ခိုင်မာကျော်ဇော ရသဆောင်းပါးစုံ

ခိုင်မာကျော်ဇော ● ကေအဲန်ဒီအို ဗိုလ်ချုပ်မန်းကျော်ဖေ (သို့မဟုတ်) သင်္ကန်းစွန့်ပြီး လက်နက်ကိုင်ခဲ့ရသူ

ခိုင်မာကျော်ဇော ● ကေအဲန်ဒီအို ဗိုလ်ချုပ်မန်းကျော်ဖေ (သို့မဟုတ်) သင်္ကန်းစွန့်ပြီး လက်နက်ကိုင်ခဲ့ရသူ

(မိုးမခ) ဇန်နဝါရီ ၂၃၊ ၂ဝ၁၉


သူ့မျက်နှာသွင်ပြင်က တည်တည်ငြိမ်ငြိမ် အေးအေးချမ်းချမ်း။ အနေအေးပြီး စကားကိုလည်း တွေးတွေးဆဆ ပြောတတ်တယ်။ မျက်ခုံးမွေးထူထူ အသားအရည်ဖြူဖြူနဲ့ သဘောထားရိုးရှင်းပွင့်လင်းတဲ့ ဗိုလ်ချုပ်မန်းကျော်ဖေကို စစ်ဗိုလ်ဆိုတဲ့ နာမဝိသေသနနဲ့တော့ မလိုက်ဖက်လှဘူးလို့ ကျမစိတ်ထဲခံစားရတယ်။ သူ့ကို ကျမက သမာသမတ်ကျတဲ့ ကျေးရွာလူကြီးတဦးလို့မျက်လုံးထဲ မြင်ယောင်မိတယ်။

“ဒါ အဖိုးတူလို သားလိုချစ်ရတဲ့ အဖိုးရဲ့ ရဲဘော်ရဲဘက်ကြီးပေါ့။ ဗိုလ်မှူးချုပ်မန်းကျော်ဖေ” တဲ့။ဘ ကျမတို့လေးစားချင်ခင်ရတဲ့ အဖိုး (ယခင်ကေအဲန်ဒီအို ဗိုလ်ချုပ်) ဗိုလ်ချုပ်ကျော်သောင်းက အတီးမန်းကျော်ဖေနဲ့ကျမကို မိတ်ဆက်ပေးတယ်။ မျက်ခုံးမွေးထူထူကြီးတွေမြင့်တက်ပြီး ပြည့်ပြည့်ဝဝကြီးပြုံးနေတဲ့ အတီးမန်းကျော်ဖေက ကျမကို လေးလေးစားစားနဲ့ လက်ဆွဲနှုတ် ဆက်တယ်။

ကျမစိတ်ထဲ ဒီအတီးရဲ့မျက်နှာက အေးချမ်းလိုက်တာလို့ ရေရွတ်ခဲ့မိတယ်။ နောက်ပိုင်းမှာတော့ ကေအဲန်ယူအစည်းအဝေးတွေမှာ အတီးနဲ့မကြာမကြာ ဆုံတယ်။ ဗိုလ်ချုပ်ကြီးဝတ်စုံဝတ်ထားပေမဲ့ သူမျက်နှာက တည်တည်ငြိမ်ငြိမ် အေးအေးချမ်းချမ်း။ ဆွေးနွေးပွဲတွေမှာလည်း စကားသိပ်မပြော။ ပြောရင်လည်း အေးအေးဆေးဆေး တွေးတွေးဆဆ။ ဒါပေမဲ့ သူ့ဝယ်ဘဝက အေးအေးဆေး ဆေး တွေးတွေးဆဆမဖြစ်ခဲ့ရဘူး။ စစ်ပွဲတွေနဲ့စခဲ့ရတယ်။ တိုက်ပွဲတွေဖြစ်နေတဲ့ကြားကဘဲ သူ ကျားကုတ်ကျားခဲ သေစာရှင်စာသင်ခဲ့ရ တယ်။ ရဟန်းဘဝနဲ့ငရဲကျတဲ့ဘဝတွေကို မြင်ခဲ့တွေခဲ့ရတယ်။ နောက်တော့ သူသင်္ကန်းချွတ်ပြီး လက်နက်ကိုင်ခဲ့ရတယ်။ အတီးက ရွာ သားဘဝနဲ့ဘဲ ရိုးရိုးသားသား လယ်ယာလုပ်ဖို့ဘဲ စိတ်ကူးရှိခဲ့တာ။ အတီးမှတ်မိသလောက်တော့ အတီးအသက် အသက် ၇ နှစ် ၈ နှစ် အရွယ်လောက်ထဲကအတီးတို့ဒေသတွေဟာ မအေးချမ်းဘူး။

