>
နှင်းခါးမိုး
မတ် ၁၉၊ ၂ဝဝ၉
သူ့ကိုသတ်မယ့်သူ ရှိနိုင်သည်ဟု ကြိုတင်သတိပေးပါလျက် ဗိုလ်ချုပ်အောင်ဆန်းသည် လူထုမေတ္တာအပေါ် ယုံစားခဲ့၏။ လူထုသည် သူတို့ခေါင်းဆောင်ကို ချစ်ယုံသာ ချစ်တတ်ပြီး အကာအကွယ်ပေးရန်မူ ပျက်ကွက်ခဲ့သည်ဟု ကျနော် စွဲချက်တင်ချင်မိသည်။ ပိတ်ကားပေါ်က ‘ရွှေဘ’ကမူ ပရိသတ် လက်ခုပ်သံကြောင့် အလူးအလိမ့် ခံနေရရာမှ ပြန်ထလာနိုင်၏။ တကယ့်ဘဝထဲက လူထုချစ်သော ခေါင်းဆောင်တို့ ခမျာမှာမူ မတရားမှုများ၏ လက်ချက်ဖြင့် ဘဝ နစ်မွန်းခဲ့ကြသည်မှာ အကျည်းတန်သော သမိုင်းစာမျက်နှာတွေပေါ် မြင်နိုင် တွေ့နိုင်ပေသည်။
မည်သို့ပင်ဖြစ်စေ မြင်းတစီး၊ ဓားတလက်ဖြင့် သစ္စာ အရှာထွက်ခဲ့ကြသူများသည် ကျနော်တို့၏ နောက်မျိုးဆက်များအတွက် အိပ်ယာဝင်ပုံပြင်များ အမှန်တကယ် ဖြစ်သင့်ပါသည်။
ဗိုလ်ချုပ်အောင်ဆန်းသည် အဖိုးဗိုလ်လရောင် ပုံပြင်ဖြင့် အိပ်ယာဝင်ခဲ့၏။ ကျနော်ကတော့ ကဗျာတပုဒ်ဖြင့် အိပ်ယာဝင်ခဲ့ပါသည်။
၁။
ဒီဓားက
တရားကိုစောင့်တယ်။
လေမှာ စပယ်ပန်းနံ့ လှိုင်လို့
ကောက်ပင်စိမ်းတွေကို တိုးဖြတ်ပြီး
အိမ်ကို ငါပြန်ခဲ့တယ်၊
ဒီအချိန်ဆို
ခြံဝမှာ ငုတွေ ထိန်နေရောပေါ့။
အို … ကြည့်စမ်း
ပြေးထွက်လာတာ
ငါ့သားပါပဲ၊
မမြင်ဘူးသေးပေမယ့် ရင်ကသိနေ
သူ့နောက်က နွဲ့နွဲ့ကလေး လွင့်ပါလာတာ
သားရဲ့အမေ
ငါ့ရင်ထဲ ဘယ်တော့မှ မနွမ်းခဲ့တဲ့ပန်းပွင့်
မေတ္တာတရားနဲ့ တမိုးလုံးကို ပြာစေခဲ့သူ
အိုချစ်သူ။
မြေမှာဒူးထောက်ထိုင်ချ
လက်အစုံ ရှေ့ဆန့်ကမ်းပြီး
ထွေးဖက် ပွေ့နမ်းလိုက်ပေမယ့်
တဖြည်းဖြည်း
အရောင်တွေ ရောထွေးပျော်ကျ
အဲဒီခဏမှာ
တိတ်ဆိတ် ငြိမ်သက် အေးချမ်း
ရွာအဝင်လမ်းကလေးက
ဟိုး အဝေး မိုးကုပ်စက်ဝိုင်းဆီ။
၂။
ဒီဓားနဲ့
မတရားမှုတွေကို တိုက်ခိုက်ခဲ့တယ်။
သူယုတ်တို့ရဲ့ နှလုံးသားမှာ
ဒီဓားကို ထိုးစိုက်ခဲ့တယ်။
ငါ့ကို မဖျားယောင်းပါနဲ့
ငါ့ကို မခြိမ်းခြောက်ပါနဲ့
ဘာကိုမှ မလိုချင်တဲ့သူဟာ
ဘာကိုမှ မဆုံးရှုံးခဲ့ဘူး။
သွေးသံရဲရဲပေမယ့်
ဆောင်ဓားပေါ် လက်မြဲခဲ့သူ၊
အိုအရှင်
သင်မှတပါး
ငါ့အား သစ္စာပေးနိုင်သူမရှိ
နတ်ဘုရားရဲ့ အလှမှာလည်း
ငါမကျဆုံးခဲ့ပါ
အမှန်တရားဖြင့်သာ
ဤဓားကို သွေးခဲ့ပါ၏။
၃။
ကျားဆိုးတွေကိုလည်း
သံကြိုး ဖြေလွှတ်ခဲ့
သူရဲတထောင်နဲ့လည်း
ဓားလှံထောင်ချောက်တွေ ဆင်ခဲ့
နံကြားထဲလည်း
အဆိပ်ဓားချက် ထိုးစိုက်ခဲ့၊
ပြီးမှ ငါ့ကိုရင်ဆိုင်
နင် နိုင်နိုင်မလားတဲ့
မိစ္ဆာစစ်ရထားဟာ
ဒုန်းစိုင်း ပြေးဝင်လာပါရော။
မြေလက်တဆုပ်ကို ကောက်နမ်း
သက်သေစကား ပြုခဲ့တယ်၊
လောကကို စောင့်ရှောက်သူတို့ဝိဉာဉ်ကား
သေသည်မရှိ
မြေတမှုန်မျှသာဖြစ်စေ
ငါ့ဝန် ငါကျေစေအံ့။
…
သွေးသံရဲရဲပေမယ့်
ဆောင်ဓားပေါ် လက်မြဲခဲ့တယ်၊
ဟိုး … မိုးကုပ်စက်ဝိုင်းဆီက
ရွာအဝင်လမ်းကလေးပေါ်မှာတော့
ငုပင်တွေအောက် မိသားတစု။
၎။
ဒီဓားက
တရားကို စောင့်ခဲ့တယ်။ ။
နှင်းခါးမိုး
နိုဝင်ဘာ ၂ဝဝ၆
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
