>1 trishaw equal to 2 motor bikes

>

ဆိုက်ကားတစ်စီး ညီမျှခြင်း ဆိုင်ကယ် နှစ်စီး
ဝင်းမြတ်၊ ရန်ကုန်
ဇွန် ၃၀၊ ၂ဝ၁ဝ ခရီးသည် စောင့်နေသော ဆိုက်ကားဆရာများ (photos: moemaka)


ဆိုက်ကားတစ်စီး တန်ဖိုးဟာ မော်တော်ဆိုင်ကယ်နှစ်စီးရဲ့ တန်ဖိုးနဲ့ ညီမျှတယ် ဆိုရင် အဲဒီနေရာဟာ မြန်မာနိုင်ငံရဲ့ စီးပွားရေးမြို့တော် ရန်ကုန် လို့ပဲ မှတ်ယူလိုက်ပါတော့။ ရန်ကုန်မြို့လယ် မြို့နယ်ခြောက်ခုအတွင်း တရားဝင် လိုင်စင် ချထားပေးတဲ့ ဆိုက်ကားတစ်စီး ဟာ ကျပ် ၁၅ သိန်းနဲ့ ၁၆ သိန်းကြား ရှိနေတာကြောင့်ပါပဲ။

တရုတ်နိုင်ငံလုပ် လော်ဂျာ (LOUJIA) ဆိုင်ကယ် တစ်စီးဟာ ၅ သိန်းခွဲနဲ့ ၆ သိန်း ကြားမှာ အရောင်းအဝယ် ဖြစ်ပြီး လိုင်စင်ဝင်ကြေး အပါအဝင် ရှစ်သိန်းခန့်သာ ရှိပါတယ်။ ဒါပေမယ့် ရန်ကုန်တောင်ပိုင်းခရိုင်နဲ့ မြောက်ပိုင်းခရိုင်အတွင်းမှာ ရှိတဲ့ မြို့နယ်အချို့က လွဲပြီး ဆိုင်ကယ်စီးခွင့် ကန့်သတ်ထားပါတယ်။

ရန်ကုန်မြို့တွင်းမှာ မတ (မြို့တွင်း ရဲ့ အတိုကောက် ဝေါဟာရ) လိုင်စင်အဖြစ် ချထားပေးတဲ့ ဆိုက်ကားတွေကိုလည်း မနက် ငါးနာရီကနေ ည ၁ဝ နာရီအတွင်း ဗိုလ်အောင်ကျော်လမ်းနဲ့ လမ်းမတော်ကြား၊ ကုန်သည်လမ်းနဲ့ ဗိုလ်ချုပ်အောင်ဆန်းလမ်းကြား ဖြတ်သန်း သွားလာခွင့် မပြုပါဘူး။
ဆိုက်ကားတစ်စီးရဲ့ အမှန်တကယ် တန်ကြေးဟာ ၂ သိန်း ဝန်းကျင်သာ ရှိပေမယ့် ၁၅ သိန်း ဝန်းကျင် အထက်ကို ဈေးပေါက်နေတာဟာ အစိုးရက လိုင်စင်ချထားပေးမှုကို ရပ်ဆိုင်းထားတာကြောင့် ဖြစ်တယ်လို့ ဆိုက်ကားဆရာတွေက ပြောပါတယ်။

ရန်ကုန်မြို့တွင်း ဆိုက်ကား လိုင်စင် ချထားပေးမှုကို နှစ်အလိုက် လျှော့ချပြီး တဖြည်းဖြည်းနဲ့ ပပျောက်သည် အထိ ဆောင်ရွက်သွားမယ်လို့ ရန်ကုန်တိုင်း ယာဉ်စည်းကမ်း ထိန်းသိမ်းရေး ကြီးကြပ်မှုကော်မတီက လတ်တလော ကြေညာချက် ထုတ်ပြန်ထားပါတယ်။

ရန်ကုန်မြို့တွင်း ဟိုနားဒီနား ဈေးသွားဈေးပြန်သူတွေဟာ ဆိုက်ကားကိုပဲ အားထားရပါတယ်။ ဆိုက်ကားနဲ့ လေးငါးခြောက်ရာ ကျသင့်မယ့် လမ်းခရီးကို တက္ကစီ ငှားမယ် ဆိုရင် တစ်ထောင်၊ ထောင့်နှစ်ရာ ပေးရမှာဖြစ်တာကြောင့် ဆိုက်ကားငှားတာဟာ တက္ကစီငှားတာထက် တွက်ခြေကိုက်တယ်လို့ ဆိုရပါမယ်။ အထုတ် အပိုးတွေကိုလည်း ဆိုက်ကားဆရာ အများစုက ဝိုင်း ကူတင် ချပေးတာကလည်း တက္ကစီထက် သာတဲ့ အချက်ပါပဲ။

