ကျော်ကျော်- မြရည်စမ်း- သမ္မုခအ​ရေးအ​ကြောင်းများ

သမ္မုခအ​ရေးအ​ကြောင်းများ

ကျော်ကျော်- မြရည်စမ်း

(မိုးမခ) ဇူလိုင် ၁၊ ၂၀၁၈

(တစ်​)

မိုးက တစိမ့်​စိမ့်​နှင့်​ ရွာ​နေဆဲပင်​ဖြစ်​သည်​။ ပတ်​ဝန်းကျင်​တခုလုံးစိုရွှဲ​နေကြသည်​။ 

သို့​သော်​ ​ချောက်ချားစဖွယ်​လည်း​ကောင်း​နေပြန်​သည်​။ ကျွန်​​တော်​​နေထိုင်​ရာအ​ဆောင်​မှ​နေ၍ ပတ်​ဝန်းကျင်တခုလုံးကို စီးစီးမိုးမိုးဖြင့်​ မြင်​​နေရသည်​။ အ​ဆောင်​​က ကုန်းအမြင့်​​ပေါ်တွင်​​ဆောက်​ထား၍ အနည်းငယ်​​တော့ စိတ်​​ဖြေသာသည်​။
ကုန်းမြင့်​​လေးသည်​ မူလ​မြေမှန်​ဟုတ်​မဟုတ်​ကို ကျွန်​​တော်​လည်းမသိ။
ကျွန်​​တော်​နှင့်​အတူ​ ရှိ​နေကြ​သော လူ​လေးဦးကလည်း သိမည့်​ပုံမ​ပေါ်ကြ။

သစ်​ပင်​ဝါးပင်​ကြီးများ၊ ပန်းမာလ်​များ၏အရိပ်​အ​ယောင်​ဟူသမျှ မမြင်​​တွေ့ရ။ ငှက်​​ကျေးသာရကာများ၏အသံဟူသမျှဝေးစွ၊ ချိုင့်​ဝှမ်းကြီး များနှင့်​ ​ရေပြင်​​ဖွေးေ​ဖွေးကိုသာ မြင်​​နေရသည်​။
မလှမ်းမကမ်းတွင်​ ကျွန်​​တော်​တို့အ​ဆောင်​​လေးကို ခုန်​အုပ်​မည့်​သဏ္ဌန်​ရှိ​သော​​ကျောက်​​တောင်​မြင့်​မြင့်​ကြီး ရှိ၍ ၄င်း၏အ​ခြေတွင်​ရှိ​သော ​မြေကြီး တာ​ဘောင်​များက တဖက်​တွင်​ရှိ​သော ​ရေထုကိုကာဆီးထားပါသည်​။ မိုးဆက်​တိုက်​ရွာသွန်းထားသဖြင့်​ ​ရေထုက အ​တော်​များ​နေပြီဖြစ်​၏။ ​ရေတစ်​ကုဗ​ပေ၏ ဖိသိပ်​အား မည်​မျှရှိသည်​ဆိုခြင်းကို ကျွန်​​တော်​မမှတ်​မိ​တော့ပါ။ သို့​သော်​လည်း ​နောက်​ထပ်​ တစ်​ရက်​ နှစ်​ရက်​သာ ယခုလိုမျိုး မိုးဆက်​များလျှင်​​တော့ ထိုတာ​ဘောင်​ရိုးပြတ်​ကျိုးသွားလိမ့်​မည်​ဟု အာရုံသိဖြင့်​ ခံစားမိ​နေပါသည်​။

ယခုလိုအချိန်​မျိုးတွင်​ အင်​တာနက်​လိုင်းမရှိ ဖုန်းလိုင်းမမိမှန်းသိသိကြီးနှင့်​ ဖုန်းကို​ကောက်​ကိုင်​​နေမိသည်​။​
ဖုန်းကိုဖွင့်​ပြီး တမြန်​​နေ့ညက​ရေးထားသည့်​ အက်​​ဆေးတို​လေးကို ပြန်​ဖတ်​​နေမိသည်​။ 

ထိုအက်​​ဆေး​လေးသည်​ ယခုကျွန်​​တော်​​နေထိုင်​ရာနေရာ​လေးကို အ​ခြေပြု​ရေးသားထားခြင်းဖြစ်​သည်​။

