>
နာဂစ်သင့်မိဘမဲ့ကလေးများ စောင့်ရှောက်ရေးအဖွဲ့၏ မေတ္တာနန္ဒပရဟိတကျောင်း (ရန်ကုန်) အတွက် အလှူပွဲတော်ကျင်းပမည်
မိုးမခအထောက်တော် ၀၀၂
မေ ၂၇၊ ၂၀၀၉
ပြည်တွင်း ပြည်ပက ဗုဒ္ဓဘာသာဘုန်းတော်ကြီးများနှင့် စေတနာရှင်များအားလုံး၏ ၀ိုင်းဝန်းဆောင်ရွက်မှုဖြင့် ချိုင်းအိတ်ဒ်ဖောင်ဒေးရှင်း အမည်ရှိ နာဂစ်သင့်မိဘမဲ့ကလေးများ စောင့်ရှောက်ရေးအဖွဲ့က နာဂစ် တနှစ်ပြည့်မြောက်ပြီးနောက် ပရဟိတလုပ်ငန်းများကို ဆက်လက်ဆောင်ရွက်လျက်ရှိရာ မေလ ၁၉ ရက်နေ့ စာရင်းအရ မိဘမဲ့ကလေးသူငယ်ပေါင်း ၅၆၀ ကို ပညာရေးနှင့် လူမှုရေးဆိုင်ရာ ကူညီထောက်ပံ့မှုများ လစဉ် ပြုလုပ်နိုင်ခဲ့သည့်အပြင် ၂၀၀၉ နှစ်ဆန်းက စတင်ပြီး ရန်ကုန်မြို့၊ မင်္ဂလာဒုံမြို့နယ်တွင် မေတ္တာနန္ဒပရိဟိတ ကျောင်းတကျောင်းကို ဖွင့်လှစ်နိုင်ရန် ပြင်ဆင်နေပြီ ဖြစ်သည်။
ထိုပရိဟိတကျောင်းတွင် နာဂစ်သင့်မိဘမဲ့ကလေးများ သာမက ခိုကိုးရာမဲ့ အခက်အခဲမျိုးစုံ ခံစားနေရသော ကလေးသူငယ်များကိုပါ ပညာဒါနအလှူ ပံ့ပိုးကူညီနိုင်ရန် အတွေ့အကြုံရှိပြီးဖြစ်သည့် မန္တလေးမြို့ ဖောင်တော်ဦးကျောင်းတိုက်က ဆရာတော်များ၏ အားပေးလမ်းညွှန်မှုတို့ဖြင့် ဆောင်ရွက်မည်ဟု သိရသည်။
ထိုကျောင်းဆောင်နှင့် ပရိဘောဂများ လိုအပ်သလို တည်ဆောက်တိုးချဲ့နိုင်ရေးအတွက် အမေရိကန်ပြည်၊ ကယ်လီဖိုးနီးယားနယ်၊ ဖရီးမောင့်မြို့ မေတ္တာနန္ဒ၀ိဟာရ ကျောင်းတိုက်က ဆရာတော်များ၏ တိုက်တွန်းနှိုးဆော်မှုတို့ဖြင့် မြန်မာမိသားစု စေတနာရှင်များ၊ အလှူရှင်များ စုပေါင်းပြီး မြန်မာရိုးရာ စားသောက်ဖွယ်ရာတို့နှင့် ဈေးရောင်းပွဲတော်တခု ကျင်းပ၍ ရန်ပုံငွေ ရှာဖွေ လှူဒါန်းကြမည်ဟု ဆိုသည်။
Click Here to GoTo Child Aid Foundation Myanmar Website – http://ChildAidMyanmar.Org
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