နောက်တစ်ချက်က လူအများစုရဲ့ ဝင်ငွေဟာလည်း တက္ကစီ ငှားစီးနိုင်တဲ့ အခြေအနေကို လက်လှမ်း မမီတာပဲ ဖြစ်ပါတယ်။
ဗိုလ်တထောင်မြို့နယ်အတွင်း နေထိုင်သူ တစ်ဦးက “ညမိုးချုပ်ရင် လိုင်းကား မရှိတော့ဘူး။ တက္ကစီလည်း နေ့တိုင်း ငှားမစီးနိုင်ဘူး။ အဲဒီတော့ စီးစရာ ဆိုက်ကားပဲ ရှိတယ်။ ဆိုင်ကယ် စီးခွင့်ပေးမယ် ဆိုရင်တော့ စရိတ် ကျဉ်းကျဉ်းနဲ့ ခရီးတွင်တာပေါ့” လို့ ပြောပါတယ်။
အစိုးရက တရားဝင် လိုင်စင်ချထားပေးတဲ့ မြို့တွင်း ဆိုက်ကား အရေအတွက်က ၇၃၆ စီး ရှိတယ်လို့ ရန်ကုန်မြို့တော် စည်ပင်သာယာရေး ကော်မတီရဲ့ စာရင်းတွေအရ သိရတယ်။

အစိုးရက လိုင်စင်ချထားပေးမှုကိုသာ ကန့်သတ်နိုင်ပေမယ့် အမှန်တကယ် လူထုရဲ့ လိုအပ်ချက်ကို ဖြည့်ဆည်းပေးနိုင်ခြင်း မရှိပါဘူး။ ရန်ကုန်မြို့တွင်း အမှန်တကယ် ပြေးဆွဲနေတဲ့ ဆိုက်ကား စီးရေပေါင်း သုံးထောင်ကျော် ရှိတယ်လို့ ဆိုက်ကားနင်းသူတွေက ခန့်မှန်းကြပါတယ်။

ရန်ကုန်မြို့တွင်း ဆိုက်ကားနင်းသူ အများစုဟာ သာကေတ၊ ဒလ နဲ့ လှိုင်သာယာဘက်မှာ နေထိုင်တဲ့သူတွေ ဖြစ်ကြပါတယ်။ နယ်မြို့တွေကနေ ရန်ကုန်ကို ရောက်လာပြီး အလုပ်မရှိခင်စပ်ကြားမှာ ဆိုက်ကားနင်း အသက်မွေးတဲ့သူ အချို့လည်း တွေ့နိုင်ပါတယ်။ အသက်မွေး ဝမ်းကျောင်းဖို့ ခက်ခဲတဲ့ ရန်ကုန်မြို့မှာ ဆိုက်ကား နင်းတာဟာလည်း ဝင်ငွေ အသင့်အတင့် ရနိုင်တဲ့ အလုပ်အကိုင် တစ်ခု ဖြစ်ပါတယ်။

အင်ဘီး၊ ပွားဘီး လို့ ခေါ်တဲ့ လိုင်စင်မဲ့ ဆိုက်ကားစီးရေဟာ တစ်နေ့တစ်ခြား တိုးတိုးလာတယ်လို့ ရန်ကုန်မြို့တွင်းမှာ ဆိုက်ကား ထောင်ထားတဲ့ အုံနာတွေက ဆိုပါတယ်။ ဒီအချက်ဟာလည်း လိုင်စင်ဘီးတွေ ဈေးမြင့်တက်စေတဲ့ အချက်ပါပဲ။

ပုဇွန်တောင်မြို့နယ် အတွင်း နေထိုင်တဲ့ ဆိုက်ကားအုံနာ တစ်ဦးက “အင်ဘီးငှားလည်း ဒီအုံနာကြေးပဲ။ လိုင်စင်ဘီးလဲ ဒီအုံနာကြေးပဲ။ စပေါ်ငွေပဲ ကွာတယ်။ ဆိုက်ကား တစ်စီးကို နင်းလို့ရရုံ အဖြစ်ဆင်မယ် ဆိုရင် ငါးသောင်းလောက်နဲ့ ရတယ်” လို့ ဆိုက်ကားဈေးကွက်အခြေအနေကို သုံးသပ်ပြပါတယ်။

