>
ပိတောက်နေရာ
တင်မိုး
ဧပြီ ၁၃၊ ၂၀၀၉
တန်ခူးလ
မခူးချင်စမ်းပါနဲ့
နှစ်ဆန်းခါတော်မီမို့
ဇမ္ဗော်ရည် ပြေပြေလိမ်းကာပ
ခမ်သိမ်းနယ်စုံစုံသို့
ပွင့်ငုံကို လင့်ကုန်ကြတော့လို့
ခေါင်းကြွကာ ဆာဝေဝေနဲ့
သူလဲလေ လောကီသားလိုပ
ကြွားခင်လှပေလိမ့်မယ်။
တသိန်တင့်ပါဘိ
တိမ်မြင့် ရီပြာပြာက
ကြည်သာသာ ပင့်လေအဖြူးတွင်ဖြင့်
တီတာတာ ပွင့်ရွှေဖူးငယ်တို့
လည်ယှက်ကာ ဘယ်ညာလူးလေတော့
သူတို့လို ဘယ်သူမြုးနိုင်ပါ့
ထူးပါဘိတယ်။
ဇော်ဂျီ
ဈေးသို့အသွား ဘွားခနဲ ပိတောက်ပန်းကို တွေ့သည်။
ဈေးသည်၏ ဗန်းထဲတွင် ဘယ်အချိန်က ရောက်လာကြသည် မသိ။
မနေ့က ပိတောက်ပင်ပေါ်မှာ ယနေ့ ပန်းဆိုင်မှာ၊ နေရာ အနိမ့်အမြင့် ပြောင်းလဲခဲ့ပြီ။
သို့သော် သူအဆင်းကား ဝင်းဝင်းထိန်ထိန်ပင်။ သူဆင်းရဲမသည် ပန်းဆိုင်ရှေ့တွင် ရုတ်တရတ် ရပ်လာသည်။ သူ့မျက်နှာသည် ပိတောက်ပန်းနှင့် အတူ ဝင်းထိန်လျက်။ မကြာမီ မိန်းမပျို၏ ဦးခေါင်းထက်တွင် ပိတောက်ပန်း လိုက်ပါသွားသည်။
သူဆင်းရဲမ၏ ဦးခေါင်းပေါ်တွင် ဖြစ်စေကာမူ ပိတောက်ပန်းကလေး၏ ရွှင်လန်းခြင်းကား ပျောက်မည် မဟုတ်ချေ။
နေရာ အနိမ့်အမြင့်ကို မှီ၍ အရောင် မပြောင်းခဲ့။ ဝင်းထိန်လျက်သာ။
ဤပန်းသည် အပြစ် ကင်းစင်သော နေရာ၌ ထာဝစဉ် ခေါင်းထောင် နေပေလိမ့်မည်။
▪ – ¤ – ▪
လေပြည်ထဲက အိုးစည်သံ
ညဥ့်ဦး လေပြည်သည် အိုးစည်သံကို နေရာအနှံ့ ဖြန့်ချိ လိုက်လေပြီ။
ဘယ်အရပ်က တေးသံနည်း။
ရပ်တိုင်း ရွာတိုင်း အိုးစည်ဝိုင်းက ဖြစ်ပါသည်။ တနှစ်တာ ကာလမျှ နွမ်းလျခဲ့သော ကိုယ်ခန္ဓာသည် အိုးစည်သံကြောင့် အားသစ်၊ အင်သစ်၊ စိတ်သစ် ဝင်ခဲ့သည်။ ဤတေးသံမှာ အားအင် ရှိသည်။
အနွမ်းကို ဖြေခဲ့ပြီ။ စိတ်ရွက်သစ် ဝေခဲပြီ။ ဤတေးတွင် အဆွေးမပါ မာယာ မရှိ။ ပျော်ရွှင် သူတို့သာ ဝေငှနိုင်သော တေးပေတည်း။
သင်္ကြန် အိုးစည်တွင် စိတ်ကောင်း၊ စေတနာကောင်း အောင်းလျက် ရှိသည်။
ဗေထုံ ဗေထုံ မြည်ကာမျှဟု သာမည ထင်သူတို့ ရှိကောင်း ရှိပေမည်။ သို့ရာတွင် နှစ်သစ်၏ တေးသံသည် စိတ်ထောင်း ကိုယ်ကျေ အလွမ်း ဝေနေသူတို့ ပင်လျှင် ရွှင်လန်း စေနိုင်သည်။
