>
စီးပွားပျက်ကပ် ဆေးမြီးတိုနဲ့ ဆေးမြီးရှည်
မောင်ရစ်
ဒီဇင်ဘာ ၇၊ ၂၀၀၉
၂၀၀၉ နှစ်ဆန်း အမေရိကန်မှာ သမတအသစ်တယောက်တက်လာပြီးနောက် အမေရိကန်က စပြီး တကမ္ဘာလုံး ကူးစက်နေတဲ့ စီးပွားပျက်ကပ်ကြီးကို ဖြေရှင်းဖို့၊ ကယ်တင်ဖို့ ခေါင်းဆောင်တွေ၊ ပညာရှိကြီးတွေက ဆေးမြီးတိုတွေ၊ ဆေးမြီးရှည်တွေနဲ့ စတင်ကုစားကြတော့တာပါပဲ။
ပထမဦးဆုံးကတော့ အရှုံးပြနေတဲ့ ပြိုလဲတော့မလိုဖြစ်နေတဲ့ ဘဏ်လုပ်ငန်း၊ အာမခံလုပ်ငန်း၊ ငွေကြေး အစုစပ် ရင်းနှီးမြုပ်နှံမှုလုပ်ငန်းတွေကို ပြီးတော့ အမေရိကန်ရဲ့ မော်တော်ကားလုပ်ငန်းကြီးတွေကို အမေရိကန်ုအစိုးရက ငွေကြေးစိုက်ထုတ်ပြီး ကယ်တင်တာက အဆင့်တဆင့် ဖြစ်ပါတယ်။
ပြီးတော့ အမေရိကန် တနိုင်ငံလုံးမှာ ပြုပြင်ဖို့ ရင်းနှီးမြုပ်နှံ ပြင်ဆင်ဖို့ လိုအပ်နေတဲ့ အခြေခံအဆောက်အဦ၊ လမ်းတံတား၊ စွမ်းအင်နဲ့ ဆောက်လုပ်ရေး၊ ထုတ်လုပ်ရေးတွေအတွက် အားဆေးထိုး စိုက်ထုတ်ပေးမယ့် ငွေကြေးရင်းနှီးမှုတွေ ထုတ်ပြန်ပါတယ်။ အဲသည်ကနေပြီးတော့ အလုပ်အကိုင်တွေ၊ လုပ်ငန်းတွေ၊ ဆက်စပ်လုပ်ငန်းတွေ တိုးပွားလာလိမ့်မယ်ဆိုတဲ့ အကျိုးဆက်ကို မျှော်လင့်တာလည်း ပါပါတယ်။
အမေရိကန်က အရင်းရှင်နိုင်ငံဆိုတော့ စားသုံးသူတွေကို အမြဲတန်း စားသုံးနေကြဖို့ကို အထူးတွန်းအားပေးချင်တယ်။ စီးပွားပျက်နေပြီ၊ ချွတ်ခြုံကျနေပြီ ဆိုတဲ့ ကြောက်စိတ်ကြီးနဲ့ စားသုံးသူတွေ အသုံးစာရိတ်တွေ ဖြတ်တောက်မှာကို စိုးတော့ ကားအို ကားဟောင်းတွေကို စွမ်းအင်သက်သာတဲ့ ကားသစ်တွေနဲ့ လဲကြဖို့ ၀ယ်ကြဖို့၊ အစိုးရက ကားဟောင်းတွေကို ငွေကြေး ထောင်ချီပြီး အမ်းပေးလိုက်ပြန်ပါသေးတယ်။ ပြီးတော့ စီးပွားပျက်ကပ်ရဲ့ အကြောင်းတခုဖြစ်တဲ့ အိမ်တွေကို ဈေးတင်၊ လူတွေကို ပိုက်ဆံတွေ အတိုးမြင့်နဲ့ အရမ်းထုတ်ချေးတော့ စားသုံးသူတွေက အတင်းဝယ်ကြ၊ ပြီးတော့ လူတွေ အကြွေးတွေ ပိကုန်ကြလို့ သည်စီးပွားပျက်ကပ်ကြီးထဲ ထိုးဆင်းခဲ့တာကြောင့် ပြန်ဆယ်တဲ့အနေနဲ့ အိမ်ချေးငွေတွေကို အတိုးနှုန်းချတာတွေ၊ ညှိနှိုင်းပေးတာတွေ လုပ်နေရင်းက အိမ်ဝယ်ကြဖို့ကို တိုက်တွန်းတဲ့အနေနဲ့ ၀ယ်သူတွေကို အစိုးရက အမ်းငွေ ထောင်နဲ့ချီပြီး ထုတ်ပေးဦးမယ် ဆိုပြန်တယ်။ ငွေရှင်တွေက အတိုးကြီးကြီးနဲ့ အကြွေးကဒ်တွေ ဖိထုတ်ပြီး စားသုံးသူတွေကို အကြွေးပင်လယ်ဝေအောင် လုပ်ခဲ့တာကို ပြန်ဖာထေးဖို့ကိုလည်း အစိုးရက စည်းတွေ မျဉ်းတွေနဲ့ ပြန်ကြိုးစားပြန်ပါသေးရဲ့။
အဲသည်ကြားထဲမှာ အမေရိကန်ရဲ့ အလုပ်လက်မဲ့နှုန်းက ၁၀ ရာခိုင်နှုန်း အထိ ဖြစ်လာတယ်။ အစိုးရနဲ့ ပြည်နယ်တွေရဲ့ အလုပ်လက်မဲ့ ခံစားခွင့်တွေကို ရက်တွေ တိုးပေးရတယ်။ ပြည်နယ်တွေမှာ အစိုးရလုပ်ငန်းတွေ၊ ၀န်ဆောင်မှုလုပ်ငန်းတွေ၊ ဆေးရုံ၊ ဆေးကုသရေး၊ ပညာရေး စသည်တို့မှာ သုံးစွဲနေရတာတွေက အရှုံးပြသည်ထက် ပြလာတော့ ပြည်နယ်အစိုးရတွေကိုယ်တိုင်က ဌာနတွေကို အသုံးစာရိတ် လျော့ချရပြန်တယ်။ ဖြတ်တောက်ရပြန်တယ်။ လူတွေကို လျှော့ရပြန်ရော။ ပုဂ္ဂလိကအဆောက်အဦကော အစိုးရအဆောက်အဦကောမှာ အရှုံးပြနေမှတော့ စာရိတ်ဖြတ်တောက်၊ လူတွေ ဖြုတ်တာက သံသရာ လည်နေပြန်တော့တာပေါ့။
အဆိုးဆုံးကတော့ ပညာရေး ဖြစ်ပါတယ်။ အစိုးရက ကျောင်းစာရိတ် မပေးနိုင်၊ ကျောင်းစာရိတ် မပေးနိုင်တော့ ကျောင်းသားက ကျောင်းမတက်နိုင်၊ ကျောင်းသားမရှိရင် အဲသည် ကျောင်းစာရိတ်ကို ကျောင်းတွေက မရတော့၊ ကျောင်းတွေက သူတို့ရဲ့ ကျောင်းချိန်တွေနဲ့ လုပ်ငန်းတွေကို လျော့ချရ ဆိုတော့ အစိုးရနဲ့ ပြည်နယ်ထောက်ပံ့တဲ့ ကောလိပ်နဲ့ တက္ကသိုလ်တွေမှာ မျက်ဖြူဆိုက်နေကြရတာ နေရာအနှံ့ ဖြစ်လာပါတယ်။
လုပ်ငန်းရှင်က စာရိတ်လျှော့တော့ အလုပ်သမားတွေမှာ ဦးရေတွေ ကျ၊ အလုပ်သမားတွေကလည်း သူတို့ရဲ့ အခွင့်အရေးတွေကို အထိခိုက်မခံနိုင်တော့ ပြန်ပြီး တိုက်ပွဲဝင်ကြ၊ ဆန္ဒတွေ ပြကြ။ အလုပ်မရှိလို့၊ အလုပ်ပြုတ်လို့၊ အလုပ်ပြုတ်မှာ စိုးလို့ ဆိုပြီး အလုပ်ရှင် အလုပ်သမား တိုက်ပွဲတွေကလည်း နေရာ အသီးသီးမှာ မထူးဆန်းသလိုပါပဲ။
