စာစုတို

လင်းသက်ငြိမ် ● စာအုပ်က​လေးသုံးအုပ်​

လင်းသက်ငြိမ် ● စာအုပ်က​လေးသုံးအုပ်​

(မိုးမခ) စက်တင်ဘာ ၂၃၊ ၂၀၁၈


ကျွန်တော်ဝယ်ယူဖြစ်ခဲ့တဲ့ စာအုပ်တွေများစွာရှိပါတယ်။ စာအုပ်တစ်အုပ်ကို ဝယ်ယူဖြစ်ခဲ့တဲ့အချိန်တချို့က အခုထိမှတ် ဉာဏ်ထဲ စွဲထင်နေတဲ့  အမှတ်ရစရာလေးတွေရှိခဲ့ပါတယ်။ အဲ့ဒီစာအုပ်တွေထဲကမှ ကျွန်တော့်စိတ်ကိုလှုပ်လှုပ်ခတ်ခတ်ဖြစ် စေတဲ့ စာအုပ်ကလေးတွေအကြောင်း ကျွန်တော်ပြောပြချင်မိပါတယ်။ ကျွန်တော့်စာအုပ်ကလေးများလို့ အမည်ပေးလိုက် ပါတယ်။ ရေးကြီးခွင်ကျယ်ကိစ္စတစ်ခုမဟုတ်ပေမယ့် အဲ့ဒီစာအုပ်တွေကိုဝယ်ယူတုန်းက ကျွန်တော့်ရင်ဟာ တထိတ်ထိတ်ခုန် နေခဲ့တယ်လို့ ပြောရင်ယုံမလား။ စကားပြောဖော်မရှိ၊ ကဗျာအကြောင်း၊ စာအကြောင်း ဆွေးနွေးညှိနှိုင်းစရာ နတ္ထိဖြစ်နေတဲ့နယ်ကလူတစ်ယောက်အတွက် စာအုပ်ကလေးတွေ ထွက်တဲ့အကြောင်းသတင်းရတာနဲ့ ငမ်းငမ်းတက်လိုချင်မိတဲ့အကြောင်းကိုကြားရင် ပိုတယ်လို့ ထင်လေမလား။ ဘာပဲဖြစ်ဖြစ် ကျွန်တော်ဝယ်ယူဖြစ်ခဲ့တဲ့ စာအုပ်ကလေးတွေအကြောင်း ကျွန်တော် ပြောပါတော့မယ်။

ဆရာပိုင်​စိုး​ဝေရဲ့ ဗုဒ္ဓဟူး​နေ့မှ မိုင်​ငါးရာထွက်​​တော့မယ်​ဆိုတဲ့ သတင်းကို နှစ်​ကာလများစာ​ပေရဲ့ ​ဖေ့စ်ဘုတ်ပေ့ခ်ျက​နေ ကျွန်​​တော်​သိရ​တော့ ။ မက်​​ဆေ့က လှမ်းမှာမိတယ်​။ လွန်​ခဲ့တဲ့ ​လေးငါးနှစ်​က ဖတ်​ဖူးခဲ့​ပေမဲ့ စာအုပ်​ထဲပါပါဝင်​တဲ့ဝတ္ထု​တွေရဲ့နာမည်​ကိုကျွန်​​တော်​ မမှတ်​မိ​တော့ပါ။ အခု စာအုပ်​က အရင်​ကပါခဲ့တဲ့ဝတ္ထုတို ၁၆ ပုဒ်​အပြင်​ ​နောက်​ထပ်​ ၁၄ ပုဒ်​ပါ​ထပ်​ဖြည့်​ထား တဲ့အတွက်​ ဝယ်​ကိုဝယ်​ရမယ့်​စာအုပ်​မို့ မှာလိုက်​တာပါပဲ။ ဒီရက်​ပိုင်း​တွေထဲ ဆရာပိုင်​စိုး​ဝေရဲ့အ​ကြောင်း​တွေကို လက်​ဖက်​ရည်​ဝိုင်း​တွေမှာ ထည့်​ထည့်​​ပြောဖြစ်​​နေတဲ့ အချိန်​​တွေနဲ့လည်းတိုက်​ဆိုင်​​နေ​တော့။ မိတ်​​ဆွေတယောက်​က သူ့အတွက်​ပါမှာ​ပေးဖို့​ပြောတာနဲ့ ​နောက်​တအုပ်​ထပ်​တိုးပြီး မှာလိုက်​တယ်။ ကျွန်​​တော်​တို့ မြို့ကစာအုပ်​ဆိုင်​က​လေး​တွေမှာ အဲ့ဒီစာအုပ်​ မ​ရောက်​ဖူးဆိုတာကိုလည်း သိ​နေတယ်​​လေ။

