မာန်သီဟထွန်း – ဆေပီယန်စ်၊ အပိုင်း (၆) – ကျွန်ုပ်တို့၏ ညီအစ်ကိုများကို ထိန်းသိမ်းသူများ
Sapiens – A Brief History of Humankind by Yuval Noah Harari
(မိုးမခ) ဒီဇင်ဘာ ၇၊ ၂၀၁၈
စာရေးသူ၏ ဖေ့စ်ဘွတ်မှ ခွင့်ပြုချက်ဖြင့် ကူးယူဖော်ပြပါသည်။
ဆေပီယန်စ် အပိုင်း (၆)
မီး၏ အားသာချက်ကောင်းကျိုးများပိုင်ဆိုင်ထားသော်လည်း လွန်ခဲ့သော နှစ်ပေါင်း တစ်သိန်းခွဲအထိ လူသတ္တဝါများသည် ချည့်နဲ့၍အရေးမပါသော သတ္တဝါများသာ ဖြစ်နေခဲ့သေးသည်။ ယခုတွင် ၎င်းတို့သည် ခြင်္သေ့များကို မောင်းထုတ်နိုင်သည်။ အလွန်ချမ်းအေးသော ညများ၌ ကိုယ့်ကိုကိုယ် နွေးထွေးအောင်လုပ်နိုင်၍ ရံဖန်ရံခါ တောအုပ်များကို ပြာကျအောင် မီးရှို့ခဲ့ကြသည်။ သို့သော် လူသားမျိုးစိတ်အားလုံးအပါအဝင်ရေတွက်လိုက်သောအခါ အိုက်ဘေးရီယား ကျွန်းဆွယ်မှ အင်ဒိုနီးရှား ကျွန်းစုများအထိ တစ်သန်းထက်မပိုသော လူဦးရေသာရှိခဲ့သည်။ သဘာဝပတ်ဝန်းကျင် ဂေဟစနစ် ရေဒါဖန်သားပြင်ပေါ်တွင် လူသတ္တဝါတို့သည် အစက်ပြောက်ကလေးအဖြစ်သာ ရှိခဲ့သည်။
ထိုအချိန်တွင် ကျွန်ုပ်တိုိ့ကိုယ်တိုင်ဖြစ်သော ဟိုမိုဆေပီယန်စ်တို့သည် ကမ္ဘာဇာတ်ခုံတွင် ရှိနှင့်ကြပြီးဖြစ်သည်။ သို့သော် ယင်းအချိန်ထိ အာဖရိကတိုက် ထောင့်တစ်နေရာတွင် ကိုယ့်ကိစ္စကိုယ် အာရုံစိုက်ရင်းသာ နေခဲ့ကြသည်။ မည်သည့်နေရာ မည်သည့်အချိန်တွင်မှ အစောပိုင်းလူသတ္တဝါများအနေမှ ဟိုမိုဆေပီယန်စ်ဟုခွဲခြားနိုင်သောအဖြစ်သို့ ဦးစွာဆင့်ကဲပြောင်းလဲခဲ့သည်ကို ကျွန်ုပ်တို့ အတိအကျမသိရှိပေ။
သို့သော် သိပ္ပံပညာရှင်အများစုကမူ လွန်ခဲ့သော နှစ် ၁၅၀,၀၀၀ က အရှေ့အာဖရိကတွင် ကျွန်ုပ်တို့နဲ့လုံးဝ ပုံသဏ္ဍာန်တူသော ဆေပီယန်စ် လူသားများ ပျံ့နှံ့နေထိုင်ခဲ့ကြသည်ဟု ယုံကြည်ကြသည်။ အကယ်၍ သူတို့ထဲမှတစ်ယောက်ယောက် ယနေ့ခေတ် ရင်ခွဲရုံသို့ရောက်လာလျှင် ရောဂါဗေဒပညာရှင်တစ်ယောက်အနေဖြင့် မည်သည့်ထူးခြားမှုကိုမှ သတိပြုမိမည် မဟုတ်ချေ။ ထိုခေတ်မှ လူသားများသည် မီး၏အကျိုးကျေးဇူးကြောင့် ၎င်းတို့၏ဘိုးဘွားများထက် ပိုသေးသော သွားများ၊မေးရိုးများ ပိုင်ဆိုင်ထားကြသော်လည်း ကျွန်ုပ်တို့၏ ဦးနှောက်အရွယ်အစားနဲ့တူသော ကြီးမားသော ဦးနှောက်ကိုလည်း ပိုင်ဆိုင်ခဲ့ကြသည်။
