>
အမေရိကား၌ အိမ်နောက်ဖေးဈေးဆိုင်တည်ခြင်း
ခက်မာ
ဇန်န၀ါရီ ၁၉၊ ၂၀၁၀
၂၀၀၉ ခုနှစ် မတ်လ ဒုတိယပါတ်ထဲမှာ ကျွန်မ အမေရိကားကို ဒုတိယအကြိမ်ရောက်ခဲ့ပါတယ်။ ဒီတကြိမ်မှာတော့ မိသားစုပါ ခေါ်ခွင့်ရှိတာမို့ ကျွန်မတို့တွေ မိသားစုလိုက်ကြီး အမေရိကားကို ချီတက်ခဲ့ကြပါတယ်။
ကျွန်မတို့ရောက်လာတဲ့အချိန်က အမေရိကားရဲ့ နွေဦးမို့အင်မတန်လှပပြီး စိတ်ကြည်နူးဖွယ်ကောင်းလှပါတယ်။ မတ်လဆိုတာ မြန်မာပြည်မှာ အတော့်ကိုပူနေပါပြီ။ လေယာဉ်ပေါ်ကအချိန်ရော၊ လေယာဉ်ပြောင်းဖို့စောင့်ရတဲ့အချိန်ရော စုစုပေါင်းနာရီ ၄၀ လောက်အကြာ မနက် စောစော ၆ နာရီလောက် ပစ်စဘာဂ်လေယာဉ်ကွင်းကိုရောက်တော့ ချမ်းလိုက်တာခိုက်ခိုက်တုန်လို့။ အလွန်ပူရာကနေ ဝုန်းကနဲ မကြုံဖူး အောင်အေးသွားတော့ ကျွန်မသားတွေက အလာဂျီတွေဖြစ်ကြ။ နှာခေါင်းထဲ ပါးစပ်ထဲက သွေးတွေထွက်ကြပေါ့။ ဒါပေမယ့် နောက်ထပ် တပတ်ကျော်ကျော် နှစ်ပတ်လောက်အကြာမှာတော့ တဖြည်းဖြည်းချင်း အအေးလျော့လာသလို မြင်ကွင်းတွေကလည်း ပြောင်းလာပါတော့တယ်။
ရိုးတံပြိုင်းပြိုင်းသစ်ပင်၊ သစ်ကိုင်းခြောက်တွေထဲကနေ ပုရစ်နုလေးတွေ ထိုးထွက်လာကြတယ်။ တချို့အပင်တွေဆို အကိုင်းခြောက် တွေအထဲက စထွက်လာတာကိုက အဖူးတွေ။ နောက်တပတ်လောက်အကြာ အဲဒီပန်းဖူးတွေက အရွက်မမြင်ရအောင် ပင်လုံးကျွတ် ပွင့်တော့ တာပါပဲ။ ကျွန်မဖြင့် မြင်စကအံ့ဩလိုက်တာ။ ကျွန်မတို့မြင်နေကြက အရွက်တွေကြွေသွားပြီးရင် ရွက်နုလေးတွေ ပြန်ထွက်လာမယ်။ ရွက်နု လေးတွေ အတော်ရင့်တော့မှ အဖူးဖူးမယ်။ ပြီးမှပွင့်မယ်ပေါ့။
ဒီက ပန်းတွေကတော့ဖြင့် ဆောင်းရာသီတလျှောက်လုံး ကြောက်စရာကောင်းတဲ့ အအေးဒဏ်ကို ကြိတ်မှိတ်ခံခဲ့ရသမျှ နေရောင်ကလေး နည်းနည်းမြင်ရတာနဲ့ မအောင့်နိုင်မအည်းနိုင် အတင်းတိုးထွက်ပွင့်တော့တာပဲ။ နေရောင်လေးရလာတော့ ပန်းခြံထဲမှာ မြက်ခင်းတွေက စိမ်း လာပြီ။ ညနေစောင်းဆို မိသားစုလိုက် ကလေးတွေရော၊ ခွေးတွေရော ပန်းခြံထဲရောက်နေကြပြီ။ စတိုးဆိုင်ကြီးတွေသွားရင် နွေရာသီမှာ စိုက် ပျိုးရေးလုပ်လို့ရတာမို့ သီးပင်၊ စားပင်၊ ပန်းမျိုးစေ့ပေါင်းစုံ၊ ပျိုးပင်ပေါင်းစုံရောင်းနေပြီ။ တစ်ခါတစ်လေ လမ်းမပေါ်မှာ ပန်းတွေရောင်းနေ တာများ အရောင်စုံအသွေးစုံနဲ့ လှလိုက်တာ။
