သတင်းဆောင်းပါး သာဂိ နိုင်ငံတကာရေးရာ

ဘေးကသာဂိ – ၂၀၁၈ အတွက် ကယ်လီဖိုးနီးယားပြည်နယ် ဥပဒေအသစ်များ

 

ဘေးကသာဂိ – ၂၀၁၈ အတွက် ကယ်လီဖိုးနီးယားပြည်နယ် ဥပဒေအသစ်များ
(မိုးမခ) ဇန်န၀ါရီ ၁၅၊ ၂၀၁၈

မောင်လူပေက သူ့ကယ်လီဖိုးနီးယားစတိတ်ကြီးအကြောင်း ချီးမွန်းခန်း ဖွင့်တာ ၃ ပိုင်းတောင် အခန်းဆက်သွားတယ်။ မြန်မာပြည်သူတွေကတော့ နတ်ကရာ ကျီးမော့ပေါ့။ အော် … အဲသလိုတဲ့လားဆိုပြီး ပါးစပ်လေး ဟောင်းလောင်းနဲ့။ သူဌေးတိုင်းပြည်က သူဌေးပြည်နယ်က သူဌေးတွေနဲ့ သူဌေးလက်ဝေခံတွေ နေကြတာဆိုတော့ ဒေါ်နယ်ထရန့်ကြီးက နှိမ်ချပြောဆိုလိုက်သလို ဖွံဖြိုးဆဲအာဖရိကနိုင်ငံတွေ “ဟုိုတွင်းထဲ” က အကောင်တွေလိုတော့ ဘယ်ဟုတ်ပါ့မလဲ၊ ကြွားကြွားရွားရွားလေးတွေ ရှိတာပါ့လေ။ သုို့သော် ပြောချင်တာက မောင်လူပေပြောတဲ့ ကယ်လီဖိုးနီးယားစတိတ်ဟာ ဒီမိုကရက်တွေ အားကောင်းတော့ လက်ဝဲသန်တယ်၊ ဆိုရှယ်လစ်ဆန်တယ်၊ အားနည်းသူတွေကို ကာကွယ် အားပေးတာတွေ လုပ်တယ်။ အရေးအခင်းတွေမှာ ထူးခြားတဲ့ အမြင်သဘောထားတွေ ထုတ်ပြန် ရပ်တည်ကြတယ်၊ ရှေ့က ဦးဆောင်တယ်။ ဒီသဘောပါ။

၂၀၁၈ အတွက် ပြည်နယ်ဥပဒေအသစ်တွေ ပြဌာန်းပါတယ်။ ဒါတွေဟာ ပြည်ထောင်စုအဆင့် လက်ရှိအာဏာရ ရီပတ်ဘလစ်ကန်သမတနဲ့ ပြည်ထောင်စု လွှတ်တော်နဲ့ သဘောထားချင်းတော့ ထပ်တူ မဖြစ်ပါ။ အရင်းရှင်တွေ သူဌေးတွေ အားပေးတဲ့ ဥပဒေတွေထက် လူတန်းစားအသီးသီးကို ဦးတည်တဲ့ ဥပဒေတွေ နည်းဥပဒေတွေ ပြဌာန်းတာကို တွေ့ရမှာ ဖြစ်ပါတယ်။

ဝန်ထမ်းခန့်ခြင်းဆိုင်ရာ

အလုပ်လျောက်တဲ့အခါမှာ ယခင်လစာကို အလုပ်ရှင်အသစ်က မေးမြန်းခွင့် မရှိပါဘူးတဲ့။ သဘောကတော့ အလုပ်ရှင်တွေက အလုပ်သမားတွေကို ငှားရမ်းရာမှာ လစာကို နှိမ်ပြီး မပေးနိုင်အောင် အလုပ်သမားဘက်က ကာကွယ်ပေးတာပါ။ နောက်တခုကတော့ အယင်တုန်းက ထောင်ကျဘူးသလားဆိုတာကို အလုပ်လျောက်လွှာမှာ ထည့်မေးခွင့် မရှိတော့ပါဘူးတဲ့။ ခန့်မယ်ဆိုပြီးစဉ်းစားချိန်မှာ သူ့နောက်ကြောင်းစစ်ဆေးကြည့်တော့မှသာ သိရှိကြမှာ ဖြစ်ပါတယ်။ သဘောကတော့ ထောင်ကျခဲ့ဖူးသူတွေ အလုပ်ရနိုင်အောင် အခွင့်အရေးကြိုပေးတဲ့သဘောပါ။

