လှကျော်ဇော – တရုတ်ကွန်မြူနစ်ပါတီ-(၁၉)ကြိမ်မြောက်ကွန်ဂရက်/ အပိုင်း(၄)။ရှီအတွေးအခေါ်

တရုတ်ကွန်မြူနစ်ပါတီ-(၁၉)ကြိမ်မြောက်ကွန်ဂရက်

 အပိုင်း(၄)။ရှီအတွေးအခေါ်။(တခြားနယ်ပယ်များအတွက်လမ်းညွှန်ချက်။)

လှကျော်ဇော

(မိုးမခ)၊ ဒီဇင်ဘာ ၁၊ ၂၀၁၇

တရုတ်ကွန်မြူနစ်ပါတီရဲ့ကွန်ဂရက်အပြီးတပတ်အတွင်းမှာပဲအသစ်တင်မြှောက်ခြင်းခံရတဲ့ပါတီရဲ့အမြင့်ဆုံး ခေါင်းဆောင်အစု (နိုင်ငံရေး ဦးဆောင်အဖွဲ့အမြဲတမ်းကော်မတီဝင်-၇ ဦး) က တနိုင်ငံလုံးကပါတီဝင်တွေအတွက် အလွန်အဓိပွာယ်ရှိတဲ့နိုင်ငံရေးလှုပ်ရှားမှုတခုကို လုပ်ဆောင်လိုက်ပါတယ်။

အောက်တိုဘာ(၃၁)ရက်နေ့မနက်မှာ ပါတီရဲ့အမြင့်ဆုံးခေါင်းဆောင် (၇) ဦးရှန်ဟဲမြို့ကိုလေယာဉ်နဲ့ရောက် လာကြပြီး တရုတ်ကွန်မြူနစ် ပါတီရဲ့ပထမဆုံးအကြိမ်ကွန်ဂရက်ပြတိုက်က ပါတီအလံတော်ရှေ့ ပထမဆုံး ပါတီကွန်ဂရက်ကိုယ်စလှယ် (၁၂)ဦးရဲ့ ကြေးရုပ်ထုကြီး ဘေးမှာ ရှီကျင့်ဖင်က ကျန်(၆)ဦးကိုဦးဆောင်ပြီး၊ ပါတီဝင်များ၊ ပါတီထဲစဝင်ရောက်စဉ်မှာဆိုရတဲ့ ကတိသစ္စာကိုဆိုကြပါတယ်။

ဒါကခေါင်းဆောင်မှုအသစ်ရဲ့ပါတီရဲ့မူရင်းရည်မှန်ချက်များအပေါ်နဲ့ ပြည်သူအကျိုးဆောင်ရေးတို့အပေါ် ခိုင်မာတဲ့သန္နိဋ္ဌာန်ကိုပြသလိုက်တာ ဖြစ်ပြီး ကျန်ပါတီဝင်များကိုလည်း မိမိတို့ရဲ့မူရင်းရည်မှန်းချက်များအပေါ် ထာဝစဉ်သစ္စာရှိကြဖို့သတိပေးလိုက်တာလည်း ဖြစ်ပါတယ်။

ရှီကျင့်ဖင်က တို့တတွေ ဘာအလုပ်ပဲလုပ်လုပ်၊ ဘာကြောင့် တို့ဒီလမ်းကိုရွေးခဲ့ကြတယ်ဆိုတာ မမေ့သင့်ဘူး၊ ပါတီဟာ ဘယ်လောက် ခရီးပေါက်ခဲ့ပေါက်ခဲ့၊ ဘယ်တော့မှ မူရင်းလမ်းကိုမမေ့သင့်ဘူး။…တဲ့။

ဒါ့အပြင် ပါတီဝင်စဉ်ဆိုရတဲ့သစ္စာစကားဟာ မများလှပါဘူး။ မှတ်မိလွယ်ပါတယ်။ ဒါပေမဲ့ ဒါကိုတသက်တာ လုံးလိုက်နာဖို့တော့ ခက်လှတယ်။ …တဲ့။

