုင်တတ်သော ဖိုးတေနှင့် အမာတို့မှာ ဆီ၊ ကြက်သွန် မပါသော ဟင်း ထမင်းကို လည်ချောင်း မြေလှန် စုံကန်မျှောခဲ့ကြသည်။ အ၀တ် အစားမှာ အစုတ်စုတ် ဖြစ်၍ ကူလီလောက်မှ မပြောင်တော့ချေ။
သားကလေး အပါမှာ စောင်၊ စားပွဲ ခင်းများကို ချုပ်ထားသော အင်္ကျီနှင့် နေပူ မိုးရွာမရှောင် ဖိနပ်မပါဘဲ သွားတော့သည်။ ငယ်ငယ်က ကရင်းကရိုက်ကားစ်၊ ဂိုလ်ဒင်ပတ်ဖ် တွေ ကျွေးလာခဲ့သော်လည်း ယခုအခါ ဖွဲနုမုန့် မရွေး ဘိန်းမုန့် တို့ကို အဆာပြေရုံ စားရသည်။ နံနက်စောစော တွင် ဘိန်းမုန့်ပူပူကို ဟိုလက် သည်လက် ပြောင်း ရင်း
“ဘိန်းမုန့် … ဘီးမုန့် … ဘီးညန်း … “
ဟု ကလေးဘာဝ သီချင်းလုပ်ဆိုနေသော အပါကလေးကို မြင်ရလျှင် အဘယ်မိဘ၏ စိတ်နှလုံး မထိခိုက်ဘဲ ရှိပါမည်နည်း။
ဂျပန် ပြေးမည့်နှစ် ဆောင်းတွင်းမှာ အလွန်ချမ်းလှသည်။ အိမ် မလုံမခြုံ တွင် လေတွေက တဟူးဟူး၊ နှင်းတွေက တပေါက်ပေါက်နှင့်၊ တစ်ညတွင် အပါကလေးမှ ပြာမဲ တုန်ချိနေသည်။ ဘာလုပ်ရမှန်း မသိ ယောင်နန ဖြစ်နေကြပြီးမှ သတိရ၍ အမာက ထင်းမီးများ ထည့်ကာ နွေးစေမှ ကလေးအပူအငွေ့ ၀င်လာတော့ သည်။
ကဲ … နှိပ်စက်လိုက်စမ်းဟဲ့ … လောကဓံ၊ နင်ပဲ နှိပ်စက်နိုင်မလား၊ တို့ပဲ ခံနိုင်မလား … ဟု အမာက အန်တု ကြုံးဝါးခဲ့သည်။
ကိုရွှေဂျပန်များ ကြွကြပြီ။ ဖိုးတေနှင့် အမာတို့ ကံမှာ ပြောင်လာလေသည်။ အင်္ဂလိပ် ပြန်ဝင်မှ သူတို့၏ ပညာ အစွမ်းအစ ကလေးနှင့် ကြံစည်သော ကိစ္စများမှာ အထမြောက်စပြုလာသည်။ အပါ ကလေးကို ကျောင်းထား ရပြီ။
“အမာရေ … တို့များ ဒီသားလေး တစ်ယောက်တည်း ရှိတာလည်း တစ်မျိုး ကံကောင်းတာပဲ။ ကလေးတွေ များနေရင် သာဆိုးမယ်။ လူမစွမ်း နတ်မတာလိုပေါ့” ဟု ဖိုးတေက ပြောရာ အမာက
“အစစ်ပေါ့ ကိုဖိုးတေ … စစ်အတွင်း သူများတွေ ဟောတစ်ယောက်၊ ဟောတစ်ယောက် မွေးနေကြ တာ၊ အမာ ဒီတစ်ယောက်နဲ့ ရပ်တန်းက ရပ်နေတာ အမာဖြင့် ၀မ်းသာလို့ မဆုံးဘူး၊ အမာတို့ သိပ်ကံကောင်း တာပဲနော်“
ဟု သူတို့လင်မယားမှာ ၀မ်းသာစရာမရှိ ကြံဖန်ဝမ်းသာနေကြလေသည်။ ဂျပန်ခေတ်တွင် အဆိုး တကာ့ အဆိုးဆုံး များ တွေ့ရပြီသော ဖိုးတေနှင့် အမာမှာ ဘယ်အဖြစ်မျိုး ရောက်ရောက် ကိစ္စမရှိ ဟု အောက်မေ့ နေကြသည်။