မှာထားတဲ့ စာအုပ်​မ​ရောက်​ခင်​မှာပဲ ကို​နေညို​အောင်​က သူ့ဖေ့စ်​ဘုတ်​မှာ ဆရာပိုင်​စိုး​ဝေရဲ့လက်​​ဗွေရာနဲ့စာအုပ်​က​လေးလက်​​ဆောင်​ရတဲ့ အ​ကြောင်းတင်ထားတာကိုဖတ်ရ​တော့ကျွန်​​တော်​လည်းလိုချင်​မိလာတယ်​။ ဆရာပိုင်​စိုး​ဝေရဲ့ကျန်းမာ​ရေးက လက်​မှတ်​ထိုးလို့ကို မရနိုင်​​တော့လို့ လက်​​ဗွေရာနှိပ်​​ပြီး အမှတ်​တရယူဖို့ သူ့အနီးအနားက ကဗျာဆရာ​တွေကစီစဉ်​​ခဲ့ကြပုံပါပဲ။ အနုပညာသမားတ​ယောက်​ရဲ့ အ​ငွေ့အသက်​ကို ခိုလှုံရခြင်းက ​နွေး​ထွေးဆွတ်​ပျံ့သော အဓိပ္ပါယ်​ကို​ပေးတယ်​လို့ ကျွန်​​တော်​ ယုံကြည်ပါတယ်။ ကျွန်တော်နဲ့အတူ စာအုပ်​မှာထားတဲ့ မိတ်​​ဆွေကို ကို​နေညို​အောင်​ရဲ့ပို့စ်​ကို ပြ​တော့။ ငါတို့လည်း အဲ့ဒီလိုထပ်​မှာကြမယ်​ကွာလို့​ပြောတာနဲ့ပဲ ကို​နေညို​အောင်​ဆီ ဖုန်းဆက်​ပြီး မှာလိုက်​ကြတယ်​။ ထပ်​မှာလိုက်​တဲ့စာအုပ်​ဖိုး​တွေကိုလည်း သူကပဲ ATM ကဒ်​က​နေကို​နေညို​အောင်​ဆီကို လွဲ​ပေးလိုက်​ပါတယ်​။ ​နှစ်​ကာလများကစာအုပ်​ ​ရောက်​လာရင်​ လိုချင်​တဲ့လူ​တွေကို ​ပြန်​​ရောင်းလိုက်​တာ​ပေါ့လို့ ​တွေးထားလိုက်​တယ်​။ မှာပြီးတဲ့​နောက်​တရက်​မှာပဲ လက်​​ဗွေ​တွေပါဝင်​တဲ့ စာအုပ်​​ ၂ အုပ်​ကို ကို​နေညို​အောင်​က ပို့​ပေး​ပါတယ်​။ အ​ဝေးက​ကြယ်​တာရာရဲ့ အလင်းကိုခံစားရတဲ့အရသာကို စာနဲ့​ရေးပြဖို့ ကျွန်​​တော်​မတတ်​နိုင်​ပါ။ ​လိုချင်​တာကိုရတဲ့အတွက်​ ပျော်​တယ်​လို့ ​ပြောရုံပဲ ကျွန်​​တော်​တတ်​နိုင်​ခဲ့ပါတယ်​။