ဒီနေရာဟာ သမိုင်းဝင်နေရာပါ။ ဒီနေရာကနေ၂၀ရာစုရဲ့အကြီးကျယ်ဆုံးအရေးအကြီးဆုံးတော်လှန်ရေးကြီးတရပ်ပေါ်ပေါက်ခဲ့ပါ တယ်။

၁၉၂၁၊ ဇူလိုင်လက တရုတ်တပြည်လုံးရှိ ကွန်မြူနစ်ပါတီဝင်(၅၀)ကျော်ထဲက ကိုယ်စလှယ်(၁၂)ဦးဟာ ဒီနေရာမှာ ပထမဆုံးသော ကွန်ဂရက်ကို ကျင်းပခဲ့တာပါ။ ဒီကိုယ်စလှယ်တွေထဲမှာပါခဲ့တဲ့မော်က ဒီအခန်းဟာ တရုတ်ကွန်မြူနစ်ပါတီရဲ့မီးဖွားခန်းလို့ဆိုခဲ့ပါတယ်။

အခုအနှစ်(၉၀)ကျော်ကြာအပြီး ပါတီဝင်သန်း(၈၀)ကျော်လာပြီးချိန်မှာတော့ ရှီက ဒီအခန်းဟာ ပါတီဝင်များရဲ့ဝိညာဉ်အိမ်(spiritual home) လို့ ဆိုပါတယ်။

   

ဒါက ဒီခေါင်းဆောင်မှုသစ်ဟာ ပါတီတည်ဆောက်ရေးကိုမူလတာဝန်ကြီးတရပ်အဖြစ်သဘောထားကြောင်း ပြသလိုက်တာပါပဲ။ ဒါ့အပြင် ကျန်အခြေခံလုပ်ငန်းစဉ်များအတွက် လမ်းညွှန်ချက်များကိုရှီကျင့်ဖင်က သူ့အစီရင်ခံစာမှာပြောဆိုတဲ့အခါမှာလည်း ဒီပါတီတည်ဆောက်ရေး ဟာ အကြောင်းအရာအမျိုးမျိုးနဲ့ ဆက်နွယ်ပြီး ပါဝင်လာပါတယ်။

… တရုတ်ထူးခြားချက်များနဲ့ကိုက်ညီတဲ့ ဆိုရှယ်လစ်စနစ်ရဲ့ခေတ်သစ်ကာလပိုင်းဆိုင်ရာအတွေးအခေါ်များ ကို ကိုင်စွဲပြီး တိုးတက်ဖွံ့ဖြိုးရေး အတွက် အခြေခံပေါ်လစီများ။

၁။ လုပ်ငန်းအားလုံးအပေါ်ပါတီရဲ့ခေါင်းဆောင်မှုအာမခံရှိရေး။

တိုင်းပြည်နေရာအနှံ့ကလုပ်ငန်းအားလုံးမှာ ပါတီခေါင်းဆောင်မှုအခန်းကိုတည်ထောင်ပြီး အားကောင်း ခိုင် မာစေရမယ်။ နိုင်ငံရေးအရပါတီရဲ့ခေါင်းဆောင်မှုကိုခံယူရမှာဖြစ်ပြီး လုပ်ငန်းတိုင်းဟာပါတီဗဟိုရဲ့ လမ်း ညွှန်ချက်များနဲ့ ဟန်ချက်ညီရမယ်။