မဲပေးခြင်း ဆိုင်ရာ
ပြည်နယ်တွင်း မဲရုံတွေအပြင် စာတိုက်ကနေ မဲကြိုပေးနိုင်တာ၊ မဲကြိုပေးဖို့ ကြိုတင်စီစဉ်ပေးတာ စတဲ့ မဲပေးသူ ဦးရေ တိုးလာအောင်၊ အဆင်ပြေအောင် ပိုပြီး တိုးမြှင့် ဆောင်ရွက်မယ် ဖြစ်ပါတယ်။ သဘောကတော့ မဲပေးသူ လူဦးရေတွေ ကျဆင်းလာတာဟာ လူတွေက နိုင်ငံရေးမှာ စိတ်ဝင်စားဖို့ ပတ်သင်ဖို့ အားနည်းလာတာကို ပြုပြင်နိုင်ဖို့အတွက် မဲပေးတာ လွယ်ကူအောင် လုပ်ပေးတာ ဖြစ်ပါတယ်။

အလုပ်ခွင့်ယူခြင်း ဆိုင်ရာ

အလုပ်သမား ၂၀ ကနေ ၄၉ ယောက်အတွင်း ရှိတဲ့ အသေးစားနဲ့ အလတ်စားလုပ်ငန်းတွေက အလုပ်သမားဟာ ကလေးမီးဖွားတဲ့အခါ (ကျားမမရွေး) လစာနဲ့ ခွင့်ခံစားခွင့် ၃ လ ရရမယ်လို့ ပြဌာန်းလိုက်ပါတယ်။ အဲသည်လုပ်ငန်းခွင်တွေက အလုပ်သမားအင်အား ၂.၈ သန်း အတွက် ကလေးမွေးဖွားတဲ့အခါ စောင့်ရှောက်နိုင်ဖို့ ဖြစ်ပါတယ်။

ဆေးဝါးစာရိတ်များ ဆိုင်ရာ
ဆေးဝါးကုမ္မဏီတွေက ဈေးနှုန်းတွေ မြှင့်မယ်ဆိုရင် ပြည်နယ်အစုိုးရကို ၂ လ ကြို အကြောင်းကြားရပါမယ်။ ကျန်းမာရေးအာမခံကုမ္မဏီတွေကလည်း အာမခံဈေးတွေတက်ရတာ ဆေးတွေကြောင့်ဆိုရင် ထုတ်ပြန်ဖို့ ပြည်နယ်က ပြဌာန်းထားပါတယ်။ (လက်ရှိမှာတော့ အာမခံကုမဏီတွေက အယူခံဝင်ထားပါတယ်)။ သဘောကတော့ ဆေးဝါးတွေ အာမခံလုပ်ငန်းတွေရဲ့ ဈေးနှုန်းတွေကို မတန်တဆမဖြစ်အောင် ထိန်းညှိဖို့ ဖြစ်ပါတယ်။

အဖုိုးနည်းအိမ်ရာများ ဆိုင်ရာ
ပြည်နယ်ဟာ အိမ်ရာဈေးအကြီးဆုံးဖြစ်နေလို့ လစာနည်း လူတန်းစားများအတွက် အိမ်ရာ ရှားပါးပါတယ်။ အဲသည်အတွက် အစုိုးရက မြို့ကြီးတွေမှာ အဖိုးနည်းအိမ်ရာတွေကို စီမံကိန်းချပြီး သတ်မှတ် ဆောက်လုပ်ပေးပါတယ်။ အဲသည်အတွက် သာမန်အိမ်ဝယ်တိုင်း အခွန် ၇၅ ကနေ ၂၂၅ ဒေါ်လာ အပိုဆောင်းကောက်ပြီး အဖိုးနည်းအိမ်ယာအတွက် ဆောင်ရွက်မယ် ဖြစ်ပါတယ်။ နှစ်စဉ်အဖုိုးနည်းအိမ်ရာစီမံကိန်းအတွက် ဒေါ်လာ သန်း ၃၀၀ ရရှိမယ်လို့ ဆိုပါတယ်။

