ကိုသန်းလွင် ရသဆောင်းပါးစုံ

ကိုသန်းလွင် ● ကက်တလိုနီးယားနှင့် စပိန်

ကိုသန်းလွင် ● ကက်တလိုနီးယားနှင့် စပိန်
(မိုးမခ) အောက်တိုဘာ ၁၈၊ ၂၀၁၇

(၁)
ကက်တလိုနီးယား (Catalonia) သည် စပိန်ကျွန်းဆွယ်၏ အရှေ့မြောက်အစွန်းမှာရှိသည့် နယ်တခုဖြစ်သည်။ ဘာစီလိုနာ အပါအ၀င် နယ်ပေါင်းလေးခုဖြင့် ဖွဲ့စည်းထားသည်။ ဥရောပကောင်စီ အဖွဲ့ဝင်နိုင်ငံများ၏ လူဦးရေ အထူထပ်ဆုံး အမှတ်စဉ် ၇ နေရာ၌ရှိသည်။ စပိန်နှင့်ပြင်သစ်နှင့်ဖြစ်သော စစ်ပွဲကာလအတွင်း (၁၆၄၀-၁၆၅၂) ခုနှစ်က ကက်တလိုနီးယားမှာ ပြင် သစ်၏ အစောင့်ရှောက်ခံနယ်ဖြစ်ခဲ့ဘူးသည်။

၁၉၁၄ ခု ပထမကမ္ဘာစစ်ဖြစ်လာသောအခါ နယ်လေးနယ်ကို ပေါင်းစည်းမိပြီး စပိန်နိုင်ငံတွင် ကက်တလိုနီးယား ကိုယ်ပိုင်အုပ် ချုပ် ရေးအစိုးရ ဖြစ်လာခဲ့သည်။ စပိန်ပြည်တွင်းစစ် နောက်ပိုင်းစစ်အုပ်ချုပ်ရေး ၁၉၃၈ ခုနှစ်တွင် ဖရန်ကို အစိုးရတက်လာ သောအခါ ကက်တလန်ဖွဲ့စည်းပုံအခြေခံဥပဒေကအစ အရာရာကို ဖယ်ရှားပစ်ခဲ့သည်။ ကက်တလန်ဘာသာကို ရုံးသုံးဘာ သာစကားအဖြစ်မှ ပယ်ဖျက်ပစ်ခဲ့သည်။ ၁၉၅၀ မှ ၁၉၇၀ ခုနှစ်အတွင်း စပိန်တွင် စီးပွားရေးတိုးတက်လာမှုကြောင့် ဘာစီလို နာမှာ လူနေများသည့်ထင်ရှားသည့် မြို့တော်ကြီးတခု ဖြစ်လာခဲ့သည်။ စပိန်နိုင်ငံ ဒီမိုကရေစီနိုင်ငံဖြစ်လာပြီး စီးပွာရေးတိုး တက်လာမှုတွင် အသီးအပွင့်များကို ခံစားခဲ့ရသည်။

၁၉၂၂ ခု တွင် မာစီယာ (Franse Macia) ကက်တလန်နိုင်ငံအဖြစ် စတင်ထူထောင်ကြောင်း ကြေညာခဲ့သည်။ ၁၉၃၁ ဒေသ ဆိုင်ရာ ရွေးကောက်ပွဲတွင် မဲအများဆုံးရရှိခဲ့သည့် မာစီယာက စပိန်နိုင်ငံအကြီးအကဲများ နှင့်  ညှိုနှိုင်းပြီး Republic အဖြစ် ကြေညာနိုင်ခဲ့သည်။ ထိုသဘောတူညီမှုတွင် ကက်တလန်ပြည်ကို လွတ်လပ် ရေးပေးခြင်းမဟုတ်ဘဲ၊ လွတ်လပ်စွာ အုပ်ချုပ်ပိုင်ခွင့်ကိုသာ ပေးထားခဲ့သည်။