အတီးတို့နယ်တဝိုက်မှာ ဗမာစစ်တပ်နဲ့ ကေအဲန်ယူတပ်တွေ နေ့တိုင်းလိုလို တိုက်ပွဲဖြစ်တယ်။ ရွာသားတွေကလည်း ဟိုပြေး ဒီပြေးပေါ့။ အလုပ်အကိုင်တွေလည်း ကောင်းကောင်းမွန်မွန်လုပ်လို့ မရဘူး။ ကလေးတွေလည်း ကျောင်းတက်လို့မရဘူး။ စာသင်ချင်ရင် ဘုန်းကြီး ကျောင်းတွေမှာဘဲ ခက်ခက်ခဲခဲသင်ရတယ်။ အတီးအသက် ၂ဝ အထိ အမျိုးသားရေးတို့ ကရင့် တော်လှန်ရေးတို့ ဘာမှမသိဘူး။

ကရင့်တော်လှန်ရေးထဲကိုဝင်တာက အတီးအသက် ၂၁ နှစ်အရွယ်မှာမှ စဝင်ခဲ့တာ။ အဲ့ဒီအချိန်တုန်းက အတီးက သင်္ဃန်း ဝတ်ကြီးနဲ့။ ကေအဲန်ယူနဲ့ ဗမာစစ်တပ်တိုက်ပွဲတွေဖြစ်တော့ ဗိုလ်ချုပ်မြဦးဆောင်တဲ့တပ်တွေ ပြန်ဆုတ်လာကြတာ။ သူတို့ စစ်ကြောင်း ၃ ကြောင်းခွဲပြီး ပြန်ဆုတ်လာတာ။ တစ်ကြောင်းက အတီးတို့ရွာနားမှာ။ အဲ့ဒီမှာ လိုက်လာတဲ့ ဗမာစစ်တပ်နဲ့ တိုက်ပွဲဖြစ်တယ်။ တရွာလုံးကို ဆူညံနေတာဘဲ။ ရွာက ယောက်ျား မိန်းမအားလုံးကို ဗမာစစ်တပ်နေ ဘုန်းကြီးဝန်းထဲမှာ ခေါ်စုပြီး ရိုက်နှက်ထုထောင်းတာတွေလုပ်တာ တရွာလုံးကို ပွက်လောက်ရိုက်နေတာဘဲ။ ငရဲကျနေတဲ့အတိုင်းဘဲ။

အတီးအဖေက လယ်ထဲကနေ ရွာမှာတော့ တိုက်ပွဲဖြစ်နေပြီး ပြန်ကြည့်ဦးမှဆိုပြီး ရွာကိုလှည်းမောင်းပြီး ပြန်လာတာ။ အတီး အဖေက ရဟန်းဒါကာ ကျောင်းဒါကာဆိုတော့ ဓလေ့ရိုးရာအရ အဖြူရောင်ဝတ်တယ်။ ဝတ်ဖြူစင်ကြယ်နဲ့ပေါ့။ အဲ့ဒီမှာ အတီး အဖေကို ဘုန်းကြီးကျောင်းဝန်းထဲမှာ စစ်တပ်ကနေ ရိုက်နှက်ပြီး စစ်လားဆေးလား လုပ်တော့ဘဲ။ အတီးက ဘယ်နေသာ တော့မလဲ။ သင်္ဏန်းဝတ်ကြီးနဲ့ ဘုန်းကြီးကျောင်းပေါ်က အတီးပြေးဆင်းလာပြီး အဲ့ဒါ ဦးဇင်း ဒါယကာကြီးဘဲ။ တိုက်ပွဲဖြစ်တာ သူဘာမှ မသိဘူးလို့ပြောတော့ စစ်သားတွေက အတီးကို ဘက်နက်တွေနဲ့ ထိုးဖို့လုပ်တာ။

