ရသဆောင်းပါးစုံ

ဒေါက်တာမောင်မောင်ကြီး ● မှန်ကင်းတလှည့်၊ ထင်းတလှည့်

ဒေါက်တာမောင်မောင်ကြီး ● မှန်ကင်းတလှည့်၊ ထင်းတလှည့်
(မိုးမခ) အောက်တိုဘာ ၂၉၊ ၂၀၁၇

မြန်မာများသည် မှန်ကင်းတလှည့်၊ ထင်းတလှည့် ဆိုသောစကားပုံကို အတက်အကျ သံဝေဂရစရာ ကိစ္စများတွင် သုံးလေ့ ရှိသည်။

စုဖုယားလတ်၏အမည်ကိုတော့မြန်မာတိုင်းလောက်နည်းနည်းသိကြပါလိမ့်မည်။ သီပေါမင်း၏ မဟေသီအဖြစ်၎င်း၊ ဓါးထက် လှ သောမိဖုယား ခေါင်ကြီးအဖြစ်၎င်း၊ ကမ္ဘာရေးရာတို့ကိုဘာမှမသိဘဲ ရတနာပုံနန်းတော်အတွင်း၌သာကြီးပြင်းလာပြီး မိမိကိုယ်မိမ်ိ ကမ္ဘာပေါ်တွင် တန်ခိုးအကြီးဆုံးဘုရင်ဟု အထင်ရောက်ကာ (အောက်မြန်မာပြည်၊ ရခိုင်နှင့်တနင်္သာရီတိုင်းတို့  ကို အင်္ဂလိပ်သိမ်းထားသည်ကိုလျစ်လျူပြုထားပြီး) အင်္ဂလိပ်ကို စစ်တိုက်ရန် သီပေါမင်းကသဘောမတူသည့်ကြားမှ အတင်း လုပ်ကိုင်စေခဲ့ခြင်းများကြောင့်၊ နောက်ဆုံးတွင် အထက်ဗမာပြည်ကိုပင် အင်္ဂလိပ်များ သိမ်းပိုက်ခြင်းခံလိုက်ရပြီး ရတနာပုံ နေပြည်တော်လည်း ပျက်စီးရလေတော့သည်။ ထို့ကြောင့် အချို့လူများက “မိန်းမဖျက်၊ ပြည်ပျက်” ဟူသောစကားပုံကိုအသုံး ချပြီး စုဖုယားလတ်အား၊ ” နေပြည်တော်ဖျက်စုစု” ဟု နံမည်ပြောင်ပေးခဲ့ကြသည်။ မှန်လည်း မှန်ပါသည်။  စုဖုယားလတ်သည် ရတနာပုံ နေပြည်တော်ကို ဖျက်ဆီးခဲ့သူမှန်ပါသော်လည်း၊ သူ့ ခေတ် သူ့ အခြေအနေအရ ဖြစ်ပေါ်နေသည့် မောဟဂတိက ၎င်း၏အမြင်ကို တိမ်သလ္လာဖုံးသွားစေခဲ့ခြင်းလည်းဖြစ်နိုင်ပါသည်။  ထိုစဉ်ကသာသနာပိုင် ဆီးဘန်နီဆရာတော်ဘုရားကြီးကမူ “ကိုယ်မှီရာကို၊ ကိုယ်သာဖျက်ဆီး၊  ဖိကာစီးသည့်၊ မှူးကြီးမတ်ငယ်၊ မာလောနွယ်တို့” အစချီသောကဗျာနှင့် မှူးကြီးမတ်ကြီးတို့ကိုဝေဖန်ခဲ့ပြီး အချို့ရာဇဝင်ဆရာတို့ကလည်း မင်းဆက်ပြတ်သည့် မြန်မာသက္ကရာဇ် ၁၂၄၇ ခုနှစ်ကို “ဦးကောင်းလိမ်ထုတ်၊ မင်းဆက်ပြုတ်” ဟူသောလင်္ကာဖြင့်မှတ်ထားပြီး ကင်းဝန်မင်းကြီးဦးကောင်းကို အပြစ်ပုံချကြပါသည်။