ကျွန်မက တောမှာကြီးခဲ့တာလည်း အကြောင်းတခုပါမယ်ထင်ပါရဲ့။ အပင်စိုက်တာ ဝါသနာပါတယ်။ ငယ်ဘဝ ရွာမှာနေတုန်းက အိမ်ရှေ့မှာ ပန်းပင်တွေ စိုက်ခဲ့တယ်။ မိုးရာသီတစ်ရက် အိမ်နောက်ဖေးချောင်းထဲမှာ ကျွန်မရေဆင်းချိုးနေတုန်း ရေစီးနဲ့ အပင်လေးတစ်ပင်မျောလာတယ်။ ဘာပပင်မှန်းအတိအကျမသိပေမယ့် သစ်ခွမျိုးနွယ်ဝင်အပင်တစ်ပင်မှန်း သိတာကြောင့်ဆယ်ပြီး အိမ်ရှေ့က အုန်းပင်မှာ သင်အူကြိုးနဲ့ ကပ်ချည်ထားလိုက်တယ်။ အမြစ်တွေမြန်မြန်နဲ့လွယ်လွယ်ကူကူ ကုပ်တွယ်လို့ရအောင် အုန်းသီးအခွံတွေကိုထုချေပြီး အပင်ရဲ့အမြစ်နားမှာ ကပ်ချည်ပေးလိုက်သေးတယ်။ မိုးရာသီမှာ နေ့စဉ်ရွာတဲ့မိုးကြောင့် ကျွန်မရဲ့သစ်ခွပင်လေးက လွယ်လွယ်ကူကူပဲရှင်ပြီး အပင်ပွားတွေတောင် ထွက်လာလိုက်သေးတယ်။ နွေဦးရောက်တော့ အဖူးလေး သုံးလေးခက်ထွက်လာတော့ပျော်လိုက်တာ။
နွေရာသီရဲ့ မနက်ခင်းတစ်ခုမှာ ကျွန်မအိပ်ရာကနိုးတော့ အိမ်ပြတင်းတံခါးကိုဖွင့်လိုက်တယ်။ ပြတင်းပေါက်နဲ့တန်းနေတဲ့ အုန်းပင်ကို မျက်စေ့ ရောက်သွားတော့ “ဘုရားရေ”..လို့ ကျွန်မအော်လိုက်မိတယ်။ ကျွန်မ သစ်ခွပင်လေးမှာ ပတ္တမြားရောင် သစ်ခွလေးခိုင်က ငွါးငွါးစွင့်စွင့်ပွင့်လို့။ ကျွန်မ လက်ခုပ်လက်ဝါးတီးပြီး ထ,အော်မိတယ်။ နွေမှာပွင့်တဲ့ သစ်ခွပန်းတွေကြောင့်လည်းပျော်ရ၊ မိုးဦးမှာပွင့်တဲ့ ဘောလုံးပန်းတွေကြောင့် လည်းပျော်ရ၊ ဆောင်းမှာပွင့်တဲ့ အမေစိုက်ထားတဲ့ ဂေါ်သဇင်တွေ ဖွေးဖွေးလှုပ်နေအောင်ပွင့်တာ မြင်တော့လည်းပျော်ရနဲ့ ကျွန်မ ငယ်ငယ်လေးထဲက“တစ်သက်တာပျော်ရွှင်ချင်ရင် သစ်ပင်စိုက်ပါ” ဆိုတဲ့စကား မှန်ကန်ကြောင်းခံစား တတ်ခဲ့တာ။
