>
ဆုပေးပွဲကို မဂ္ဂဇင်း၊ ဂျာနယ် အသီးသီးက အယ်ဒီတာများ၊ သတင်းထောက်များ၊ စာရေးဆရာများ၊ အနုပညာရှင်များနဲ့ သက်ဆိုင်ရာက အာဏာပိုင် အဖွဲ့အစည်းများမှ ပုဂ္ဂိုလ်များ တက်ရောက်ခဲ့ကြပါတယ်။ အခမ်းအနား တက်ရောက်လာကြသူတိုင်းကို ဦ၀င်းငြိမ်းစီစဉ်တဲ့ အနှစ် ၂၀၀၉ – စတုတ္ထ အကြိမ်မြောက် ရွှေအမြုတေ စာပေဆုပေးပွဲ မှတ်တမ်းစာအုပ် လက်ဆောင် အဖြစ် ပေးပါတယ်။
အခမ်းအနားကို ခေမီကို အကအဖွဲ့ရဲ့ ကပြတင်ဆက်မှုတွေနဲ့ စတင်ဖွင့်လှစ်ပြီး အခမ်းအနားမှူးအဖြစ် စာရေးဆရာ အောင်သိန်းကျော် (ဆူဒိုနင်)က ဆောင်ရွက်ပါတယ်။ ဆုပေးပွဲကို ရွှေအမြုတေမဂ္ဂဇင်း အယ်ဒီတာချုပ် ဆရာဦးဝင်းငြိမ်းရဲ့ ၆၄ နှစ် မြောက် မွေးနေ့မှာ ကျင်းပတာလည်း ဖြစ်ပါတယ်။
အခုလို ၅ ကြိမ်မြောက် ဆုပေးပွဲ ကျင်းပနိုင်ဖို့ မသေချာတော့တဲ့ အခြေအနေကို ယခင် ၄ ကြိမ်မြောက် စာပေဆုပေးပွဲမှာ ဥိးဝင်းငြိမ်းက အောက်ပါအတိုင်း ပြောခဲ့ဖူးပါတယ်။
ဒီနှစ်အခမ်းအနား ကျင်းပဖို့အတွက် သက်ဆိုင်ရာကို တင်ပြတဲ့အခါမှာ ခွင့်ပြုခဲ့တဲ့အတွက် ပဉ္စမအကြိမ်မြောက် စာပေဆုပေးပွဲကို ကျင်းပဖြစ်တဲ့ အကြောင်း ဦးဝင်းငြိမ်းရဲ့ အဖွင့်ကျေးဇူးတင်စကားမှာ ပြောကြားသွားခဲ့ပါတယ်။
ဒီနှစ် ရွှေအမြုတေ စာပေဆုပေးပွဲမှာ ကဗျာ၊ ၀တ္ထုတို၊ မျိုးဆက်သစ်ဝတ္ထုတို၊ အက်ဆေး (ရသစာတမ်း)၊ ဆောင်းပါး၊ ၀တ္ထုရှည် ဆု ဆိုပြီး စာပေဆု ၆ မျိုး ပေးအပ်ခဲ့ပါတယ်။ အခန်းဆက် ၀တ္ထုရှည်ဆု ချီးမြှင့်တာကို မတွေ့ရပါဘူး။
ကဗျာ စာပေဆု ကို ၂၀၁၀ ဖေဖော်ဝါရီထုတ်၊ ပိတောက်ပွင့်သစ်မဂ္ဂဇင်းက မောင်လင်းရိပ် ရဲ့ နွေဦးကို နွေဦးနဲ့ နွေဦးမှာ နွေဦးသာ … ဆိုတဲ့ ကဗျာက ရရှိခဲ့ပါတယ်။ ကဗျာဆရာအောင်ဇင်မင်းက ဆုပေးအပ်ပါတယ်။ ဆုက ကျပ် ၅ သိန်း ၅ သောင်း ဖြစ်ပါတယ်။
ဝတ္ထုတို ဆုကို ၂၀၀၉ သြဂုတ်လထုတ် ရွှေအမြုတေမဂ္ဂဇင်းက လဲ့ဝင်းကြည်ချိုရဲ့ “ကြာတောမှာ ဗေဒါ …” ဆိုတဲ့ ၀တ္ထုတိုက ရရှိခဲ့ပါတယ်။ စာရေးဆရာမင်းလူက ဆုပေးအပ်ပါတယ်။ ဆုငွေက ကျပ် ၇ သိန်း ငါးသောင်း ဖြစ်ပါတယ်။
အက်ဆေး (ရသစာတမ်း) ဆုကို ၂၀၁၀ ဖေဖော်ဝါရီ စတိုင်သစ်မဂ္ဂဇင်းက နောင်ကျော်ရဲ့ “ကျနော်နှင့် အလှူခံများ …” က ရရှိပါတယ်။ ပြန်ကြားရေးမှ တက္ကသိုလ်တင်ခ က ဆုချီးမြှင့်ပါတယ်။ ဆုငွေ ကျပ် ၅ သိန်း ၅ သောင်း ရရှိပါတယ်။
မျိုးဆက်သစ် စာပေဆုကို ၂၀၀၉ အောက်တိုတာ ရွှေ့အမြုတေက ငွေကြယ်စင်ရဲ့ “ဆန်သူခိုး” ၀တ္ထုတိုက ရရှိခဲ့ပါတယ်။ ဦးဝင်းငြိမ်းက ဆုချီးမြှင့်ခဲ့ပါတယ်။ ဆုငွေက ကျပ် ၇ သိန်း ဖြစ်ပါတယ်။
ဆောင်းပါးဆုကို ၂၀၀၉ နိုဝင်ဘာ ရနံ့သစ် မဂ္ဂဇင်းက ငြိမ်းသစ်ရဲ့ “ပုံနှိပ်ကြေးရုပ်များ” က ရရှိပါတယ်။ စာရေးဆရာ ဇော်ဝင်းကိုက ဆုပေးအပ်ပါတယ်။ ဆုငွေက ကျပ် ၆ သိန်း ဖြစ်ပါတယ်။
ဝတ္ထုရှည်ဆုကို ၂၀၁၀ ရွှေအမြုတေမှာ ဖော်ပြခဲ့တဲ့ သင်းရီ ရဲ့ “အပေါင်းသည်၎င်း၊ အနုတ်သည်၎င်း” ၀တ္ထုရှည်က ရရှိခဲ့ပါတယ်။ စာရေးဆရာမ ခင်ခင်ထူးက ဆုပေးအပ်ခဲ့ပြီး ဆုငွေကတော့ ကျပ် ၆ သိန်း ဖြစ်ပါတယ်။
ကံစမ်းမဲ အစီအစဉ်များ ဆက်လက် ကျင်းပပြီး အခမ်းအနားကို ည ၉ နာရီ ခွဲမှာ အောင်မြင်စွာ ကျင်းပပြီးစီး ခဲ့ပါတယ်။