>Ottara Moon – South East Asia 2008

>

ဒီဇင်ဘာ ၃၁၊ ၂၀၀၈

၂၀၀၈ ဟာ အရှေ့တောင်အာရှဒေသအတွင်း မထင်မှတ်တဲ့ နိုင်ငံရေး အပြောင်းအလဲတွေ၊ သဘာဝဘေးဒုက္ခတွေ ကြုံတွေ့ခဲ့ရတဲ့နှစ် ဖြစ်ပါတယ်။

ဖိလစ်ပိုင်နိုင်ငံမှာတော့ မြန်နှုန်းမြင့် အင်တာနက်ဆက်သွယ်ရေး ကွန်ရက် ဆောက်လုပ်ရေးအတွက် တရုတ်ပြည် ဆက်သွယ်ရေး ကုမ္ပဏီတစ်ခုနဲ့ စာချုပ်ချုပ်ဆိုခဲ့တဲ့ ကိစ္စမှာ ဖိလစ်ပိုင်သမ္မတ ဂလိုရီယာအာရိုယို(Gloria Arroyo)နဲ့ သူမရဲ့မိသားစုလည်း ပါဝင်ပတ်သက်သလို ရှိခဲ့တဲ့ လာဘ်စားမှုကိစ္စဟာ သတင်းကျော်ကြားသွားပါတယ်။

မလေးရှားမှ အန်ဝါ အီဘာရာဟင်(Anwar Ibrahim) ဟာ လိင်တူဆက်ဆံမှု အမှုနောက်တစ်ခုနဲ့ စွပ်စွဲခြင်းခံနေရပေမယ့်လည်း သြဂုတ်လ ရွေးကောက်ပွဲမှာ အနိုင်ရခဲ့ပြီး People’s Justice Party ရဲ့ ခေါင်းဆောင် ပြန်ဖြစ်လာပါတယ်။ ကမ္ဘောဒီးယားက ဟွန်ဆန်(Hun Sen) ၀န်ကြီးချုပ်ရာထူးနဲ့ ထပ်မံ အရွေးခံရတယ်။ အရှေ့တီမောနိုင်ငံရဲ့ သမ္မတ Jose Ramos-Horta ကလည်း ဖေဖေါ်ဝါရီလက လုပ်ကြံခံရမှုမှာ ဒဏ်ရာရခဲ့ပြီး အသက်ဘေးမှ လွတ်မြောက်ခဲ့ပါတယ်။

ထိုင်းနိုင်ငံအတွက်တော့ ပြဿနာ အရှုပ်အထွေးတွေ များပြားခဲ့တဲ့နှစ် ဖြစ်ပါတယ်။ ထိုင်းဝန်ကြီးချုပ် နှစ်ယောက်ကို ရာထူးကနေ ဖယ်ရှားပစ်ခဲ့တယ်၊ နယ်စပ်ပြဿနာကြောင့် ကမ္ဘောဒီးယားနဲ့ စစ်ဖြစ်ခါနီးအထိ ဖြစ်ခဲ့တယ်၊ ပြီးတော့ မကြာခင်ကမှ ပြီးဆုံးသွားတဲ့ ထိုင်းလေဆိပ် ပြဿနာကလည်း ကမ္ဘာ့ခရီးသည်လုပ်ငန်းကို ထိခိုက်စေခဲ့ပါတယ်။

၂၀၀၈ ရဲ့ လူထုဆန္ဒပြပွဲတွေထဲမှာ အောင်မြင်မှု အရှိဆုံးကတော့ ထိုင်းနိုင်ငံ PAD(People Alliance for Democracy) ပါတီက ဦးဆောင်ခဲ့တဲ့ လူထုဆန္ဒပြပွဲပဲ ဖြစ်ပါတယ်။ ပီအေဒီဟာ ထောင်ပေါင်းများစွာသော လူထုကို သြဂုတ်လ ကနေ ဒီဇင်ဘာလ အထိ စုစည်းနိုင်ခဲ့ပြီး ပါလီမန် အဆောက်အအုံကို သိမ်းပိုက်နိုင်ခဲ့ပြီး နောက်ဆုံး ထိုင်းနိုင်ငံရဲ့ နိုင်ငံတကာလေဆိပ် နှစ်ခုကိုပါ ပိတ်ဆို့နိုင်ခဲ့ပါတယ်။ သူတို့ရဲ့ ခိုင်မာတဲ့စိတ်ဓာတ်က ၀န်ကြီးချုပ်ကို ဖယ်ရှားနိုင်တဲ့ အထိ အထောက်အကူပြုခဲ့ပါတယ်။

