>
ရန်ကုန်တိုင်းရဲမှူး စစ်ဘက်အရာရှိဖြင့် ပြောင်းရွှေ ခန့်ထား
မိုးမခ အထောက်တော်၊ ရန်ကုန်
မတ်လ ၁၈၊ ၂၀၁၀
ပြီးခဲ့သည့် ၂၀၀၉ ခုနှစ် ကုန်ခါနီးကမှ ရန်ကုန်တိုင်း ရဲမှူးအဖြစ် ရာထူးတိုးခန့်အပ်ခြင်းခံရသူ ရဲမှူးကြီး အောင်နိုင်သူအား မန္တလေးမြို့သို့ ပြောင်းရွှေ့လိုက်ပြီး ရန်ကုန်တိုင်းရဲမှူးကြီးအဖြစ် ရခိုင်ပြည်နယ်မှ ပြောင်းရွှေ့လာမည့် ရဲမှူးကြီး အောင်ဒိုင်းအား တာဝန်ယူစေမည်ဟု ရန်ကုန်တိုင်း ရဲတပ်ဖွဲ့မှ ရဲအရာရှိ တဦးက ပြောဆိုသည်။
ယမန်နှစ်စက်တင်ဘာလက ရန်ကုန်တိုင်း ရဲမှူးကြီး ဖြစ်သူ ရဲမှူးကြီးဝင်းနိုင်သည် ဇနီးဖြစ်သူ၏ အလှပြင်ဆိုင်မှ စတင်သည့် ပြဿနာကြောင့် နေပြည်တော်မှ ခေါ်ယူစစ်မေးခြင်း ခံနေခဲ့ရစဉ် ထွက်ပြေးတိမ်းရှောင် သွားခဲ့သည်။ ရဲမှူးကြီး ၀င်းနိုင်၏ ဇနီးဖြစ်သူ၏ အလှပြင်ဆိုင်ဟု ဟန်ပြထားသည့် အနှိပ်ခန်းတွင် မိန်းကလေး ၀န်ထမ်းများအား မဖွယ်မရာပြုသည့် စစ်ဗိုလ်နှစ်ဦးကို ပိုင်ရှင် ရဲမှူးကြီး ဇနီးက ဖမ်းဆီးအရေးယူစေသည့် ကိစ္စနောက်ပိုင်း ရဲမှူးကြီး ဇနီးအား နေပြည်တော်မှ ခေါ်ယူစစ်ဆေးသည့် ကိစ္စဖြစ်ပွားခဲ့သည်။
ထိုသို့ဖြစ်ပွားပြီးနောက် ရဲမှူးကြီး ၀င်းနိုင်ပါ အခြားသော အာဏာ အလွဲသုံးမှုများ၊ လာဘ်စားသည့် ကိစ္စများဖြင့် ခေါ်ယူစစ်မေးနေစဉ် ထွက်ပြေး လွတ်မြောက်သွားခဲ့ခြင်း ဖြစ်သည်။ လက်ရှိ ရန်ကုန်တိုင်း ရဲမှူးကြီး အောင်နိုင်သူမှာ လောင်းကစားမှုများ နှင့်အခြားသော ရာဇ၀တ်မှုများ ကိုနှိမ်နှင်းရာတွင် နာမည်ကောင်းရသူ တဦးဖြစ်သော်လည်း ရန်ကုန်မြို့၏ ရဲမှူးရာထူးကို စစ်တပ်မှ ပြောင်းရွှေ့လာသူကိုသာ ခန့်အပ်လိုသည့် အထက်လူကြီးများ၏ ဆန္ဒအရ ရွှေ့ပြောင်းလိုက်ခြင်း ဖြစ်သည်ဟု ရန်ကုန်မြို့မှ ရဲအရာရှိက ပြောဆိုသည်။
ယခုရန်ကုန်တိုင်းရဲမှူးအဖြစ် တာဝန်ယူမည့် ရဲမှူးကြီး အောင်ဒိုင်းမှာ မဆလ အစိုးရ လက်ထက်တွင် စစ်ထောက်လှမ်းရေး တွင်ဗိုလ်ကြီး အဆင့်ဖြင့် တာဝန်ထမ်းဆောင်ခဲ့ပြီး ၁၉၈၃ခုနှစ် ဗိုလ်ချုပ်တင်ဦးနှင့် ပြည်ထဲရေးဝန်ကြီး ဦးဘိုနီတို့အား ဖြုတ်ချသည့် အချိန်က ထောက်လှမ်းရေးမှ ခြေလျင်တပ်သို့ ပြောင်းရွှေ့ခြင်း ခံခဲ့ရပြီး နအဖ အစိုးရလက်ထက်တွင် ပြည်သူ့ရဲ ဘက်သို့ ထပ်မံပြောင်းရွှေ့ခြင်းခံခဲ့ရခြင်း ဖြစ်သည်။
နအဖ အစိုးရ လက်ထက်၂၀၀၀ ခုနှစ်လွန်ကာလတွင် စစ်ထောက်လှမ်းရေးက တိုက်ခိုက်ရေးတပ်ဖွဲ့များထက် အာဏာပိုမိုရှိလာခဲ့ပြီး အာဏာနှင့်အတူ ကိုယ်ကျိုးစီးပွားလည်း ပိုမိုလုပ်ဆောင်လာနိုင်ပြီး နအဖအစိုးရအဖွဲ့ဝင်များ၏ ကိုယ်ပိုင်စီးပွားနှင့် ပတ်သက်သည့် အချက်အလက်များကို စုဆောင်းလာသည့်အတွက် ၂၀၀၄ခုနှစ်တွင် စစ်ထောက်လှမ်းရေးကို ဦးဆောင်သူ ဗိုလ်ချုပ်ကြီး ခင်ညွှန့်အပါအ၀င် နောက်လိုက်နောက်ပါများအား ဗိုလ်ချုပ်မှူးကြီးသန်းရွှေက ဖြုတ်ထုတ်သတ်နည်းဖြင့် နှိပ်ကွပ်ခဲ့ပြီးနောက်
ယခုကဲ့သို့ ရဲဘက်မှ ရာထူးတက်လာသူ၏ နေရာတွင် တပ်မှ ပြောင်းရွှေ့လာသူကို လဲလှယ်ခြင်းသည် တပ်မှလာသူကိုသာ ပြည့်ပြည့်၀၀ ယုံကြည်လေ့ရှိသည့် အစွဲကြောင့် ဖြစ်လိမ့်မည်ဟု ပြည်တွင်းမှ အကဲခတ်သူ တဦးက သုံးသပ်ပြောဆိုသည်။
ရာထူးတာဝန်များ လွှဲပြောင်းခြင်းကို လာမည့် တစ်ပတ်တာကာလအတွင်း ပြီးစီးအောင် လုပ်ဆောင်မည်ဟု လည်း ရဲအသိုင်းအ၀ိုင်းမှ ကြားသိရသည်။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