၂။ လူထု-ဗဟိုပြုချဉ်းကပ်မှုကိုကျင့်သုံးရေး။

လူထုဟာ သမိုင်းကိုဖန်တီးသူများဖြစ်ပြီး၊ ပါတီနဲ့တိုင်းပြည်ရဲ့အနာဂတ်ကိုလည်း အဆုံးအဖြတ်ပေးမဲ့အင်အားစုဖြစ်ပါတယ်။ မိမိတို့ပါတီဝင် များရဲ့အခြေခံလုပ်ငန်းလုပ်ညွှန်ဟာ ပြည်သူ့အကျိုးဆောင်ရေးသာဖြစ်ပြီး လုပ်ငန်းအားလုံးမှာ လူထုလမ်းစဉ်ကျင့်သုံးရပါလိမ့်မယ်။ (ရှီခရိုင်အဆင့်မှာတာဝန်ထမ်းနေစဉ်က သူ့ လက် အောက် ကျေးရွ့ာအဆင့်ကေဒါတဦး (ယခုကွန်ဂရက်မှာကိုယ်စားလှယ်အဖြစ်ပါလာသူ) တွေ့ဆုံမေးမြန်းခန်းတခုမှာ ရှီရဲ့ညွှန်ကြားမှုတခုကို ဒီလိုပြောသွားတာကြားရပါတယ်။-

ခင်ဗျားတို့တာဝန်ယူထားရတဲ့သူတွေက ခင်ဗျားတို့နဲ့စကားပြောတဲ့အခါများများပြုံးပြရင် ခင်ဗျားတို့လုပ်ငန်းတွေ အောင်မြင်တယ်။ လူထုက ကျေနပ်နေတယ်ဆိုတာပြသတာ။ ဒါကြောင့် လူများများများများပြုံးနိုင်အောင်ကြိုးစားကြပါ။ ….တဲ့)

၃။ ပြုပြင်ပြောင်းလဲမှုများကို ဖက်စုံနက်ရှိုင်းစွာ ဆက်လက်လုပ်ဆောင်ရေး။

တရုတ်ပြည်ကိုဆိုရှယ်လစ်စနစ်ကသာကယ်တင်နိုင်မှာ။ တံခါးဖွင့်ပေါ်လစီနဲ့ပြုပြင်ပြောင်းလဲရေးဟာ တရုတ်ထူးခြားချက်နဲ့ကိုက်ညီတဲ့ ဆိုရှယ် လစ်စနစ်ရဲ့လုပ်ငန်းရပ်ကြီး(mission)ဖြစ်ပါတယ်။ တရုတ်ပြည်ဖွံ့ဖြိုးတိုးတက်မှုဆိုင်ရာစနစ်နဲ့အရည်အသွေးကို ဆက်လက်တိုးတက်ဖို့ အတွေးအခေါ်ဟောင်းတွေကို ဖယ်ထုတ်ရမယ်။

အဆောက်အအုံများ(institutions)ရဲ့ချို့ယွင်းချက်များ၊ အားနည်းချက်များကိုပြုပြင်ရမယ်။ အကျိုးစီးပွားရရှိထားသူများ(Vested interest groups)ရဲ့ပိတ်ဆို့မှုများကိုကျော်လွှားရမယ်။ တခြား ယဉ် ကျေးမှုများကအောင်မြင် ချက်များကိုလေ့လာ အတုယူရမယ်။ သန့်စင်တဲ့၊ ကောင်းမွန်ပြီးအလုပ်ဖြစ်တဲ့၊ ခိုင်မာတဲ့၊ တရားမျှတမှုရှိတဲ့၊ အဆောက်အအုံတစုံလုံး (a set of institutions)ကို တည်ဆောက်ရမယ်။

၎။ ဖွံ့ဖြိုးတိုးတက်မှုဆိုင်ရာအမြင်သစ်ကိုလက်ခံလုပ်ဆောင်ရေး။

တရုတ်ပြည်ရဲ့ဖွံ့ဖြိုးတိုးတက်မှုပုံစံကိုပြောင်းပြီး၊ စီးပွားရေးတိုးတက်ရေးတွန်းအားသစ်များ ရှာဖွေရမယ်။

