>
သတို့သားလောင်း လူပျိုကြီး ကာတွန်း ၀င်းအောင် ထူးခြားကံစမ်းမဲပေါက်
မိုးမခဓာတ်ပုံသတင်း
ဒီဇင်ဘာ ၂၈၊ ၂၀၀၉
ယမန်နေ့က ရန်ကုန်မြို့၊ လှိုင်မြို့နယ်၊ စွပ်ကျယ်စက်လမ်းရှိ ကွယ်လွန်သူ စာနယ်ဇင်းကာတွန်းဆရာကြီး ဦးဖေသိန်းနေအိမ်မှာ နှစ်စဉ်ကျင်းပနေကျ ၃၄ ကြိမ်မြောက် စာနယ်ဇင်းကာတွန်းဆရာကြီးများကန်တော့ပွဲ ကျင်းပခဲ့ပါတယ်။ အပူဇော်ခံ ကာတွန်းဆရာကြီး ၂ ဦးအနက် ဆရာ ကာတွန်းအောင်ရှိန် ကျန်းမာရေးကြောင့် မကြွရောက်နိုင်လို့ ဆရာ ကာတွန်းရွှေမင်းသားကိုသာ လူငယ်ကာတွန်းဆရာများက ၀ိုင်းဝန်းကန်တော့ကြရတယ်လို့ သိရပါတယ်။
ထူးခြားတာ တခုကတော့ ကြွရောက်လာသူများကို ကံစမ်းမဲဖောက်ပေးရာမှာ – လာမည့် ၂၀၁၀ နှစ်မကူးမီ ရက်ပိုင်အလို အိမ်’ထောင်’ကျရန် စီစဉ်နေတဲ့ သတို့သားလောင်း လူပျိုကြီး ကာတွန်းဝင်းအောင်တယောက် “ဗိုလ်ချုပ်အောင်ဆန်းနဲ့ ဒေါ်ခင်ကြည် မင်္ဂလာဆောင်ဓာတ်ပုံ” ကို မဲပေါက်သွားတာပဲ ဖြစ်ပါတယ်။
မိုးမခ၀ိုင်းတော်သားများက မင်္ဂလာဆောင်မည့်သတို့သားကြီးသို့ မင်္ဂလာဆုမွန်များ တောင်းပေးလိုက်ပါတယ်။