စာတိုက်​က စာအုပ်​​တွေ​ရောက်​ပြီလို့ ဖုန်းဆက်​လာ​​တော့ ဖုန်းနံပါတ်​ကို သတိမထားမိပဲ စာတိုက်​ကို ကျွန်​​တော်​ရောက်သွား တယ်။ စာအုပ်ရောက်နေတယ်လို့ ဖုန်းဆက်လာလို့လာယူတာလို့ ကျွန်တော်ပြောတော့ စာတိုက်ကလူတွေ ကြောင်သွား ကြတယ်။ ဘာစာအုပ်မှမရောက်ဘူးနော် ဘယ်ဖုန်းကဆက်တာလဲလို့မေးတာနဲ့ ကျွန်တော့်ဆီဖုန်းနံပါတ်​ကိုပြ​လိုက်​​တော့။ အဲ့ဒါကသာ စာတိုက်​ကဖုန်းတဲ့။ အဲဒီတော့မှ ကောလင်းနဲ့ကသာကို လိပ်​စာကိုလွဲပြီး ပို့လိုက်ပြီထင်တယ်လို့မိပြီထင်​တယ်​လို့ ​တွေးမိပါတယ်​။ ​ကောလင်းစာတိုက်​ကစာတိုက်​မှူးအစ်​မက ကျွန်​​တော်​နဲ့ခင်​မင်​ရင်းနှီးတဲ့အတွက်​ကသာ စာတိုက်​ကို ဖုန်း ဆက်​ပြီး ​ကောလင်းကို ပြန်​ပို့​ပေးဖို့​ပြော​ပေး​တော့ အဆင်​​ပြေသွားပါတယ်​။ ရန်​ကုန်​က လာတဲ့စာအုပ်​က​လေး​တွေဟာ ​ကွေ့ ဝိုက်​ပြီးသွားတတ်​တဲ့ သ​ဘောရှိမယ်​ထင်​မထား​ပေမဲ့။ တခါ တခါထင်​မထားတာ​တွေကထင်​ထားတာ​တွေကို ​လှောင်​​ပြောင်​တတ်​ကြပါတယ်​။ ​နောက်​တရက်​မှာ ကသာကပြန်​ပို့လိုက်​တဲ့ စာအုပ်​က​လေး​တွေကို ကျွန်​​တော်​ရရှိပါတယ်​။ ​ရောက်​လာတဲ့ စာအုပ်​​တွေကို စာဖတ်​ဝါသနာပါကြတဲ့ ကျွန်​​တော့်​မိတ်​​ဆွေ​တွေကိုပြလိုက်​​တော့ လိုလိုချင်​ချင်​ပဲပြန်​ဝယ်​ကြပါတယ်​။ ကျွန်​​တော်​တို့​ကောလင်းကို ဗုဒ္ဓဟူး​နေ့မှမိုင်​ငါးရာဟာ အဲဒီလိုကွေ့ဝိုက်ပြီးရောက်ရှိလာခဲ့တယ်။ အဲ့ဒီလိုနဲ့ ဗုဒ္ဓဟူးနေ့မှ မိုင်ငါးရာကိုကျွန်တော်ပိုင်ဆိုင်ခဲ့ပါတယ်။

