>
AP သတင်းဌာန
ဇန်န၀ါရီ ၁၇၊ ၂၀၁၀ FBI က ထုတ်ပြန်သည့် ဘင်လာဒင်၏ လက်ရှိပုံရိပ် ခန့်မှန်းချက်များ
အမေရိကန် ထောက်လှမ်းရေးအဖွဲ့ FBI က အင်တာနက်ပေါ်မှ စပိန် လွှတ်တော်အမတ်တဦး၏ပုံကို ယူပြီး အိုစမာ ဘင်လာဒင်၏ ယနေ့ မြင်တွေ့ရဖွယ် အနေအထားအဖြစ် ဖော်ပြလိုက်ခြင်းကြောင့် ထိုလွှတ်တော်အမတ် တုန်လှုပ်သွားသည်။
အမေရိကန်အစိုးရက အယ်လ်ခိုင်ဒါ ခေါင်းဆောင် ဘင်လာဒင် အလိုရှိကြောင်း ကြော်ငြာတွင် စပိန် လွှတ်တော်အမတ် Gaspar Llamazares ၏ ဓာတ်ပုံကို ပုံနှိပ်ထားခြင်း ဖြစ်သည်။
သူ၏ ဓာတ်ပုံကို Google ၀က်ဆိုက်မှ ယူသုံးခဲ့ခြင်းဖြစ်သည်ဟု FBI ပြောခွင့်ရ အရာရှိ Ken Hoffman က ဆိုသည်။
လွှတ်တော်အမတ်၏ပုံ နှင့် ဘင်လာဒင်၏ လက်ရှိ ခန့်မှန်း ပုံရိပ် ဆင်တူနေကြောင်းကို သတိပြုမိပါသည်ဟု FBI က စနေနေ့တွင် ပြောသည်။
ပုံရိပ်ဖော်ကျွမ်းကျင်သူက ၎င်းတို့၏ မှတ်တမ်းများတွင် သင့်လျော်သည့် ဓာတ်ပုံကို မတွေ့သဖြင့် အင်တာနက်တွင် တွေ့ရသည့် ပုံတပုံကို အသုံးပြုမိခြင်းဖြစ်သည် ဟု FBI က ဆိုသည်။
ဓာတ်ပုံရှင်ကို ဒေါ်လာ ၂၅ သန်း ဆုငွေထုတ်ထားကြောင်း ဖော်ပြထားသည့် ပိုစတာသည် အမေရိကန် နိုင်ငံခြားရေး ၀န်ကြီးဌာန၏ အင်တာနက် စာမျက်နှာတွင် ဖော်ပြထားသည်။ ၀က်ဆိုက်ရှိ ထို ပိုစတာကို ဖြုတ်ပေးမည်ဟု FBI က ဆိုသည်။
စပိန် လွှတ်တော်အမတ်က သူ၏ ဓာတ်ပုံသည် ၂၀၀၄ ခုနှစ် ရွေးကောက်ပွဲ မဲဆွယ်စဉ် ကာလက အသုံးပြုခဲ့ခြင်းဖြစ်သည်ဟု ဆိုသည်။
ယခု FBI ၏ မှားယွင်းမှုကြောင့် အမေရိကန်နိုင်ငံသို့ ခရီးသွားရန် လုံခြုံစိတ်ချမှု မရှိတော့ဟု သူက ပြောသည်။
ပြင်ပတွင် အမှန်တကယ်ရှိနေသူ၏ ရုပ်ပုံကို အကြမ်းဖက်သမားတဦးအဖြစ် ပုံဖော်သဖြင့် အံ့အားသင့်ပြီး ဒေါသထွက်မိသည်ဟု သူက ပြောလိုက်သည်။
အမေရိကန် အစိုးရထံမှ ရှင်းလင်းချက် ရရှိရေး တောင်းဆိုပြီးဖြစ်ကြောင်း၊ တရားစွဲဆိုခွင့်လည်း ရှိကြောင်း သူက ပြောသည်။