အတန်ကြာရပ်နားထားတဲ့ POETA ကဗျာနှင့်ရသ စာစောင် ပြန်ထွက်တော့မယ်
K (မိုးမခ) မေ ၁၈၊ ၂၀၁၈
POETA ကဗျာနှင့်ရသစာစောင် အမည်ရတဲ့ စာပေမဂ္ဂဇင်းတစောင် ပထမအကြိမ်ထုတ်ဝေပြီးနောက် ရပ်နားထားရာမှ ယခု ဇွန်လအမီ ပြန်လည်ထုတ်ဝေသွားမည်ဖြစ်ကြောင်း ကဗျာဆရာ မိုးကျော်သိန်းထံက သိရပါတယ်။
စာမူ(ကဗျာ)များကို အဖွဲ့ဝင် ၆ ဦးပါဝင်သည့် အယ်ဒီတာ အဖွဲ့က ရွေးချယ်မည်ဖြစ်ပြီး အွန်လိုင်းပေါ်တွင် ဖတ်မိသမျှ ကဗျာများထဲမှ ၄င်းတို့ နှစ်သက်ရာ ကဗျာများကို ရွေးချယ်ဖော်ပြသွားရန် စီစဉ်ထားပြီး အဓိက ရည်ရွယ်ချက်ကတော့ ယခု ကာလတွင်မဂ္ဂဇင်းများနည်းပါးလာသောကြောင့် စာမျက်နှာဖြတ်သန်းမှု အားနည်းနေသည့် ကဗျာဆရာ လူသစ်များကို နေရာရစေရန် ရည်ရွယ်သောကြောင့် ထုတ်ဝေရခြင်း ဖြစ်ပါတယ်လို့လည်း ပြောပြပါတယ်။
ကဗျာ၊ ကဗျာဆိုင်ရာဆောင်းပါးများ၊ အင်တာဗျူး၊ နိုင်ငံတကာစာပေ၊ အက်ဆေးနှင့် ဝတ္ထုတိုများကို ရွေးချယ် ဖော်ပြသွား မည်ဖြစ်ပြီး စာမူရွေးချယ်ခြင်းကို “ပိုအဲတာ” အယ်ဒီတာများက ရွေးချယ်သွားမှာဖြစ်ပြီး တောင်းခံထားခြင်းမရှိဘဲ တဂ်တွဲ လာသောကဗျာနှင့် စာမူများ၊ တောင်းခံထားခြင်း မရှိဘဲ မက်ဆင်ဂျာမှ ပေးပို့လာသည့် ကဗျာနှင့်စာမူများကို ထည့်သွင်း ဖော်ပြမည် မဟုတ်ပါလို့လည်း သိရပါတယ်။
ဆက်လက်ပြီး စာမူရွေးချယ်ထားသူများကို ဖော်ပြခွင့် ပြု မပြု သဘောထားရယူရန် ကြိုတင်အကြောင်းကြားမည် ဖြစ်ပြီး စာမူခအစား စာအုပ်လက်ဆောင် ၃ အုပ်စီ ပြန်လည်ချီးမြှင့်သွားမည် ဖြစ်ပြီး ၄င်းတို့၏ဆန္ဒအရ ဖော်ပြခွင့်ပေးမှသာ ဖော်ပြမည်ဖြစ်ပြီး စာမူခမရ၍ သို့မဟုတ် မပါဝင်လို၍ ဖော်ပြခွင့်မပေးပါက စာမူရှင်၏သဘောအတိုင်း ဖြစ်စေရန် တာဝန်ယူပါသည်လို့ မဂ္ဂဇင်းနဲ့ပတ်သက်တဲ့စည်းမျဉ်းများကိုလည်း ပြောပါတယ်။
တလတကြိမ် ထုတ်ဝေသွားရန် စီစဉ်ထားပြီး အယ်ဒီတာအဖွဲ့အား အခြေအနေအရ နာမည်ဖော်ပြမည် မဟုတ်ဘဲ အလွှာစုံ နယ်စုံမှ အယ်ဒီတာ ၆ ဦး ပါဝင်၍ အတတ်နိုင်ဆုံးနှင့် အကောင်းဆုံး ဖြစ်စေရန် ရည်ရွယ်ထားပါတယ်လို့ POETA ပိုအဲတာ ကဗျာနှင့် ရသစာစောင် စီစဉ်သူ ကဗျာဆရာ မိုးကျော်သိန်းက ဆက်လက်ပြောပြပါတယ်။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