စုဖုယားလတ်ခ မျာ ၎င်း၏မာနကြီးမှု အတွက် များစွာပေးဆပ်ခဲ့ရရှာပါသည်။ အင်္ဂလိပ်တို့ ကသီပေါမင်းနှင့်စုဖုယားလတ်တို့ ကို ဖမ်းဆီးပြီး ပြည်နှင်ဒဏ်ပေးရန်၊ ဘီရိုလှည်းဖြင့် မန္တလေး ဂေါဝိန်ဆိပ်ကမ်းသို့ခေါ်သွားရာတွင် မိမိ၏ကောင်းမှုဖြစ်သော မြတောင်ကျောင်းတိုက်ကိုပင် ရေစက်ချ လှူခွင့်မရ၊ မဟာမုနိဘုရားကို ဖူးမျှော်ချင်ပါလျှက်နှင့်လည်း ဦးတော်မတင်ခဲ့ကြရရှာပါ။  ဆိပ်ကမ်းအရောက်တွင်လည်း မိမိတို့ကို တင်ခေါ်သွားမည့်သူရိယသင်္ဘောပေါ် တက်ခါနီးတွင် သီပေါမင်းသည် တွန့်ဆုတ် တွန့် ဆုတ်ဖြစ်နေပြီး၊ ၎င်းစိုးစံခဲ့သည့် ရတနာပုံ ရွှေနန်းကို လှည့် ပြီးတကြည့် ကြည့် ဖြစ်နေခိုက်တွင် စုဖုယားလတ်သည် အိနြေ္ဒာမပျက် သင်္ဘောကုန်းဘောင်ပေါ်သို့လှမ်းတက်ပြီး သီပေါမင်းကို လက်ကမ်းပေးကာ ဆွဲတင်သွားပြီး သတ္တိကို ပြ သွားနိုင်ခဲ့ပါသည်။ သီပေါမင်းကို မင်းသားငယ်အဖြစ်မှ ဘုရင်ဖြစ်လာအောင် နန်းတင်ပေးခဲ့သူမှာလည်း စုဖုယားလတ်နှင့် မယ်တော်ဆင်ဖြူမရှင် မိဘုရားကြီးတို့ဖြစ်သလို သီပေါမင်းနန်းကျရာတွင်လည်း မိမိတို့ကို အကျယ်ချုပ်ချရာနေရာသို့ ခေါ်မည့် သင်္ဘောပေါ်သို့အိနြေ္ဒမပျက် လက်တွဲခေါ်သွားနိုင်ခဲ့သည်။ ရတနာဂီရိတွင် အကျယ်ချုပ်အဖြစ် နေရရာတွင်လည်း စုဖုယားလတ်ခမျာ ကံမကောင်းရှာပါ။  သီပေါမင်းနှင့် သူကိုယ်တိုင် သဘောတူပေးစားထားခဲ့သော မိဖုရားငယ် စုဖုယား လေး မှာ အရင်ဆုံးကံတော်ကုန်သည်။ သီပေါမင်းနှင့်စုဖုယားလတ်တို့ တွင် သမီးတော်လေးပါးရှိရာ အကြီးဆုံးသမီးတော်မှာ အိမ်တော်မှ အစေခံ ဘွိုင်ကုလား၏ ခြေတော်တင်ခြင်းခံလိုက်ရသဖြင့် လင်မရခင်က ဗိုက်ကြီးလေတော့သည်။ ယခုထက် တိုင် ထိုမင်းသမီး၏ အဆက်အနွယ် သီပေါမင်း၏ မြေးမြစ် တီတွတ် ကုလားများ အိန္ဒိယ နိုင်ငံတွင်ရှိနေသေးသည်။ သီပေါ မင်းခမျာ ရင်ကွဲနာကျပြီး ငယ်ငယ်နှင့် နတ်ရွာစံရရှာသည်။ အချို့သူများကလည်း သီပေါမင်း၏ဘိုးဘေးဘီဘင်များသည် မွန်နိုင်ငံ၊ ယိုးဒယားနိုင်ငံ၊ ရခိုင်နိုင်ငံ၊ တို့ ကို ဝင်ရောက်တိုက်ခိုက်သိမ်းပိုက်ပြီး၊ ထိုနိုင်ငံမှ ဘုရင်များကို အင်းဝမြို့တော် အမရပူရမြို့တော်တို့သို့အကျယ်ချုပ်အဖြစ် ခေါ်လာခဲ့သည့်ဝဋ် လည်သည်ဟု