ကိုသန်းလွင် ● တိုတောင်းသောဘဝ
(မိုးမခ) စက်တင်ဘာ ၁၁၊ ၂၀၁၈
ယနေ့ခေတ်သစ်၏ လက်တွေ့ဘဝကိုကြည့်ပါ။ ကျွန်တော်တို့ကိုင်တွယ်အသုံးပြုနေသော အီလက်ရောနစ်ပစ္စည်း များ၌ သူတို့၏သက်တမ်းရှိကြပါသည်။ ဝယ်လာသောပစ္စည်းမှန်သမျှ တစ်နေ့တွင်ပျက်စီးရပါသည်။ ယေဘုယျအားဖြင့် တစ်နှစ်၊ နှစ်နှစ်နှင့် ငါးနှစ်အထိခံတာတွေ့ရှိမည်၊ သူတို့ကို ဖန်တီးပြီးသည်နှင့် တစ်နေ့တွင်ပျက်စီးရမည်ဆိုသော သဘောကပါပြီးဖြစ်ပါ သည်။ သင်ကိုင်နေသောဟန်းဖုန်းကိုကြည့်ပါ။ ၂နှစ်တခါအသစ်လဲကိုင်နေရသည် ကသက်သေဖြစ်ပါသည်။
ထူးဆန်းသည်မှာ ဆီလီကွန်တောင်ကြားမှ စိတ်ကူးစိတ်သန်း များနှင့်ထွက်ပေါ်လာသော ထိုပစ္စည်းများနှင့်အတူ ”ကျွန်တော် တို့ အသက်သည်ထာဝရရှင်သန်နေရမည်” ဟူသောစိတ်ကူးသည်လည်း ဆီလီကွန်တောင်ကြားမှပင် ထွက်ပေါ်လာပါသည်။
အသက်ရှည်ရှည်နေထိုင်ရေးစီမံကိန်းများတွင် စက်မှုဘီလီယမ်နာဖြစ်သော မစ္စတာ သီလ် (Peter Thiel) ၏ စိတ်ကူးစိတ်သန်း များလည်းပါဝင်ပါသည်။ သူက (Anti-ageing) ခေါ် အိုမင်မစွမ်းဖြစ်ခြင်းကို ကာကွယ်ပေးနိုင်သော ဆေးတမျိုးထုတ်လုပ်ရေး တွင် သူ့ပိုက်ဆံများကို ပုံအောနေပါသည်။ သူကအသက် ၁၈ အရွယ်ခန့်ရှိလူငယ်တို့ထံမှ သွေးများကိုဝယ်၍ သူ့သွေးကို မှန်မှန်လဲပေးနေသည်ဟုလည်းနာမည်ကြီးနေပါသည်။ Ambrosia Plasma ဆိုသည့်ကုမ္ပဏီကလည်း Young Plasma များ ကို တစ်လီတာလျှင်ဒေါ်လာ ၈,ဝဝဝ ဈေးနှင့်သွင်းပေးနေပါသည်။ ဂူးဂဲလ် ကုမ္ပဏီက လည်း အသက်ရှည်ခြင်းကို ထိန်းချုပ်သော အကြောင်းအရာ များကို လေ့လာရန် “Calico” ဆိုသော Biotech ကုမ္ပဏီဖြင့်လုပ်ဆောင်လျက်ရှိပါသည်။ ဤကုမ္ပဏီက အသက် ကြီးရင့်သည့် လက္ခဏာ လုံးဝ ပြသခြင်းမရှိ သော Mole Rat ခေါ် ကြွက်တမျိုးကို လေ့လာလျက်ရှိပါသည်။
လွန်ခဲ့သောနှစ်များအတွင်း သေခြင်းနှင့်အသက်အရွယ်ကြီးရင့်ခြင်းကို ကာကွယ်သည့် လုပ်ငန်းမှာအရေးတကြီး ဖြစ်လာပါ သည်။ ယခုအခါသေခြင်းနှင့်ပတ်သက်သည့် ရှေးဦးတီထွင်သူ (Longevity Entrepreneurs) တွေပေါ်လာကြပါသည်။ သေ ခြင်းဆိုသည်ကို ပြန်လည်ဒီဇိုင်းလုပ်လိုကြပါသည်။ ထိုအချိန်ကစ၍ ဈေးကွက်အသစ် တစ်ခု ပေါ်လာပါသည်။