တပြည်သားလူဝင်မှု ဆိုင်ရာ
ကယ်လီဖုိုးနီးယားဟာ တပြည်သားများအတွက် ဘေးကင်းတဲ့ ပြည်နယ်လို့ ကြေညာလိုက်ပါတယ်။ သဘောကတော့ ဒေါ်နယ်ထရန့်နဲ့ ရီပတ်ဘလစ်ကန်တွေက စာအုပ်မရှိတဲ့ စာရွက်စာတန်းမရှိတဲ့ တပြည်သားတွေကို ဖမ်းဆီး ပြည်နှင်ဒဏ်ပေးနေတာကို ဆန့်ကျင်တဲ့ ရပ်တည်ချက်ပါ။ ကယ်လီဖိုးနီးယားကတော့ တုိုင်းပြည်တွင်း ရောက်ရှိနေနှင့်ပြီး ဖြစ်နေတဲ့ ဥပဒေလိုက်နာသူ အလုပ်လုပ်သူ စာသင်နေသူ တပြည်သားတွေကို ဥပဒေအသစ်တခုခုနဲ့ လက်ခံပေးဖို့ကို ဆန္ဒရှိနေပါတယ်။

အနည်းဆုံး လုပ်ခဆိုင်ရာ
အလုပ်သမား ၂၆ယောက်နဲ့ အထက် လုပ်ငန်းတွေက အလုပ်သမားကို အနည်းဆုံးလစာ တနာရီ ၁၁ ဒေါ်လာ ပေးရမယ်လို့ ဆိုလိုက်ပါတယ်။ ၂၆ဦးအောက် လုပ်ငန်းတွေကတော့ ၁၀.၅၀ ဒေါ်လာ ပေးရမယ် ဖြစ်ပါတယ်။ ပြည်နယ်၏ မူလရည်ရွယ်ချက်ကတော့ ၂၀၂၂ မှာ တဦး အနည်းဆုံးလုပ်စာ တနာရီ ၁၅ ဒေါ်လာ အထိ ပေးဖို့ ဆုံးဖြတ်ထားပါတယ်။

အခြေခံပညာရေး ဆိုင်ရာ
ယခင်ပြဌာန်းခဲ့ဖူးတဲ့ အခြေခံပညာ ၁၂တန်းကျောင်းသားတွေ သချာင်္နဲ့ အင်္ဂလိပ်စာ အခြေခံစစ်ဆေးမှု အောင်မြင်မှသာ အထက်တန်းပညာ (ကောလိပ်တက်ခွင့်) ပေးမယ်ဆိုတာ ရုတ်သိမ်းလိုက်ပါတယ်။ ကလေးတွေ ကောလိပ်တက်ပြီး အထက်တန်းပညာ သင်ကြားခွင့် လွယ်ကူစေဖို့ပါ။ ကောလိပ်မတက်ချင်ရင်တောင်မှ အနည်းဆုံး အခြေခံပညာ အထက်တန်းအောင်လက်မှတ်ကိုတော့ ကလေးတွေ ရရှိကြမှာ ဖြစ်ပါတယ်။

