(မိုးမခ) ဇွန် ၂၅၊ ၂၀၁၈
(၁)
သူတို့ကိုခြံခုန်ကူးသူများဟုခေါ်နိုင်ပါသည်။ ဖားပြုတ်နှင့်လည်းတူသည်ဟုဆိုကြသည်။ မြန်မာလိုတော့ “သာကူး” ဟုခေါ် သည်။ သာသောဘက်သို့ကူးပြောင်းကြသူများကို ခေါ်သည်။ မလေးရှားရွေးကောက်ပွဲတွင် အတိုက်ခံတို့က နိုင်သည်ဟု သိရသည်နှင့် တပြိုင်နက်ရှုံးနေသောပါတီဘက်မှ နိုင်ငံရေးသမားများသည် နိုင်သည့်ပါတီ ဘက်သို့ကူးပြောင်းရန် ကြိုးစားကြ တော့သည်။ မလေးရှား နိုင်ငံကိုနှစ်ပေါင်း ၆၀ ကျော် အုပ်ချုပ်လာသော BN-Barisan Nasional ပါတီသည်ရွေးကောက်ပွဲတွင် အတိုက်အခံတို့၏ညွန့်ပေါင်းအဖွဲ့ (PH Parakan Harapan) ကို အရှုံးကြီးရှုံးခဲ့သည်။
သို့ပါသော်လည်း အနိုင်ရပါတီဘက်သို့ ပြောင်းရွှေ့မှုများကြောင့် မလေးရှားနိုင်ငံ၏ ဒီမိုကရေစီသည် စိုးရိမ်စရာအခြေအနေ သို့ ရောက်ရှိသွားပြီဖြစ်သည်။
မေလ ၁၀ ရက်နေ့ မဲများရေပြီးချိန်တွင် PH ပါတီသည် အောက်လွှတ်တော်တွင် အမတ်နေရာ ၂၂၂ နေရာရှိသည့် အနက် ၁၂၂ နေရာကို ရရှိပြီးဖြစ်သည်။ PH ပါတီသည် ယခုအခါအမတ်နေရာ ၁၂၆ နေရာကို ကူးပြောင်းလာသူများကြောင့် ထိမ်း ချုပ်သွားနိုင်ပြီဖြစ်သည်။
မေလ ၉ ရက်နေ့တွင် မလေးရှားတနိုင်ငံလုံး ၁၃ ပြည်နယ်ရှိသည့်အနက် ၁၂ နယ်ရှိ လွှတ်တော်နေရာများအ တွက်ရွေးကောက် တင်မြှောက်ကြသည်။ ထိုနေရာများမှ ၅ ပြည်နယ်တွင် PH ကအနိုင်ရပါသည်။ BN ကနယ် ၂ ခု တွင် အနိုင်ရသည်။ (ယခင်က ၉ ပြည်နယ်တွင်အနိုင်ရခဲ့ဘူးသည်) အခြားပါတီများဖြစ်သောမလေးရှား အစ္စလာမ် ပါတီ PAS Malaysia Islamic Party ကနယ်၂ ခုတွင် အောင်မြင်သည်။ မည်သည့်ပါတီကမျှ ကေဒါး (Kedah) ပီရက် (Perak) နှင့် ဆားဗားနယ်တို့တွင် အစိုးရဖွဲ့ နိုင်လောက်အောင် အပြတ်အသတ် အနိုင်မရရှိခဲ့ကြပါ။
သို့သော် အချိန်အနည်းငယ်အတွင်း ဤကူးပြောင်းသူများကြောင့် ထိုနယ်များတွင် PH က အစိုးရဖွဲ့နိုင်ခဲ့သည်။ ဆာဗားနယ် တွင် ပဌမ ၄၈ နာရီအတွင်း Chief Ministres- ဝန်ကြီးချုပ်နှစ်ယောက်တို့ ကျမ်းသစ္စာကျိမ်ဆိုနိုင်ခဲ့ကြသည်။ BN က နေရာ ၆၀ တွင် ၂၉ နေရာ အနိုင်ရခဲ့သော်လည်း ဘာမှမလုပ်နိုင်ခဲ့ပေ။