ဆိုက်ကားတစ်စီးရဲ့ အုံနာကြေးဟာ နေ့လယ် ကျပ် ၇ဝဝ နဲ့ ညဘက် ကျပ် ၅ဝဝ ဖြစ်ပါတယ်။ စပေါ်ငွေကတော့ လိုင်စင်ဘီးနဲ့ အင်ဘီး ဆယ်ဆ ကွာခြားပါတယ်။ အင်ဘီး တစ်ဘီးကို စပေါ်ငွေ သုံးသောင်းကျပ်သာ ပေးရပေမယ့် လိုင်စင်ဘီး တစ်ဘီးကို အနည်းဆုံး ကျပ် သုံးသိန်းပေးရပါတယ်။

ပုဇွန်တောင်မြို့နယ် အတွင်းမှာ လိုင်စင်ဘီး ၁ဝ ဘီး ဝန်းကျင်ခန့်သာ ရှိပေမယ့် အစီး ၄ဝ လောက် ပွားထားတဲ့ ဆိုက်ကားအုံနာလည်း ရှိပါတယ်။

ရန်ကုန်မြို့က ဆိုက်ကားတွေကို စည်းကမ်း ထိန်းသိမ်းတဲ့ အဖွဲ့ ၂ဖွဲ့ ရှိပါတယ်။ တစ်ဖွဲ့က ယာဉ်ထိန်းရဲ နဲ့ ကျန် တစ်ဖွဲ့က စည်ပင် ဖြစ်ပါတယ်။

ယာဉ်ထိန်းရဲက ယာဉ်ကြောမှားတဲ့ ဆိုက်ကားတွေကို ဒဏ်တပ် အရေးယူပါတယ်။ လိုင်စင်ရှိ မရှိကို အဓိက မထားပါဘူး။ ယာဉ်ကြော မှားနင်းခဲ့ရင် ဒဏ်ငွေ တစ်သောင်းလေးရာကျပ် ပေးဆောင်ရပါတယ်။ စည်ပင်ကတော့ ယာဉ်ကြောမှားတာထက် လိုင်စင်ကို အဓိကထား စစ်ဆေးတတ်ပါတယ်။ လိုင်စင်မဲ့ ဆိုက်ကားတွေကို နိုင်ငံတော်ပိုင် အဖြစ် သိမ်းယူပါတယ်။
ရဲဖမ်းရင်တော့ ဒဏ်ငွေဆောင်ရင် ဆိုက်ကား ပြန်ရနိုင်သေးပေမယ့် စည်ပင် ဖမ်းရင်တော့ ဆိုက်ကား တစ်စီးလုံး ပြန်ရဖို့ လမ်း မရှိတော့ပါဘူး။

“ရဲထက် စည်ပင်ကို ကျွန်တော်တို့ ပိုကြောက်တယ်” လို့ အင်ဘီးနင်းတဲ့ ဆိုက်ကားဆရာတွေက ပြောကြတယ်။

အဖမ်းအဆီးနဲ့ အကန့်အသတ်တွေ များပေမယ့် ဆိုက်ကားဈေးနှုန်းတွေကတော့ အခုချိန်ထိ ကျဖို့ လမ်းမမြင်ဘူး လို့ ဆိုက်ကားဆရာတွေက ဆိုကြပါတယ်။

တစ်ကယ်လို့သာ ရန်ကုန်မြို့တွင်း ဆိုက်ကား သွားလာခွင့်ကို ပိတ်ပင်ခဲ့မယ် ဆိုရင်တော့ “ဗီစီဒီ ခိုးကူးခွေတွေသာ လမ်းဘေးမှာ ထိုင်ရောင်းတော့မယ်။ အပြာကားပဲ ဖြစ်ဖြစ် အဝါကားပဲ ဖြစ်ဖြစ် မရှက်မကြောက် ထိုင်ရောင်းတော့မယ်” လို့ အသက် ၇၃ နှစ်အရွယ်၊ ဆိုက်ကားနင်းသက် နှစ် ၃ဝ ကျော်ရှိ ဆိုက်ကားဆရာတစ်ဦးက ညည်းတွားလိုက်ပါတယ်။

ဘယ်လိုပဲဖြစ်ဖြစ် ဆိုက်ကားတစ်စီး တန်ဖိုးဟာ မော်တော်ဆိုင်ကယ် နှစ်စီးရဲ့တန်ဖိုးနဲ့ ညီမျှတယ် ဆိုရင် အဲဒီနေရာဟာ မြို့တော်ရန်ကုန် လို့ပဲ မှတ်ယူလိုက်ပါတော့။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Similar Posts