မပြောရမနေနိုင်လို့ပြောတဲ့စကား … အသံထွက်မှားတဲ့ခြင်္သေ့အကြောင်း
ယမထာ
သြဂုတ် ၁၉၊ ၂၀၁၃
(၁)
ကျွန်တော်တို့ငယ်ငယ်က မင်းသားကြီးဦးကျော်ဟိန်းအမျိုးသမီးလိုဝတ်ဆင်ပြီး သရုပ်ဆောင်ခဲ့တဲ့ ရုပ်ရှင်ကားဟာ အင်မတန်မှနာမည်ကြီးပါ တယ်။ ရုပ်ရှင်နာမည်ကတော့”ဒေါင်းယောင်ဆောင်သောကျီး”ပါတဲ့ဗျား။
အင်းဝသားကဗျာဆရာကြီး ဆရာကြည်အောင်ကတော့”ခွေးတစ်ကောင်အကြောင်း”ကို ဟောသလိုရေးခဲ့ပါရဲ့။
ကျားသား
စားချင်တဲ့ခွေး ။
သစ်ကိုင်းခြောက်
‘ဖျောက်’
ကြောက်လန့်လို့ပြေး ။ ။
စိနခေါင်းဆောင်ကြီးမော်စီတုန်းကတော့ စက္ကူကျားဆိုတဲ့စကားလုံးကို သုံးခဲ့ဖူးပါတယ်။ ရုပ်ပြသာကောင်းပြီး စွမ်းအင်တော့မရှိတဲ့သဘော။ မြန်မာစကားမှာတော့ သင်္ကြန်အမြောက်ဆိုတာရှိပါတယ်။
(၂)
မနေ့ကပဲ ခြင်္သေ့ယောင်ဆောင်တဲ့ ခွေးတစ်ကောင်အကြောင်း ဖတ်လိုက်ရတယ်။ ပုံပြင်မဟုတ် ဝတ္ထုမဟုတ်။ တကယ့်အဖြစ် တကယ့် သတင်းပါဗျား။
ကျွန်တော်တို့အိမ်နီးချင်းတိုင်းပြည်ကြီးရဲ့ တိရစ္ဆာန်ရုံတစ်ရုံမှာပေါ့ဗျာ။ အာဖရိကခြင်္သေ့ဆိုပြီးပြ သထားတဲ့အကောင်တစ်ကောင်ဟာ အသံ ထွက်တော့မှခြင်္သေ့ဟိန်းသံမဟုတ်ပဲ ခွေးဟောင်သံဖြစ်နေဆိုပဲဗျ။ ဖြစ်ပေမပေါ့။ တကယ်ကလည်း တိဗက်သိုးထိန်းခွေးကိုးဗျ။ ခွေးမသား စစ်စစ်ဆိုပါတော့ဗျာ။
၂၀၁၃ခုနှစ် သြဂုတ်လ ၁၇ ရက်ထုတ် Daily Eleven သတင်းစာရဲ့စာမျက်နှာ ၁၄ ပါ”ခွေးတစ်ကောင်ကို ခြင်္သေ့အဖြစ်ရုပ်ဖျက်ကာပြသသည့်တရုတ်တိရစ္ဆာန်ရုံပိတ်လိုက်ရ” ဆိုတဲ့သတင်းတိုလေးကို ဖတ်မိတဲ့ ကျွန်တော့်မှာ ရယ်၍ငို၍မရတဲ့မျက်ခွက်ကြီးနဲ့ အတွေးတွေလည်း တ ထွေး ကြီးတွေးမိပါရဲ့ဗျာ။
(၃)
ကျွန်တော်တို့တတွေ ဒီကနေ့ဒီအခါမှာ လှိုင်လှိုင်ကြီးမြင်နေတွေ့နေကြားနေရတဲ့စကားလုံးကတော့ “ဒီမိုကရေစီအသွင်ကူးပြောင်းရေး”ဆိုတာပါပဲဗျာ။ ကြားရကြားရ နားဝမှာအရသာရှိလှပါရဲ့။ သို့သော်လည်းပေါ့လေ။ ဆိုရိုးရှိတာက စကားနောက်တရားပါတဲ့။ စကားထဲကဇာတိပြတဲ့။ချစ်လှစွာသောကဗျာဆရာကြီး ဒဂုန်တာရာကတော့ စကားလုံးနောက်မှာ အဘိဓမ္မာရှိပါသတဲ့။ ဟုတ်ကဲ့ ။ ပညတ်ရာဓာတ်ပါဆိုသလို ပေါ့လေ။ ဒီမိုကရေစီစနစ်ကိုကူးကြပြောင်းကြတဲ့အခါမှာ အနှစ်သာရတွေမပြောင်းလဲပဲအသွင်သဏ္ဍာန်သက်သက်သာပြောင်းလဲမှာကိုတော့လည်း ညီမလေးရယ်စိုးရိမ်မိတယ်လို့ပဲပြောချင်ပါသဗျာ။
အရေခွံသာပြောင်းပြီးအဆိပ်တွေအတောက်တွေရှိနေဦးမယ်ဆိုရင် အဝတ်အစားတွေသာလဲပြီးစိတ်အရင်းခံတွေကအရင့်အရင်ကအတိုင်းပဲဆိုရင် စာရေးဆရာကြီးမောင်သာရရဲ့ဝတ္ထုခေါင်းစဉ်တစ်ခု(နောက်ဆုံးတော့ကျော်ဟိန်းဟာကျော်ဟိန်းပါပဲ)လိုနောက်ဆုံးတော့ကျီးကန်းဟာကျီးကန်း ခွေးဟာခွေးပဲဖြစ်ကြောင်းပါဗျား ။ ။