လွန်ခဲ့သောနှစ် ၇၀,၀၀၀ ခန့်က အရှေ့အာဖရိကမှ ဆေပီယန်စ် များသည် အာရေဗျကျွန်းဆွယ်သို့ ပျံ့နှံ့သွားခဲ့သည်ကိုလည်း သိပ္ပံပညာရှင်များက သဘောတူထားကြသည်။ ထိုမှတဆင့် ဥရောပအာရှ မြေပြင်တခုလုံးကို လျင်မြန်စွာ အုပ်စိုးနေထိုင်သွားခဲ့သည်။
ဟိုမိုဆေပီယန်စ်များ အာရေဘီးယားသို့ရောက်ရှိသောအခါ ဥရောပအာရှ ဒေသတော်တော်များများတွင် အခြားလူသားများက အခြေချ နေထိုင်နှင့်ပြီး ဖြစ်သည်။ သူတို့ဘာဖြစ်သွားခဲ့သနည်း။ ယင်းနဲ့ပတ်သက်၍ ဆန့်ကျင်ဘက် သီအိုရီ ၂ခုရှိသည်။ “အချင်းချင်း မျိုးပွားမှု သီအိုရီ”က တယောက်နဲ့တယောက် ချစ်ခင်စုံမက်ခြင်း၊ ကာမပြုခြင်း၊ ရောနှောသွားခြင်းကို အဆိုပြုသည်။ ဆေပီယန်စ်များအာဖရိကမှ ကမ္ဘာတဝှမ်းသို့ ရွှေ့ပြောင်းလာသည်နှင့်အမျှ အခြားသော လူသားမျိုးနွယ်များဖြင့် မျိုးစပ်ကြပြီး ယနေ့ခေတ်လူများသည် ယင်းအချင်းချင်းမျိုးပွားမှု၏ ရလာဒ်ပင်ဖြစ်သည်။
ဥပမာ.. ဆေပီယန်စ်များ အရှေ့အလယ်ပိုင်းနဲ့ ဥရောပသို့ရောက်သွားသောအခါ နီယန်ဒါသာလ်များနှင့် တွေ့ရပေမည်။ ၎င်းတို့သည် ဆေပီယန်စ်များထက် ကြွက်သားများပိုမိုကြီးမား၍ ပိုမိုကြီးမားသော ဦးနှောက်များရှိသည့်အပြင် အေးခဲလှသော ရာသီဥတုကိုလည်း ပိုမိုလိုက်လျောစွာ နေထိုင်နိုင်ကြသည်။ ၎င်းတို့သည် မီးနှင့်ကိရိယာများ အသုံးပြုကြသည်။ ထူးချွန်သော အမဲလိုက်မုဆိုးများ ဖြစ်၍ ၎င်းတို့၏ အိုမင်းမစွမ်းသောသူများနှင့် ဖျားနာသူများကို ဂရုစိုက် စောင့်ရှောက်ခဲ့ကြသည်။ (ရှေးဟောင်းသုတေသန ပညာရှင်များသည် ကိုယ်အင်္ဂါချို့တဲ့သော်လည်း နှစ်ပေါင်းများစွာ အသက်ရှင်ခဲ့သည် နီယန်ဒါသာလ်များ၏ အရိုးများ ရှာဖွေတွေ့ရှိခဲ့ကြသည်။ ၎င်းတို့ကို ၎င်းတို့၏ဆွေမျိုးများက ဂရုစိုက်စောင့်ရှောက်ခဲ့သည့် အထောက်အထားများတွေ့ရသည်။) နီယန်ဒါသာလ်လူများကို ပုံတူရေးဆွဲရာတွင် အမြဲ ကြမ်းကြုတ်ရက်စက်၍ တုံးအသော ဂူအောင်းလူသားများပုံစံဖြင့် ရေးဆွဲကြသည်။ သို့သော် မကြာသေးမီက တွေ့ရှိရသော အထောက်အထားများက ယင်းပုံစံကို ပြောင်းလဲလိုက်သည်။
“အချင်းချင်း မျိုးပွားမှု သီအိုရီ” အရ ဆေပီယန်စ်များ နီယန်ဒါသာလ်တို့၏မြေသို့ ပျံ့နှံ့ရောက်ရှိသွားသောအခါ လူမျိုးနှစ်ခုပေါင်းစပ်သွားသည်အထိ ဆေပီယန်စ်များသည် နီယန်ဒါသာလ်များနဲ့ မျိုးပွားကြသည်။ ဤအရာသာ မှန်ကန်လျှင် ယနေ့ခေတ် ဥရောပ-အာရှလူများသည် ဆေပီယန်စ် စစ်စစ်များ မဟုတ်ဟု ပြောရပေမည်။ သူတို့သည် ဆေပီယန်စ်နဲ့ နီယန်ဒါသာလ် စပ်များသာ ဖြစ်မည်။ ထိုကဲ့သို့ပင် ဆေပီယန်စ်များ အရှေ့အာရှသို့ ရောက်ရှိလာသောအခါ ထိုဒေသ၌ ရှိနေနှင့်သော မတ်တပ်လူ(Homo erectus) များနဲ့ ရောစပ်မျိုးပွားကြပေမည်။ ထို့ကြောင့် တရုတ်လူမျိုးများနဲ့ ကိုရီးယားလူမျိုးများသည် မတ်တပ်လူများနဲ့ဆေပီယန်စ် အစပ်များသာဖြစ်ပေမည်။