ရွှင်လန်းမှုကို ပေးနိုင်သော တေးသံထက် အစွမ်းထက်သော အရာကို ဤစကြဝဠာမှာ ရှာကြည့်စမ်းပါလေ။ အခွင့် ပေးလိုလှပါ၏။
▪ – ¤ – ▪
တန်ခူးလ၏ ရနံ့အလှူ
ပုရစ်ဖူးနှင့် ပိတောက်ပန်းတို့ အကြားမှ ကလေးငယ်ပမာ ပြေးလွှား ခုန်ပေါက်လာသူမှာ တန်ခူးလေ ဖြစ်သည်။ တန်ခူးလေသည် မွှေးမြမြ လန်းလန်းဆတ်ဆတ်။
သူသည် ပိတောက်ဦးကို ခူးခဲ့သည်။ ပုရစ်ဖူးထံမှ ရနံ့သစ်ကို တောင်းခဲ့သည်။ ထို့နောက် လောက မိတ်ဆွေ အပေါင်းအား ရနံ့အလှူ ပေးခဲ့လေသည်။
သင်္ကြန်တေးကို အိမ်ပေါက်စေ့ ဆိုပြသည်။ ပန်းငုံကလေးများ ပွင့်နိုင်အောင် အားပေးစကား ပြောကြသည်။ ကြင်နာသော လေသံနှင့် တီးတိုး ဆိုသည်။
ရိုင်းစိုင်းသော ဟန်အမူအရာ မရှိ။ သိမ်မွေ့စွာ စကား ဆိုလေ့ရှိသည်။ အလင်္ကာ ဆရာသည်ပင် တန်ခူးလေ၏ သိမ်မွေ့ဟန်ကို ချောင်းမြောင်း၍ သုတေသန ပြုမည် ကြံဖူး၏။
ပိတောက်ပန်းသည် သူလာသော အခါ ကိုယ်ကို ယိမ်းကာနွဲ့ကာ ကခုန်လေသည်။ တန်ခူးလေကလေး၏ စည်းချက်၊ ဝါးချက်သည် သွက်လှသော်လည်း ပန်းကလေးမှာ မမောရှာချေ။
သူသည် လောကကို ပျော်ရွှင်အောင် ဖန်တီးသော်လည်း နာမည် မခံချေ။ မထင်မရှား ကိုယ်ရောင် ဖျောက်ကာ နေတတ်သည်ကိုသာ သတိပြုမိသည်။
▪ – ¤ – ▪
ဘေးမဲ့နှင့်ဆု
လူ ။ ။ အို … နွား
သင့်အား သင်္ကြန်ပွဲတွင် ငါတို့ ဘေးမဲ့ လွှတ်ကုန်အံ့။ သူသတ်လက်တွင် ကြောက်မက် စိုးရိမ်နေရှာသော သင်၏ မျက်လုံးအိမ်ကို ငါတို့ မကြည့်ရက်ကုန်။ ဆွေတကွဲ၊ မျိုးတကွဲ၊ သားတကွဲ၊ မယားတကွဲနှင့် မျက်ရည်လည်ရွဲ သေပွဲ ဝင်ရအံ့သော သင့်ဖြစ်အင်ကို ငါတို့ မကြည့်ရက်ကုန်။
တဘူးဘူး တဘဲဘဲနှင့် ရင်ကွဲအောင် အော်ရှာသော်လည်း သင့်အား သနားကြင်နာသူ မရှိ။ လိုချင် မျက်စိသာလျှင် အရင်း ရှိကုန်သော သူသတ်တို့ လက်တွင် သင့်ဘဝကို မထားရက်ကုန်။
ထို့ကြောင့် ငါတို့ သင့်အား ဘေးမဲ့ လွှတ်ကုန်အံ့။ ငါတို့အား ဆုကို ပေးလော့။
နွား ။ ။ အို … လူ
ငါ့အသက်ကိုပင် မကယ်နိုင်သော ငါသည် သင်တို့အား အဘယ်ဆုကို ပေးနိုင်အံ့နည်း။ သင်တို့၏ အကြင်နာသည် သာလျှင် သင်တို့ ရရှိပြီး ဆု ဖြစ်တော့သည်။ ကျေနပ်ပါလော့။ ။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