လူမှုသတင်း ၀က်ဆိုက်များဖြစ်တဲ့ Twitter, Youtube, နဲ့ Flickr တို့ကို သုံးစွဲပြီး ဖြစ်ရပ်မှန်တွေကို မှတ်တမ်းတင်ခဲ့ပါတယ်။ ဥပမာ မြန်မာနိုင်ငံ နာဂစ်ဆိုင်ကလုံးမုန်တိုင်း သတင်းနဲ့ ဆန္ဒပြသူများ ထိုင်းလေဆိပ်ကို သိမ်းပိုက်တဲ့ အဖြစ်အပျက်တွေကို ကမ္ဘာအနှံ့ ဖြန့်ဖြူးနိုင်ခဲ့ပါတယ်။

ဒါပေမယ့်လည်း သတင်း လွတ်လပ်စွာစီးဆင်းမှုကို ချုပ်ချယ်ပိတ်ပင်တဲ့ကိစ္စ ဒေသတခွင်မှာ ရှိခဲ့တယ်လို့ မှတ်တမ်းတင်ထားပါတယ်။ မလေးရှားနဲ့ မြန်မာနိုင်ငံတို့က နာမည်ကျော်ကြားတဲ့ ဘလော့ဂါတချို့နဲ့ သတင်းထောက်များကို ဖမ်းဆီးမှုများ ပြုလုပ်ခဲ့ပါတယ်။ ဗီယက်နမ်မှာ ဘလော့နဲ့ပတ်သက်တဲ့ စည်းမျဉ်းဥပဒေသစ်ကို ထုတ်ပြန်ခဲ့ပြီး၊ ထိုင်းနိုင်ငံမှာ ထိုင်းဘုရင်ကို ပုတ်ခတ်တဲ့ ၀က်ဆိုက်တွေကို ပိတ်ပင်ထားပါတယ်။ ဆိုက်ဘာပြစ်မှု (cyber crime) ကို တားဆီးဖို့ဆိုပြီး အင်ဒိုနီးရှားနိုင်ငံ ဂျကာတာမြို့မှာရှိတဲ့ အင်တာနက်ကဖေးမှာ အင်တာနက်သုံးစွဲသူရဲ့ နာမည်နဲ့ မှတ်ပုံတင်နံပါတ်တွေကို မှတ်တမ်းတင်ခိုင်းပါတယ်။

မေလမှာ မြန်မာပြည်ကို ကျရောက်ခဲ့တဲ့ နာဂစ် ဆိုင်ကလုံးမုန်တိုင်းမှာ လူပေါင်း ၁ သိန်းနီးပါး သေဆုံးခဲ့ရပါတယ်။ နာဂစ်ဒုက္ခသည်များဟာ ယခုထိ အစားအစာမလုံလောက်မှု၊ ဖျားနာမှု စတဲ့ ဒုက္ခတွေကို ကြုံတွေ့နေရဆဲ ဖြစ်ပါတယ်။ မြန်မာအစိုးရရဲ့ အတွေ့အကြုံ နဲ့ အစွမ်းအစ ကင်းမဲ့ခြင်းဟာ ဒုက္ခကို ပိုကြီးမားစေခဲ့တယ်။ အစိုးရရဲ့ ကယ်ဆယ်ရေးလုပ်ငန်းဟာ အလွန်နှေးကွေးခဲ့ပြီး လိုအပ်ချက်များကို မဖြည့်ဆည်းပေးနိုင်ခဲ့ပါဘူး။ ပြည်ပက အကူအညီတွေကိုလည်း ငြင်းဆန်ဖို့ ကြိုးစားခဲ့ပါသေးတယ်။

နိုဝင်ဘာလမှာလည်း ဗီယက်နမ်နိုင်ငံရဲ့ ၂၅ နှစ်အတွင်း အကြီးမားဆုံးဖြစ်တဲ့ ရေလွှမ်းမိုးမှုကြောင့် မြောက်ပိုင်းနဲ့ အလယ်ပိုင်းဒေသမှာ လူများစွာ သေဆုံးခဲ့ရပါတယ်။ မလေးရှားနိုင်ငံ ကွာလာလမ်ပူမြို့မှာ ယခုလက ဖြစ်ပွားခဲ့တဲ့ မြေပြိုမှုဟာလည်း ဆောက်လုပ်ရေးကုမ္ပဏီများရဲ့ တာဝန်မဲ့ခြင်းနဲ့ အစိုးရရဲ့ လျစ်လျုရှုခြင်းတို့ကြောင့် ဖြစ်ပါတယ်။ စက်တင်ဘာလမှာလည်း အင်ဒိုနီးရှားနိုင်ငံ အရှေ့ဂျာဗားဒေသမှာ ငွေအလှူလက်ခံဖို့ တန်းစီနေကြတဲ့ လူတန်းရှည်ကြီး အလုအယက် တွန်းတိုးရာမှ လဲကျဖိမိပြီး လူ ၂၁ ဦး သေဆုံးခဲ့ရပါတယ်။