အိမ်ထောင်ကျတော့ ယောက္ခမဖြစ်သူက ဘွန်ဆိုင်းပညာရှင်ဆိုတော့ သူ့ရဲ့အပင်ပေါင်းစုံကြားမှာ ပျော်ခဲ့ရတာပေါ့။ နောက်ပိုင်း အိမ်တွေပြောင်းတော့ ရန်ကုန်လူနေမှုအခြေအနေအရ ကိုယ့်အိမ်ရှေ့မှာ၊ ကိုယ့်ခြံဝင်းမှာ အပင်စိုက်စရာနေရာ မရှိလေတော့ သစ်ပင်စိုက်ဖို့ အခွင့်မသာတော့ပါဘူး။ အိမ်လေးတွေ ၅ အိမ်ပြောင်းပြီး ၂၀၀၇ မှာ အိမ်လေးတလုံးဝယ်ဖြစ်တော့ ကံကောင်းထောက်မစွာ အိမ်ရှေ့မှာ ၁၄-၅ ပေလောက်ကျယ်တဲ့ မြေကွက်ကလေးပါတယ်။ ဘယ်ပြော ကောင်းမလဲ၊ ပန်းပင်တွေရော၊ စားပင်တွေရော ပန်းအိုးနဲ့တစ်မျိုး၊ မြေပေါ်ချလို့တစ်ဖုံ စိုက်လိုက်တာ ကျွန်မခြံသေးသေးလေးက မလှည့်သာတော့ဘူး။
အခု ကျွန်မတို့နေရတဲ့ Pittsburgh က အိမ်က နောက်ဖေးမှာ အတော်ကျယ်တဲ့ မြေကွက်လပ်ပါတယ်။ ခြံထဲမှာ အင်္ဂတေကိုင်ထားတဲ့ ဘတ်(စ)ကက်ဘောကွင်းအပြင် ပေ ၂၀ ပတ်လည်လောက်ကို မြက်ခင်းစိမ်းစိမ်းလေး သပ်သပ်ထားသေးတယ်။ ဘတ်(စ)ကက် ဘောကွင်းရဲ့ နောက်မှာနဲ့ရှေ့မှာတော့ မြေပိုတွေရှိတယ်။ ဒီမြေပိုတွေကို မြင်တာရော၊ လှလွန်းတဲ့ပန်းတွေ၊ အမျိုးအစားစုံ မျိုးစေ့ထုတ်တွေမြင် တာရောကြောင့် ကျွန်မရဲ့ သစ်ပင်စိုက်ချင်တဲ့ရောဂါက “ထ” လာတယ်။ ကျွန်မတို့နဲ့ အိမ်ချင်းကပ်လျက်မှာနေတဲ့ City of Asylum ရဲ့ Chairman လည်းဖြစ်တဲ့ ဟင်နရီကလည်းပြောတယ်။
“မင်းတို့အိမ်နောက်က မြေကွက်မှာ သစ်ပင်စိုက်လို့ရတယ်”
“ဟုတ်လား..ကျွန်မစိုက်ချင်တယ်။ ကျွန်မ သစ်ပင်စိုက်တာ ဝါသနာပါတယ်”
“ငါတို့ ကူညီမယ်” လို့ ဟင်နရီကပြောတယ်။ နောက်တစ်နေ့ အိမ်ရှေ့က ဘဲလ်တီးသံကြားလို့ ထွက်ကြည့်တော့ ဟင်နရီက ကြက်သွေးရောင် နှင်းဆီပန်းတွေပွင့်နေတဲ့ ပန်းအိုးလေးကို ကိုင်လို့။
“မင်း..ပန်းပင်စိုက်တာ ဝါသနာပါတယ်ဆိုလို့ အိမ်နီးချင်းတစ်ယောက်က ပေးလိုက်တာ” လှလွန်းတဲ့ ပန်းအိုးလေးကြောင့်ရော၊ အိမ်နီးချင်းတွေရဲ့နွေးထွေးမှုကြောင့်ပါ ကျွန်မပျော်ရတယ်။ သိပ်မကြာခင် ၃-၄ ရက်အတွင်းမှာပဲ ပစ္စည်းကိရိယာ အစုံအလင်နဲ့ လူနှစ်ယောက် ကျွန်မခြံထဲရောက်လာတယ်။
“မင်း..သစ်ပင်စိုက်လို့ရအောင် ခြံရှင်းဖို့ ငါ ခေါ်ထားတာ”