အဆုံးမသတ်​နိုင်​​သေး​သော အက်​​ဆေးတ​ပုဒ်​ဖြစ်​​နေသည်​။ ထိုအက်​​ဆေးတို​လေးသည်​ ကံ​ကောင်းလွန်းမှသာ အယ်​ဒီတာ​ရှေ့သို့ ​ရောက်​နိုင်​​ပေ​တော့မည်​။
မှောင်​ရီပျိုးစည​နေခင်းတွင်​ မြင်​​​နေရ​သော အကျည်းတန်​ရှု​မျှော်​ခင်းများကို​ငေးရင်း ​နေ့လည်​ပိုင်းက ဖတ်​လိုက်​ရ​သော သတင်းတ​ပုဒ်​သာ သတိရ​နေမိသည်​။

(နှစ်​)

အိမ်​နီးချင်းနိုင်​ငံတနိုင်ငံမှ ကျောင်းသားလူငယ်​​လေးများသည်​ ​လိုဏ်​ဂူတခုထဲသို့ စူးစမ်းဝင်​​ရောက်​ကြရာ အချိန်​တန်​​သော်​လည်း ပြန်​ထွက်​မလာကြ။
ထိုသတင်းကို အာဏာပိုင်​အဖွဲ့အစည်းက သိလျှင်​သိချင်း ကယ်​ဆယ်​​ရေးအဖွဲ့များဖြင့်​ အပူတပြင်းဝင်​​ရောက်​ရှာ​ဖွေကြသည်​။
ရှာ​ဖွေကယ်​ဆယ်​​ရေးအဖွဲ့များက ​ခေတ်​မီကိရိယာများပါကြသည်​။
သူတို့ကိုယ်​တိုင်​အတွက်​လည်း အန္တရာယ်​ကင်း​အောင်​ ပြင်​ဆင်​ဝတ်​စားထားကြသည်​။

ထိုသတင်း​လေးကို ဖတ်​မိ​တော့ ​ပျောက်​ဆုံး​နေကြသူများနှင့်​လည်း​ကောင်းတို့မိဘများကိုယ်​စား ​ကျေနပ်​မိပါသည်​။ သူတို့နိုင်​ငံသားများကိုယ်​စား ဂုဏ်​ယူပါသည်​။

ထို​နေ့ကလည်း မိုး​တွေရွာ​နေ​သော ​နေ့တ​နေ့ဖြစ်​သည်​။ ပတ်​ဝန်းကျင်​ကိုကြည့်​မိ​တော့ ​ကျွန်​​တော့်​ဘာသာ ဝမ်းနည်းရပြန်​သည်​။

မိုးစက်​မိုးမှုန်​များကြားတွင်​ အ​ဝေးမှ ‘​မှော်​ဝမ်း’ကို မှန်းဆ​တွေးမိသည်​။ ထိုကိစ္စက ပူပူ​လော​လောပင်​ ရှိ​သေးသည်​။ သားအဖ​လေးနှစ်​​ယောက်​​နေထိုင်​ရာ အိမ်​အ​နောက်​မှ​တောင်​ပြိုကျသဖြင့်​နှစ်​​ယောက်​စလုံး ​မြေပိ​ကာ​သေဆုံးသွားကြရသည်​။

ကျွန်​​တော်​သည်​လည်း “နတ်​ဆိုးထံပါးမှာ လာဘ်​ထိုးခံထားရတဲ့​နေရာ”ဟု ခို​င်းနှိုင်း​ပြောဆိုကြလွန်းသည့်​ ဤ​နေရာကို ချမ်းသာချင်​လွန်း၍ လာခဲ့ သည်​မဟုတ်​ပါ။ မိုးတွင်းကာလ အလုပ်​မယ်​မယ်​ရရမရှိသဖြင့်​သာ သာ ရောက်​ခဲ့ရခြင်းဖြစ်​သည်​။
ယခုရှိ​နေသည့်​ ကျွန်​​တော်​တို့ငါး​ယောက်​စလုံးသည်​ လခစားအလုပ်​သမားများသာ ဖြစ်​ကြသည်​။ တစ်​လလျှင်​ ကျပ်​သုံးသိန်းရ၍ ခြောက်​လတိတိ တာဝန်​ထမ်း​ဆောင်​ရမည်​ဟူ၍သာ အကြမ်းဖျဉ်းသိထားကြပါသည်​။​
ခြောက်​လမပြည့်​မီအလုပ်​ထွက်​ပါက တစ်​လလျှင်​ ကျပ်​တစ်​သိန်းခွဲ​လောက်​ကိုသာ ရကြမည်​ဖြစ်​သည်​။ အလုပ်​စဝင်​သည့်​​နေ့တွင်​ အင်္ဂလိပ်​လိုလည်း မဟုတ်​၊မြန်​မာလိုလည်းမဟုတ်​​သောစာချုပ်​​ပေါ်တွင်​ မိုက်​မည်းလွန်းစွာဖြင့်​ လက်​မှတ်​ထိုးထားခဲ့မိပြီး စခန်း​စောင့်​တာဝန်​ကို ယူထားခဲ့ကြသည်​။

