>
မြန်မာ့အရေး လှုပ်ရှားသူများကို စင်္ကာပူ အာဏာပိုင်များက မောင်းထုတ်ဟု စင်္ကာပူက မြန်မာတို့ ဝေဖန်
မိုးမခ အထောက်တော် ၀၀၃
သြဂုတ် ၁၂၊ ၂၀၀၈
စစ်အစိုးရနှင့် နိုင်ငံရေး၊ စီးပွားရေး အကျိူးစီးပွားချင်းတူညီသည့် အိမ်နီးချင်းနိုင်ငံများက အာဏာပိုင်များသည် စစ်အစိုးရနှင့် သဘောထားချင်းကွဲလွဲသူများကို လက်သင့်ခံထားရှိခြင်း မပြုတော့ကြောင်း၊ ထိုသူများနှင့် မိသားစုများကို လက်နက်ကိုင်အကြမ်းဖက်သူများ မဟုတ်ပါဘဲနှင့်၊ ရာဇ၀တ်မှု ကျုးလွန်သူများ မဟုတ်ပါဘဲနှင့် ထိုတိုင်းပြည်တို့က နှင်ထုတ်လျက်ရှိကြောင်း ထုတ်ပြန်သည့် စာတစောင်ကို စင်္ကာပူရောက် မြန်မာတစုက ထုတ်ဝေလိုက်သည်။
ထိုစာတမ်းက စင်္ကာပူအစိုးရကို ဝေဖန်ထားရာတွင် ၂၀၀၇ သံဃာ့အရေးအခင်း၊ ၂၀၀၈ စစ်အစိုးရ အခြေခံဥပဒေ ကန့်ကွက်မဲပေးရေး နှင့် နာဂစ် မုန်တိုင်းအရေးအခင်းတို့တွင် စင်္ကာပူရောက် မြန်မာများ၏ အမျိုးသားရေး ဆောင်ရွက်ချက်များကို အာဏာပိုင်များက ထောက်ခံအားပေးသယောင် ဟန်ပြခဲ့ပြီးနောက်ပိုင်း၊ တက်ကြွစွာ ဆောင်ရွက်သူများကို ရဲများ၊ လုံခြုံရေးများနှင့် တဖက်လှည့်ပြီး ခြိန်းခြောက်စစ်ဆေးခြင်း၊ စာရင်းကောက်ခြင်း၊ စောင့်ကြည့်ခြင်းတို့ ပြုလုပ်ကြောင်း၊ အလုပ်ရှင်များ၊ ကျောင်းများအထိ လာရောက်ပြီး အလုပ်ခွင်နှင့် စာသင်ကြားမှုတို့ အနှောက်အယှက်ဖြစ်အောင် လိုက်လံ စုံစမ်းနှောက်ယှက်ကြောင်း၊ စင်္ကာပူရှိ အတိုက်အခံနိုင်ငံရေးပါတီနှင့် နိုင်ငံခြားသံရုံးများနှင့် ဆက်သွယ်မှုတို့ကိုလည်း ကန့်သတ်ပိတ်ဆို့ကြောင်း၊ နောက်ဆုံးတွင် မြန်မာအမျိုးသားရေးတက်ကြွသူများထဲမှ လူ ၁၀ ဦး ကျော်ကို ရွေးထုတ်ပြီး တရားဝင်နေထိုင်ခွင့် ဗီဇာသက်တမ်း ထုတ်မပေးခြင်း၊ တိုးမပေးခြင်းနှင့် ရုတ်သိမ်းခြင်းအထိ ဆောင်ရွက်လာကြောင်း၊ ထို့အတွက် စင်္ကာပူအစိုးရသည် အကြမ်းမဖက်သော၊ ရာဇ၀တ်မှုကျုးလွန်ခြင်းမရှိသော သာမန် မြန်မာအမျိုးသားများကို မတရားဖိနှိပ် နှိပ်ကွပ်မှုများ ပြုလုပ်နေကြောင်း အချက်အလက်များနှင့် ဖော်ပြထားသည်။
၎င်းစာတမ်းတွင် ဖော်ပြထားသူတို့မှာ – ကိုစိုးသီဟ၊ ကိုမျိုးထွန်း၊ ကိုလှိုင်မိုး၊ ကိုကျော်စိုး၊ ကိုသူရိန်ဝင်း၊ မငွေဇင်စိုး၊ ကိုဝဏ္ဏစောသိန်း၊ မအေးသန္ထာ၊ ကိုစိုးထွန်းနှင့် အမည်မထုတ်ပြန်ရသေးသည့် အခြား မြန်မာအမျိုးသမီး ၃ ဦး တို့ဖြစ်သည်။