ကဲ … အဲသည်မှာ ဘာ လိုအပ်နေတာလဲ။ ၂၀၀၉ ခုနှစ်တခုလုံးမှာ သတင်းခေါင်းစဉ်တွေ အဖြစ်ကော၊ စီးပွားကျ စိတ်ဓာတ်ကျနေသူတွေ မျက်စိရှေ့မှောက်ကိုကော အဲသည်လို အနိဋ္ဌာန်ရုံတွေချည်းပဲ အာဏာပိုင်တွေ၊ လုပ်ငန်းရှင်တွေ၊ စာနယ်ဇင်းတွေက ပို့ဆောင်ပေးနေလေရော့သလား။ စဉ်းစားခန်း ဖွင့်မိပါရဲ့။
မသုံး မစွဲ အငတ်ခံတဲ့ ချွေတာရေး၊ လျော့ချရေး၊ ဖြတ်တောက်ရေးနဲ့ စီးပွားပျက်ကပ်ကနေ ရုန်းထွက်ကြဖို့များ လုပ်နေကြလေသလား လို့ တွေးမိပါတယ်။ တဖက်က (သုံးသင့် သုံးထိုက်တဲ့) (ဂွင်းထဲထည့်ရေးထားတာ တမင်ထည့်ရေးပြချင်လို့ပါ – စကားချပ်) စစ်အသုံးစာရိတ်တွေ၊ စီးပွားရေးအားဆေးအကူတွေ စိုက်ထုတ်သုံးစွဲနေသလို အရှုံးပြနေတဲ့ အစိုးရနဲ့ ပြည်နယ် ဘတ်ဂျက်တွေကို ထေမိဖို့ စားသုံးသူတွေဆီက အခွန်တွေ တိုးကောက်ဖို့ကိုလည်း ကြိုးစားလျက် ရှိကြပြန်တယ်။
စီးပွားပျက်ကပ်ကို ခေါင်းအမာဆုံးနဲ့ တရွတ်တိုက်ဆွဲနေတာကတော့ ဗြူရိုကရေစီယန္တရားကြီး ဖြစ်တယ်လို့ ထင်ပါတယ်။ တွေ့ရတဲ့ ဥပမာတွေကတော့ လမ်းတံတားတခုကို ဆောက်ဖို့ သက်ဆိုင်ရာဆီမှာ လျောက်လွှာတင်ရင် အချိန် ၂ နှစ် လောက် ယူရတယ် လို့ ဆိုပါတယ်။ အခု လက်ရှိ ဆောက်လုပ်ဆဲတံတားတခုကို အရှိန်မြှင့်ဆောက်ရင် ဒီနှစ်မှာ ပြီးနိုင်မယ် ဆိုပေမယ့် ပုံမှန်အတိုင်း သွားနေတော့ ၂၀၁၂ မှပဲ ပြီးလိမ့်မယ်လို့ ပြောပါတယ်။ ဘတ်စကားလိုင်းတွေ လျော့ချလိုက်ပေမယ့် မလိုအပ်ဘဲနဲ့ ၀န်ဆောင်ပေးနေရတဲ့ လိုင်းတွေ လမ်းကြောင်းတွေ ရှိနေတုန်းပါပဲ။ အရင်တုန်းက ဘတ်စကား စောင့်ချိန်က နာရီဝက်၊ အခုလည်း နာရီဝက်ပဲ … တနာရီ မဖြစ်ရင် ကံကောင်း။ မလိုအပ်ဘဲနဲ့ အချိန်တွေ ကြန့်ကြာနေတာ၊ ၀န်ထမ်းအဆင့်ဆင့်တွေ ဖြတ်သန်းသွားနေတာ၊ ၀န်ဆောင်ကြေးတွေ လျော့မသွားဘဲ တိုးလာတာတွေကတော့ အရင်ကလည်း ဒီလိုပါပဲ။ အခုလည်း ဒီလိုပါပဲ တဲ့။ မြန်ကောင်းသက်သာမယ့် နည်းပညာအသစ်၊ လုပ်ငန်းအသစ်တွေ၊ လုပ်နည်း ကိုင်နည်း အသစ်တွေ သုံးစွဲဖို့ကြတော့လည်း စားသုံးသူတွေက အငြင်းသန်ကြပြန် သတဲ့။ ဂျပန်မှာလို ကျည်ဆံရထား တစင်းဆောက်ဖို့အရေး ကိုယ့်အိမ်နောက်ဖေးက ပေးမဖြတ်နိုင်ကြဘူး ဆိုပဲ။
