လင်းသက်ငြိမ် ● နှလုံးသားမပါတဲ့ ပေါင်မုန့်တွေ

February 19, 2019

လင်းသက်ငြိမ် ● နှလုံးသားမပါတဲ့ ပေါင်မုန့်တွေ
(မိုးမခ) ဖေဖော်ဝါရီ ၁၉၊ ၂၀၁၈

မှန်ကောင်တာထဲက ပေါင်မုန့်ဖြစ်ဖြစ်
ခြင်းထဲက ပေါင်မုန့်ဖြစ်ဖြစ်
အတူတူ အနူနူပဲ
အကောင်းစားပေါင်မုန့်ဖြစ်ဖြစ်
အညံ့စားပေါင်မုန့်ဖြစ်ဖြစ်
ပေါင်မုန့်စရိုက် ပေါင်မုန့်အချိုးက တစ်ပုံစံတည်း
လမ်းတိုင်းမှာ ပေါင်မုန့်အိတ်ခွံတွေကို တွေ့နိုင်ပေမယ့်
ပေါင်မုန့်တွေကိုတော့ လမ်းတိုင်းမှာ မတွေ့နိုင်တဲ့
ဘယ်သူ့ နိမိတ်စကားလည်း မသိဘူး
အခုထိ သွေးသံတရဲရဲ
လက်တစ်ကမ်းအနေအထားမှာ ရှိတဲ့
ပေါင်မုန့်တွေ ငေးရင်း
သူ့ခွက်ကလေးထဲက ကျောက်ခဲတွေကို အသံမြည်အောင်
လှုပ်ခါနေတဲ့ သူတောင်းစားကလေးတွေ
ပေါင်မုန့်တွေကို ငေးနေရုံနဲ့
ပေါင်မုန့်တွေက မင်းတို့ဗိုက်ထဲကို ရောက်မလာဘူးတဲ့
ခြေတစ်ဖက်ပြတ်နေတဲ့ သူတောင်းစားအိုကြီးက
စိတ်ပျက်နေတဲ့ အသံနဲ့လှမ်းအော်တော့လည်း
ပေါင်မုန့်တွေက မသိသလိုနေနေကြတုန်းပဲ
ကမ္ဘာမှာပေါင်မုန့်တွေအများကြီးရှိမှန်း
ပေါင်မုန့်တွေသိကြတယ်
ကမ္ဘာမှာငတ်မွတ်နေသူတွေအများကြီးရှိမှန်း
ငတ်မွတ်နေသူတွေမသိကြဘူး
ပေါင်မုန့်တစ်လုံးကို စစ်တိုက်သလိုတိုက်ယူရင်
ပေါင်မုန့်ဆိုင်ကလူတွေက ခွေးရိုက်သလို ဝိုင်းရိုက်မှာကို
သူတောင်းစားကလေးတွေ သိထားတော့
ပေါင်မုန့်တွေဟာ သူတို့ရဲ့ သောက်ချိုးအတိုင်းနေထိုင်တယ်
မိုးပေါ်ကနေ လေယာဉ်တွေ ပျက်ကျလာနိုင်ပေမယ့်
ပေါင်မုန့်တွေကတော့ ဘယ်ကမှ ပျက်ကျမလာနိုင်ဘူး
တရားဟောဖို့လောက်သာ စိတ်ဝင်စားပြီး
ပေါင်မုန့်တစ်လုံးကို လွှတ်ချလိုက်ဖို့ မလွယ်တဲ့လူသားတွေ
ပေါင်မုန့်ဆိုင်ထဲမှာ ကျကျနနထိုင်လို့
ဆိုင်အပြင်ဘက်မှာတော့
ဆာလောင်နေတဲ့မျက်လုံးများစွာနဲ့
လေထဲလွင့်နေတဲ့ ပေါင်မုန့်အိတ်ခွံတွေနဲ့
ပေါင်မုန့်ဆိုင်ထဲက သီချင်းသံကို အားလုံးကြားရတယ်
ကမ္ဘာမြေ ငြိမ်းချမ်းပါစေတဲ့။      ။

လင်းသက်ငြိမ်


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Tags: ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ကဗျာ

Comments are closed.

Archives