ဖိုးတေနှင့် အမာတို့သည် စစ်မဖြစ်မီ အချိုးအတိုင်း ရုပ်ရှင်ကလေးကြည့်လိုက်၊ စာအ်ုပအဟောင်း ဆိုင်သွား စာအုပ် တွေ ၀ယ်လာ၊ အိမ်ကျ တစ်ယောက်တလဲ ဖတ်လိုက်၊ သားကလေး အပါ တွတ်တီးတွတ်တာ ပြောသည် ကို သဘောတွေ့ ပျော်နေလိုက်။ သူတို့ဘ၀နှင့် သူတို့ ကျေနပ်နေကြ ပြန်လေသည်။
လင်မယားနှစ်ယောက် အချိန်တန် အလုပ်သွား အိမ်ပြန်။ အားသည့်နေ့ အိမ်တွင် စာဖတ်ချင်း ဖတ်၊ ဂိုင်ဖော သည့်နေ့ ဆိုလျှင် ရုပ်ရှင်ကြည့်၍ သူတို့ ရတတ်သမျှနှင့် နေကြသည်။ အလုပ်ရာထူး တိုးတက်ဖို့ စိတ်မပူပန်ရုံမက တစ်ခါတစ်ရံ လူလျှော့ အလုပ်ဖြုတ်ပစ်မည်ကိုပင် ဂရုမစိုက်ဘဲ တစ်ဦး အလုပ်မရှိ တော့လည်း တစ်ဦး အလုပ်ရှိသေးတာပဲ။ ရတတ်သမျှနှင့် လောက်အောင် နေပေါ့ဟု ခပ်အေးအေး နေကြသည်။
သူတို့ကား အပြင်လောကကို ဂရုမပြုဘဲ နေခဲ့ရာ၊ တစ်နေ့သော် သူတို့ မမျှော်လင့်သော အဖြစ်အပျက် တစ်ခု တွေ့ရသည်။
သတင်းစာများတွင် ဦးဖိုးတေ ဆိုသူ မင်းကြီး ရာထူးရကြောင်း ပါလေသည်။ ထိုအခါ
“အမာ့ ယောက်ျား ကိုဖိုးတေ ဖြစ်မှာပေါ့ကွ။ ၀န်ကြီး ဦးဟိုသင်းရဲ့ ယောက်ဖရဲ့ မယားပါသားနဲ့ ကြိုက်ဖူးတဲ့ ကောင်မလေးအိမ်က ခွေးက ကိုဖိုးတေကို ကိုက်ဖူးသေးတာပဲ“
စသဖြင့် ထင်ကြေးပေးကြလေသည်။ လာရောက် မေးမြန်းသူများကို ဖြေရလွန်းသဖြင့်
“ကိုဖုိုးတေရေ … သတင်းစာကနေပြီး ဖြေရှင်းပုံ ပေါ်နေပြီ“
ဟု အမာက ညည်းလေသည်။ ခင်မင်သော မိတ်ဆွေများက ၀မ်းသာကြသည်။ အစက အထင် အမြင် သေးနေကြသူများက မနာလိုစိတ် မကင်းစွာနှင့်ပင် အရေးတယူ ခေါ်ပြောလုပ်ကြသည်။ အမျိုးတော်သည့် အဒေါ်ကြီးတစ်ဦးသည် ရှေးက ဖုတ်လေသည့် ငါးပိ ရှိလေသည်ဟု မအောက်မေ့ ခဲ့သော်လည်း ယခုအခါ အရေးတယူ လုပ်ကာ ဘယ်အကူအညီပေးရမည် စသဖြင့် မေးမြန်းဖော် ရလေသည်။
“မင်းကြီးဖြစ်လို့ တို့အိမ်တောင် လာမလည်ဘူး“
ဟု ပြောမှ ဖိုးတေနှင့် အမာမှာ မဟုတ်ကြောင်း ရှင်းရပြန်သည်။
“မသိပေါင်တော် … တို့က ၀န်ကြီးဦးဟိုဒင်းရဲ့ ယောက်ဖရဲ့ မယားပါ သား …(လ)… ဖိုးတေကို ကြိုက်ဖူး သေးတာမို့ ဟုတ်မှာပဲ ထင်လိုက်တယ်။ မင်းတို့ကလည်း ဒီလို လူကြီးတွေဆီ သွားပြုတွေ့ ပါလား။ ဒီလိုနေလို့ ဘယ်ဖြစ် မလဲ“
ဟု အကြံပေး ဆုံးမစကားပြောသွားလေသည်။
အမာမှာ လက်နှစ်ဖက်နှင့် ရင်ဘတ်ကို ဇာတ်ဟန် နှင့် ခတ်တီး ကာ