ထူးအိမ်​သင်​ ကွယ်​လွန်​တဲ့ကာလတုန်းက ကျွန်​​တော်​လားရှိုးမှာ ရှိ​နေတဲ့ အချိန်​ဖြစ်​ပါတယ်​။ သူ့သတင်း​တွေကို​ကြေကွဲဆို့နင့် စွာဖတ်​ရင်း ချစ်​ခြင်းအားဖြင့်​ဆိုတဲ့ စာအုပ်​က​လေးကို သူ့အင်​တာဗျူးတချို့နဲ့ သူ့မိတ်​​ဆွေ​တွေ​ရေးတဲ့သူ့အ​ကြောင်း အမှတ်​တရ​တွေကို စုစည်းပြီးထုတ်​​ဝေမယ်​ဆိုတဲ့ သတင်းကိုမဂ္ဂဇင်း​တွေထဲက​နေ ဖတ်​ရပါတယ်​။ မှတ်​မှတ်​ရရ အဲ့ဒီစာအုပ်​ လားရှိုး​ရောက်​ပြီးတဲ့​နောက်​တရက်​ကအစ်​​နေ့ ဖြစ်​ပါတယ်​။ ကျွန်​​တော်​အလုပ်​လုပ်​​နေတဲ့ အလုပ်​ရှင်​ကပန်း​သေးလူမျိုးဖြစ်​​နေတဲ့ အတွက်​ အလုပ်​ပိတ်​တယ်​။ သူတို့အိမ်​မှာ အစားအ​သောက်​​တွေစားပြီး သူတို့ရဲ့​ဆွေမျိုးအိမ်​​တွေဆီ ကျွန်​​တော်​တို့အုပ်​စုလိုက်​ကြီး လှည့်​ပတ်​စား​သောက်​ကြပါတယ်​။ သူတို့ရဲ့ထုံးစံအတိုင်း မုန့်​စားပြီးတဲ့အခါ မုန့်​ဖိုး​တွေလည်း​ပေးကြပါတယ်​။ ချစ်​ခြင်းအားဖြင့်​စာအုပ်​တန်​ဖိုးက အဲ့ဒီကာလမှာ ကျွန်​​တော်​မဝယ်​နိုင်​တဲ့ ​ငွေ​ကြေးဖြစ်​​ပေမယ့်​။ အစ်​​နေ့ကရတဲ့မုန့်​ဖိုး​တွေနဲ့စုပြီး ကျွန်​​တော်​ဝယ်​ဖြစ်​ခဲ့ပါတယ်​။ ကျွန်​​တော်​​နေတဲ့​နေရာနဲ့အ​တော်​​ဝေးတဲ့ စာအုပ်​ဆိုင်​က​လေးဆီကို ​ခြေလျင်​တက်​သွားပြီး ဝယ်​ခဲ့ ရတာပါပဲ။ အသွား​ကော အပြန်​ပါတက်​ကြွတဲ့ ​ခြေလှမ်း​တွေနဲ့ သွားဝယ်​ခဲ့ရတဲ့အတွက်​ အဲ့ဒီစာအုပ်​က​လေးကလည်း ကျွန်​​တော့်​အတွက်​ အမှတ်​တရရှိခဲ့ပါတယ်​။

အဝတ်​အစားနဲ့အခြားအသုံးအ​ဆောင်​​တွေကိုဝယ်​ဖို့ လက်​တွန့်​လှတဲ့ ကျွန်​​တော်​ဟာ စာအုပ်​ဆိုရင်​​တော့ ကိုယ်​တတ်​နိုင်​တဲ့​ငွေ​ကြေးနဲ့ဆို ဘယ်​အခါမှဝယ်​ယူဖို့ ​နောက်​မတွန့်​ခဲ့ပါ။ ​​ငွေ​ကြေးစု​ဆောင်းမိတဲ့အခါ ဝယ်​ဖြစ်​တာကလည်းစာအုပ်​​တွေပါပဲ။ လက်​ပတ်​နာရီ​ကောင်း​ကောင်း၊ ဖိနပ်​​ကောင်း​ကောင်း၊ ​ဘောင်းဘီ​ကောင်း​ကောင်း၊ အင်္ကျီ​ကောင်း​ကောင်း ကျွန်​​တော့်​မှာ မရှိပါ။ ​ရွှေဆွဲကြိုး၊​ ရွှေလက်​စွပ်​ဆိုတာက​တော့ မူးရင်​​တောင်​ရှူစရာမရှိပါဆိုတဲ့ စကားအတိုင်းပါပဲ။ ကျွန်​​တော်​ခရီးတ​ခေါက်​ထွက်​တိုင်း အိမ်​ကိုပြန်​ပါလာတာကလည်း စာအုပ်​​တွေပဲဖြစ်​ပါတယ်​။ စာဖတ်​ခြင်း အ​လေ့အထဟာ​ ကျောင်းမထွက်​ခင်​က​နေ ​ကျောင်းထွက်​ပြီးတဲ့ကာလက​နေယ​နေ့အထိ ကျွန်​​တော့်​ဆီမှာ စွဲကပ်​​နေခဲ့ခြင်းပဲ ဖြစ်​ပါတယ်​။ စာ​ရေးခြင်းကို ဝါသနာထုံ လာတာကလည်း စာအုပ်​ဖတ်​ခြင်းရဲ့အကျိုးသက်​​ရောက်​မှုပဲ ဖြစ်​ပါလိမ့်​မယ်​။ စာအုပ်​ဖတ်​ခြင်းရဲ့ထင်​ရှားတဲ့ အကျိုးကိစ္စ​တွေ အများကြီးထဲကကျွန်​​တော့်​အတွက်​သက်​​သေပြနိုင်​တဲ့ အရာတခုကလည်း ကျွန်​​တော်​စာ​ရေး​နေခြင်းပဲဖြစ်​မယ်​ထင်​ပါတယ်​။ ချမ်းသာကြွယ်​ဝမှု မရှိ၊​ အောင်​မြင်​တဲ့​ပေါင်းသင်းဆက်​ဆံ​ရေးမရှိတဲ့ ကျွန်​​တော့်​အတွက်​ စာဖတ်​ခြင်းရဲ့ အကျိုးကျေးဇူးက​ စာ​ရေး​နေဖြစ်​တာကိုပဲ လက်​ညိုးထိုးပြစရာ ရှိပါတယ်​။ တခါ တခါ စကားဝိုင်း​တွေထဲ စာတတန်​​ပေတတန်​ ဝင်​​ရောက်​ငြင်းခုံ မိတာက လွဲလို့​ပေါ့​လေ။