သေခြင်းကို ပြဿနာတခုသဖွယ်မကြည့်ကြတော့ဘဲ ပပျောက်အောင်လုပ်ရမည့် အရာအဖြစ်မြင်လာကြပါသည်။ ကောင်း သောသေခြင်းဖြင့် သေရန်မကြိုးစားတော့ဘဲ “ဘာဖြစ်လို့သေရမှာလဲ” ဖြစ်လာကြပါသည်။ ထာဝရ အသက် ရှည်ရန်ကြံ ရွယ်ကြသည့် နည်းတူ သူတို့မရှိတော့သော ကမ္ဘာကြီး၏ပုံစံကို မှန်းမျှော် ကြည့်၍ မရဘဲဖြစ် နေကြပါသည်။
သို့ပါသော်လည်း အခြေခံကျကျပြောရလျှင်ဤအယူအဆမှာ လူသားမဆန်ပါ။ သင်သည် သေခြင်းကို ဘာမှ မတတ်နိုင်ဘဲ လက်မြှောက်ရမည့် အရာတခုအဖြစ် သဘောထားနိုင်ပါသည်။ ဝမ်းနည်းဖွယ်ရာ ကောင်းအောင် သင့်ဘဝကို အနှောင့် အယှက်ပေး သောအရာတခု အဖြစ်သဘောထားနိုင်ပါသည်။ သင့်အတွက် တတ်နိုင်သမျှ သင့်ထံမလာအောင်ကြိုးစားရပါမည်၊ ဘဝကိုရလာသည့်အချိန်တိုတိုကလေးအတွင်း ပတ်ဝန်းကျင်မှ အံ့သြဖွယ်အရာအပေါင်းကို လေ့လာဘွယ်ရာ ပျော်မွေ့ ဘွယ်ရာတစ်ခုဖြစ်သည်ဟုသဘော ထားရပါမည်။
လူ့ဘဝသည် ကျွန်တော်တို့အတွက် သက်သက်ဆိုသော်လည်း လွန်စွာကျယ်ဝန်းသော အရာကြီး၏အစိတ် အပိုင်းတခုဖြစ်ပါ သည်။ ကျွန်တော်တို့ လူဖြစ်ရသော ခဏတာသည် သမိုင်းအရှည်ကြီးနှင့်စာလျှင် တိုတိုလေးဖြစ်ပါသည်။ ကျွန်တော်တို့မရှိ တော့လျင်လည်း ကမ္ဘာကြီးသည် ဝန်ရိုးပေါ်တွင်ဆက်လက်၍ လည်ပတ်နေဦးမည်သာဖြစ်သည်။ ကျွန်တော်တို့သည် ဘဝကိုနားလည် လာလေလေ ဘဝ၏တိုတောင်းမှုကိုမြင်လေလေ ဖြစ်ရပါ သည်။ ဆိုလိုသည်မှာမိမိ၏ သေခြင်း ( Motality) ကို လက်ခံလာမိခြင်းဖြစ်ပါသည်။ ထိုကြောင့်နေရသည့် ခဏ တာဘဝအချိန်လေးကိုအပြည့်အဝနေလိုခြင်း ဖြစ်မိပါ သည်။
ကျွန်တော်တို့ဘဝကိုလည်း ထိုခဏတွင် ပြန်လည်သုံးသပ်မိရပါသည်။ သက္ကရာဇ် ၂ဝဝဝ ပြည့်ပြီးသည်နှင့်ကျွန် တော်တို့မိဘ နှစ်ပါးသည်ရှေ့ဆင့်နောက်ဆင့်ကွယ်လွန်သွားကြပါသည်။ ဈေးဆိုင်ဖွင့်၍ကလေးနှစ်ယောက်ကို ပညာသင်ကြားခဲ့ပါသည်။ အိမ်ကိုဝယ်၍ အိမ်မှဆိုင် ဆိုင်မှအိမ်အခေါက်ခေါက်ပြန်ရင်း အပြင်မှကြည့်လျှင် အေးဆေးတည်ငြိမ်သော ဘဝကိုဖြတ် သန်း ခဲ့ရပါသည်။