၁၃ ခုမြောက်နယ်ဖြစ်သောဆာရာဝပ်တွင် (ဘော်နီယိုတွင်ရှိ) မေလ ၉ ရက်နေ့က မဲပေးပွဲတွင် မပါဝင်ခဲ့ပေ။ ၂၀၁၆ ခုနှစ်က မဲရွေးပွဲကျင်းပခဲ့ပြီးသည်။ BN က အစိုးရဖွဲ့ထားပြီးဖြစ်သော်လည်း အတိုက်ခံများက ညွန့်ပေါင်း အစိုးရ ဖြစ်အောင်ကြိုး ပမ်းနေကြသည်။
ပါတီကို သစ္စာဖောက်ခြင်းသည် မလေးရှားနိုင်ငံရေးတွင် အဆန်းမဟုတ်ပါ။ PH အပါအ၀င် လူအားလုံးက ပါတီကူးပြောင်း ခြင်းသည် နိုင်ငံရေးတွင် မကောင်းကြောင်း ပြောဆိုနေကြပါသည်။ သူတို့သည် လူကို မဲပေးရွေးချယ်ခြင်းဖြစ်ပြီး ပါတီကူး ပြောင်း၊ မပြောင်းမှာ ထိုလူ၏စိတ်သဘောပေါ်တွင် မူတည်သည်။ ယခုကဲ့သို့ PH က လာသမျှလူသစ်တွေကို လက်ခံနေပါက ၎င်းသည်လည်း ကျဆုံးသွားသည့်ပါတီကဲ့သို့ (BN No.2) ဖြစ်ရန် အလားအလာရှိနေသည်။
ပို၍ဆိုးသည်မှာ ရွေးကောက်ပွဲပြီးမှပါတီ ပြောင်းခြင်းသည် အဓိကအတိုင်အခံအင်အားစုကို အင်အားနည်း အောင်လုပ်ခြင်း ဖြစ်ပြီး ဒီမိုကရေစီစနစ်တွင် နိုင်ငံရေးအရ ယှဉ်ပြိုင်မှုကို ဖျက်ဆီးခြင်းဖြင့် အားလုံးကိုပျက်စီးအောင်လုပ်သကဲ့သို့ဖြစ်နေ သည်။
မလေးရှားသည် လူမျိုးနွယ်အလိုက်သာ (Ethnicity) မဲပေးသည်။ ထိုသို့လူမျိုးနွယ်အလိုက်သာ မိတ်ဆွေပါတီများကို ဖွဲ့စည်း ထားပြီး မိမိကိုထောက်ခံသူများကိုပါတီစွဲ (Alliance) အတိုင်းသာမဲပေးစေရန် စည်းရုံးထားကြသည်။ ထို့ကြောင့် ပါတီခေါင်း ဆောင်များမှာ လွန်စွာပါဝါရှိကြပြီး ရွေးချယ်ရာတွင် လူ၏အရည်အချင်းထက် ပါတီက ရွေးချယ်ထားခြင်း ရှိ မရှိကိုသာ ကြည့် ကြသည်။
BN သည်သူ၏မိခင်ပါတီ UMNO –United Malay National Organization ၏ နည်းအတိုင်း မဲရရှိရေးကို နည်းမျိုးစုံဖြင့် ဆောင်ရွက်သည်။ မဲဝယ်၍ဖြစ်စေ၊ တခါတရံမဲဆန္ဒနယ်၏ နယ်နိမိတ်မြေပုံကို ပြင်ဆင်၍ဖြစ်စေ၊ ပုံစံမျိုး စုံသုံး၍အနိုင်ရ အောင်လုပ်သည်။ နေရာမပေးနိုင်သူကို အစိုးရ၀န်ထမ်းအဖြစ်၎င်း၊ အကျိုးအမြတ်အများကြီးရှိသော ကန်ထရိုက်များချပေးခြင်းဖြင့်လည်းကောင်း စည်းရုံးသည်။