ထုတ်လုပ်ရေးဖက်ဆိုင်ရာ အဆောက်အအုံပြုပြင်ရေးများပြုလုပ်ရမယ်။ အသစ်တီထွင်ဖန်တီးမှုတွေကို အားပေးရမယ်။ ကျေးလက်ဒေသစီးပွားရေးများအားကောင်းမောင်းသန်ဖြစ်ရေး စနစ်တကျကြိုးပမ်းရမယ်။ ထိမ်းညှိလုပ်ဆောင်ထားတဲ့ဒေသတွင်းဖွံ့ဖြိုးတိုးတက်ရေးဗျူဟာကို အကောင်အထည်ဖော်ရမယ်။ ဆိုရှယ်လစ်ဈေးကွက်စီးပွားရေးစနစ်ကို ပိုမိုကောင်းမွန်အောင်အရှိန်မြှင့်လုပ်ဆောင်ရမယ်။ နယ်ပယ်ပေါင်းစုံ တံခါးဖွင့်ရေးအတွက် ရေခံမြေခံသစ်များ ဖော်ဆောင်ရမယ်။

၅။ ပြည်သူလူထုက တိုင်းပြည်ကိုစီမံအုပ်ချုပ်စေရေး။

ပါတီရဲ့ခေါင်းဆောင်မှုကိုလက်ခံနိုင်ဖို့နိုင်ငံရေးအရတိုးတက်မှုတွေရှိရပါမယ်။ ဒီအတွက်နိုင်ငံရဲ့ဘက်စုံလုပ်ငန်းတွေမှာ လူထုပါဝင်ဖို့လိုပါတယ်။ အခုကျင့်သုံးနေတဲ့ အဆင့်အသီးသီးကအတိုင်ပင်ခံ ကွန်ဂရက်လုပ်ငန်းများ၊ တရုတ်ကွန်မြူနစ်ပါတီရဲ့ဦးဆောင်မှုကို ခံယူထားတဲ့ပါတီစုံ စနစ်၊ ပါတီဝင်မဟုတ်သူများရဲ့သဘောထားတွေရယူတာ၊ ဒေသဆိုင်ရာလူမျိုးစုများရဲ့ကိုယ်ပိုင်အုပ်ချုပ်ခွင့်၊ အောက်ခြေရပ်ကွက်လိုက်ဖွဲ့ စည်းထားတဲ့အဖွဲ့များ၊ (grassroot organizations)၊တပ်ပေါင်းစုလုပ်ငန်းများ၊ စတဲ့လုပ်ငန်းတွေကို ပိုမိုအားကောင်းအောင်ပြုလုပ်ပြီး ပူးပေါင်းညှိနှိုင်းဆောင်ရွက်အဖြေရှာတဲ့နည်း(socialist consultative democracy) ဆိုရှယ်လစ်ဒီမိုကရေစီပုံစံကိုပြည့်စုံအောင် လုပ်ရမယ်။

၆။ စီမံအုပ်ချုပ်ရေးဖက်အသီးသီးမှာတရာဥပဒေအရအခြေခံရေး-အတွက်အာမခံရေး။

(Law-based Governance) ဒါဟာ တရုတ်ထူးခြားချက်များနဲ့ကိုက်ညီတဲ့ဆိုရှယ်လစ်စနစ်အတွက် အရေးကြီးတဲ့အာမခံချက် ဖြစ်တယ်။ တရုတ်ထူးခြားချက်များနဲ့ကိုက်ညီတဲ့ ဆိုရှယ်လစ်တရားဥပဒေများကို ပြုစုပြီး၊ တရားဥပဒေစိုးမိုးရေးကိုအခြေခံတဲ့ ဆိုရှယ်လစ်နိုင်ငံတော်ကြီး ကိုထူထောင်မယ်။ နိုင်ငံ-အစိုးရ-အုပ်ချုပ်ရေးစနစ်၊ လူ့အဖွဲ့အစည်းအားလုံးအတွက်-ဥပဒေနဲ့အညီ လုပ်ဆောင်ရမယ်။ ဥပဒေပြုရေးစနစ်များ(jurisdiction)ကိုပြုပြင်ရမယ်။ ပြည်သူများ-ဥပဒေများကို နားလည်လေးစားသူများ ဖြစ်လာအောင် လုပ်ဆောင် ပေးရမယ်။