“ခက်မှ ခက်ရလေနော်၊ ကိုယ့်ဘာသာ ကိုယ့်ဘ၀နှင့် ပျော်ပျော်နေလည်း မနေရသေးဘူး။ မင်းကြီး ဖြစ်မှ ခေါ်ချင် တဲ့ မိတ်ဆွေ ဆွေမျိုးတွေကို ငဲ့ညှာပြီး ဟိုလူ ဒီလူတွေဆီ သွားပြီး ကယ်မပါ၊ ကြည့်ရှု ပါနှင့် မွဲသွေ့သွေ့မျက်နှာနဲ့ အောက်ကျခံ ပြောရဦးမယ်လို့ ဖြစ်နေပြီ ကိုဖိုးတေ“
ဟု ပြောရာ ဖိုးတေက
“သူတို့ မခေါ်ချင်လည်း နေပေါ့ကွ၊ ဘာဆိုင်လဲ … ဘာလို့ အောက်ကျခံပြီး ပြောရမလဲ“
ဟု ဆိုလိုက်လေသည်။
ဟု ဆိုလိုက်လေသည်။
“မဖြစ်ဘူး … မင်းကြီး မဟုတ်တာနဲ့ ကိုဖိုးတေကို အမျိုးရယ်လို့ စကားထဲ ထည့်ပြောရမှာ ရှက်ရှာ တဲ့ သူတွေ သနားလွန်း လို့ပါ။ ဖြစ်မှဖြစ်ရလေ။ သူတို့မှာ အမာတို့ လင်မယားအတွက် အတော် မျက်နှာငယ်၊ ဂုဏ်ငယ် နေရှာတော့မှာပဲ၊ သနားလိုက်ပါဘိတော့တယ်။ ကျွတ် … ကျွတ် … ကျွတ်“
ဟု သောလုံးထုတ် နေပြန်သည်။
အမာသည် လောကကြီးတစ်ခုလုံးကို လက်ပိုက် ရပ်ကြည့်ကာ သရော်ရယ်မောလေတော့သည်။ ဖိုးတေကား ဆေးလိပ်ကို ခဲလျက် သူ့ဇနီးနှင့် လောကကြီး စစ်ပြိုင်နေပုံကို ရွှင်ပြုံးစွာ စောင့်ကြည့် နေလေသည်။
သူတို့၏ အသက်များမှာ မငယ်ကြတော့ပြီ။ သုံးဆယ်က စွန်းထွက်လာလေပြီ။ ထို့ကြောင့် ဖိုးတေ နှင့် အမာ နှစ်ဦးစလုံးပင် သူတို့၏ ကိုယ်ခန္ဓာမှ နှုတ်ဆက် ထွက်ခွာစပြုနေသော အရွယ် နုနယ် ပျိုမျစ်ခြင်းကို တတ်နိုင်သ၍ ဆိုင်းငံ့အောင် ကြိုးစားကြသည်။ သူတို့သည် ရှေးကထက် ပို၍ အ၀တ် အစားကို ပိုဂရုစိုက် တတ်သည်။ အမာသည် သူ့အရွယ်နှင့် လိုက်အောင် ဆံပင် မမောက်တမောက် ကလေး စသည်တို့ဖြင့် ပြုပြင်လာသည်။
“စိတ်ပျိုကိုယ်နု” ၀ါဒကို လက်သပ်မွေးကာ သူတို့ကိုယ် သူတို့ ပျော်လည်း ပျော်၊ နုလည်း နုအောင် လုပ်နေကြသည်။ အသက် ၄၀ အရွယ်နီးလာပြီ ဖြစ်၍ မက်ဆေး ခြယ်နေကြဟန် တူသည်။
ဖိုးတေနှင့် အမာတို့မှာ ဤသို့ ပျော်ပျော်နေတတ်သလို နေကြသည့်အတွက် မမျှော်လင့်သော စကားများ ကြားရသည်။
“ဖိုးတေ နဲ့ အမာတော့ နှစ်ယောက်စလုံး အလုပ်လုပ်၊ ကလေးကလည်း တစ်ယောက်တည်း သိပ် ပိုက်ဆံတွေ စုမိမှာပဲ။ သူတို့ နေတာ ကြည့်ပါလား“
ဟူ၍ တစ်မျိုး။
“သူတို့ လင်မယား ရာထူးတွေ ဘာတွေ ရအောင် ဘယ်ကြံမလဲ၊ အခု သူတို့နှစ်ယောက်စလုံး လုပ်စာနဲ့ သုံးမှမကုန်ဘဲ” ဟူ၍ တစ်ဖုံ။