ကျွန်​​တော်​တို့အ​ဆောင်​​တွင်​ စားနပ်​ရိက္ခာအတွက်​ ပူပင်​စရာမလိုအပ်​​သေးပါ။ ​ခေါက်​ဆွဲ​ခြောက်​များ ၊  ​ရေသန့်​ဗူးများ၊ အလျှံပယ်​ရှိ​နေ​သေးသည်​။ အိမ်​သုံး​ဆေးဝါးတချို့ကိုလည်း ကျွန်​​တော့်​ဇနီးသည်​က ထည့်​​ပေးလိုက်​သဖြင့်​ ​တော်​တန်​ရုံအ​အေးမိ နှာ​စေး​ချောင်းဆိုး​လောက်​​တော့ ပူပန်​စရာမလိုအပ်​။ ခက်​​နေသည်​မှာက ပတ်​ဝန်းကျင်​ရှိမည်​သည့်​​နေရာကိုမျှ သွားလို့လာလို့မရ​တော့​အောင်​ လမ်းအဆက်​ပြတ်​​နေရခြင်းပင်​။
ပြင်​ပ​နေ ရာ​ဒေသနှင့်​ အဆက်​အသွယ်​လုပ်​စရာဟူ၍ လိုင်းမိလိုက်​ မမိလိုက်​ဖြစ်​​နေ​သော လက်​ကိုင်​ဖုန်း​လေးသာ ရှိ၏။
ကြိုတင်​ပြင်​ဆင်​မှုများဖြင့်​ ပိုက်​ဆံ​များများဖြည့်​ထားခဲ့၍သာ​တော်​​တော့သည်​။

ဤ​ဒေသတွင်​ ကျွန်​​တော်​တို့နည်းတူ ဖြစ်​​နေကြမည့်​သူများစွာ ရှိ​နေနိုင်​ပါသည်​။
လုပ်​ငန်းရာသီချိန်​အတွင်း​ကျောက်​ကုမ္ပဏီလုပ်​ကွက်​များ စည်​ကားသ​လောက်​ ယခု​တော့ စိုစွတ်​ခြင်းများအတိဖြင့်​တိတ်​ဆိတ်​​ငြိမ်​သက်​​နေပါသည်​။ အ​ဝေးတ​​နေရာမှ မီးစက်​​မောင်းသံကြားလိုက်​ရသည်​။ ကျွန်​​တော်​တို့အ​ဆောင်​​လေး၌လည်း မကြာခင်​မီးစက်​​မောင်းရ​တော့မည်​။

တညလျှင်​ ၃ နာရီ​ မီးစက်​မောင်းခွင့်​ပြုထား​သောအချိန်​၌ လိုအပ်​သည့်​ကိစ္စအဝဝကို လုပ်​​ဆောင်​ထားရ သည်​။ ဖုန်းများ၊ လက်​နှိပ်​မီးများ အားသွင်း ထားကြရသည်​။ ဒီဇယ်​ဆီများလည်း အ​တော်​ကြီးကျန်​​နေ​သေးသည်​။ သို​သော်​ ​စေ့​စေ့​တွေးကြည့်​ပါက ကျွန်​​တော်​တို့သည်​ ရိက္ခာအစုံအလင်​နှင့်​အကျဉ်းကျ​နေကြခြင်း သာဖြစ်​၏။

အပြင်​ဖက်​သို့ ​သေ​သေချာချာမမြင်​ရ​တော့ပါ။ မီးစက်​နိုးသံနှင့်​အတူ အ​ဆောင်​တခုလုံး လင်းထိန်​သွားပါသည်​။ ယခုလိုအချိန်​တွင်​ အင်​တာနက်​လိုင်းပြန်​ရတတ်​ သည်​။ ဖုန်းလိုင်းပြန်​ရတတ်​သည်​။ အ​ဝေးမှ မိသားစုထံဖုန်း​ခေါ်ပြီး စိတ်​မပူဖို့နှင့်​​နေထိုင်​ရတာ အ​ဆင်​​ပြေ​ကြောင်း ​​ပြောလိုက်​သည်​။ သူတို့ဆီတွင်​လည်း မိုး​တွေ ရွာပြီး ​ရေ​တွေကြီး​နေသည်​ဟု သိရသည်​။

