>
ကျနော်တို့ဘဝမှာ ပုံပြင်မရှိပါ
အောင်ဒင်
မတ် ၁၆၊ ၂၀၁၀
၁။
ကောင်းကင်ပြာကြီးထဲ
စီးမျောနေတဲ့ မြစ်တွေရှိကြောင်း
ကျနော် မသိခဲ့ဖူး ဖေဖေ၊
ခါးကုန်းကုန်း
သက်တံ့ကြီး ရဲ့ အဆုံးမှာ
ရတနာသိုက်တွေရှိတာလည်း
ကျနော် မသိခဲ့ရ၊
ရွှေယုန် နဲ့ ရွှေကျား
သက်ကယ်ရိပ်သွားကြတာ
ယုန် နဲ့ လိပ်အပြေးပြိုင်ကြတာလည်း
ကျနော် မသိခဲ့ရ၊
သခွတ်ပန်းတွေ ပွင့်တိုင်း
သိကြား နဲ့ အသူရာ
ရန်ဖြစ်ကြ၊ စစ်တိုက်ကြတာလည်း
ကျနော် မသိခဲ့ရ၊
ဘာကြောင့်များ
အဲဒီလို ချစ်စရာကောင်းတဲ့ ပုံပြင်တွေ
ကျနော့ကို မပြောခဲ့တာလည်း ဖေဖေ၊
၂။
ကျနော် အမြဲနားထောင်ခဲ့ရတာက
နယ်ချဲ့တော်လှန်ရေး
ဖက်ဆစ်တော်လှန်ရေး
ပထမ လွတ်လပ်ရေးတိုက်ပွဲ
လယ်သမား သူပုန် နဲ့ ရေနံမြေ သပိတ်
ပထမ လွတ်လပ်ရေးတိုက်ပွဲ
လယ်သမား သူပုန် နဲ့ ရေနံမြေ သပိတ်
ဆရာစံ နဲ့ သခင်ဘိုးလှကြီး
ကိုဗဟိန်း နဲ့ ဗိုလ်အောင်ကျော်
ကိုအောင်ဆန်း၊ ကျောင်းသားသပိတ်နဲ့
သမဂ္ဂ ရဲ့ ခွပ်ဒေါင်းအလံတော်၊
ပြီးတော့
ပြည်တွင်းစစ် နဲ့ ငြိမ်းချမ်းရေး
စစ်ရာဇဝတ်ကောင်တွေ ရဲ့ အကြမ်းဖက်တေး
ဆုံးရှုံးခဲ့ရတဲ့ လူ့အခွင့်အရေး၊
မသေခင်
ငြိမ်းချမ်းရေးကို မြင်ချင်ကြောင်း တမ်းတခဲ့တဲ့
အဘိုး သခင်ကိုယ်တော်မှိုင်း
မြစ်ရိုင်းရိုင်းမှာ စီးတဲ့ရေ
သမိုင်းတွေဟာ ပုံပြင်မဟုတ်ဖူး၊
၃၊
ကျနော့သမီးလေး က
ကျနော့ကို ပုံပြောခိုင်းနေပြီ ဖေဖေ၊
မနှင်းဖြူ နဲ့ လူပုကလေး ခွန်နှစ်ယောက် အကြောင်း
ကျနော် မသိလို့ မပြောပြတော့ပါဖူး
အံ့ဘွယ်ကမ္ဘာထဲက အဲလစ်စ် အကြောင်းလည်း
ကျနော် မသိလို့ မပြောပြတော့ပါဖူး၊
ကျနော်သူ့ကို ပြောပြမှာကလေ
တစ်ထောင့်ကိုးရာ့ရှစ်ဆယ့်ရှစ် ရဲ့
အာဏာရှင်ဆန့်ကျင်ရေး လှုပ်ရှားမှုကြီးအကြောင်း
စာသင်ကျောင်းထဲက သွေးစွန်းနေတဲ့ ခေါင်းလောင်းသံ
မောင်းပြန်သေနတ်ကို ရင်ဆိုင်တဲ့ ဒေါင်းအလံများ အကြောင်း
အကျဉ်းထောင်ထဲက တက်ခေါက်သံတွေ
ငရဲခန်းထဲက ပြည်သူတွေ
သွေးဆာနေတဲ့ လူသတ်ကောင်တွေ
ဒုတိယလွတ်လပ်ရေးတိုက်ပွဲကြီးရဲ့ သူရဲကောင်းတွေ အကြောင်း၊
ပြီးတော့
သမိုင်းဆိုတာ
ပုံပြင်လို မချိုမြိန်လှတဲ့ အကြောင်း၊
ပုံပြင်လို မချိုမြိန်လှတဲ့ အကြောင်း၊
၎၊
ဖေဖေ ရယ်
ကျနော် ပုံပြင်တွေ မပြောပြတတ်တာ
သမီးလေး နားလည်မှာပါနော်၊၊၊
မတ် ၁၆၊ ၂၀၁၀
(ပန်းချီ ထိန်လင်း, Bloodbath, Acrylic on Canvas, 60X45, 2006)
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