ကောလိပ်ပညာရေး ဆိုင်ရာ
မိသားစုထဲမှာ ပထမဦးဆုံး ကောလိပ်တက်တဲ့ ကလေးအတွက် ပထမနှစ် ကောလိပ်ကျောင်းစာရိတ် အခမဲ့အဖြစ် ဒေသကောလိပ် ၁၁၄ ကျောင်းတိုင်းမှာ ခံစားခွင့် ပေးမှာ ဖြစ်ပါတယ်။ အဓိကရည်ရွယ်ချက်ကတော့ ပြည်နယ်ဘတ်ဂျက်ကနေ ကျောင်းသားတွေအားလုံး အခမဲ့ကောလိပ်ပညာရေး ခံစားခွင့်ရအောင် စတင် ကြိုးပမ်းတဲ့ ရည်ရွယ်ချက်ဖြစ်ပါတယ်။ အမေရိကားမှာ ကျောင်းစာရိတ်တွေ ပညာရေးချေးငွေတွေ အရမ်းကြီးလို့ ကျောင်းသားတွေ ဒုက္ခရောက်နေတာကို ဖြေရှင်းဖို့ ဖြစ်ပါတယ်။

သေနတ်ကိုင်ဆောင်ခွင့် ဆိုင်ရာ
ကယ်လီဖိုးနီးယားပြည်နယ်ပိုင်ကျောင်းတွေမှာ မည်သူကမှ လက်နက်ကိုင်ဆောင်ပြီး ၀င်ရောက်ခွင့် မရှိတော့ပါဘူး။ (ပုလိပ်တွေတော့ ချွင်းချက်ပါ)။ အမုန်းတရားအခြေခံပြီး ရာဇ၀တ်မှုကျူးလွန်သူကို ၁၀ နှစ် လက်နက်ကိုင်ဆောင်ခွင့် ပိတ်ပင်ထားလိုက်ပါတယ်။ ပြည်နယ်ထဲမှာ လက်နက်ကိုင်ဆောင်လိုသူတွေကို နောက်ကြောင်းစစ်ဆေးတာ နောက်နှစ်က စတင်တော့မှာ ဖြစ်ပါတယ်။ ကယ်လီဖိုးနီးယားမှာ သေနတ်ကိုင်ခွင့်ရှိသူ ကိုင်ဆောင်သူ လူ ၆ သန်း ရှိပါတယ် တဲ့။

ဆေးခြောက်သုံးစွဲခွင့် ဆိုင်ရာ
ယခင် ၂၀၁၆ တုန်းကတော့ ဆေးခြောက်ကို ဆေးဝါးအဖြစ် တရားဝင်သုံးစွဲခွင့် ပြုခဲ့ပြီး၊ ၂၀၁၈က စတင်ပြီးတော့ ဆေးခြောက်ကို အသက် ၂၁ နှင့်အထက် မည်သူမဆို ၀ယ်ယူသုံးစွဲခွင့် ပြုလိုက်ပါတယ်။ ဆေးခြောက် ၁ အောင်စ သို့မဟုတ် ဆေးခြောက်ကထုတ်ထားတဲ့ မူးယစ်ဆေးကို ၈ အောင်စအထိ ကိုင်ဆောင်ခွင့် ပေးလိုက်ပါတယ်။

ကဲ … ၂၀၁၈ အတွက် ကယ်လီဖိုးနီးယားပြည်နယ်အတွင်း ပြဌာန်းလိုက်တဲ့ ဥပဒေသစ်များကတော့ ဒီမျှပါပဲ။ ပြည်ထောင်စု ဗဟိုအစုိုးရနဲ့ လွှတ်တော်က ဥပဒေများကိုလည်း ပြည်နယ်သားများက လိုက်နာရသလို ပြည်နယ်အတွင်း ဆိုင်ရာဥပဒေတွေကိုလည်း လိုက်နာကြရပါတယ်။ ဒေါ်နယ်ထရန့်အစိုးရကတော့ ကယ်လီဖိုးနီးယားဥပဒေတွေကို နှစ်ချိုက်မှာ မဟုတ်ပါ။ ထရန့်အစုိုးရကတော့ လက်ယာစွဲသန်သူတွေဆိုတော့ အလုပ်သမားတွေ တပြည်သားတွေ လစာနည်းသူတွေ ကျောင်းသားလူငယ်တွေအတွက် အကာအကွယ်ပေးတဲ့ ဥပဒေမှန်သမျှကို မျက်မုန်းကျိုးမှာ ဖြစ်ပါတယ်။

 


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Similar Posts