>
သူလိုကိုယ်လိုကောင်
မျိုးမြင့်ချို
ဇွန် ၁၃၊ ၂၀၀၉
ဘဝမှာ
ပြောစရာ
များများစားစားမရှိပါဘူး။
သူလိုကိုယ်လို
ထောင်လေးဘာလေးကျဖူးတယ်၊
သူလိုကိုယ်လို
တော်လှန်ရေး ဘာညာပြောတယ၊်
သူလိုကိုယ်လို
လက်မထောင်တယ်၊
သူလိုကိုယ်လို
နိမ့်ရာကို လှံစိုက်တယ် ၊
သူလိုကိုယ်လို
ဟင်းဖတ်လည်း ပါပါ ပေးတယ်၊
သူလိုကိုယ်လို
ပါးလည်းပြောင်တယ်၊
သူလိုကိုယ်လို
ပျော့ညံ့တယ် ပျော့ပျောင်းတယ်၊
သူလိုကိုယ်လို
တည်ငြိမ်တယ် တွေဝေတယ် ၊
သူလိုကိုယ်လို
ကာလာမသုတ္တံနဲ့ ၊ဝိဘဇ္ဇဝါဒကို ကြိုက်တယ်၊
သူလိုကိုယ်လို
ဥခွံဟောင်းနဲ့ ကလီရှေးကို နှစ်ခြိုက်တယ် ၊
သူလိုကိုယ်လို
ပိယေဟ ဝိပယောဂေါ ဒုက္ခော၊
သူလိုကိုယ်လို
အပိယေဟိ သံမယုတ္တကော ဒုက္ခော။
သူလိုကိုယ်လို
သူလိုကိုယ်လိုနဲ့
သူလိုကိုယ်လိုတွေချည်းပါပဲ ။
ဒါပေမယ့်
မင်းသားခေါင်း မဆောင်းဖူးဘူး၊
ဧည့်ခန်းဆောင်မှာ
ယဉ်ကျေးယောင် မဆောင်ဖူးဘူး၊
မယုံတာကို ယုံတယ်လို့
ယုံတာကို မယုံဘူးလို့ မပြောဖူးဘူး ၊
အသေချာဆုံးကတော့
ရန်သူစစ်စစ်နဲ့
မိတ်ဆွေစစ်စစ်ကိုရှာရင်း
ဆင်းရဲတွင်းကို မရှောင်ဖူးဘူး။
အင်း…
ပြောရင်း ပြောရင်းနဲ့
သူလိုကိုယ်လို
သူလိုကိုယ်လိုနဲ့
သူလိုကိုယ်လိုကောင်
မောင်းတင်လိုက်ပြန်ပေါ့။ ။