>
Vuvuzela Blower – အာဖရိကထရမ်းပက်နှင့် မြန်မာ့နှဲကြီးများ
ဒေါက်တာမောင်ဘချစ်
ဇွန်၂၅၊၂၀၁၀
အာဖရိကနှဲဟု ပြောနိုင်သည့် Vuvuzela blower ထရမ်းပက်အကြောင်း အများက စိတ်ဝင်စားနေသည့် ကာလမှာ ဆရာရန်ဝင်း(တောင်တံခါး)၏ မြန်မာ့နှဲအကြောင်း ဖတ်ရတော့ ဝမ်းသာလှသည်။ မျိုးချစ်စိတ်တွေ ဝေဝေဆာဆာနှင့် ရေးထားသည့် မြန်မာ့နှဲအကြောင်းပါ။ နှဲသည် ယနေ့ဧည့်ခန်းတွင် လှလှပပ ချိတ်ဆွဲထားကြရုံသာမက ဇာတ်ပွဲများ အရပ်များတွင် သုံးနေဆဲ ဖြစ်သည်။ သားစိုး၏ ရောသမမွှေတွင် နတ်သံနှောသည့် နှဲသံ မြိုင်မြိုင် ကြားနေရသေးသည်။
သို့သော် နှဲတွေကို ကက်ဆီယို(Casio) က အနိုင်ယူသွားသည်ကို တွေ့ခဲ့ရသည်။ ခြောက်လက်မသာသာသာရှိသော ကက်ဆီယို အီလက်ထရွန်နစ် အော်ဂင်များ မြန်မာပြည်ကို ရောက်လာသော အခါ နှဲ၏ နေရာ ပျောက်ဆုံးသွားသည်။ ကျေးရွာများတွင်ပင် နှဲဆရာ၊ ပုလွေဆရာ ရှားနေသည်။ နှဲအစား ကက်ဆီယိုကို အစားထိုး သုံးသည်ကို အကြိမ်ကြိမ် မြင်ခဲ့ပါသည်။
ခေတ်သည် ဤသို့ပင် ပြောင်းသည်။
အသံပြာပြာ အသံစာစာနှင့် ဝင်လာသော ကက်ဆီယို၏ မနှဲလေး (ကလေးနတ်) သံ ကို မျိုးဆက်ဟောင်းများက စိတ်မချမ်းမသာ လက်ခံခဲ့ရသည်။ နောက်ဆယ်စုနှစ် (၅) စု လောက်တွင် မြန်မာ့နှဲများကို ပြတိုက်တွင်သာ တွေ့ရတော့မည်ဟု ယူဆမိသည်။
ယနေ့ မြန်မာ့နှဲလို ရိုးရာဂီတကို မြတ်နိုးသော တောင်အာဖရိကတို့သည် သူတို့ရဲ့နှဲဟု ပြောနိုင်သည့် Vuvuzela blower ထရမ်းပက်ကို အတော်လေး ဆွေးနွေးနေကြသည်။ အကြောင်းကတော့ Vuvuzela blower ထရမ်းပက်ကို တောင်အာဖရိက ကမ္ဘာ့ဖလားတွင် အတော်များများ တွေ့နေရသောကြောင့် ဖြစ်သည်။
ကမ္ဘာ့ဖလား ဘောလုံးပွဲ လာကြည့်သူ တောင်အာဖရိက ပြည်သူများသည် ”တဂေါ်ဂေါ် တဂွီဂွီ”နှင့် ပွဲစဉ်တစ်လျှောက်လုံး သူတို့ရိုးရာ နှဲပညာကို အစွမ်းပြတော့သည်။ ဘောလုံးပွဲ စသည်နှင့် ထို Vuvuzela blower ထရမ်းပက်ကို ပွဲကြည့်သူများ မှုတ်ကြသည်။ ဒိုင်၏ ဝီစီသံကို ကြားရ အလွန်ခက်သည်။ ကမ္ဘာ့ဖလားပွဲ ကြည့်နေရင်းက မောင်ဘချစ်သည် ဆရာကုသ၏ ဝဇီကိုင် ၀တ္ထုကို သတိရမိသည်။ သူ၏ ဝတ္ထုအကျဉ်းသည် အောက်ပါအတိုင်း ဖြစ်သည်။