(သုံး)

အိမ်​နီးချင်းနိုင်​ငံမှ ​ကျောင်းသားလူငယ်​များ လိုဏ်​ဂူအတွင်း ​ပျောက်​ဆုံး​နေ​သောသတင်းသည်​ ​အင်​တာနက်​​ပေါ်တွင်​ ထိပ်​တန်းသတင်းဖြစ်​လို့​နေသည်​။ သူတို့ကို ဆက်​လက်​ရှာ​ဖွေ​နေကြသည်​။ ​ဒေသခံရှာ​ဖွေ​ရေး များတင်​မက​တော့ပဲ နိုင်​ငံရပ်​ခြားမှပင်​ လာ​ရောက်​ကူညီ​နေကြပြီဖြစ်​သည်​။ ​ခေတ်​မီရှာ​ဖွေ​ရေးကိရိယာများ အသုံးပြု​နေကြသည်​။
တဖက်​တွင်​လည်း ​ပျောက်​ဆုံး​နေသူလူငယ်​များ၏မိဘများကို နှစ်​သိမ့်​ခြင်း၊ အားပေးခြင်းများ ပြုလုပ်​​ပေး​နေသည်​။

သတင်းများက အပြိုင်​အဆိုင်​တက်​​နေကြသဖြင့်​ ကျွန်​​တော်​​နေထိုင်​ခဲ့ဖူးသည့်​ မြို့ငယ်​​လေးတ​မြို့မှသတင်း​ဟောင်းပင်​ ပါ​သေးသည်​။။
မြို့​လေး၏မလှမ်းမကမ်းတွင်​ ​တနိုင်​တပိုင်​​ရွှေတူးကြရာ ရွှေတွင်း ပြိုကျသည်​။ ရှာ​ဖွေဖို့ရာလည်းမစွမ်းသာ၊ ​ရှေ့​ကြောင်း​နောက်​​ကြောင်းကလည်း မ​အေး။ ​ရွှေတွင်းကို အ​သေပိတ်​ပစ်​လိုက်​ကြသည်​။ ထို​နေရာ​လေးက ယခုအခါ လူ​နေထူထပ်​လာမှု​ကြောင့်​ ရွာနှင့်​ပင်​နီးကပ်​လာခဲ့ပြီ။ ရိုးသား​သော​ဒေသခံအများစုက ညအချိန်​များ၌ ​မြေကြီးထဲမှ ကယ်​ပါယူပါတစာစာအသံများ ယ​နေ့အထိကြား​နေရ​ကြောင်း ​ပြောဆို​နေကြ​ပါသည်​။

ကျွန်​​တော်​တို့မ​ရောက်​လာမီက ဤ​​ဒေသတွင်​လည်း ​မြေအကြိမ်​ကြိမ်​ပြိုကျ၍ လူ​ပေါင်းများစွာ မြေကြီး​အောက်​သို့ ​ရောက်​ခဲ့ရဖူး​ပေပြီ။ ကုမ္ပဏီလုပ်​ကွက်​များ၌
ပြိုကျလျှင်​ ထိုကုမ္ပဏီက ၎င်းတို့လုပ်​ငန်းသုံးကားကြီး စက်​ကြီးများကိုသာ ဦးစား​ပေး​ဖော်​ယူကြသည်​။ ကျွန်​​တော်​တို့အ​နေဖြင့်​လည်း
ကျွန်​​တော်​တို့ ရွှေပြည်​ကြီးတွင်​ လူ့တန်​ဘိုးထက်​ ကားတန်​ဘိုးက ကြီး​ပေ​သော​ကြောင့်​ဟူ၍သာ စိတ်​​ဖြေကြရပါသည်​။ 

စာရင်းအ​ရေအတွက်​ မခန့့်​မှန်းနိုင်​ကြ​သော အညတရလူ​ပေါင်းများစွာသည်​ ဤ​ဒေသရှိ ​မြေကြီးများ​အောက်​တွင်​ ပူပူ​နွေးနွး​ပျောက်​ဆုံးသွားခဲ့ကြရသည်​။ 

(​လေး)

