K ငြိမ်းချမ်း သတင်းပဒေသာ

ပန်းရဲ့လမ်းပဲ့ကိုင်တဦးဖြစ်သူ တေးရေး၊ တေးဆို သားထွေး ဈာပနအခမ်းအနား ယနေ့ ၃နာရီ ရေဝေးမှာ ပြုလုပ်မယ်


ပန်းရဲ့လမ်းပဲ့ကိုင်တဦးဖြစ်သူ တေးရေး၊ တေးဆို သားထွေး ဈာပနအခမ်းအနား ယနေ့ ၃နာရီ ရေဝေးမှာ ပြုလုပ်မယ်
K (မိုးမခ) နိုဝင်ဘာ ၈၊ ၂၀၁၈

ပန်းရဲ့လမ်းပဲ့ကိုင်တဦးဖြစ်သူ တေးရေး၊ တေးဆို သားထွေး ဈာပနအခမ်းအနားကို နိုဝင်ဘာ (၈)ရက် ညနေ ၃ နာရီအချိန်၌ ရန်ကုန်မြို့ရေဝေးသုသာန်မှာ မီးသဂြိင်္ုဟ်ခြင်းပြုလုပ်ပြီး အရိုးပြာဂူသွင်းခြင်းအခမ်းအနားများ ပြုလုပ်သွားမယ်လို့ သိရပါ တယ်။

အဆိုပါဈာပနအခမ်းအနားကို လိုက်ပါပို့ဆောင်လိုသူများအနေနဲ့ ကျန်ရစ်သူမိသားစုများရဲ့နေအိမ်ဖြစ်တဲ့ သင်္ဃန်းကျွန်းမြို့ နယ် သွပ်ဝိုင်းကြီးရပ်ကွက် စံချိန်သစ်လမ်း၊ အမှတ်(၂၀၇)ရှိ အိမ်မှ နေ့လယ် ၁နာရီ ကားများစီစဉ်ထားပြီး အဆိုတော်သား ထွေးရဲ့မွေးရပ်မြေ လမ်းမတော်မြို့နယ်ဝါးတန်းလမ်း အမှတ် ၄၅ အိမ်ရှေ့မှလည်း နေ့လယ် ၁၂း၃၀ ကားများစီစဉ်ထား ကြောင်း ပြောဆိုထားပါတယ်။

တေးရေးတေးဆို အဆိုတော်သားထွေးဟာ ရန်ကုန်မြို့ သင်္ဃန်းကျွန်းမြို့နယ်၊ အောင်ရတနာဆေးရုံမှာ အသည်းရောဂါနဲ့ နိုဝင်ဘာ ၆ရက် နံနက် ၆နာရီ ၅၅မိနစ် အသက် ၅၆ နှစ်အရွယ်မှာ ကွယ်လွန်သွားခဲ့တာဖြစ်ပါတယ်။

အဆိုတော်သားထွေးဟာ ဂီတဖြတ်သန်းမှုများအနေနဲ့ တကိုယ်တော်တေးစီးရီးခွေများအဖြစ် ပျိုး၊-(USHERတီးဝိုင်း)၁၉၈၅။ အတူတူနေချင်တယ်။ ၁၉၉၁ (Selection) အချစ်မဲ့သဘော(မဇ္ဈိမလှိုင်း)၊ မနွမ်းပန်း (မဇ္ဈိမလှိုင်း)တို့ထွက်ရှိခဲ့ပြီး စုပေါင်း တေးစီးရီး အနေနဲ့ ကမ္ဘာကုန် ကျယ်သရွှေ့(ခင်မောင်တိုး၊ စိုးပိုင်၊ ကိုရဲလွင်၊ ခိုင်ထူး၊ သားထွေး)တို့မှာ ပါဝင်သီဆိုခဲ့ပါတယ်။

ပျိုး၊ ရွာအ၀င်၊ နှင်း၊ အမျှမေတ္တာဝေ၊ အရိုးဆုံးလှည့်ကွက်၊ ချစ်ရတဲ့သူ ငြိမ်းချမ်းရေးဆုတောင်း သီချင်းတို့မှာ အထူးထင်ရှား ပြီး သားထွေးရေးသားပြီး အဆိုတော်သျှိုင်းအောင်သီဆိုတဲ့ ချစ်ရတဲ့သူသီချင်းမှာ အလွန်လူကြိုက်များခဲ့ပါတယ်။ Usher ။ မဇ္စျိမလှိုင်း။ Vertical Vibration ။ ပန်းရဲ့လမ်းတို့မှာ တွဲဖက်တီးခတ်သီဆိုခဲ့ပါတယ်။

၁၉၉၀ ရွေးကောက်ပွဲမှာ အမျိုးသားဒီမိုကရေစီအဖွဲ့ချုပ် ရွေးကောက်ပွဲအောင်နိုင်ရေး သီချင်းများသီဆိုပေးခဲ့ပြီး ၂၀၁၂မှာ လွတ်လပ်၊ ငြိမ်းချမ်း ပန်းရဲ့လမ်း လူမှုကွန်ရက်ကို ဂီတပညာရှင် ကိုရဲလွင်နဲ့အတူ ဖွဲ့စည်းထူထောင်ကာ ငြိမ်းချမ်းရေးကို အ စဉ်တောင်းဆိုလှုပ်ရှားခဲ့ပြီး တိုင်းရင်းသားဒေသများမှ စစ်ဘေးရှောင်များအတွက် မြန်မာပြည်အနှံ့ ဂီတဖြင့် လှည့်လည်ဖျော်ဖြေကာ ရန်ပုံငွေရှာဖွေပေးခဲ့ပါတယ်။

ကွယ်လွန်ချိန်မှာ ဇနီး ဒေါ်မာလာဝင်း သမီး မမျိုးမျက်သွယ်၊ မကြည်ဖြူလင်းလက်၊ မမေရှင်းသန့်တို့ ၃ဦး ကျန်ရစ်ပါတယ်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Similar Posts