တစ်ဖက်မြေကွက်လပ်နဲ့ ကျွန်မတို့အိမ်ဖက်အခြမ်းကို ကာထားတဲ့ခြံစည်းရိုးကိုဖျက်လိုက်တော့ ခြံက အကျယ်ကြီးဖြစ်သွားရော။ ခြံထဲက ချုံပုတ်အရိုင်းတွေရှင်းကြ။ ခြံစည်းရိုးတွေ အသစ်ပြင်ကြ။ သေချာအောင်ပြန်ကာပေးတဲ့အပြင် ခြံထဲကမြေကြီးကိုပါ အသင့်စိုက်လို့ရအောင် ထွန်ယက်ပေးသွားကြသေးတယ်။
ဧပြီလ ပထမ အပတ်အတွင်းမှာ ဟင်နရီက အီးမေးလ်ပို့လာတယ်။ ကျွန်မတို့ရဲ့ အိမ်နီးခြင်းတစ်ယောက်ဖြစ်တဲ့ ဂျာနာ (Jana) က ကျွန်မတို့ခြံထဲလာပြီး အပင်စိုက်တဲ့အကြောင်း ပြောပေးမယ်။ ဘယ်နေ့လာရင် အဆင်ပြေမလဲတဲ့။ ကျွန်မက ဧပြီ ၁၆ ရက်ကို ချိန်းလိုက်တော့ အဲဒီရက်မှာ ဂျာနာက စိုက်ပျိုးရေးပစ္စည်းကိရိယာအစုံအလင်နဲ့ ရောက်လာပါလေရော။
“မြေကြီးက ထွန်ပြီးသားဆိုတော့ အဆင်သင့်စိုက်ရုံပဲ၊ ဒါပေမယ့် ငါတို့ ပေါင်းပင်တွေကိုတော့ရှင်းရမယ်”
ဂျာနာက ပြောပြောဆိုဆို အပင်တစ်ချို့ကို နှုတ်ပစ်တယ်။ ခြံထဲမှာ ခြုံပင်သေးသေးတစ်ချို့နဲ့ မြေထွန်ပြီးနောက်မှ ပေါက်လာတဲ့ပေါင်းပင် သေးသေးတွေရှိနေသေးတယ်လေ။ ဂျာနာက ဒါက ပန်းရိုင်းပင် ဒါက ပေါင်းပင်စသဖြင့်ရှင်းပြတယ်။
“ဒီအပင်ကတော့ အဆိုးဆုံးပေါင်းပင်ပဲလေ။ သူကနွယ်ပင်မျိုးလေ။ အမြစ်တွေက အဖြူရောင်ဖြစ်ပြီး အရမ်းရှည်တယ်။ တခြားအပင်တွေရဲ့ အမြစ်တွေအထိတိုးဝင်ဖျက်ဆီးပစ်တယ်။ ပန်းပင်၊ စားပင်တွေကြားမှာ သူပေါက်လာရင် သူက မြေကြီးထဲက အာဟာရအားလုံးကို စုပ်ပစ်လိုက်တော့ တန်ဖိုးရှိတဲ့ ပန်းပင်၊ စားပင်တွေက မသန်တော့ဘူး။ ငါတို့ ဒီအပင်ကို အဓိကထား ရှင်းရမယ်”
သူပြတဲ့ပေါင်းပင်က ကန်စွန်းရွက်လိုမျိုးပါပဲ။ ဒါပေမယ့်အရိုးက ကန်စွန်းရွက်လို အခေါင်းမပါဘူး။ ဂျာနာက အပင်ဝန်းကျင်မြေကြီးတွေကို ဆူး ချွန်နဲ့တူးဆွပြီး အမြစ်အကုန်ပေါ်အောင်နှုတ်ပြတော့ တကယ်ပဲ အဲဒီ့အပင်ရဲ့ အမြစ်တွေက ဖြူဖွေးပြီး ရှည်လျားလှတယ်။
“ဒီအပင်ကို သတ်ချင်ရင် ဆူးသေးသေးနဲ့ အမြစ်ရင်းရောက်အောင် မြေကိုကော်ထုတ်ပြီးနှုတ်ပစ်။ အမြစ်ကျန်ခဲ့ရင် အဲဒီအမြစ်ကနေ ထပ်ပေါက် လိမ့်မယ်။ ဒီအပင်တွေကတော့ ပန်းရိုင်းအပင်တွေပါ။ အချိန်တန်ရင် ပန်းတွေပွင့်လာလိမ့်မယ်။ ငါ နှုတ်မပစ်တော့ဘူး”