ယူဆကြသည်။  ထူးဆန်းသည်မှာ စုဖုရားလတ် သည် ကုလားနှင့်ရသော သမီးအကြီး ကိုခွင့်လွှတ်နိုင်ပြီး ကုလားနှင့်စပ်ထားသော မိမိမြေးများကို ချစ်ခင်စွာလက်ခံသော်လည်း မြန်မာလူမျိုး အိမ်တော်ဝန်ဟောင်း ဦးမောင်မောင်လတ်နှင့်ရသော ဒုတိယသမီးတော်နှင့်၎င်း၏ သားသမီးများကိုမူ ဘာ ကြောင့်မှန်းမသိ ချစ်ချစ်ခင်ခင် မဆက်ဆံခဲ့ပါ။

သီပေါမင်းနတ်ရွာစံပြီးသောအခါ အင်္ဂလိပ်အစိုးရက စုဖုရားလတ်ကို မြန်မာပြည်သို့ပြန်ခွင့်ပေးသည်။ သို့သော် မန္တလေးသို့ ပြန်ခွင့်မရ ရန်ကုန်တွင်သာနေရသည်။ သခင်ကိုယ်တော်မှိုင်းစသောမြန်မာနိုင်ငံရေးခေါင်းဆောင်များက လေးစားစွာ ခစား ကြသည်။ မင်းတုန်းမင်းရှိစဉ်က ညောင်ရွှေစော်ဘွား၏သားကို မိမိ၏ သားအရင်းသဖွယ် မွေးစားပြီး၊ ရတနာပုံ နေပြည်တော်၌ နေစေသည်။ ၎င်းကျမိုင်း (စော်ဘွားလောင်း) ၏ အမည်မှာ (Sao Mang) စဝ်မောန်ဖြစ်သည်။ မြန်မာတို့က မြန်မာမှု ပြုပြီး စောမောင်ဟုခေါ်ကြသည်။ ထိုသူညောင်ရွှေစော်ဘွားဖြစ်ချိန်တွင် အင်္ဂလိပ်ကို အမှုထမ်းကောင်းသဖြင့်၊ အင်္ဂလိပ်တို့ က ဆာဘွဲ့ပေးသောကြောင့် ဆာစောမောင်ဖြစ်လာသည်။ အင်္ဂလိပ်တို့ ၏သွေးခွဲ အုပ်ချုပ်ရေးဝါဒအရ ရှမ်းစော်ဘွားနယ် ၃၃ နယ်နှင့် ကယားစော ဖျာ နယ်၎ နယ်တို့ ကို အစောင့်အရှောက်ခံနိုင်ငံ (Protectorate) အဖြစ်ထားပြီး မြန်မာပြည်မကြီးကို မူ တိုက်ရိုက်ကိုလိုနီအဖြစ်အုပ်ချုပ်သည်။ မြန်မာပြည်မကြီးမှ ဗမာနှင့် အခြားဗုဒ္ဒဘာသာများကို ရှမ်းနှင့် ကယားနယ်များသို့ လွတ်လပ်စွာသွားခွင့်မပြု။ သို့သော် အိန္ဒိယမှကုလားမျိုးစုံကိုမူ ရှမ်းနှင့်ကယားနယ်များသို့လွတ်လပ်စွာသွားခွင့်ပြုခဲ့သည်။ စုဖုရားလတ် ရန်ကုန်သို့ရောက်သောအခါ မိမိနှင့်ငယ်စဉ်ကကစားဘက်ဖြစ်ခဲ့ပြီး မောင်နှမအရင်းသဖွယ်နေခဲ့ဘူးသော စဝ်မောန်ကိုတွေ့ လို ပါသည်ဆို၍ ညောင်ရွှေစော်ဘွားရန်ကုန်သို့လာတိုင်းစုဖုရားလတ်နှင့်တွေ့ သည်။ သို့သော်အခြေအနေကပြောင်းခဲ့လေပြီ။ စုဖုရားလတ်ခမျာမှာ နန်းကျမိဖုယားခေါင်ကြီး၊ ညောင်ရွှေစော်ဘွားကတော့ အင်္ဂလိပ်အသိအမှတ်ပြု နယ်စားပယ်စား ဖြစ်နေပြီး ဆာဘွဲ့ရထားသူ “ဆာစောမောင်” လည်းဖြစ်ရကား စုဖုရားလတ်အား ငယ်စဉ်ကကဲ့သို့ ချစ်ချစ် ခင်ခင် လေးလေးစားစား မဆက်ဆံတော့ပေ။