စစ်သားတချို့က ဦးဇင်းနဲ့ဘာမှမဆိုင်ဘူး။ ကိုယ်နဲ့မဆိုင်တာ မလုပ်နဲ့။ ကိုယ့်အလုပ် ကိုယ်လုပ်ဆိုပြီး အတီးကိုဆွဲပြီး ကျောင်း ပေါ်ကို ပြန်တက်ခိုင်းတယ်။ အဲ့ဒီအချိန်တုန်းက အတီးရဲ့အကိုအကြီးဆုံးက ရွာမှာလူကြီး။ သူ့ နာမည်က ကိုပါပုတဲ့။

ရွာမှာတိုက်ပွဲဖြစ်တော့ ဘယ်မှာလဲ ရွာလူကြီးကို ခေါ်တာပေါ့။ သူတို့ခေါ်တော့ သူကြီးက လာရတာပေါ့။ အတီးအကိုလာတော့ လက်ပြန်ကြိုးတုပ် ရိုက်နှက်ပြီး ရွာထဲကဆွဲထုတ်ပြီး ရွာပြင်မှာ သတ်ပစ်လိုက်ကြတယ်။ အသတ်ခံရတာ အတီးအကို တယောက်ထဲမဟုတ်ဘူး။ ၂ ယောက်။ သူ့ရဲ့လုပ်ဖော်ကိုင်ဖက် ဆယ်အိမ်ခေါင်း တယောက်လည်းပါတယ်။ သူ့နာမည်က ပန်းမွှေးတဲ့။ သူတို့ ၂ ယောက်ကို အတူတူဘဲ သတ်ပစ်လိုက်ကြတာ။ အတီးလည်း တော်တော်လေး မခံမရပ်နိုင်ဖြစ်ခဲ့တယ်။ အဲ့ဒီအချိန်က စပြီး သင်္ဃန်းချွတ်ပြီး တော်လှန်ရေးထဲဝင်ခဲ့တာ ဒီနေ့အချိန်ထိဘဲ။ ကရင့်တော်လှန်ရေးထဲကိုဝင်တော့ အတီး တို့ဒေသအနေနဲ့ဆိုရင် ကေအဲန်ယူ တပ်မဟာ (၆) နယ်ပေါ့။ ကေအဲန်ဒီအိုတပ်ရင်းထဲကို ရိုးရိုးစစ်သားဘဝနဲ့ဘဲ အတီးဝင် ရောက်ခဲ့တာ။

သင်္ကန်းချွတ်ပြီး အမျိုးသားတော်လှန်ရေးထဲကို ဝင်ရောက်ခဲ့တဲ့အတီးဟာ ရိုးရိုးသားသား ကြိုးကြိုးစားစားနဲ့ဘဲ စစ်သင်တန်းတွေတက် နိုင်ငံရေးတွေလေ့လာ ခေါင်းဆောင်တွေရဲ့သင်ကြားပို့ချချက်တွေကိုလိုက်နာပြီး အမျိုးသားတော်လှန်ရေးထဲကို တထောင့်တနေရာခဲ့ပါဝင် လာခဲ့သူပါ။ တော်လှန်ရေးထဲမှာဘဲ အိမ်ထောင်ကျတယ်။ တော်လှန်ရေးသမားတို့ရဲ့သဘောသဘာအတိုင်းဘဲ အမျိုးသားတာဝန်တွေ တဖက် အိမ်ထောင်ရေးတာဝန်တွေတဖက်နဲ့ ရုန်းကန်ရှင်သန်ခဲ့ရတယ်။ သားသမီး (၄) ဦးထွန်းကားပေမယ့် ဒီသားသမီးတွေရဲ့ မွေးရပ် မြေတွေက တယောက်တရွာ တနေရာ။

ရောက်တဲ့နေရာမှာ တွေ့တဲ့သူတွေနဲ့ သင့်မြတ်အောင်နေထိုင်တတ်သူ ရိုးသားဖြောင့်မတ်တဲ့ အခြေခံစိတ်ဓာတ်တွေရှိသူမို့လည်း သူ့တော် လှန်ရေး ရဲဘော်ရဲဘက်တွေသာမက သူသွားရာရောက်ရာက ရွာသူရွာသားတွေကရဲ့ လေးစားချစ်ခင်မှုကို ခံခဲ့ရသူတဦးဖြစ်ပါတယ်။