ဘဏ်တွေ ငွေကြေး လုပ်ငန်းတွေက စားသုံးသူတွေကို ရွှေရောင်နေ့တွေမှာ ငွေတွေ ဖိချေး၊ အတင်း တနင့်တပိုးတွေ စားသုံးခိုင်းပြီးတော့ အခုချိန်မှာ သူတို့ဝန်ထမ်းတွေကို အရှုံးပြလို့ ဆိုပြီး လျော့ခဲ့ပါတယ်။ သို့သော် အစိုးရဆီက စီးပွားရေးအားဆေးအကူငွေတွေကို လက်ခံပြီး စားသုံးသူတွေကို ပြန်ကူညီဖို့ကိုတော့ လက်နှေးနေပြန်ပါတယ်။ သို့သော် လုပ်ငန်းရှင်တွေအချင်းချင်း အကြီးက အငယ်ကို မြိုကြ၊ ၀ယ် ရောင်းကြ၊ ၀န်ဆောင်ကြ၊ ရှယ်ယာရာတွေ လက်လွှဲကြနဲ့ လုပ်ငန်းတန်ဖိုးတွေ အမြတ်ပြပြီး အစုရှယ်ယာတွေ ဈေးတွေ လှုပ်လာပြန်တော့ သူတို့တွေပဲ ခံစားခွင့်တွေ ရကြပြန်ပါတယ်။ သူတို့လက်ကြီးသမားတွေကို အခွန်ကောက်ဖို့ကြတော့ သူတို့တတွေရဲ့ ဥပဒေတွေ၊ ရှေ့နေတွေ၊ လော်ဘီသမားတွေက ရှေ့ကနေ ဆီးထားတော့ အစိုးရက ခပ်ခက်ခက်ဖြစ်ရပြန်တယ်လို့ ဆိုပါတယ်။
အင်းလေ … အရင်းရှင်တွေဆိုတော့လည်း စားသုံးသူတွေကို ကြည့်တဲ့အကြည့်က ကျနော်တို့ မြန်မာပြည်က အစိုးရမင်းများက ပြည်သူ့အပေါ် ကြည့်သလို မဟုတ်ရှာဘူးနဲ့ တူပါရဲ့လေ။ ပြည်သူတွေခင်ဗျာ အစိုးရမင်းများ၊ လုပ်ငန်းရှင်များချည်းကိုသာ အားကိုးပြီး မနေဘဲနဲ့ မြန်မာ့နည်း မြန်မာ့ဟန်နဲ့ ကိုယ့်ဖာသာကိုယ် အလုပ်ဖြစ်အောင်၊ အကျိုးဖြစ်အောင်၊ မြန်ဆန်ထိရောက်အောင် အသက်မွေးကြရှာတာ သူတို့ မသိဘူး ထင်ပါတယ်။
အင်္ဂလိပ်လို ကီးဝဒ်စ်တွေ ထုတ်ရရင်ဖြင့် ပေါ်လစီ (မူ)၊ ပရိုက်တစ် (အလေ့အကျင့်) နဲ့ ပရော်ဘလန် (ပြဿနာ) တွေနဲ့ စီးပွားပျက်ကပ်ကို ချည်းကပ်ပုံ။ ဆေးမြီးတို … ဆေးမြီးရှည် …။ ၂၀၁၀ မှာတော့ အကျင့်ကလေးတွေ ပြင်ကောင်းပါရဲ့။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