စုဖုရားလတ်နတ်ရွာစံသောအခါ သခင်ကိုယ်တော်မှိုင်းစသောမြန်မာများက ခမ်းခမ်းနားနားကြီး ကြီးကျယ်ကျယ်သင်္ဂြိုလ် လိုကြသည်။ သို့ရာတွင် အင်္ဂလိပ်အစိုးရက ညောင်ရွှေစော်ဘွားကြီးစဝ်မောန်ကို ကော်မတီဥက္ကဌခန့်လိုက်သည်။ စော်ဘွား ကြီးကလည်း အင်္ဂလိပ်အလိုတော်အတိုင်း ဈာပနကို အမြန်ဆုံးကျင်းပလိုက်လေသည်။ မြန်မာခေါင်းဆောင်ကြီးများက ထိုသို့မလုပ်သင့်ကြောင်း၊ ၅ ရက် တပတ်ခန့်ထားပြီး ရှေးမင်းမိဖုရားများကို သင်္ဂြိုလ်သည့်နည်းအတိုင်း သင်္ဂြိုလ်သင့်ကြောင်း ပြောသောအခါ စော်ဘွားကြီးက အလောင်းကို ခွေးစားမှာကြောက်ရသဖြင့် အမြန်ဆုံးသင်္ဂြိုလ်လိုက်ရသည်ဟု ပြောသည်။ မြန်မာသတင်းစာအပေါင်းတို့လည်း ဒေါသူပုန်ထပြီး မြန်မာပြည်တွင် လူသေအလောင်းကို စားသောခွေးမရှိပါ။ ရှမ်းပြည်မှာ တော့ ရှိ/မရှိစော်ဘွားကြီးသာသိပါလိမ့် မည် ဟုရေးကြလေသည်။ (အကြောင်းစုံကို ၁၉၇၀ ခုနှစ် အတွင်းက ထုတ်ဝေခဲ့သော ငွေတာရီမဂ္ဂဇင်းပါဆရာ ဦးမြင့်ဆွေ၏ မိဖုရားခေါင်ကြီး၏ ဈာပနဆောင်းပါးတွင်ကြည့် ပါ)။

ဒုတိယကမ္ဘာစစ်ဖြစ်သောအခါ ညောင်ရွှေစော်ဘွားအသစ်မှာစဝ်ရွှေသိုက်ဖြစ်သည်။  ဂျပန်များမြန်မာပြည်ကို ဝင်ရောက်တိုက် ခိုက်သဖြင့် အင်္ဂလိပ်များသည် ရန်ကုန်ကို စွန့်ခွါပြီး မန္တလေး မေမြို့တို့၌ ရုံးစိုက်ထားရခြင်းဖြစ်သည်။ မြန်မာပြည်ဘုရင်ခံ ဆာဒေါ်မန်စမစ်သည် ရှမ်းပြည်တောင်ပိုင်းညောင်ရွှေမြို့သို့သွား၍ ညောင်ရွှေ ဟော်နန်းတွင် စော်ဘွားများနှင့်တွေ့ ဆုံသည်။ ၎င်းပွဲတွင် ညောင်ရွှေ မဟာဒေဝီ စဝ်ဟိန်ခမ်းက “ကျွန်မတို့ ရှမ်းတွေဟာ အင်္ဂလိပ်တွေအပေါ်မှာသစ္စာရှိပါတယ်၊ ယိုးဒယား တွေကတော့ သစ္စာဖေါက်ပြီး ဂျပန်နှင့်ပေါင်းတယ်၊ ဒီစစ်ကြီးမှာ အင်္ဂလိပ်တွေနိုင်မယ်ဆိုတာ ကျွန်မ ကြိမ်းသေသိပါတယ်။ ဒါကြောင့်ဒီစစ်ကြီးပြီးသွားရင် အပြစ်ရှိတဲ့ ယိုးဒယား ချက္ကရိ မင်းဆက်ကို ဖြုတ်ချပြီး