တတိ​ယ​မြောက်​ ကျွန်​​တော့်​အတွက်​ အမှတ်​တရဖြစ်​ရတဲ့ စာအုပ်​က​တော့ ပိ​တောက်​ပွင့်​သစ်​မဂ္ဂဇင်းပါပဲ။ ကျွန်​​တော်​​ကော လင်းကို ပြန်​​ရောက်​​နေပြီး စတိုးဆိုင်​တခုမှာအလုပ်​ဝင်​​နေတဲ့အချိန်​​ပေါ့။ အ​ရောင်းစာ​ရေးလို့ နာမည်​တပ်​​ခေါ်ကြ​ပေမယ့်​ ဆိုင်​ရဲ့တံမြက်​စည်းလှည်း အမှိုက်​သိမ်းက​နေဗာဟီရအကုန်​လုပ်​ရတဲ့ အလုပ်​သမားပါပဲ။ လခက တသိန်းပဲရတယ်​။ စားစရိတ်​​တော့ အငြိမ်း​ပေါ့​လေ။ တရက်​ လက်​ဖက်​ရည်​ဆိုင်​​တွေကို နို့ဆီပုံးပို့ပြီး အပြန်​မှာ ဘူတာနားက စာအုပ်​ဆိုင်​က​လေးဆီ ​​စာ အုပ်​​ဝင်​ကြည့်​​ပါတယ်​။ အဲ့ဒီမှာ ဆရာနတ်​နွယ်​မျက်​နှာဖုံးနဲ့ ပိ​တောက်​ပွင့်​သစ်​မဂ္ဂဇင်းကို ​တွေ့ရ​တော့ ​ပျော်​သွားပြီး ​ဈေးကို ကြည့်​​တော့ ကျွန်​​တော့်​ပါတဲ့ပိုက်​ဆံနဲ့မ​လောက်​တာ​ တွေ့ရပါတယ်​။ ဆိုင်​ရှင်​ကို ကျွန်​​တော်​ခဏ​နေ လာယူမယ်​​ချန်​ထားရ လားလို့ မေး​တော့ သူကချန်​ထား​ပေးမယ်​လို့ပြောတဲ့အတွက်​ ကျွန်​​တော်​ဘယ်​သူ့ဆီက ပိုက်​ဆံ​ချေးပြီး ဝယ်​ရမလဲ​တွေးပြီး ​ခေါင်းထဲမှာ​ပေါ်လာတဲ့ နာမည်​​တွေကို စီကြည့်​​မိတယ်​။ အ​တွေးထဲမှာ အဆင်​​ပြေ​ပေမယ့်​ လက်​​တွေ့ကျ မလွယ်​ဘူး​လေ။ သူငယ်​ချင်းနှစ်​​ယောက်​သုံး​ယောက်​​လောက်​ဆီ သွား​ချေး​တော့သူတို့လည်း ပြတ်​လပ်​​နေကြတယ်​ဆိုတဲ့ အ​ဖြေကိုပဲရလာ တယ်​။ ကိုယ်​အလုပ်​လုပ်​​နေတဲ့ ဆိုင်​ကထုတ်​ဖို့လည်း မဖြစ်​နိုင်​ကြိုထုတ်​ထားတာနဲ့ လမကုန်​ခင်​ကတည်းက လခက ကုန်​​နေပြီ​လေ။