အဲဒီနေ့က ကျွန်မတို့ ဆလပ်ရွက်ပင်၊ နိုကိုဥလိုအပင်တစ်မျိုးနဲ့ ရွှေပဲသီးပင်တွေ စိုက်ကြတယ်။ နောက် ဆယ်ရက်လောက်ဆို အပင်ပေါက်လာ လိမ့်မယ်လို့ ဂျာနာကပြောတယ်။ ကျွန်မမှာ မိုးမရွာတဲ့ရက်ဆို အစေ့ချထားတဲ့နေရာလေးတွေကို ရေလောင်းရ၊ မျိုးစေ့ချထားတဲ့နေရာကို ကလေးတွေနင်းမိမှာစိုးတာနဲ့ တုတ်တွေထောင်၊ ကျောက်ခဲတွေချပြီး အမှတ်အသားပြုရနဲ့ပေါ့။ ဒီကြားထဲမှာ ကျွန်မက နယူးယောက်ကို တစ်ပတ်လောက်သွားရတော့ နယူးယောက်ကနေ သားတွေကိုဖုန်းဆက်ပြီး အပင်လေးတွေကို ရေလောင်းဖို့ မှာရတာနေ့တိုင်းပါပဲ။
နယူးယောက်က ပြန်ရောက်တော့ အထုတ်အပိုးချ ထမင်းစားပြီးတာနဲ့ အပင်လေးတွေရှိရာပြေးကြည့်တာပေါ့။ အမယ်လေး.. အပင်ပေါက် ကလေးတွေက စိမ်းလို့ပါလား။ ဒါပေမယ့် ကျွန်မစိုက်ထားတဲ့ စားပင် ပန်းပင်တွေမဟုတ်ဘူး။ အင်မတန်ဆိုးတယ်ဆိုတဲ့ အမြစ်ရှည်ပေါင်းပင် တွေလေ။ ကျွန်မ နယူးယောက်မသွားခင် အသေအချာနှုတ်ပြီးရှင်းခဲ့ပေမယ့် တစ်ပတ်အတွင်းမှာ မျိုးဆက်သစ်တွေနေရာယူလို့။
ကျွန်မမှာ ခရီးရောက်မဆိုက် အဲဒီအပင်ကိုရှင်းဖို့ သီးသန့်ထားတဲ့ စိုက်ပျိုးရေးသုံးဆူးချွန်နဲ့ အမြစ်ဖြူဖြူရှည်ရှည်တွေ ဆုံးသည်အထိ မြေကြီးကိုတူးဆွကော်ထုတ်ပြီး အပင်ကိုရှင်းရတယ်။ အဲဒီလို ရှင်းပြီးပေမယ့်လည်း နောက်တစ်နေ့သွားကြည့်တော့ အဲဒီပေါင်းပင်ဆိုး အပင်ပေါက်လေးတွေက တခြားနေရာက ထွက်နေကြပြန်ရော။
ကျွန်မ တယုတယစိုက်ထားတဲ့ စားပင် ပန်းပင်လေးတွေကတော့ ထွက်ခဲရှင်ခဲ လိုက်တာ။ ဆယ်ရက်လောက်အကြာမှာတော့ ဆလပ်ရွက်နု နီနီလေးတွေစထွက်လာတယ်။ ရွှေပဲသီးပင်လေးတွေကတော့ တစ်ပင်စ နှစ်ပင်စ ပဲ ပေါက်တယ်။ နိုကိုဥလို အပင်ကတော့ ကျွန်မလည်းမမြင်ဖူးသေးတော့ တခြားအသေးအမွှား ပေါင်းပင်တွေကြားမှာ ကျွန်မမခွဲခြားတတ် သေးဘူး။ တစ်ဖက်ခြမ်းမှာ ချထားတဲ့ ပန်းမျိုးစေ့သေးသေးမွှားမွှားလေးတွေလည်း အညှောင့်စပေါက်ပြီ။ ပျော်စရာကောင်း လိုက်တာ။