ကျွန်မတို့ ကို ယိုးဒယားဘုရင်နှင့်မိဖုရားအဖြစ်တင်မြောက်ပေးပါ” ဟုတောင်းဆိုလေသည်။ မြန်မာပြည်ဘုရင်ခံလည်း အကြပ်ရိုက်သွားပြီး “ဤကိစ္စမှာ ကျွန်တော် အရေးပိုင် သောကိစ္စ မဟုတ်ပါ။ အထက်သို့ဆက်၍တင်ပြပေးပါမည်။ ကျွန်တော်၏အထင်တွင် ဗြိတိသျှဝန်ကြီးချုပ်  ဆာ ဝင်စတန် ချာချီပင်လျှင် ဆုံးဖြတ်နိုင်မည့် ကိစ္စမဟုတ်ပါ။ အမေရိကန်သမ္မတ ၊ တရုတ်သမ္မတ စသော မဟာမိတ်ခေါင်းဆောင်များ အားလုံး စုပေါင်းဆုံးဖြတ်ရမည် ကိစ္စဖြစ်ပါသည်” ဟုသာ အဖြေပေးလိုက်ရလေတော့သည်။ (အကြောင်းစုံကို Maurice Collis,”The Last and the First in Burma” မောရစ်ကောလစ်ရေး ပြီး ဦးစံဝင်းက “အင်္ဂလိပ်မြန်မာ နောက်ဆုံးတိုက်ပွဲ”  ဟုဘာသာပြန်ခဲ့သော စာအုပ်တွင်ဖတ်ပါ။)

မဟာဒေဝီသည် ယိုးဒယားများကို လျော့ တွက်မိခဲ့ခြင်းဖြစ်သည်။ ယိုးဒယားများသူ့ ထက်ဉာဏ်သွားသည်ကို မသိရှာခဲ့။ ယိုး ဒယားဝန်ကြီးချုပ် ပီဘွန်ဆွန်ကရမ်က ဂျပန်နှင့်မဟာမိတ်ဖွဲ့  ပြီး ၁၉၄၂ ခု ဇန္နဝါရီလ ၂၅ ရက်နေ့တွင်အင်္ဂလိပ် အမေရိကန်ကို စစ်ကြေညာသော်လည်း ထိုစဉ်က အမေရိကန်ရှိယိုးဒယားသံအမတ် ဆေနီ ပါရမို့ခ်ျ Seni Pramoj ကမူ အမေရိကန်တွင် နိုင်ငံရေးခိုလှုံ ခွင့်တောင်းလိုက်ပြီး အမေရိကန်မဟာမိတ်အဖြစ်ဆက်နေသည်။  အမေရိကန်ကလည်း  ဆေနီ ပါရမို့ခ်ျ Seni Pramoj ကို အဝေးရောက် ယိုးဒယားဘုရင့်အစိုးရ၏သံအမတ် အဖြစ်လက်ခံထားသည်။ ထိုစဉ်ကယိုးဒယားဘုရင် အနန္ဒာ မဟီဒေါလ် Ananda Mahidol မှာ ငယ်ရွယ်သေးသူဖြစ်ပြီး ကြားနေနိုင်ငံဖြစ်သော ဆွစ်ဇာလန်နိုင်ငံတွင် ပညာသင်နေခီုက်ဖြစ်၍ စစ်ပြီးသည်အထိ ဆွစ်ဇာလန် နိုင်ငံတွင်ဆက်နေသည်။  သို့သော်အင်္ဂလန်ရှိ ယိုးဒယားသံအမတ်ကမူ အင်္ဂလိပ်ကို စစ်ကြေ ညာပြီး  ယိုးဒယားသို့ပြန်သွားသည်။  ထို့ကြောင့်ယိုးဒယားကို ဗြိတိသျှဓနသဟာယ အတွင်းရှိတောင်အာဖရိက၊ ဩစတြေလျ၊ နယူးဇီလန်။ စသောနိုင်ငံတို့ကစစ်ကြေညာသော်လည်း အမေရိကန်တို့ကမူ ယိုးဒယားကိုစစ်ကြေညာ ခြင်းမရှိခဲ့ပါ။

