>
ကော်လိုရာဒို၊ အော်ရိုရာရောက် မြန်မာများ ပထမဆုံးအကြိမ် စုပေါင်းမဟာဘုံကထိန်ပွဲ နှင့် ရှင်ပြုရဟန်းခံပွဲ ကျင်းပ
မိုးမအထောက်တော် (ဒင်းဗား)
နိုဝင်ဘာ ၅၊ ၂၀၀၉
အမေရိကန်ပြည်ထောင်စု ကော်လိုရာဒိုပြည်နယ် အော်ရိုရာမြို့ ဓမ္မပါလကျောင်းတွင် ပထမဆုံးအကြိမ် စုပေါင်း မဟာဘုံကထိန်ပွဲ နှင့် ရှင်ပြုရဟန်းခံပွဲကို အောက်တိုဘာ ၃၁ ရက်၊ စနေနေ့က စည်ကားသိုက်မြိုက်စွာ ကျင်းပခဲ့ပါတယ်။ 
အခမ်းအနားကို နေ့လည် ၁ နာရီမှာ နမောတဿ သုံးကြိမ်ရွတ်ဆိုပြီး စတင်ဖွင့်လှစ်ခဲ့ပါတယ်။ ထို့နောက် ချီကာဂို ဆရာတော် ဘဒ္ဒန္တကေသဝ (အဂ္ဂမဟာပဏ္ဍိတ) ထံမှ ငါးပါးသီလ ခံယူဆောက်တည်ကြပြီး ကြွရောက်လာကြတဲ့ သံဃာတော်အရှင်မြတ်များထံမှ မေတ္တာသုတ်ပရိတ်တရားတော်ကို နာယူခဲ့ကြပါတယ်။ 
အဲဒီနောက် ဖို့တ်ဝိန်းမြို့ ဓမ္မရက္ခိတကျောင်းတိုက်ဆရာတော် ဦးဝိစက္ခမှ ဝမ်းမြောက်ဖွယ်စကားမိန့်ကြားပြီးနောက် ကထိန်သင်္ကန်း နှင့် လှူဖွယ်ဝတ္ထုများ ဆက်ကပ်လှူဒါန်းခဲ့ကြပြီး ဓမ္မပါလကျောင်းဆရာတော် အရှင်စန္ဒိမာ က ကျေးဇူးတင်ဝမ်းမြောက်ဖွယ်စကား မိန့်ကြားခဲ့ပါတယ်။ 
ထို့နောက် မေရီလင်းပြည်နယ် ဝေဇယန္တာဆရာတော် ဘဒ္ဒန္တမဟောသဓပဏ္ဍိတ (အဂ္ဂမဟာပဏ္ဍိတ) က ကထိန် အနုမောဒနာတရား ဟောကြားတော်မူပြီး ပြုပြုသမျှသော ကုသိုလ်ကောင်းအစုအစုတို့ကို ရေစက်သွန်းချအမျှပေးဝေကာ ဗုဒ္ဓသာသနံ စိရံတိဋ္ဌတု သုံးကြိမ်ရွတ်ဆို၍ အခမ်းအနားကို အောင်မြင်စွာ ရုတ်သိမ်းခဲ့ကြပါတယ်။
(ဓာတ်ပုံ – မိုးမခ – ဒင်းဗား)
သတင်းမှတ်တမ်းကို http://burmesecommunityofcolorado.blogspot.com/ က ယူပါတယ်
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