၇။ ဆိုရှယ်လစ်တန်ဖိုးများရဲ့အရင်းခံအချက်များကိုကိုင်စွဲရေး။

တရုတ်အခြေခံယဉ်ကျေးမှုဟောင်းများထဲကကောင်းမွန်တဲ့အချက်တွေကိုအခြေခံပြီး၊ တော်လှန်ရေးတွင်း ထွက်ပေါ်လာခဲ့တဲ့ယဉ်ကျေးမှုများကို ထိမ်းသိမ်းပြီး၊ ရှေ့တန်းရောက်တဲ့ဆိုရှယ်လစ်တန်ဖိုးများ(values)ကို မြှင့်တင်ပေးရမယ်။ ဒီနည်းနဲ့ တရုတ်ပြည်သူတရပ်လုံးယဉ်ကျေး ရည်မွန်ပြီး အကျင့်စာရိတ္တမြင့်မားကောင်းမွန်လာအောင်လုပ်ဆောင်ရမယ်။

၈။ဖွံ့ဖြိုးတိုးတက်မှုကတဆင့်နေထိုင်စားသောက်မှုများကိုအာမခံရေးနဲ့တိုးတက်စေရေး။

လူထုရဲ့နေထိုင်စားသောက်ရေးကိုအဓိကရည်မှန်းချက်အဖြစ်ထားရမှာဖြစ်ပြီး၊ လူထုတွင်းပြသာနာများကို ဖြေရှင်းပေးရမယ်။ လူမှုရေး တရား မျှတမှု (social justice) ရှိစေရမယ်။ ဖွံ့ဖြိုးတိုးတက်မှုရဲ့အသီးအပွင့်တွေကို လူတိုင်းတယောက်မကျန်စံစားနိုင်ရမယ်။ စိတ်ကျေနပ်မှု ရှိစေရ မယ်။

၉။ လူသားနဲ့သဘာဝအကြားသဟဇာတရှိရေးအတွက် အာမခံရေး။

  

လူတွေရဲ့နေထိုင်မှုဘဝမှာပဲဖြစ်ဖြစ်၊ ဖွံ့ဖြိုတိုးတက်မှုပုံစံများရေးဆွဲရာမှာပဲဖြစ်ဖြစ်၊ သဘာဝပတ်ဝန်းကျင်နဲ့ လိုက်လျောညီထွေ (eco-friendly) ဖြစ်ရမယ်။

၁၀။ အမျိုးသားလုံခြုံရေးမှာတစုံလုံးအရရော၊ ဘက်အသီးသီးအရရော(holistic)၊ ဘက်စုံကချဉ်းကပ်နည်းကို ဆက်လက်လုပ် ဆောင်ရေး။

အဓိကရည်ရွယ်ချက်။
လူထုလုံခြုံရေး။ ပြည်တွင်းပြည်ပဘက်စုံ၊ အစဉ်အလာအန္တာရာယ်များ(သဘာဝဘေးများ)။ အစဉ်အလာမဟုတ်တဲ့အန္တာရာယ်များ (အကြမ်းဖက်တိုက်ခိုက်မှု)။ စတဲ့ငြိမ်းချမ်းတဲ့ကာလအတွင်း ပေါ်ပေါက်နိုင်တဲ့ဘေးများမှ ကာကွယ်ရေးအတွက်အဆင်သင့်ပြင်ဆင် ထားရမယ်။

အမျိုးသားလုံခြုံရေးအတွက်လိုအပ်တဲ့စနစ်၊ အဆောက်အအုံ၊လုပ်ငန်းဆိုင်ရာကျွမ်းကျင်မှုများအတွက် တည်ဆောက်ပေးခြင် …စတာတွေ လုပ်ဆောင်ရမှာဖြစ်ပြီး၊ တရုတ်ပြည်ရဲ့အချုပ်အခြာအာဏာပိုင်ဆိုင်မှုနဲ့ဖွံ့ဖြိုးတိုးတက်ရေးရည်မှန်းချက်တွေကို ပြတ်ပြတ်သားသား ကာကွယ် ရမယ်။