ကျွန်​​တော်​တို့အားလုံး တယောက်​ကိုတယောက်​ စကားမ​ပြောဖြစ်​ကြပဲ ငြိမ်​သက်​​နေကြသည်​။
အပြင်​ဖက်​တွင်​ မိုးပိုမိုသည်းထန်​လာ​ကြောင်း အားလုံးသိကြပါသည်​။
ခရစ်​ယာန်​ဘာသာဝင်နှစ်​​ယောက်​က သမ္မာ ကျမ်းစာအုပ်​ကိုယ်​စီနှင့်​ ဗုဒ္ဓဘာသာဝင်​တ​ယောက်​က ဘုရား​သောက်​​တော်​​ရေဖြည့်​​နေသည်​။ တယောက်​က ​မောင်​ထွန်းသူဘာသာပြန်​​သော ရဲတိုက်​စာအုပ်​ကြီးကို ဖတ်​ရှု​နေသည်​။

ကျွန်​​တော်​သည်​ အင်​တာနက်​လိုင်းကိုပြန်​ပိတ်​ပြီး ​ရေးလက်​စအက်​​ဆေးတပုဒ်​ကို စိတ်​နစ်​ကာဆက်​​ရေးဖို့ ကြိုးစား​နေမိသည်​။
လျှပ်​စီးတဝင်းဝင်းတွင်​ မြင်​​နေရ​သော ​တောင်​ခါးပန်းဝါဝါကြီးနှင့်​​ တာ​ဘောင်​တဖက် မှ​ ​ရေနီနီများကို အမှတ်​မထင်​မြင်​ရသည့်​အခါ စိတ်​တို့ပျံ့လွှင့်​ရပြန်​သည်​။ အ​​ဆောင်​အတွင်းတွင်​ စက်​ကြီးများမှဖြုတ်​ချထား​သော ကားတာယာကြီးများအပုံလိုက်​ရှိ​နေသည်​။ သက်​ပြင်းချကာ စာထဲစိတ်​နစ်​ဖို့ ကြိုးစား​နေ မိသည်​။

ကျွန်​​တော်​က ​ရေ​ကြောက်​တတ်​သည်​။ အထူးသဖြင့်​ ​ရေနစ်​​သေရမည်​ကို သိပ်​​ကြောက်​သည်​။

ထိုသို့​ကြောက်​သွားခြင်းမှာလည်း အ​ကြောင်းရှိသည်​။ တရုတ်​ဆိုင်​ကယ်​များ ​ခေတ်​ထစအချိန်​တွင်​ ဗန်း​မော်​မြို့​လေးသို့ဆိုင်​ကယ်​သွားဝယ်​ဖူးသည်​။ မြို့​လေးမှ​နေ၍ ရှပ်​​ပြေးဟု​ခေါ်​သော အမြန်​ယာဉ်​ဖြင့်​လိုက်​ရသည်​။

ငွေများပါ​သောအိတ်​ကိုဖင်​ခုထိုင်​ရင်း ​ခေါင်​မိုး​ပေါ်ကလိုက်​ရသည်​။ ငွေ​တွေက ဆိုင်​ကယ်​ဆိုင်​ပိုင်​ရှင်​က ယုံယုံကြည်​ကြည်​​ပေးလိုက်​​သော​ငွေများဖြစ်​သည်​။
ကျွန်​​တော်​က အဝယ်​​တော်​မျှသာ။ တနည်းဆို​သော်​ ကယ်​ရီစီးသူ။  မြန်​မာကျပ်​​ငွေများကို အိတ်​ကြီးဖြင့်​ထည့်​သယ်​သွားရ​သော်​လည်း တဖက်​နိုင်​ငံသုံး​ငွေနှင့်​ လဲလှယ်​ပါက ခါးကြားထိုး၍ရပါသည်​။ မြစ်​လယ်​တွင်​ ရှပ်​​ပြေး​မော်​​တော်​​မှောက်​သည်​။ 

ထိုအချိန်​တွင် ​ဖောင်း​ဖောင်းပွပွ​ငွေများက ကျွန်​​တော့်​အသက်​ကို ကယ်​လိုက်​ကြပါသည်​။ အရွယ်​ကြီးမား လှ​သော်​လည်း အချိန်​မစီးသည့်​​ ငွေထုပ်​ကိုကပ်​တွယ်​ရင်း ကိုယ်​​ဖော့ကူးခတ်​ကာ ခပ်​လှမ်းလှမ်းမှ ​သောင်​ကမ်း​ခြေကို ဆိုက်​​ရောက်​နိုင်​ခဲ့သည်​။