ဒုတိယကမ္ဘာစစ်အတွင်းက ယိုးဒယားသည် ဂျပန်နှင့် မဟာမိတ်ဖြစ်သဖြင့် ဂျပန်တို့ က ရှမ်းပြည်တောင်ပိုင်းရှိ စော်ဘွားနယ် ၂ နယ်ကို ဒေါက်တာဗမော်အစိုးရကန့်ကွက်နေသည့်ကြားမှ ယိုးဒယားသို့လက်ဆောင် အဖြစ်ပေးပစ်သည်။ မလေးမြောက် ပိုင်းရှိ စုလတန်နယ်  ၄ နယ်ကို လည်း ယိုးဒယားကို လက်ဆောင်ပေးသည်။ စစ်ပြီးသောအခါတွင်မှ အင်္ဂလိပ်တပ်များ ၎င်းတို့ ပိုင်နယ်မြေ များကို ယိုးဒယားတို့ ထံမှပြန်သိမ်းယူရသည်။ ယိုးဒယားတို့ လည်ပတ်ပုံမှာအမေရိကန်ကို အပိုင်ကပ်ထားပြီး ကြိုတင်ညို နှိုင်းထားခဲ့သည်။ ထို့ကြောင့် ဒုတိယကမ္ဘာစစ်အပြီး ယိုးဒယားတို့ လက်နက်ချသည့် အချိန်တွင် အမေရိကန်၏ မဟာမိတ်ဖြစ်နေပြီး ဗြိတိသျှတို့ ကရှမ်းနယ်များနှင့်မလေးနယ်များကို ပြန်သိမ်းသည်မှအပ ယိုးဒယားကို မထိရဲတော့ပေ။ ဆရာသစ်အမေရိကန်က လုံးဝကာကွယ်ထားလိုက်သဖြင့် ညောင်ရွှေ မဟာဒေဝီ၏ အိမ်မက်မှာလည်း အကောင်အထည် မဖေါ်နိုင်ခဲ့ပါ။

သို့သော် ညောင်ရွှေစော်ဘွားတို့ မိသားစုကံက တက်မြဲ တက်လျှက်ရှိပါသည်။ ဗိုလ်ချုပ်အောင်ဆန်း၏ အကြံမှာ လွတ်လပ် ရေးရပြီးသော် ဗိုလ်ချုပ်အောင်ဆန်းက အစိုးရအဖွဲ့ ခေါင်းဆောင်ဝန်ကြီးချုပ်လုပ်ပြီး၊ မိုင်းပွန်စော်ဘွားကြီး စဝ်စံထွန်းက နိုင်ငံတော်၏ဥသျှောင် သမ္မတဖြစ်ရန် ရည်ရွယ်ထားခဲ့ပါသည်။ သို့သော် ဗိုလ်ချုပ်အောင်ဆန်းနှင့် မိုင်းပွန်စော်ဘွားကြီးတို့ အတူတကွ ကျဆုံးသွားသောအခါ သခင်နုက အစိုးရအဖွဲ့ကို ခေါင်းဆောင်ရပြီး ညောင်ရွှေစော်ဘွား စဝ်ရွှေသိုက်ကို ယာယီ သမ္မတ ဖြစ်ရန် ရွေးချယ်ထားရလေတော့သည်။ မဟာဒေဝီစောဟိန်ခမ်းမှာလည်း ယိုးဒယားမိဖုရားမဖြစ်သော်ငြားလည်း ၅ နှစ်ခန့် မြန်မာနိုင်ငံ၏ First Lady သမ္မတကတော်တော့ဖြစ်ခဲ့ပါသည်။ လွတ်လပ်ရေးမရခင်ကလေးတွင် ၁၉၄၇ ခုနှစ် နိုဝင်ဘာလတွင် ဗြိတိသျှအိမ်ရှေ့ စံမင်းသမီး အဲလစ်ဇဘက် မင်္ဂလာဆောင်သောအခါ စဝ်ရွှေသိုက်နှင့် မဟာဒေဝီသည် ဗြိတိသျှ ဓနသဟာယ အတွင်းရှိနေသေးသော မြန်မာနိုင်ငံ၏ ဥသျှောင် နှင့် ဇနီးအဖြစ် သွားတက်နိုင်ခဲ့ကာ မြန်မာနိုင်ငံ၏ မင်္ဂလာလက်ဆောင်အဖြစ်ပေးသော ပတ္တမြား လက်ဝတ်ရတနာများကို ကိုယ်တိုင်ပေးအပ်နိုင်ခဲ့ကြသည်။  