ကိုလိုနီခေတ်က ကော့ကပုံ ဟူသော ရွာလေးတွင် ဘောလုံး ကစားကြသည်။ ဒိုင်လူကြီး ရောက်လာတော့ ဝီစီ မပါခဲ့ပါ။ ထိုကြောင့် သူကြီးက စီစဉ်သည်။ သစ်ပင်တွင် ခွေးပိန်မကို ချီထားလိုက်သည်။ ဒိုင်လူကြီး အချက်ပြလိုက်လျှင် သူကြီး တပည့် ဖြစ်သူ အောင်ဘုက ခွေးပိန်မကို တုတ်ဖြင့် ရိုက်ရသည်။ ထိုအခါ ခွေးပိန်မက ဂိန် ကနဲ အော်သည်။ ဂိန်ဟူသောအသံသည် ဝီစီသံ ပင် ဖြစ်လေသည်။
ပြစ်ဒဏ်အတွက် ပိန္နဲသီး (Penalty) ပေးသည်ဟု ကုသက ဆိုသည်။ ပြစ်ဒဏ် အပေးခံရသော ဘောအသင်း၏ ဂိုးမှ ပိန္နဲသီး ၁၁ လုံးအကွာမှ တစ်ဖက်အသင်းက ပြစ်ဒဏ်ဘောကို ကန်ရပါသည်။
နောက်ဆုံး ခွေးပိန်မက သူ့ကို တုတ်ဖြင့် ရိုက်သော အောင်ဘု၏ ခြေသလုံးကို ကိုက်သည်နှင့် ဝတ္ထုကို အဆုံး သတ်ထားသည်။
မောင်ဘချစ်တို့ ပရိသတ်သည် တဂွီဂွီ တဂေါ်ဂေါ် ထရမ်းပက်သံကို အတော်လေး အောင့်အည်း သည်းခံကာ ကမ္ဘာ့ဖလားကို ကြည့်ရသည်။ “စိတ်ဆင်းရဲရင်လည်းတော် … အသံ ပိတ်ထားလိုက်ပါလား …” ဟု ဇနီးက ပြောသော်လည်း မပိတ်နိုင်ခဲ့ပါ။
ဘောလုံးပွဲတွင် အသံက အဓိက ကျသည်။ မြန်မာ့ဘောလုံးပွဲများတွင် ဦးလှဝင်း ပြောပါမှ ပြည့်စုံသည် မဟုတ်လား။ မောင်ဘချစ်တို့က တိုင်းနဲ့ ပြည်နယ်ပွဲများတွင် ဦးလှဝင်းက မှတ်ချက်ပေးသည်ကို သဘောကျသည်။ ”မကွေးတိုင်းနှင့် ပဲခူးတိုင်း” တို့ ကန်သည့်အခါ သူ့ခမျာ အပြောရခက်သည်။
”မဂိုးပါဘူး ခင်ဗျာ။ ပဂိုးက ကန်လိုက်ပေမဲ့ မကိုးဂွေးသမားက အင်မတန် ကောင်းတာကို၊ မကိုးဂွေးသမား ဖမ်းလိုက်ပါတယ်ခင်ဗျာ … ” တဲ့။
ထိုသို့ စိုပြေသော ဘောလုံးပွဲများကို ပြောနိုင်သော Commentator တွေကို မောင်ဘချစ်တို့က မမေ့နိုင်။ ယခုလည်း ဘောသံကိုသာ ကြားလိုသည်။ Commentator ပြောတာကိုသာ ကြားလိုသည်။ ထရမ်းပက်သံ လွှမ်းနေသော တောင်အာဖရိက ကမ္ဘာဖလားဘောပွဲကို ဘောသမားများက ကန့်ကွက်သည်။ ဒိုင်လူကြီးများကလည်း ကန့်ကွက်သည်။
သို့သော် ဒါကြီးက ရိုးရာ ဖြစ်နေသည်။
အကောင်ဆုံးနည်းကို အကြံပေးကြသည်။
”ဘောကွင်းထဲ အဝင် ထရမ်းပက်များကို ချခဲ့ခိုင်းသင့်တယ်” ဟု အကြံပေးကြသည်။
ထိုကြောင့် ပွဲကြည့် ပရိတ်သတ်များ၏ အသံကို နားထောင်ကြသည်။
”ဘယ်လိုမှ ထားပစ်ခဲ့လို့ မရဘူး။ လူတစ်ယောက်ဟာ စစ်ပွဲဝင်တဲ့အခါ သူရဲ့လက်နက်၊ သေနတ်၊ လေးမြားကို ယူဆောင်သွားမှ ပြည့်စုံတယ်။ ဘာလက်နက်မှ မပါဘဲ တိုက်ပွဲဝင်လို့ မရဘူး။ ဒီအတိုင်းပဲ … ကျုပ်တို့ အာဖရိက တိုင်းရင်းသားတွေဟာ ထရမ်းပက် မပါဘဲ တိုက်ပွဲဝင်လို့ မရရပါဘူး … အဲလေ … ဘောလုံးပွဲသွားလို့ မရဘူး”
ဟု တိုင်းရင်းသား ခေါင်းဆောင် တဦးက ပြောဆိုသည်။
သို့ဖြစ်၍ ဖီဖာ ( Fifa) အဖွဲ့ချုပ်သည် အာဖရိကတိုက်သားများ လက်နက်ကိုင် တိုက်ပွဲဝင်ခွင့် ပြုခဲ့ရသည်။
ထိုအတွက် အကျိုးရှိသွားသည်မှာ Vuvuzela ထရမ်းပက်ကို ထုတ်လုပ်ပေးသော တရုတ်ကုမ္ပဏီများ ဖြစ်သည်။ တရုတ်ကုမ္ပဏီသည် Vuvuzela ထရမ်းပက် သန်းပေါင်းများစွာကို အများ လူထု နားမချမ်းသာစေရန် ဈေး သက်သက်သာသာဖြင့် အာဖရိကကို ပို့သည်။ အာဖရိက ကမ္ဘာဖလားပွဲအပြီးတွင် နားတွင် ဂွမ်းဆို့ရန်(Ear Plug) နှင့် နားကြပ် (Hearing Aid) တို့ကိုလည်း ဆက်လက် ရောင်းချသွားရန် စီစဉ်နေကြောင်း အတည် မပြုရသေးသော သတင်းရပ်ကွက်က ကြားသိရသည်။
တဆက်တည်းမှာ ကမ္ဘာ့ပတ်ဝန်းကျင် ထိန်းသိမ်းရေးအဖွဲ့က အဆိုပါ တရုတ်လုပ် Vuvuzela ထရမ်းပက်များတွင် အသုံးပြုသော ဓာတုဗေဒ ပစ္စည်းများကို စစ်ဆေးရန် ကြံစည်နေသည်။ တရုတ်တို့သည် ကလေးကစားစရာကိုပင် ခဲဆိပ်တွေ ပါသော ဆေးဖြင့် ပက်ပက်စက်စက် သုံးစွဲခဲ့သည်။ (မဟုတ်တရုတ်လုပ်မှာကို စိုးရိမ်နေကြခြင်းသာ ဖြစ်သည်)
မောင်ဘချစ်သည် ကမ္ဘာ့ဖလား များစွာကို ကြည့်ဖူးပါသည်။ ယခုနှစ်လောက် အသံတွေ ဝေဝေဆာဆာကို မကြားဖူးသေးပါ။ ကမ္ဘာ့ဖလားပွဲသည် တောင်အာဖရိကတွင် ထရမ်းပက်သံ ဝေဆာသည်ကို အားကျမိသည်။
မြန်မာ့နှဲသံ ဝေဝေဆာဆာနှင့် ကမ္ဘာ့ဖလားပွဲ မြန်မာတွင် ကျင်းပနိုင်က ကောင်းလေစွ။
သို့သော် ကမ္ဘာ့ဖလားပွဲကို မြန်မာတွင် ကျင်းပရန် အချိန် အတန်ကြာနိုင်ပါသည်။
ကမ္ဘာ့ဖလားပွဲ မရှိသေးသော်လည်း ရွေးကောက်ပွဲကတော့ မဝေးတော့ပါ။ နှဲသံ ဝေဝေ ဆာဆာ ကြားဖို့အတွက် မြန်မာ့ ရွေးကောက်ပွဲတွင် နှဲများကို အသုံးပြုရန် အကြံပြုလိုပါသည်။
ဗိုလ်ချုပ်တိုင်း နှဲ သို့မဟုတ် ပုလွေမှုတ်ကာ ရိုးရာတေးသံဖြင့် “ရွေးကောက်ပွဲ” ကို ဆင်နွှဲကြရင် မကောင်းပေဘူးလား ဟူ၍။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