၁၁။ ပြည်သူ့လက်နက်ကိုင်အင်အားစုများအပေါ်ပါတီရဲ့အကြွင်းမဲ့ခေါင်းဆောင်မှုကိုင်စွဲရေး။

ခေတ်သစ်ကာလအတွက်အင်အားတောင့်တင်းခိုင်မာတဲ့တပ်မတော်တရပ်တည်ထောင်ရေးဆိုတဲ့ ပါတီရဲ့ရည်မှန်းချက်ကိုအကောင် အထည် ဖော်ဖို့ဆိုရင် လက်နက်ကိုင်အင်အားစုအားလုံး ပါတီရဲ့ခေါင်းဆောင်မှုကိုခံယူရမယ်။ ပါတီအပေါ်သစ္စာရှိမှုကိုမြှင့်တင်ရမယ်။ ဒီအတွက်အခြေခံမူများ၊ စနစ်များကိုအပြည့်အဝ အကောင်အထည်ဖော်ရမယ်။ တပ်ပြုပြင်ပြောင်းလဲရေး၊ နည်းပညာအသစ်များတပ်ဆင်ရေး စတာတွေကိုလည်း ဥပဒေနဲ့အညီဆက်လက်လုပ်ဆောင်ရမယ်။ တီထွင်ဖန်တီးမှုများကိုလည်းအားပေးရမယ်။ စစ်ဘက်အရပ်ဘက်စုစည်း ပေါင်းစပ်ခြင်း (integration)ကို တိုးမြှင့်လုပ်ဆောင်ရမယ်။

၁၂။”တိုင်းပြည်(၁)ပြည်၊ စနစ်(၂)ခု”မူကိုကိုင်စွဲရေးနဲ့တိုင်းပြည်ပြန်လည်ပေါင်းစည်းရေးအတွက် တိုးမြှင့်လုပ်ဆောင်ရေး။

—တရုတ်တပြည်လုံးပြန်လည်ပေါင်းစည်းလာရေးဟာတရုတ်အိပ်မက်(သို့မဟုတ်)တရုတ်ပြည်ပြန်လည်ထွန်းတောက်လာရေး(rejuvenation)အတွက် လိုအပ်ချက်ကြီးဖြစ်ပါတယ်။ ဟောင်ကောင်-မကာအို-တို့ရဲ့ကြီးပွားချမ်းသာမှုနဲ့တည်ငြိမ်ရေးကို ထိမ်းသိမ်းပေးရမယ်။ ထိုင်ဝမ်နဲ့ဆက်ဆန်ရေး(cross-strait relation)ကို ငြိမ်းချမ်းစွာဖွံ့ဖြိုးတိုးတက်ရေးအခြေခံပေါ်မှာ လုပ်ဆောင်ရမယ်။ ခွဲထွက်ရေး လှုပ်ရှားမှုများကို ပြတ်ပြတ်သားသားဆန့်ကျင်ရမယ်။

  

၁၃။ လူသားအားလုံးအတွက် အနာဂတ်မျှဝေထားတဲ့လူ့အဖွဲ့အစည်းတရပ်တည်ဆောက်ရေးကို တိုးမြှင့်လုပ်ဆောင်ရေး။