မဟာဒေဝီ မှာ ထိုအချိန်က ဟန်ညောင်ဝေ  ကိုယ်ဝန်နှင့်ဖြစ်သည်။  ယခုအခါ ဟန်ညောင်ဝေသည် သမိုင်းလိမ်ညာ “ရိုဟင်ဂျာ” ဆိုသူများ အတွက် ရှေ့နေလိုလို ပွဲစားလိုလို လုပ်ပေးနေသူဖြစ်သည်။   လွန်ခဲ့သော ရက်အနည်းငယ်အတွင်းက ဧရာဝတီမဂ္ဂဇင်းနှင့် “ဗျူး” ခဲ့ရာတွင်  မြန်မာအစိုးရသည် အကြမ်းဖက်သမား ARSA ခေါ် “ကုလားဆိုး” အဖွဲ့နှင့် ငြိမ်းချမ်းရေး ဆွေးနွေးသင့်သည်ဟု အသံကောင်းဟစ်ခဲ့သူဖြစ်ပါသည်။  သီပေါမင်းနှင့်ကုန်းဘောင်မင်းဆက်၏ အနွယ်တော်များကမူ ရခိုင်နှင့်အခြားတိုင်းရင်းသားများ ပြန်လည်ထူထောင်ရေးအတွက် တတ်အားသမျှအလှူငွေထည့်ဝင်ကြပြီး “အရေးကြီးတော့ သွေးနီး” ပြခဲ့ကြပါ၏။

စဝ်ရွှေသိုက် သမ္မတသက်တမ်း ၅ နှစ်ပြည့် သောအခါ ၁၉၅၂ ခုနှစ်တွင် လူမျိုးစုလွှတ်တော်နာယကကြီးဖြစ်လာသည်။ ၅၉ ခုနှစ် အိမ်စောင့်အစိုးရခေတ်တွင် စော်ဘွားများအာဏစွန့်ရသည်။ ၁၉၆၀ ခုနှစ်ရွေးကောက်ပွဲနိင်ပြီး ဦးနုအစိုးရ အာဏာပြန် ရသောအခါ ရှမ်းစော်ဘွားများဘက်မှ ဖက်ဒရယ်မူကို တင်ပြလာသည်။ မြန်မာစစ်တပ်နှင့် ဗိုလ် ချုပ်နေဝင်းတို့က ၎င်းမူကို ခွဲထွက်ရေးမူဟုယူဆကြသည်။ ဦးနုကိုယ်တိုင်ပင် ၎င်း၏နောက်ဆုံးနေ့များအတွင်းက ပြောသောမိန့် ခွန်းတခု၌ “အခုလုပ်နေ တဲ့ ဖက်ဒရယ်မူဆိုတာကို ရှမ်းပြည်မှာ နေလို လလိုထင်ရှားနေတဲ့ ပုဂ္ဂိုလ်ကြီးတယောက် ခေါင်းဆောင်နေပါတယ်” ဟု နာမည်မတတ်ယုံ ကလွဲပြီး အတိအလင်းထောက်ပြသွားခဲ့သည်။  အများသိကြသည့် အတိုင်း ၁၉၆၂ ခု မတ်လ ၂ ရက်နေ့ တွင် ဗိုလ်ချုပ်နေဝင်းက အာဏာသိမ်းသည်။  သမ္မတ မန်းဝင်းမောင်၊ ဝန်ကြီးချုပ်ဦးနုနှင့်ကက်ဘိနက်အဖွဲ့ဝင် ဝန်ကြီးများ၊  တရားလွှတ်တော်ချုပ် တရားဝန်ကြီးချုပ်ဦးမြင့်သိန်းနှင့် တရားဝန်ကြီးများ၊ ရှမ်းစော်ဘွားများနှင့် ကယားစောဖျာများ ကို ဖမ်းဆီးထိန်းသိမ်းသည်။  ကရင်ပြည်နယ်ဝန်ကြီး ဒေါက်တာစောလှထွန်းမှာကံကောင်းပြီး အဖမ်းမခံရရုံမျှမက မိမိရာထူး ဟောင်း၌ ကရင်ပြည်နယ်ဦးစီးအဖွဲ့ဥက္ကဌ ဆိုသော ရာထူးအမည်အသစ်ဖြင့်ပြန်လည်တာဝန်ထမ်းဆောင်ရသည်။  စဝ်ရွှေ သိုက်အိမ်ကို ဝင်ဖမ်းရာတွင် စဝ်မီမီသိုက်ဆိုသောစဝ်ရွှေသိုက်၏သားအငယ် ပစ်သတ်ခံရသည်။ စဝ်ရွှေသိုက်ကို ဖမ်းဆီး လိုက်သည်။ မဟာဒေဝီမှာမူ နိုင်ငံခြားရောက်နေသဖြင့် လွတ်သွားသည်။ ၆ လခန့် ကြာသောအခါစဝ်ရွှေသိုက် ထောင်ထဲမှာ သေဆုံးသည်။ မဟာဒေဝီ ကို မြန်မာပြည်ပြန်လာပြီး အသုဘချခွင့်ပြုသည် ။ မဖမ်းဆီးပါ။ နောက် ၄ နှစ်ခန့် ကြာသောအခါ မဟာဒေဝီနှင့် မိသားစု အားလုံး ယိုးဒယားသို့ထွက်ပြေးပြီး ရှမ်းတော်လှန်ရေးလုပ်ရန်ကြံသည်။ သို့သော် ယိုးဒယားများက မည်မည်ရရ အကူအညီမပေးပါ။ ၎င်းတို့ ယိုးဒယားထီးနန်းလုရန်ကြံထားသည့်အချက်ကိုသိ၍လည်းဖြစ်နိုင်သည်။ နောက် ပိုင်းတွင် မဟာဒေဝီသည် အမေရိကန် စီအိုင်အေအကူအညီဖြင့် တောင်ဗီယက်နမ် နိုင်ငံ ဆိုင်ဂုံမြို့သို့ပြောင်းရွေ့သွားသည်။ ဆိုင်ဂုံမှတဆင့်မိသားစုဝင်များ အမေရိကန်၊ ကနေဒါနိုင်ငံတို့သို့ ရောက်ကုန်သည်။ ၎င်းတို့၏သားကြီးများက ရှမ်းစော်ဘွား သားသမီးများအုပ်စု ဖွဲ့၍ တော်လှန်ရေးလုပ်သော်လည်း မအောင်မြင်ပါ။ မဟာဒေဝီလည်း အသက်အရွယ်ကြီးရင့်လာသော အခါ လူကြီးရောဂါဖြင့် ကွယ်လွန်လေတော့သည်။

ဤကား မာနကြီးလှသော နေပြည်တော်ဖျက်စုစု (စုဖုရားလတ်) ၏ ကြမ္မာ ညှိုးချိန်တွင် ခံခဲ့ရသော ဝဋ်ဒုက္ခများ၊  သူက မိမိမောင်အရင်းသဖွယ်သဘောထားခဲ့သော ညောင်ရွှေစော်ဘွား “ဆာစောမောင်” ကစုဖုရားလတ်အပေါ် လုပ်ရက်ခဲ့သည့် ဇာတ် ကြောင်းနှင့် ညောင်ရွှေ မဟာဒေဝီက မိမိခင်ပွန်းစဝ်ရွှေသိုက်ကို ယိုးဒယားဘုရင်ဖြစ်စေလိုပုံ၊  ညောင်ရွှေစော်ဘွား စဝ်ရွှေ သိုက်နှင့် မဟာဒေဝီတို့၏သား၊ သမိုင်းလိမ်ညာ “ရိုဟင်ဂျာ” ဆိုသူများအတွက် ရှေ့နေ လိုလို ပွဲစားလိုလို လုပ်ပေးနေသူ စဝ်ဟန်ညောင်ဝေတို့၏ဇာတ်လမ်းများဖြစ်ပေသည်။  လူ့ဘဝဆိုသည်မှာ  မှန်ကင်းတလှည့်၊ ထင်းတလှည့်  ဆိုသောစကားပုံ၊  “တက်ကြွားကြွကြွ မြင့်လွန်းကလည်း လျှောကျနောက်ဆုံးရှိချေ၏” ဆိုသောလင်္ကာ တို့ အတိုင်းသာ ဖြစ်ပေတော့သည်တကား ဟုသာ သံဝေဂရမိပါသည်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Similar Posts