မှန်ပါသည် BN သည် ခြစား၏၊ လစ်ဘရယ်သဘောလည်းမကျပါ။ သို့ပါသော်လည်း သည်အတိုင်းဖြစ်နေသည်မှာ ကြာပါပြီ၊ မဲပေးရာတွင် အမေရိကန်၊ ဗြိတိန်ပြည်မှာကဲ့သို့ (First Past The Post Voting System FPPV) စနစ်အရဖြစ်သည်။ မဲဆန္ဒ ပေးသူသည် ထည့်မည့်မဲပြားပေါ်တွင် ရွေးချယ်ခံရမည့်သူကို ရွေးချယ်ပေးရသည်။ သို့ပါသော်လည်း မွတ်ဆလင် မလေးက ၆၀ % ရှိပြီး တရုတ်နှင့် အိန္ဒိယအမျိုးအနွယ်က ၂၉ % အောက်ရှိသော မလေးရှားနိုင်ငံတွင် လူမျိုးရေးပဋိပက္ခများကို မှန်းဆ ကြည့်နိုင်ကြပါသည်။ ထို့ပြင် BN က အတိုက်အခံပါတီများ ကို ခေါင်းထောင်မလာအောင် ဖိနှိပ်ထားတတ်ကြသည်။
ပီအေအက်စ်၏ ပြောင်းလဲလာမှုကို ကြည့်ပါ၊ ပီအေအက်စ်သည် အဓိကမွတ်ဆလင်ပါတီကြီးဖြစ်သည်။ သူက UMNO ပြော သလို အဓိကမွတ်ဆလင်မလေးတို့ကို အကာအကွယ်ပေးနိုင်သည်ဟု ဆိုသည်။ ၁၉၆၉ ခုနှစ်က လူမျိုးစုပြဿနာ တက်ကြရာ ပီအေအက်စ်နှင့် UMNO တို့ ပူးပေါင်းနှိမ်နင်းကြသည်။ ၁၉၇၁ ပြည့်နှစ်တွင် ပီအေအက်စ်က ပူးပေါင်းခြင်းကို မခံယူနိုင်ဟု ဆိုကာ ခွဲထွက်ခဲ့သည်။
၁၉၈၈ ခုနှစ်တွင်အစိုးရကကိုလိုနီခေတ် ဥပဒေများ ကိုပြင်နိုင်ခြင်းမရှိ၊ သူတို့ကတိုးတက်ခေတ်မှီ သောအစ္စလာမ်နိုင်ငံဖြစ်စေ ရန် ရှာရီးယား (Shariah) ဥပဒေကို ပြဌာန်းရမည်ဟုဆိုသည်။
ထိုစဉ်က ဝန်ကြီးချုပ်ဖြစ်ခဲ့သော မဟာသီယာ (Mr Mahathir Mohamad) ကပင် သူ့လက်ထောက် မစ္စတာ အီဘရာဟင် (Anwar Ibrahim) ကို အသုံးပြုပြီး မလေးရှားနိုင်ငံကို အစ္စလာမ်နိုင်ငံဖြစ်စေရေးအတွက် အစ္စလာမ်တက္ကသိုလ်၊ အစ္စလာမ် ဘဏ်၊ အစ္စလာမ် ဗျုရိုကရေစီတို့ကို ပြဌာန်းပြီး Islamization လုပ်ခဲ့သည်။ ရှာရီယာဥပဒေသည် ၁၉၈၀ ခုနှစ်များတုံးကလည်း ဘေးသို့ရောက်နေခဲ့ပါသည်။ ၂၀၁၃ ခုနှစ်တွင်မူ Pew Research က ပြည်သူ ၈၆ % က လက်ခံသည်ဟု ဆိုသည်။
ပီအေအက်က ရွေးကောက်ပွဲတွင် ၁၈ % မျှမဲအနိုင်ရရှိပြီး ၁၈နေရာကို ရယူနိုင်ခဲ့သည်။ နယ်နှစ်နယ်တွင် အစိုးရဖွဲ့နိုင်ခဲ့သည့် ပီအေအက်စ် သည် BN နှင့် ပူးပေါင်းခြင်းကြောင့် နာမည်မပျက်သေးဟုဆိုနိုင်သည်။