ပိုက်​ဆံ​ချေးလို့ရမယ့်​ လူ​တွေကို စဉ်းစားကြည့်​​တော့ ကဗျာဆရာ မြူမင်းလွင်​ (​ကောလင်း) ကို သတိရမိတယ်​။ သူနဲ့က ခင်​မင်​တာမှ တပတ်​​ကျော်​​ကျော်​ပဲရှိ​သေး​တော့ ​ပိုက်​ဆံ​ချေးလို့​ကောင်းပါ့မလားဆိုတဲ့ အ​တွေးကလည်း ဝင်​လာပြန်​တယ်​။ ဒါ​ပေမဲ့ ပိုက်​ဆံ​ချေးလို့ရမယ့်​လူက သူပဲရှိ​တော့တယ်​​လေ။ ​ရှေ့မျက်​နှာ​နောက်​ထားပြီး ​ချေးဖို့ဆုံးဖြတ်​လိုက်​မိပြီး သူ့ဆိုင်​ကို ထွက်​ခဲ့မိတယ်​။ သူကလည်း အီလက်​ထ​ရောနစ်​ဆိုင်​တခုမှာအလုပ်​လုပ်​​နေတဲ့လူ​ပါ။ ဆိုင်​​ရောက်​​တော့ အထဲမှာထိုင်​​နေတဲ့ သူ့ကိုတန်း​တွေ့တာနဲ့ အပြင်​ခဏ​ခေါ်ပြီး စာအုပ်​ဝယ်​ဖို့ ပိုက်​ဆံလို​နေလို့ ​ချေး​ပေးဖို့​ပြော​တော့ ကျွန်​​တော်​ဖတ်​ပြီးရင်​ သူ့ကို လည်း ပြန်​ငှါး​ပေးဖို့​ပြောပြီး ပိုက်​ဆံထုတ်​​ပေးပါတယ်​။ အဲ့ဒီကာလတုန်းက ပိ​တောက်​ပွင့်​သစ်​မဂ္ဂဇင်းဆိုတာ ကဗျာသမား​တွေ အ​လေးအမြတ်​ပြုရတဲ့မဂ္ဂဇင်းဆို​တော့ ကဗျာ​ရေးသူတိုင်း စိတ်​ဝင်​စားကြပါတယ်​။ ပိ​တောက်​ပွင့်​သစ်​မှာ ကဗျာပါဖူးချင်​တဲ့ စိတ်​ဆန္ဒကလည်း ကဗျာ​ရေးသူတိုင်းရှိကြတဲ့ ကာလတခုပဲဖြစ်​မယ်​ထင်​ပါတယ်​။ အဲ့ဒီလို အရှိန်​အဝါကြီးတဲ့ မဂ္ဂဇင်းက ကိုယ့်​မြို့ကို​ရောက်​​နေတဲ့ အခါမှ မဝယ်​ရင်​ ကိုယ်​မိုက်​မဲရာကျမယ်​ မဟုတ်​လား။