စိုက်ထားတဲ့ သီးပင်တွေက ငယ်သေးတဲ့အပြင် မိုးကလည်း တစ်ရက်ခြားနှစ်ရက်ခြားရွာနေတော့သူတို့အတွက် ကျွန်မ ဘာမှထူးထူးထွေထွေ လုပ်ပေးစရာမလိုဘူး နေ့စဉ်လုပ်နေရတာကတော့ တနေ့တနေ့ နေရမထပ်ရာအောင် အညွန့်တလူလူထွက်လာတဲ့ အမြစ်ဖြူပေါင်းပင်တွေကို ထုတ်ကော်နေရတာပါပဲ။ အဲဒီအပင်တွေက အခြားအပင်တွေကို ဖျက်ဆီးတတ်သလောက် ရှင်လွယ်တယ်။ အမြစ်ဆုံးအောင်တူးထုတ်ပြီး အမှိုက်ပုံးထဲထည့်ဖို့သယ်သွားရင်း လမ်းမှာတစ်ပင်တစ်လေ ကျန်နေခဲ့ရင် နောက်တစ်နေ့သွားကြည့် အဲဒီအပင်ကနေ အမြစ်တွယ်ပြီးရှင်နေပြီ။ ကျွန်မမှာ တစ်နေ့တစ်နေ့ အဲဒီအပင်တွေနဲ့ပဲ နပမ်းလုံးနေရတာပါပဲ။ ကောင်းတဲ့အပင်က စိုက်ရခက် ရှင်ဖို့ခက်သလောက် မကောင်းတဲ့အပင် ကျတော့ ရှင်သန်ဖို့လွယ်သလို နှိမ်နင်းရခက်လိုက်တာနော်။
ဘေးပတ်ဝန်းကျင်အိမ်တွေ၊ လမ်းသွားလမ်းလာတွေကကြည့်ရင်တော့ ဒီအမျိုးသမီးခြံထဲမှာ တကုတ်ကုတ်နဲ့ အကြီးအကျယ်စိုက်ပျိုးရေး လုပ်နေတယ်ထင်ကြမှပဲ။ တကယ်တော့ ကျွန်မက အပင်စိုက်တာ မဟုတ်ဘူး။ နှုတ်နေရတာ။ တစ်ခါတစ်ခါ စိတ်တောင်နာမိရဲ့။ ငါ့နှယ်..
အပင်စိုက်ချင်ပါတယ်ဆိုမှ နှုတ်ချည်းနေရတယ်လို့။ ဒါပေမယ့် စိုက်ထားတဲ့အပင်လေးတွေ တစ်စစကြီးလာတော့ ကြည့်ရင်းပျော်လာ သလို အတွေးလည်းပြောင်းလာတယ်။ တန်ဖိုးရှိတဲ့ စားပင်၊ ပန်းပင်တွေက ရှင်သန်ဖို့ခက်ပေမယ့် အဲဒီအပင်တွေကို ဖျက်ဆီးမယ့်ပေါင်းပင်ကတော့ ရှင်သန်ဖို့လွယ်သလောက် အပင်ကောင်းတွေကို ဖျက်ဆီးပစ်တယ်မဟုတ်လား။ ဒီတော့ တန်ဖိုးရှိတဲ့ ကောင်းတဲ့ စားပင်၊ ပန်းပင်တွေကို အန္တရာယ်ပေးနိုင်တဲ့ပေါင်းပင်တွေကို ရှင်းလင်းပစ်ရတာလည်း လုပ်သင့်တဲ့၊ လုပ်ကိုလုပ်ရမယ့် အလုပ်တစ်ခုပဲလေ။ အခုလောလောဆယ် ကျွန်မက အပင်ကောင်းကောင်းတွေ၊ လူတွေအတွက်အကျိုးရှိတဲ့ သီးပင်စားပင် ပန်းပင်တွေ အများကြီး မစိုက်နိုင်သေးတောင် အပင်ဆိုး တွေကိုနေ့စဉ်ရှင်းလင်းပစ်နိုင်နေတာ ကျေနပ်စရာပဲ။ အပင်ဆိုးတွေနည်းသွားတာနဲ့အမျှ ကျွန်မရဲ့ စားပင်၊ ပန်းပင်လေးတွေ မြန်မြန် ဖွံ့ဖြိုး လာမယ်။