ရွာသားတွေက အတီးတို့ကို ချစ်ခင်လေးစားအားကိုးခဲ့ကြတယ်။ အတီးတို့ရဲ့တော်လှန်ရေးကိုလည်း ကရင်လူထုတွေက ထောက်ခံအား ပေးခဲ့ကြတယ်။ အတီးအမြင်ပြောရရင် ကရင်တော်လှန်ရေးနှစ်ပေါင်း ၆ဝ ကျော် ၇ဝ အထိ ကြံ့ကြံ့ခံနိုင်ခဲ့တာ ကရင်ပြည်သူတွေရဲ့ ထောက်ခံမှုရှိနေလို့ဘဲ။ ဒါကို အတီးအပြည့်အဝပြောရဲတယ်။

အတီးတို့တပ်မဟာမှာ အတီးတို့တော်လှန်ရေးလုပ်ခဲ့တာ တခါမှဆန်မဝယ်စားခဲ့ရဘူး။ အတီးတို့ကိုယ်တိုင် စိုက်တာရှိသလို အများစုကတော့ ရွာသားတွေရဲ့ ထောက်ပံ့မှုနဲ့ဘဲ အတီးတို့ရပ်တည်ခဲ့ရတာလို့ အတီးမန်းကျော်ဖေက သူဖြတ်သန်းခဲ့ရတဲ့ တော်လှန်ရေးသမားဘဝနဲ့ တော်လှန်ရေးပေါ်မြင်တဲ့ သူ့အမြင်တွေကို ပြောပြပါတယ်။

အတီးမန်းကျော်ဖေဟာ တော်လှန်တဲ့မျိုးချစ်တဦးဖြစ်တယ်လို့ အတီးရဲ့လုပ်ဖော်ကိုင်ဖက်တဦးဖြစ်တဲ့ ပဒိုဇော်နောင် (ယခင် ကေအဲန်ယူ တပ်မဟာ ၆ ဒူးပလာယာခရိုင် အတွင်းရေးမှူး) ကလည်း မှတ်ချက်ချပါတယ်။

သူက ကျန်းမာရေးအရ နိုင်ငံခြားကိုရောက်လာပေမယ့် ကိုယ့်အမျိုးသားတော်လှန်ရေးအတွက် ဘာလုပ်ပေးနိုင်မလဲဆိုတာ သူ့ခေါင်းထဲမှာ ရှိတယ်။ အဝေးရောက်နေတဲ့ ကရင်တွေ စုစုစည်းစည်းနဲ့ ကိုယ့်အမျိုးရေးကို ဘယ်လိုဝိုင်းဝန်းလုပ်ဆောင်ကြမလဲဆိုတာကိုလည်း ခေါင်းဆောင်တွေနဲ့ သူတိုင်ပင်ဆွေးနွေးတယ်လို့လည်း ပဒိုဇော်နောင်က ပြောပါတယ်။

ဗိုလ်ချုပ်မန်းကျော်ဖေအတွက် အမှတ်တရ ပြောပြရမယ်ဆိုရင်တော့ ကရင်ရိုးရာလက်ချည်ပွဲနဲ့ပတ်သက်လို့ သူဦးဆောင်ပြီး အကြိမ်ကြိမ် ဆွေးနွေးတင်ပြခဲ့လို့ ကေအဲန်ယူထဲမှာ အဲ့ဒီနေ့ကို ကရင့်တွေအတွက် ရုံးပိတ်ရက်အဖြစ် သတ်မှတ်ဖို့အတွက် ကွန်ကရက်မှာ ဆုံးဖြတ်ချက် ကျခဲ့ဖူးတာ ရှိတယ်။

နောက်တခုကတော့ ကေအဲန်ဒီအိုနဲ့ကေအဲန်အယ်အေတပ်ကို လက်နက်၊ ရိက္ခာ၊ ယူနီဖောင်းစတာတွေကို တန်းတူရည်တူရှိ စေချင်တဲ့ သူ့ဆန္ဒကို ကေအဲန်ယူကွန်ကရက်တွေမှာ သူတင်ပြခဲ့ဖူးတာတွေရှိတယ်လို့ ပဒိုဇော်နောင်က ပြန်ပြောင်းပြောပါ တယ်။