စာအုပ်​ဖိုးပိုက်​ဆံပြည့်​​တော့ စာအုပ်​ဆိုင်​က​လေးကိုသွားပြီး ကျွန်​​တော်​ ချန်​ထားခဲ့တဲ့စာအုပ်​က​လေးကို​ပေးပါလို့​ပြောပြီး စားပွဲ​ပေါ်ကို ပိုက်​ဆံတင်​​ပေးလိုက်​ပါတယ်​။ ဆိုင်​ရှင်​ကအလုပ်​များ​နေရာက​နေ မျက်​လုံးလှန်​ကြည့်​ပြီး သူများဝယ်​သွားပြီလို့ ​ပြောပါတယ်​။ ဗျာ ကျွန်​​တော်​​သေ​သေချာချာကို လာယူမယ်​ချန်​ထားလို့ ခင်​ဗျားကိုမှာခဲ့တယ်​ မဟုတ်​လား ​ဒေါသနဲ့ကျွန်​​တော်​ပြန်​​မေးမိ​တော့ မင်းလာမယူ​တော့ဘူးထင်​တာနဲ့ လာဝယ်​တဲ့လူကို​ရောင်းလိုက်​တယ်​လို့ သူက​အေး​အေး​ဆေး​ဆေးပဲ ပြန်​​ပြောပါတယ်​။ ​ဒေါသ​ကြောင့်​ ကျွန်​​တော်​ အသား​တွေတဆတ်​ဆတ်​တုန်​​နေမိတယ်​။ ခဏ​နေပြန်​လာမယ်​ဆိုတဲ့အချိန်​က လည်း ပိုက်​ဆံလိုက်​​ချေး​နေရတာနဲ့ နည်းနည်းပိုကြာသွားတာမှန်​​ပေမဲ့။ သူချန်​ထားသင့်​တယ်​ မဟုတ်​ဘူးလား။ ကျွန်​​တော့်​ မှာ အဲ့ဒီစာအုပ်​ကိုလိုချင်​လွန်းလို့ ​စိတ်​​ကောကိုယ်​ပါ​မောပန်းတကြီး ကြိုးစားခဲ့ရတာ။ ဒါ​ပေမဲ့ ပိုက်​ဆံရလာတဲ့အချိန်​ကျ စာအုပ်​ကမရှိ​တော့ဘူး။ စိတ်​ထဲ​ပေါက်​ကွဲ​နေရုံက လွဲပြီးကျွန်​​တော်​ ဘာတတ်​နိုင်​မှာတဲ့လည်း။ ​ဒေါသဖြစ်​ဖြစ်​နဲ့ အလုပ်​ကိုပြန်​လာခဲ့ပြီး တ​နေ့လုံး​ တောက်​တ​ခေါက်​​ခေါက်​ ဖြစ်​​နေမိတယ်​။