“အစားထိုး သီအိုရီ” ဟုခေါ်သော ယင်းနဲ့ဆန့်ကျင်ဘက် သီအိုရီကမူ အလွန်ကွဲပြားသော အယူအဆကို ပြောသည်။ ယင်းမှာ အချင်းချင်း အစေးမကပ်သော၊ ရွံရှာ မုန်းတီးကြသော၊ လူမျိုးတုန်း သတ်ဖြတ်မှုပင် ဖြစ်ခဲ့နိုင်သည့် အကြောင်းကိုပြောသည်။ ဤသီအိုရီအရ ဆေပီယန်စ်များနဲ့ အခြားလူသားမျိုးစိတ်များသည် ကွဲပြားခြားနားသော ကိုယ်ခန္ဓာဖွဲ့စည်း တည်ဆောက်ပုံ ရှိကြသည်။ သို့ဖြစ်၍ မတူသော မျိုးပွားခြင်းအလေ့အကျင့်များ၊ ကိုယ်နံ့များ ရှိခဲ့ပေမည်။ ၎င်းတို့ကြား လိင်ဆိုင်ရာ စိတ်ဝင်စားမှုဆို၍ အနည်းငယ်မျှသာ ရှိပေမည်။ အကယ်၍ နီယန်ဒါသာလ်ရိုမီယိုနဲ့ ဆေပီယန်စ် ဂျူးလိယက်တို့ ချစ်ကြိုက်ကြစေကာမူ ၎င်းတို့နှစ်ဦး ပေါင်းဖက်မှုမှ မျိုးအောင်သော သားဆက်ကို မွေးထုတ်နိုင်မည် မဟုတ်ပေ။ အဘယ့်ကြောင့်ဆိုသော ဤလူမျိုး၂မျိုးကြားရှိ ဗီဇဆိုင်ရာ ကွာဟမှုကြောင့် ပေါင်းဖက်ဆုံစည်းရန် မဖြစ်နိုင်တော့ချေ။ ဤလူမျိုး၂မျိုးသည် လွန်စွာ ဝေးကွာကွဲပြားလျက်သာ ရှိနေခဲ့သည်။ ဤသို့ဖြင့် နီယန်ဒါသာလ်များ သေဆုံးသွားသည့်အခါ သို့မဟုတ် သုတ်သင်ခံရသည်အခါ ၎င်းတို့၏ မျိုးရိုးဗီဇသည်လည်း ၎င်းတို့နှင့်အတူ သေဆုံးသွားခဲ့သည်။ ဤအယူအဆ အမြင်အရ မည်သူနဲ့မှရောယှက်ခြင်းမရှိဘဲ ရှိနေနှင့်သော လူသားများအားလုံးကို ဆေပီယန်စ်များက အစားထိုးနေရာယူပစ်သည်။
ဤအဆိုသာ မှန်ကန်ခဲ့လျှင် ယနေ့ခေတ်လူသားများအားလုံး၏ အဆက်အနွယ်ကို လွန်ခဲ့သော နှစ်ပေါင်း ၇၀,၀၀၀က အရှေ့အာဖရိက တစ်ခုတည်းတွင်သာ ခြေရာခံပြန်လိုက်နိုင်ပေမည်။ ကျွန်ုပ်တို့ လက်ရှိလူသားများအားလုံးသည် ဆေပီယန်စ် စစ်စစ်များသာ ဖြစ်သည်။
ဘာသာပြန် – မာန်သီဟထွန်း
ပုံများကို အောက်ပါလင့်များမှ ယူပါသည်။
https://www.newscientist.com/…/dn26435-thoroughly-modern-h…/
http://frontiers-of-anthropology.blogspot.com/…/neanderthal…
https://www.pinterest.com/pin/593278950883095635/
https://news.harvard.edu/…/…/10/an-ancient-tribe-and-change/
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