အတီးမန်းကျော်ဖေဟာ ကရင့်တော်လှန်ရေးက ချမှတ်ထားတဲ့မူတွေကို လေးစားလိုက်နာပြီး ရိုးသားကြိုးစားတဲ့ တပ်ဗိုလ် တပ်မှူးတဦး ဖြစ်တယ်လို့လည်း ဗိုလ်ချုပ်ကျော်သောင်းက အကြိမ်ကြိမ် မှတ်ချက်ချခဲ့ဖူးပါတယ်။

ဒါကြောင့်မို လို့ သူ့ရဲ့ကေအဲန်ဒီအို ဗိုလ်ချုပ်ဆိုတဲ့ရာထူးကို ဗိုလ်ချုပ်ကျော်သောင်းက အတီးမန်းကျော်ဖေကို ယုံယုံကြည်ကြည် လွဲအပ်တာဝန်ပေးခဲ့တာလည်း ဖြစ်ပါတယ်။

အဲ့ဒီနေ့ကိုတော့ အတီးမမေ့ဘူး။ ဗိုလ်ချုပ်ကျော်သောင်းက အတီးကိုပြောတယ်။ မန်းကျော်ဖေ ငါတို့က အသက်ကြီးပြီ။ ငါတို့တော်လှန်ရေးက မပြီးသေးဘူး။ ဒီတာဝန်တွေကို ထမ်းဆောင်ဖို့က မင်းတို့တာဝန်ဘဲ။ ဒါကြောင့် ကေအဲန်ဒီအိုတာဝန်ကို မင်းဆက် လက်ထမ်းဆောင်ပါ။ မင်းကိုငါယုံကြည်တယ်တဲ့။ သူ့တာဝန်တွေကို လွှဲပြောင်းပေးအပ်တဲ့နေ့မှာဘဲ သူ့ပခုံးပေါ်က ကြယ်ပွင့်ကို အတီး ပခုံးပေါ်ကို သူကိုယ်တိုင်တင်ပေးခဲ့တာ။ အတီး ဝမ်းနည်းဝမ်းသာ ခံစားခဲ့ရတယ်။ တော်လှန်ရေးထဲမှာ အတီးအတွက် အမှတ်ရ စရာတွေအများကြီးထဲမှာ ဒီနေ့ကလည်း တနေ့အပါအဝင်ပေါ့လို့ အတီးမန်းကျော်ဖေက ပြောပါတယ်။

အသက်အရွယ်အရ ကျန်းမာရေးအရ သူနိုင်ငံခြားကိုထွက်လာရပေမယ့် ကရင်အမျိုးသားတော်လှန်ရေးအပေါ်မှာတော့ သူ သံယောဇဉ် မပြတ်နိုင်ခဲ့တာ အမှန်ပါ။ နိုင်ငံခြားကို သူရောက်လာပြီး ၁ နှစ်ကျော် ၂ နှစ်အတွင်းမှာ သူ ရဲဘော်ရဲဘက်တွေရှိရာကို သူပြန်သွားခဲ့ပါ သေးတယ်။ ရဲဘော်ရဲဘက်တွေအတွက် တော်လှန်ရေးအတွက် သူဘာလုပ်ပေးနိုင်မလဲဆိုတာ သူ့ခေါင်းထဲမှာ အမြဲရှိနေခဲ့တယ်လို့ သူကပြောပါတယ်။

သို့သော်လည်း ဒီနေ့မှာဘဲ သူဘဝတပါးကို ပြောင်းသွားခဲ့ပါပြီ။ သူ့အသက် ၂၁ နှစ်အရွယ်ကစလို့ သူကွယ်လွန်ချိန်အထိကို တော်လှန်ရေး အသိ တော်လှန်ရေးသတိရှိနေခဲ့တယ်ဆိုတာကို သူ့ဘဝ တစိတ်တဒေသက လှစ်ပြနေမယ်လို့ ကျမယုံကြည်မိပါတယ်။

အတီးမန်းကျော်ဖေ ကောင်းရာသုဂတိလားပါစေ ….။

ခိုင်မာကျော်ဇော
ဇန်နဝါရီ ၂၂၊ ၂ဝ၁၉


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
MoeMaKa Old Archives

Similar Posts