ကျွန်မကဖြင့် ကျွန်မစိုက်ထားတဲ့ စားပင်သီးပင်လေးတွေ သီးလာပွင့်လာရင် ဝေငှရမယ့်သူတောင် စာရင်းလုပ်ထားသေး၊ ဒါပေမယ့် ကျွန်မ သူငယ်ချင်းအများစုက တခြားပြည်နယ်တွေမှာဆိုတော့ ဝေငှရခက်မယ်။ ကျွန်မသားအငယ်လေးကတော့ ကျွန်မကို အားပေးတယ်။ ပန်းဆိုင်ကြီးတွေမှာ ပွင့်တော့မယ့်၊ သီးတော့မယ့်ဆဲဆဲ ပန်းပင်တွေ စားပင်တွေကို အိုးနဲ့ထည့်ရောင်းနေတာ မြင်တော့ သူကပြောတယ်၊ “သားက အခုစိုက် အခုပွင့် အခုသီးတာမကြိုက်ဘူး။ အစေ့ကလေးကနေ စပေါက်၊ တဖြည်းဖြည်းကြီးလာပြီးတော့မှ အပွင့်တွေပွင့်၊ အသီးတွေသီး လာတာမျိုးမှ, ကြိုက်တာ။
အစေ့ကနေ အပွင့်အသီးဖြစ်လာမယ့်ကာလအတွင်း ပေါ်ပေါက်လာနိုင်မယ့် အနှောင့်အယှက်တွေရဲ့ရန်က ကာကွယ်ဖို့ အဆင်သင့်ဖြစ်နေတဲ့ သဘောလည်းပါတဲ့အပြင် ကိုယ့်အားထုတ်မှုရဲ့ရလဒ်ကိုစောင့်ကြည့်ရတဲ့ အရသာကိုနားလည်ပုံရတဲ့ သားရဲ့စကားကို ကျွန်မလည်းသဘော ကျတယ်။ ပြီးတော့ ပွင့်ပြီးသီးပြီးသား အပင်တွေက်ုဝယ်ပြီး ခြံထဲချထားတာထက် ကိုယ့်ဘာသာမြေတူး၊ မျိုးစေ့ချ၊ ရေလောင်းပေါင်းသင်ပြီး ရှင်သန်လာတဲ့အပင်လေးတွေကို ပြပြီး “ဒါ..ကျွန်မ စိုက်ထားတာလေ” လို့ ပြောရတာ ပိုပျော်စရာကောင်းတယ်လေ။
အခုတော့ ကျွန်ခြံထဲမှာ ဂျာနာ မနှုတ်ပဲထားခဲ့တဲ့ ပန်းရိုင်းပင်လေးတွေက အင်မတန်လှတဲ့ ခရမ်းရောင်ပန်းတွေဝေနေပြီ။ အရွက်နီနီ ဆလပ်ရွက်ကလေးတွေကလည်း တစ်လက်မလောက်ကြီးနေပြီ။ သားကြီးစိုက်ထားတဲ့ မုန်လာဥပင်နီကလည်း အရွက်တွေဖါးဖါးဝေနေပြီ။ ညနေစောင်းလို့ သားတို့ကျောင်းဆင်းလာရင် သားတွေကရေလောင်းဖို့ ပိုက်သွယ်၊ ကျွန်မက အမြစ်ရှည်ပေါင်းပင်တွေကိုတူးဆွ ဖယ်ထုတ်ဖို့ ဆူးချွန်ကို အသင့်ပြင်ပြီး အပင်ဆိုးတွေကိုရှာရပြီ။ ကျွန်မအပင်လေးတွေ ပွင့်လာသီးလာရင်သိပ်ပျော်စရာကောင်းမှာဖြစ်ပေမယ့် လောလောဆယ် သိပ်ဆိုးရွားတယ်ဆိုတဲ့ ပေါင်းပင်တွေကို ရှင်းလင်းနေရတာကိုလည်း ကျွန်မပျော်တတ်နေပြီ။
May, 2009 Pittsburgh
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