“ခင်ဗျားတို့တော့ သိပ်ဟန်ကျနေတာပဲ“
စသဖြင့် သူတို့အား တိုက်ရိုက်လည်း ပြောကြသေးသည်။
ဤကဲ့သို့ အချောင် အထင်ကြီးခံနေရသည်ကို ဖိုးတေက ရယ်သည်။ အမာကား စိတ်တိုမိသည်။
“ရှင်ကတော့ ရယ်နေ၊ အဲဒါက အချောင် ဓားပြရိုက်ခံရမယ့်အပေါက်။ လူတွေ့တိုင်း ဒါမျိုးချည်း အမေးခံ နေရာတာ ရှင် သွားလေရာ သတိနဲ့သာ သွားပေတော့“
ဟု ဒေါနှင့် မောနှင့် အမာက ရယ်ဖွယ်နှောသည့်အခါ နှောလေသည်။
ဖိုးတေတို့ လင်မယားမှာ စေတနာ့ဝန်ထမ်း အလုပ်တွေနှင့် အားရသည် မရှိ။ တဖားဖား နေရသည် ကို အပျော်ကြီး ပျော်နေရသဖြင့် မကောင်းသော စိတ်များအတွက် သူတို့မှာ အချိန်မရှိ။ ဤသို့ နေရ ခြင်း သည်ပင် သူတို့အတွက် ကောင်းမှုကုသိုလ်တစ်ရပ် မဟုတ်ပါလော။
တစ်နေ့လုံး ခြေကုန်လက်ပန်းကျ၍ လာရာမှ ဖိုးတေနှင့် အမာတို့သည် ရေမိုးချိုး အ၀တ်အစားသန့် များ လဲခြင်းဖြင့် စိတ်ရာလူပါ လန်းဆန်းစေပြီးလျှင် သားကလေး အပါနှင့်အတူ တံခါးဝတွင် ထိုင် ကာ လမင်းကြီး ကို ကြည့်ရင်း စကာပြောနေကြသည်။ အပါလေးမှာ စကားများရင်း ဖိုးတေ၏ ပေါင် ကို ခေါင်းအုံးကာ အိပ်ပျော်သွားပြီ။
တစ်နေ့လုံး ဘယ်ရောက်၊ ဘာလုပ်၊ ဘယ်သူနှင့် တွေ့ စသည့် အာလာပသလ္လာပများမှာ စကား အမျှင်မပြတ်နိုင်ဘဲ ရှိစဉ် ကောင်းကင်ယံမှ ကြယ်ကလေးတစ်ခု ကြွေကျသည်ကို မြင်သော ဖိုးတေက
“အမာရေ … ဟောဟိုမှာ မြင်ရဲ့လား၊ လိုတဲ့ဆုကို တောင်းလိုက် မြန်မြန်တောင်းလိုက်” ဟု ပြောလျှင်
အမာသည် စဉ်းစားမနေဘဲ
“ကျွန်မ ယနေ့ ယခု စိတ်ချမ်းသာခြင်းကို တစ်သက်လံး စိတ်ချမ်းသာရာ ရပါစေသတည်း“
ဟု သူတို့လက်ရှိ “လူချမ်းသာ” ဘ၀၏ တည်မြဲမှုကိုသာ ပတ္ထနာပြုလိုက်လေသတည်း။
တိုင်းရင်းသူမဂ္ဂဇင်း၊ အတွဲ–၂၊ အမှတ်–၆၊
(ဘယ်ခုနှစ်က ထုတ်သည်ကို ဖော်ပြမထားပါ)
ဟောသည် ဘလောက်က ကူးယူပါတယ်၊ ကျေးဇူးတင်ပါတယ်။ http://www.shwezinu.com/
(ဓာတ်ပုံ – ခင်မောင်လတ်၊ ခင်မျိုးချစ် မင်္ဂလာဆောင် – ၁၉၄၆။ ဦးခင်မောင်လတ်၊ ဒေါ်ခင်မျိုးချစ်၊ သား (ဒေါက်တာ) ခင်မောင်ဝင်း – ၁၉၅၂၊ ဦးခင်မောင်လတ် ကွယ်လွန်ခြင်း ၁၄ နှစ် ပြည့် အမှတ်တရ ဖော်ပြတာ ဖြစ်ပါတယ် – မိုးမခ)
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