အ​ရေး​ပေါ်ကယ်​ဆယ်​​ရေးမဆိုထားနှင့်​ ရှပ်​​ပြေး​မော်​​တော်​အတွင်းမှ ရုပ်​အ​လောင်းများကိုပင်​ ရက်​အ​တော်​ကြာမှ တဖြည်းဖြည်းချင်း ထုတ်​ယူနိုင်​ခဲ့သည်​။

ရုပ်​ပျက်​ဆင်းပျက်​ဖြစ်​​နေကြရှာ​သော ဘဝတူသူငယ်​ချင်းမိတ်​​ဆွေတို့၏ရုပ်​အ​လောင်းကိုမြင်​မိပြီး ​ရေနစ်​​သေရမှာ အ​တော်​​ကြောက်​သွားသည်​။

(ငါး)
an>

မိုးကိုတိတ်​​စေချင်​ပါပြီ။

ကမ္ဘာအနှံ့အပြားတွင်​ ​ဂေဟစနစ်​များပျက်​စီးယိုယွင်းမှု​ကြောင့်​ ရာသီဥတုများ ​ဖောက်​ပြန်​​နေပါပြီဟု ပတ်​ဝန်းကျင်​ထိန်းသိမ်း​ရေးသမားများက ဆိုကြသည်​။ ကင်​(န်​)နှင့်​ထရန့်​သည်​ တ​လော​လေးက လက်​ဆွဲနုတ်​ဆက်​လိုက်​ကြသည်​။ အက်​ဆစ်​မိုးအတွက်​ လူ​တွေစိတ်​အနည်းငယ်​​အေးသွားကြသည်​။ 

ရခိုင်​ကမ်း​မြှောင် ​ဒေသနှင့်​ မြစ်​ဝကျွန်း​ပေါ်တလွှားကို ဖြတ်​​ကျော်​လာ​သော တိမ်​မည်းညိုသည်​ ကျွန်​​တော်​ယခု​ရောက်​​နေသည့်​ ​မြောက်​ဘက်​​တောင်​ကုန်း​ဒေသကိုပင်​ စီးနင်းခြိမ်း​ခြောက်​​နေဆဲ။

ကျိုးပျက်​လုလုတာ​ဘောင်​ကို မကြည့်​ဖြစ်​​အောင်​စိတ်​တင်းရင်း လျှပ်​စီးဝင်းဝင်းနှင့်​မိုးကြိုးသံများကြားမှာ
အက်​​ဆေး​လေးကို အပြီးသတ်​​ရေး​နေမိသည်​။ လိုဏ်​ဂူအတွင်း ​ပျောက်​​နေကြသော ကျောင်းသားလူငယ်လေးများအ​ကြောင်း ​ခေါင်းထဲ​ရောက်​လာပြန်​သည်​။ လူသားဆန်​​သောရှာ​ဖွေကယ်​တင်​မှုများ၊ တာဝန်​​ကျေပွန်​​သောအစိုးရ၏ကြိုးပမ်းမှုများနှင့် အားလုံးရှင်​သန်​လွတ်​​မြောက်​နိုင်​ကြပါ​စေဟု ဆု​တောင်း​ပေးမိသည်​။ နိုင်​ငံတူ မတူ လူသည်​လူသာ။

“ကျွန်​​တော်​တို့လည်း အမြန်​လွတ်​​မြောက်​ချင်​ပါသည်​။ မိုးကိုလည်း တိတ်​​စေချင်​ပါပြီ” ဟူ၍ အက်​​ဆေး​လေး ကိုအဆုံးသတ်​ပြီး ​ကော်​ပီယူလိုက်​ပါသည်​။ ထို့​နောက်​ အင်​တာနက်​ဖွင့်​ကာ အီးမေလ်းထဲသို့ဝင်​လိုက်​ပြီး အယ်​ဒီတာထံလိပ်​မူ၍ စာရေးသားဖို့သတ်မှတ်ထားသည့်​နေရာတွင် ကူးထားသည့်ကော်ပီကို​ထည့်သည်။

ထို့နောက်ပေးပို့ဆိုသည့်နေရာကိုနှိပ်လိုက်ချိန်မှာတော့ အင်​တာနက်​လိုင်းက ပြတ်​​တောက်​သွားခဲ့ရပါသည်​။

(၆)

အချိန်​တခုကို​စောင့်​ပြီး ဇွဲရှိရှိဖြင့်​ ကြိုးစားရဦးမည်​။