မြန်မာ့အရေးကို မူတည်၍ အမြတ်ဝင်ထုတ်မည်ကို စိုးရိမ်ပြီး အတိုက်အခံနိုင်ငံရေးပါတီက တာဝန်ရှိသူတို့ကို စင်္ကာပူအာဏာပိုင်တို့က ကြိုတင်နှိမ်နှင်းထားပြီး ဖြစ်ကြောင်း၊ စင်္ကာပူ လုပ်ငန်းရှင်များ၊ ကျောင်းများနှင့် အဖွဲ့အစည်းများအသီးသီးမှာလည်း စင်္ကာပူ အာဏာရှင်တို့၏ လက်စောင်းထက်မှုကို သိထားသဖြင့် ၀င်ရောက် စာနာမှုများ၊ တောင်းပန်မှုများ ဆောင်ရွက်ဖို့အရေး ၀န်လေးလျက်ရှိနေကြောင်း၊ မြန်မာ လူမှုအသိုင်းအ၀ိုင်းကြီးမှာ လူ တသိန်းနီးပါး စင်္ကာပူတွင် ရှိနေရာ စင်္ကာပူအစိုးရမှာ သူ့တိုင်းပြည်တွင် မြန်မာ့အရေး မျက်လုံးပွင့်လာသလို သူ့ပြည်သားတို့ လွတ်လပ်ခွင့် အပြည့်အ၀ လိုချင်လာမှာကို စိုးရိမ်ကြောင်း မြန်မာအရေးလှုပ်ရှားသူ စင်္ကာပူရောက် မြန်မာနိုင်ငံသားတဦးက ထင်မြင်ချက် ပြောကြားသည်။
နိုင်ငံတကာအမြင်တွင် စင်္ကာပူသည် စီးပွားရေး လွတ်လပ်ခွင့် အပြည့်အ၀ရှိပြီး အကန့်အသတ်ရှိ ဒီမိုကရေစီစနစ် ထွန်းကားလျက်ရှိရာ ယခုကဲ့သို့ အင်အားနည်းသည့် နိုင်ငံခြားသားများ၏ အယူနှင့် ဆန္ဒ လွတ်လပ်စွာ ဆုပ်ကိုင်ခွင့်ကို ချုပ်ချယ် နှိမ်ချသည့် အလေ့အကျင့်မျိုး ရှိကြောင်း ထင်ရှားအောင် ဖော်ထုတ်လာနိုင်ပါက စင်္ကာပူအာဏာပိုင်တို့မှာ အရှက်သာ ရှိမည်ဆိုပါက အရှက်ရဖွယ် ဖြစ်သည်ဟု ၎င်းက ထုတ်ဖော်ပြောဆိုသည်။ မဆင်ခြင်နိုင်လျင်လည်း မြန်မာစစ်အစိုးရဘက်တော်သားများ စာရင်းတွင် တရုတ်၊ အိန္ဒိယ၊ ရုရှား၊ ထိုင်းတို့နှင့်အတူ စင်္ကာပူနိုင်ငံကိုပါ တရားဝင် ရှေ့တန်းမှာ စာရင်းတိုးလိုက်ရုံသာ ရှိသည်ဟု မှတ်ချက်ပေးသည်။
ပြည်ပရောက် မြန်မာနိုင်ငံသားများထံက စုပေါင်းလက်မှတ်ထိုး ဆန္ဒထုတ်ဖော်မှုကို ကောက်ယူပြီး စင်္ကာပူအစိုးရနှင့်တကွ နိုင်ငံတကာအဖွဲ့အစည်းများကို တင်ပြတောင်းဆိုရန် အစီအစဉ် ရှိမရှိကို မတွေ့ရသေးပေ။ ပြည်ပရောက် မြန်မာအရေး လှုပ်ရှားသူ အစုအဖွဲ့များနှင့်တကွ လူမှု ကယ်ဆယ်ရေးကို ဆောင်ရွက်လျက်ရှိသော ကူညီရေးအဖွဲ့များ၊ သံဃာအဖွဲ့အစည်းများကလည်း ထိုကိစ္စနှင့် ပတ်သက်ပြီး ချက်ခြင်း သဘောထားထုတ်ပြန်မှုကို မတွေ့ရသေးချေ။ ၂၀၀၇ နှောင်းပိုင်း မြန်မာအရေးကို အထူးတက်ကြွစွာ ဆောင်ရွက်လာသော မြန်မာဘလော့ဂါ အစုအဖွဲ့များထံသို့လည်း ထိုစာတမ်းကို လိပ်မူပြီး ပေးပို့ထားသည်ကို တွေ့ရသည်။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
