>
မိ်ုးမခမိတ်ဆွေများ၏ အဆိုအရ ဆန်ဖရန်စစ္စကိုတက္ကသိုလ်၊ ဘာကလေတက္ကသိုလ်က ကျောင်းသားများနှင့် ဆရာများသမဂ္ဂတို့က လမ်းများကို ပိတ်ဆို့ပြီး ဆန္ဒပြနေသည်ကို တွေ့ရသည်။ ဆန္ဒပြသူ ထောင်ဂဏန်းရှိပြီး ကျောင်းများ၊ လမ်းမများနှင့် အစိုးရရုံးများရှေ့တွင် စုဝေး ဆန္ဒပြလျက်ရှိရာ၊ ရဲများက လုံခြုံရေးအတွက် စောင့်ကြပ်ပေးနေသည်။ မြန်မာပြည်က စစ်အစိုးရကဲ့သို့ လက်နက်ဖြင့် အကြမ်းဖက်နှိမ်နှင်းခြင်း၊ သတ်ဖြတ်ခြင်း ကျုးလွန်ရန်မဟုတ်ဘဲ လမ်းသွားလမ်းလာနှင့် ဆန္ဒပြသူများအတွက် လုံခြုံရေးနှင့် ထိခိုက်မှု၊ မတော်တဆမှုများကို ကာကွယ်စောင့်ရှောက်ရန် အဓိက ဆောင်ရွက်နေခြင်း ဖြစ်သည်ဟု ဆိုသည်။
“ယမန်နှစ်က ကျောင်းလခကို ၂၅ % ကနေ ၃၅ % ကျော် တိုးတယ်။ ဒီနှစ်လည်း ဆက်တိုးတယ်။ ကျောင်းသားတွေအတွက် ပညာသင်ထောက်ပံ့ကြေးတွေ ဖြတ်တယ်။ အခမဲ့ကျောင်းတွေကို လျော့ချလိုက်တယ်။ ဆရာ ဆရာမနဲ့ ပညာရေးဝန်ထမ်း ၂ သောင်းကျော်ကို အလုပ်ဖြုတ်ဦးမယ်လို့ ပြောတယ်။ ပြည်နယ်က လိုငွေ ဘီလျံ ၂၀ ပြနေတယ်။ အခြားမှာတော့ အခွန်တွေ တိုးတယ်၊ စာရိတ်တွေ၊ ကားခတွေကို တိုးတောင်းတယ်။ နိုင်ငံရဲ့ ဘဏ္ဍာရေးမှာ ဝေစု အနည်းဆုံးထဲပါတဲ့ ပညာရေးဘတ်ဂျက်ကို ကျတော့ အမြဲတန်း လျော့တယ်၊ ဖြတ်တောက်တယ်။ ဒါကို ကျောင်းသားတွေ၊ မိဘတွေ၊ ဆရာတွေက ကန့်ကွက်ဆန္ဒပြတာ ဖြစ်တယ်” လို့ သပိတ်မှောက်ကျောင်းသားတဦးက မိုးမခသို့ ပြောကြားသည်။
“ကျနော်ကတော့ သူတို့ကိုယ်စား ၀မ်းသာပါတယ်။ သူတို့တတွေ အကြောက်အရွံ့မဲ့စွာနဲ့ လမ်းပေါ်မှာ ကြွေးကြော်နေကြတယ်။ ကျနော်တို့အတွက်တော့ ကျနော် ၀မ်းနည်းမိတယ်။ ကျနော်တို့တတွေဟာ ကျနော်တို့တိုင်းပြည်မှာ သွေးတွေ၊ ချွေးတွေ၊ မျက်ရည်တွေ ခင်းပြီး စွန့်စားပြီး ဆန္ဒပြကြရတာ ဖြစ်တယ်။ အဲသည်အတွက် အစိုးရက နှိမ်နှင်း ပိတ်ဆို့ အမှောင်ချခံရတယ်။ ဒီမှာကတော့ အားလုံးက အတားအဆီး အပိတ်အဆို့ မရှိဘူး။ အစိုးရဟာ လက်ပိုက်ကြည့်နေရတာ။ ဥပဒေဘောင်အတွင်းက ဖြေရှင်းကြရတာ” ဟု မြန်မာပြည်က ကျောင်းသားတဦးဖြစ်ခဲ့သူ ကိုပြုံးက မှတ်ချက်ပေးသည်။