ထိုနည်းတူစွာ ဆာဗားနှင့် ဆာရာဝပ် နယ်၂ နယ်ကလည်း သမိုင်းတလျောက်အဖိနှိပ် အပယ်ခံလာခဲ့ရာမှ ဆင်းရဲခြင်း၊ ဘေး ဖယ်ခံရခြင်း၊ ဗဟိုအစိုးရ၏ ဗိုလ်ကျခံရခြင်းတို့မှ ကင်းဝေးစေရန် ပိုမိုအခွင့်အရေးများ တောင်းဆိုလာနိုင်ပါသည်။ ပိုမို၍ အုပ် ချုပ်ပိုင်ခွင့်ရရှိရေး ဖြစ်နိုင်လျင် လွတ်လပ်ရေးကိုပင် တောင်းဆိုလာနိုင်ကြသည်။
ထိုသို့သောအကြောင်းများကိုမြင်သဖြင့် ဝန်ကြီးချုပ်သစ်က အသင်းဝင် အသစ်များအတွက် အလိုအလျောက် အပြည့်အ၀အခွင့်အရေးမရနိုင်ကြောင်း ပြောကြားခဲ့သည်။ သို့ပါသော်လည်း PH ၏ အဓိကပါတီကြီးသဘွယ်ဖြစ်လာမည့်အရေးကို နှေး သွားစေရုံသာရှိပါသည်။ အပြီးတိုင်ရပ်မသွားနိုင်ပါ၊ အထူးသဖြင့် PH ၏ပြင်ပတွင် ခိုင်မာတောင့်တင်းသော အတိုက်အခံ အဖွဲ့အစည်းတစ်ခုရှိရန် လိုအပ်ပါသည်။
ယနေ့မြင်တွေ့ရသမျှဆိုလျင် BN သည်နှစ်ရှည်လများ တာရှည်ခံရန်မလွယ်ကူပါ၊ ရွေးကောက်ပွဲကို အရှုံးကြီးရှုံးရ သည့်အပြင် ၀န်ကြီးချုပ် နာဂျစ်ရာဇတ် (Najib Razak) ၏ရံပုံငွေ အလွဲသုံးစားလုပ်သည့်ပြဿနာက ရှိနေသေးသည်။ ၎င်းကို UMNO ၏ အနာဂါတ်ကိုလာမည့် ဇွန်လ ၃၀ ရက် ညီလာခံတွင် တွေ့မြင်ကြရတော့မည်ဖြစ်၏။
၁၉၇၀ ခုနှစ်အပြီးတွင် BN က မလေးရှားကို ပါတီတစ်ခုတည်းသာရှိသောနိုင်ငံအဖြစ် ပြောင်းလဲပြစ်ခဲ့ပါသည်။ ထိုအဖြစ် အပျက်မျိုး အနာဂါတ်တွင် မဖြစ်စေရန် အစိုးရသစ်၏ တာဝန်ပင်ဖြစ်ပါသည်။ အချိုးအစားကျသော လူမျိုးစုံပါဝင်သော ရွေး ကောက်ပွဲစနစ်ဖြစ်စေရန် ပြောင်းလဲပြစ်နိုင်ရပါမည် ဗဟိုမှ ထိမ်းချုပ်မှုကိုလျှော့ချ၍ နယ်များရှိ (Chief Minister) များ အာ ဏာပို၍ ရှိစေရေး၊ မြို့တော်ရွေးကောက်ပွဲများကို ပြန်လည်ပြုလုပ်စေခြင်းဖြင့် အတိုက်အခံပါတီများကို အသုံးပြုရေး၊ သူတို့ ကို တာဝန်ရှိနေရာများပေး၍ တိုင်းပြည်၏ ထူထောင် ရေးတွင် ပါဝင်စေသင့်ပါသည်။
ထိုအတောအတွင်းအတိုက်အခံကောင်းမရှိဘဲနှင့် အစိုးရကောင်းဖြစ်မလာနိုင်ပါ။ သို့အတွင် PH အနေဖြင့် အကောင်းဆုံး လုပ်နိုင်သည်မှာ အတိုက်အခံတို့ကို အကာအကွယ်ပေးရေးပင် ဖြစ်ပါသည်။
ကိုသန်းလွင်
Ref: Just Win The election, Join the wining Side, New York Times May 29,2018
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