ဤသို့အေးဆေးတည်ငြိမ်သောဘသကို ဖြတ်သန်းရင်းမှ လူ့သဘာဝကိုပိုမိုသဘောပေါက်လာမိသည်။ ပြင်ပ လောကကြီးကပြောင်းလဲနေသလို ကျွန်တော်တို့ဘဝအခြေအနေများမှာလည်းပြောင်းလဲနေကြပါသည်။ အစ များနှင့် အဆုံး များသည် တစ်ခုပြီးတစ်ခု တရစပ်ရှိနေကြပါသည်။ ဘဝတွင်အမြဲမရှိ၊ တွေ့လွယ၊် ဖြစ်လွယ်၊ ပျက်လွယ် သည့်သဘောကိုလည်း မြင်ခဲ့ရပါသည်။ လောကဓံ ၏သဘောကို ပိုမိုသိမြင်ခဲ့သည့်နည်းတူ ဘဝ၏အဖြစ်အပျက်များကြောင့် ရင်သက်ရူမော အံ့အားသင့်စရာ အချက်များကိုလည်း ကြုံခဲ့ရပါသည်။ ဆုံးရူံးမှုများ ရှိသလို အောင်မြင်မှုရခဲ့သည်များလည်းရှိပါသည်။ မတည်ငြိမ်ဘဲအမြဲပြောင်းလဲနေသောသဘောကိုသိရ လေလေ ကျန်ရှိနေသော အချိန်များကိုလည်း ရင်ဆိုင်ရဦးမည်ဆိုသည်ကိုလည်းသဘောပေါက်မိရပါသည်။
ဆယ်ကျော်သက်ကာလများက ဘဝ၏ဆိုးရွားပုံ ကြောက်မက်ဖွယ်ဖြစ်ရက်များကိုကြုံရသည့်အခါ မိဘများက အဆိုးတွေကို ကြုံဘူးမထားဘဲ အကောင်းတွေကြုံဖို့မဖြစ်နိုင်ဟု ဆုံးမလေ့ရှိပါသည်။ ထိုသို့သောစကားတွေကို စိတ်ပျက်မိသည်။ ယခု လည်း စိတ်ပျက်ရဆဲ ဖြစ်ပါသည်။ သို့သော်လည်း ထိုစကားတွေမှာ မှန်သောစကား များ ဖြစ်ကြပါသည်။
အကယ်၍မသေနိုင်သော ဘဝကိုထာဝရ ရရှိနိုင်ပါက ဘဝသည် ဤမျှစိတ်ဝင်စားစရာကောင်းတော့မည်မဟုတ်ပါ။ နေ့စဉ်နှင့် အမျှ လူကိုချဲလင့်လုပ်သောအတွေ့အကြုံကိုလည်းကြုံရမည်မထင်ပါ။ ကျွန်တော်တို့ကိုယ်ခန္ဓာ ရင့် ရော်သွားခြင်းသည်စိတ်ကို အပြောင်းအလဲဖြစ်စေပါသလား၊ အခြေအနေပြည့်စုံသူတို့ ကသာအသက်ကိုအရှည် ကြီးနေလိုကြပါသည်။
မညီမျှမှုများကို ညီမျှအောင်လုပ်ပေးနိုင်ပါမည်လား၊ ညီမျှအောင်လုပ်ဖို့ကောတစုံတဦးမှာမှ အကြံဉာဏ် မရှိနိုင်ပါ။ ကျွန်တော် တို့သည် အသက်အရွယ်ရင့်ရော်လာသည်နှင့်အမျှ ကိုယ်ချင်းစာတရားပိုမိုထားနိုင် ပါမည်လား၊ အသိပညာပို၍ပြည့်စုံလာ ပါသလား၊ အတွေးအခေါ်အသိအမြင်တို့ ပိုမိုရင့်ကျက်လာစေနိုင်မည်လား။
သိပ္ပံပညာက တွေ့ရှိတီထွင်ချက်များက လူ့ဘဝကိုပို၍သက်သက်သာသာနေနိုင်အောင် ပြောင်းလဲပေးနိုင်ကြပါသည်။ လူဖြစ် ရခြင်းမှာ သေဖို့ဖြစ်လာရသည်ဆိုခြင်းကိုမူ သိပ္ပံပညာက ပြောင်းလဲပေးနိုင်မည်မဟုတ်ပါ။
ကိုသန်းလွင်
Ref: Life is Short , by Allison Arieff New York Times Aug 18 2018
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