၂၀၀၈ ရဲ့ သတင်းခေါင်းကြီးအဖြစ် အရှေ့တောင်အာရှနိုင်ငံရဲ့ အားကစားသမားများ ပြီးခဲ့တဲ့ တရုတ်အိုလံပစ်ပြိုင်ပွဲမှာ ပါဝင်ခဲ့တာကိုလည်း ထည့်သွင်းသင့်ပါတယ်။ ကြက်တောင်ပြိုင်ပွဲမှာ မလေးရှားနိုင်ငံရဲ့ ၁၂ နှစ်အတွင်း ပထမဆုံးသော အိုလံပစ်ငွေတံဆိပ်နဲ့ စားပွဲတင်တင်းနစ်ပြိုင်ပွဲမှာ စင်ကာပူက ၄၈ နှစ်အတွင်း ပထမဆုံးသော အိုလံပစ်ငွေတံဆိပ် တစ်ခုကို ရခဲ့ပါတယ်။

တရုတ်ပြည်ရဲ့ နွားနို့နဲ့နို့မှုန့် အဆိပ်သင့်ပြဿနာကလည်း ၂၀၀၈ ရဲ့ သတင်းကြီးတစ်ခု ဖြစ်ခဲ့ပါတယ်။ အမေရိကန်သမ္မတ ရွေးကောက်ပွဲသတင်းကိုလည်း အရှေ့တောင်အာရှ နိုင်ငံများက မျက်ခြည်မပြတ်စောင့်ကြည့်ခဲ့ပါတယ်။ အိုဘားမားနဲ့ ဂျွန်မက်ကိန်း နှစ်ဦးစလုံးကို လူကြိုက်များကြပါတယ်။ အိုဘားမားရဲ့ ရွေးကောက်ပွဲ အောင်မြင်မှုဟာ ပြည်သူတွေကို သူတို့နိုင်ငံရဲ့ ပြောင်းလဲရေး လိုအပ်ချက်တွေကို ပြန်လည် တွေးတောလာစေတဲ့အထိ ကူးစက်ခဲ့ပါတယ်။

နိဂုံးချုပ်အနေနဲ့ ၂၀၀၈ နှစ်ဟာ အရှေ့တောင်အာရှ နိုင်ငံများအတွက် ဘေးအန္တရာယ်များ (သဘာဝနဲ့ လူလုပ်တဲ့ဟာ) ရှိခဲ့တဲ့ နှစ်ဖြစ်ပါတယ်။ ဆန်မလုံလောက်မှု ဖြစ်ခဲ့တယ်၊ နို့ထွက်ပစ္စည်းတွေကလည်း အဆိပ်သင့်တယ်၊ အလုပ်အကိုင် ဆုံးရှုံးကြတယ်၊ ဘလော့ဂါသမားများ အဖမ်းခံရတယ်၊ အိမ်တွေဖျက်ဆီးခံရတယ်။

ဒါပေမယ့် အခြေအနေတွေက အရှေ့တောင်အာရှ နိုင်ငံများအတွက် မျှော်လင့်ချက်မရှိဘူးလို့ မဆိုနိုင်ပါဘူး။ ပြည်သူတွေက နိုင်ငံအတွင်း ပြုပြင်ပြောင်းလဲရေးကို မျှော်လင့်လာကြတယ်၊ လူထုတွေက စုစည်းဖို့ စည်းရုံးဖို့ အသင့် ရှိနေကြတယ်။ နောက်ပြီး နိုင်ငံအကြီးအကဲများ သတင်းထောက်တွေနဲ့ တွေ့ဆုံမေးမြန်းမှုတွေ လုပ်တဲ့အခါမှာ လိုအပ်ရင် ဖိနပ်နဲ့ ပေါက်ဖို့လည်း အဆင်သင့် ရှိနေကြပါတယ်။ ။

(ဒီဇင်ဘာ ၂၆ ရက် Global Voice Online မှ ဆောင်းပါးကို ကိုးကားပါသည်။)

---

သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