လိုချင်​တာမရတဲ့ ဆင်းရဲရဲ့ တနုံ့နုံ့နှိပ်​စက်​တဲ့ ဒဏ်​ကိုခံစားဖူးကြမယ်​ ထင်​ပါတယ်​။ ဆရာနတ်​နွယ်​မျက်​နှာဖုံးနဲ့ ပိ​တောက်​ပွင့်​ သစ်​က တ​နေ့လုံး မျက်​စိထဲက မထွက်​ဘူး။ အဲ့ဒီ​လောက်​ ​ငွေပမာဏ​လေးကို အသင့်​မရှိတဲ့ ကိုယ့်​ကိုယ်​ကိုလည်း ​ဒေါသထွက်​လို့ မဆုံးဖြစ်​​နေရတယ်​။ အဲ့ဒီအချိန်​ကာလက တ​နေရာနဲ့တရာ အခုလို လမ်းပန်းဆက်​သွယ်​​ရေးကလည်း မ​ကောင်း​သေး။ မန္တ​လေးက​နေ လှမ်းမှာဖို့ကလည်း အသိမိတ်​​ဆွေမရှိ​သေး။ အ​တော်​ စိတ်​ဆင်းရဲခဲ့ရတဲ့အဖြစ်​ပါ။ ကိုယ်​လိုချင်​တဲ့ အရာကို ကိုင်​တွယ်​ကြည့်​ရှုခဲ့ပြီး။ ရရှိဖို့ အတွက်​ကြိုးစားပမ်းစား ရှာကြံခဲ့​ပေမဲ့ ကိုယ့်​လက်​ထဲကို ​​ရောက်​မလာခဲ့ဘူး။ ​ငွေသုံး​ထောင်​​လောက်​ဆိုတာ တချို့လူ​တွေ အတွက်​ပမွှားအ​သေးအဖွဲ ဆို​ပေမဲ့ ကျွန်​​တော့်​အတွက်​ တကယ်​ခက်​ခဲရတဲ့ ကိစ္စဖြစ်​​နေတာ ကလည်း ကျွန်​​တော့်​ညံ့ဖျင်းနုံနှဲ့မှု​တွေရဲ့သက်​​သေ​တွေပါပဲ။ စိတ်​ဆိုးခြင်း၊ ဝမ်းနည်းခြင်း​တွေနဲ့တ​နေ့တာဟာ ရှည်​လျားပူ​လောင်​လွန်းလှပါတယ်​။ ည​နေပိုင်း အလုပ်​သိမ်းချိန်​​ရောက်​​တော့ ကိုမြူမင်းလွင်​ရဲ့ ပိုက်​ဆံကို ပြန်​​ပေးဖို့​တွေးပြီးသူ့ဆိုင်​ဘက်​ကိုထွက်​လာခဲ့တယ်​။ သူ့ဆိုင်​ကို မ​ရောက်​ခင်​ကျွန်​​တော်​ငှါး​နေကျ စာအုပ်​အငှါးဆိုင်​က​လေး​ ရှေ့ကို​ရောက်​​တော့ စာအုပ်​တအုပ်​အရင်​ဝင်​ငှါးမယ်​လို့ စိတ်​ကူး​ပေါ်လာတာနဲ့ စာအုပ်​အငှါးဆိုင်​က​လေးထဲ ဝင်​လိုက်​မိတယ်​။ ဗလာစာအုပ်​​တွေ တင်​ထားတဲ့စင်​​ပေါ်မှာ ဆရာနတ်​နွယ်​မျက်​နှာဖုံးနဲ့ ပိ​တောက်​ပွင့်​သစ်​မဂ္ဂဇင်း။ ဒီဆိုင်​မှာ အရင်​က ဒါမျိုးမဂ္ဂဇင်း​တွေမတင်​ပါ။ ဒီစာ အုပ်​က ငှါးတာလားလို့ ကျွန်​​တော်​​မေး​တော့။ လူတ​ယောက်​ကမှာထားလို့ တခြားစာအုပ်​​တွေနဲ့​ ပေါင်းမှာထားတာ။  အခု သူကမယူ​တော့ဘူးဆိုလို့ မန္တ​လေးကိုပြန်​ပို့မလို့တဲ့ ​နောက်​ဆို စာအုပ်​​တွေမှာမ​ပေး​တော့ဘူးလို့ စာအုပ်​ဆိုင်​ပိုင်​ရှင်​က ညည်း တွား​ပြီး​ပြောပါတယ်​။ ဟာ ဒါဆို ကျွန်​​တော်​ယူမယ်​လို့​ပြော​တော့ ဆိုင်​ရှင်​ကဝမ်းသာသွားတယ်​။ ပိုက်​ဆံ​ပေးပြီး တ​နေကုန်​ကျွန်​​တော့်​စိတ်​ကို အမျိုးမျိုး ခံစား​စေတဲ့စာအုပ်​က​လေးကိုပိုက်​ပြီး ကျွန်​​တော်​ဆိုင်​ထဲကပြန်​ထွက်​လာခဲ့တယ်​။ စာအုပ်​အစုံ မ​ရောက်​တဲ့နယ်​မှာ ကြုံ​တွေ့​နေရတတ်​တဲ့အဖြစ်​အပျက်​​တွေပဲလို့ ဆိုနိုင်​​ပေမဲ့ အဲ့ဒီစာအုပ်​က​လေး​တွေကိုပိုင်​ဆိုင်​ရရှိဖို့ ကြိုးစားရတဲ့ အခါကြုံ​တွေ့ရတဲ့ စိတ်​ခံစားချက်​​တွေ​ကို အခုထိ ​သတိရ​နေမိတာ အမှန်​ပါပဲ။ ဘာမှ မဖြစ်​စ​လောက်​က​လေးကို အကျယ်​ချဲ့နေမိတာ​တော့ မဟုတ်​ပါဘူး။ မှတ်​ဉာဏ်​မှာစိုက်​ဝင်​​နေတဲ့ကိစ္စဆိုတာ လူတိုင်းကိုယ်​စီရှိခဲ့ကြတယ်​မဟုတ်​ပါလား။

လင်းသက်​ငြိမ်​


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Similar Posts