…တရုတ်အိပ်မက်ကိုဖော်ဆောင်ရာမှာ တခြားနိုင်ငံများကပြည်သူများရဲ့အိပ်မက်နဲ့လည်း ဆက်စပ်ရမယ်။ တရုတ်က ငြိမ်းချမ်းစွာဖွံ့ဖြိုး တိုးတက်ရေးလမ်းကြောင်းကို လျှောက်လှမ်းနေတာဖြစ်တဲ့အတွက် ငြိမ်းချမ်ပြီးတည်ငြိမ်တဲ့ နိုင်ငံတကာပတ်ဝန်းကျင်ရှိဖို့လိုပါတယ်။ ဒါမှသာလျှင် လူသားအားလုံးအတွက်အကျိုးရှိမယ့် ဖွံ့ဖြိုးတိုးတက်ရေးပုံစံကိုလုပ်ဆောင်နိုင်မှာဖြစ်ပါတယ်။ နိုင်ငံအသီးသီးကစီးပွားရေးတွေဟာ ပိုမိုပွင့်လင့်၊ ပိုမိုပူးပေါင်းလုပ်ဆောင်ပြီးအကျိုးကျေးဇူးများကို မျှဝေခံစားရအောင် လုပ်ဆောင်ရပါလိမ့်မယ်။

၁၄။ ပါတီအပေါ်ပြည့်စုံတဲ့၊ တင်းကြပ်တဲ့အုပ်ချုပ်ကြည့်ကြပ်မှု (governance) ကျင့်သုံးရေး။

မိမိကိုယ်မိမိပြုပြင်ပြောင်းလဲရေး၊ မိမိကိုယ်မိမိတင်းကြပ်စွာတောင်းဆို-အုပ်ချုပ်ခြင်း-သတ္တိတွေဟာ-တရုတ်ကွန်မြူနစ်ပါတီရဲ့အထူးခြားဆုံး လက္ခဏာဖြစ်ပါတယ်။ 

ပါတီဝင်များဟာ ပါတီဖွဲ့စည်းအုပ်ချုပ်ပုံအခြေခံစည်းမျဉ်းဥပဒေကိုအခြေခံစည်းကမ်းအဖြစ်ဆုပ်ကိုင်ပြီး၊ ပါတီရဲ့စွမ်းအင်ဘက်စုံက ပြည့်ဝ လာရေးကိုကြိုးပမ်းရပါလိမ့်မယ်။

အထူးသဖြင့်အဓိကခေါင်းဆောင်များရဲ့လုပ်ဟန်များကိုကြည့်ကြပ်ရမယ်။ ပါတီတွင်းကျန်းမာတဲ့နိုင်ငံရေးယဉ်ကျေးမှုကိုထူထောင်ပြီး၊ ပါတီရဲ့သန့်စင်မှု၊ တိုးတက်မှုကိုတိုးမြှင့်လုပ်ဆောင်ရမယ်။ ပြည်သူလူထုနဲ့နီးနီးကပ်ကပ်ဆက်ဆန်ရေးလုပ်ဟန်ကို ဆက်လက်ထိမ်းသိမ်း တိုးမြှင့် လုပ်ဆောင်ရမယ်။ 

ဒါတွေကတော့ ရှီကျင့်ဖင်ရဲ့အစီရင်ခံစာထဲက တရုတ်ပြည်ရဲ့ခေတ်သစ်ကာလတွင်းလုပ်ဆောင်ရမဲ့

အခြေခံလုပ်ငန်းလမ်းညွှန်ချက်များ ဖြစ်ပါတယ်။ ဒီအစီရင်ခံစာမှာ ပြည်တွင်းအရေးသက်သက်သာမဟုတ်ပါဘူး။

တရုတ်ပြည်ရဲ့ဖွံ့ဖြိုးတိုးတက်ရေးဟာ တခြားနိုင်ငံများရဲ့ဖွံ့ဖြိုးတိုးတက်ရေးနဲ့ဆက်စပ်နေတဲ့ကမ္ဘာပြုမှုခေတ်(Globalization)ဖြစ်တာကြောင့် နိုင်ငံတကာနဲ့ပတ်သက်တဲ့အမြင်များ၊ လမ်းညွှန်ချက်များလည်း ပါပါတယ်။

အပိုင်း(၅)မှာဆက်တင်ပြပါ့မယ်။

လှကျော်ဇော

၂၉-၁၁-၂၀၁၇။