ခေတ်သစ်လွတ်လပ်ရေး ကြိုးပမ်းမှုကို ၂၀၀၆ ခုနှစ်တွင် အစပြုသည်ဟု ယူဆနိုင်ပါသည်။ တပြည်လုံးဆန္ဒခံယူ ပွဲ ကျင်းပခဲ့ပြီး ကက်တလန်နယ်၏ ကိုယ်ပိုင်အုပ်ချုပ်ရေးကိုသာ ခိုင်မာအောင် တောင်းဆိုခဲ့သည်။ ထိုကြေညာ စာတမ်းကို စပိန်နိုင်ငံ အမြင့်ဆုံးတရားလွှတ်တော်တွင် တင်ပြသောအခါ အချို့သောစာပိုဒ်များကို “မလိုအပ်ပါ “ ဟူ၍ဆုံးဖြတ်ခဲ့ကြသည်။ အဆိုပါ ဆုံးဖြတ်ချက်ကို မကျေမနပ်နှင့် ဆန္ဒပြကြရာမှ ကက်တလန်နိုင်ငံ၏ လွတ်လပ် ရေး ဆိုသောစကားကို စတင်သုံးစွဲခဲ့ကြသည်။ ၂၀၀၉ ခုနှစ် နှင့် ၂၀၁၁ ခုနှစ်တို့တွင် မြူနီစပါယ် နယ် ၅၀၀တွင် ဆန္ဒခံယူပွဲ အစမ်းသဘောမျိုးကျင်းပခဲ့ရာ လွတ်လပ်ရေးပေးရ မည်ဟူသော အယူဝါဒကိုပြည်သူတို့၏ ၃၀ ရာခိုင်နူန်း ကထောက်ခံမဲ ပေးခဲ့ကြသည်။ ကတ်တလိ်ုနီးယား၏ အမျိုးသားနေ့ဖြစ် သော ၂၀၁၀ ခုနှစ်စက်တင်ဘာ ၁၁ ရက် နေ့ ဆန္ဒခံယူပွဲတွင် လူတသန်းကျော်တက်ရောက်ခဲ့ကြပြီး ပြည်သူလူထုက လွတ် လပ်ရေးအတွက် တခဲနက်ထောက်ခံခဲ့ကြသည်။

ကတ်တလန် သမ္မတ အာသာမတ်(စ) (Artha Mas) က ကြားဖြတ်ရွေးကောက်ပွဲ ကျင်းပခဲ့သည်။ သူပါတီက မဲအများဆုံးရရှိပြီး ကတ်တလန်သမိုင်းတွင် ပထမဦးဆုံးဖြစ်သည်။ ပါလီမန်အသစ်က ၂၀၁၃ ခုနှစ် စောစောပိုင်းက လွတ်လပ်ရေးကြေညာ စာ တမ်းတခု ပြုစုခဲ့သည်။ ကတ်တလန်ပြည်သူအားလုံး မိမိတို့ကြမ္မာကို မိမိတို့ဖန်တီး ကြရန်ဖြစ်သည်။

၂၀၁၅ ခု စက်တင်ဘာလတွင် ရွေးကောက်ပွဲကျင်းပခဲ့ပြန်ရာ လွတ်လပ်ရေးကိုဦးတည်သောပါတီက မဲအများ ဆုံး ရရှိခဲ့သော် လည်း အပြတ်အသတ် အနိုင်ရရှိခဲ့ခြင်းမဟုတ်ပေ၊ ပါတီခေါင်းဆောင် ပူဒီမက် (Carles Puigdement )က လွတ်လပ်ရေး အတွက် ဆန္ဒခံယူပွဲကို အောက်တိုဘာလ ၁ ရက်နေ့တွင်ကျင်းပရန်ခေါ်ယူခဲ့သည်။ စပိန်၏အမြင့်ဆုံးတရားရုံးက ဆန္ဒခံယူပွဲ ကို တရားမ၀င် ဟုဆုံးဖြတ်ခဲ့သည်။ အမျိုးသားပုလိပ်အဖွဲ့ကို မဲဆန္ဒခံယူပွဲ မကျင်းပဖြစ်အောင် ပြုလုပ်ရမည်ဟု ညွှန်ကြားခဲ့ သည်။ ပုလိပ်အဖွဲ့ကလည်း လက်ကိုင်ဒုတ်များ၊ ရာဘာကျည်ဆံများနှင့် မဲဆန္ဒပေးသူများကို ဖြိုခွင်းခဲ့ကြသည်။ ၉၀ ရာခိုင်နှုန်းပေးထားသော မဲများမှာ ကတ်တလိုနီးယား လွတ်လပ်ရေး၊ နိုင်ငံတနိုင်ငံအဖြစ် ခွဲထွက်ရေးပင်ဖြစ်သည်။ တနယ် လုံး မဲဆန္ဒပေးနိုင် သူဦးရေ ၇ ဒသမ ၅ သန်း၏ ၄၂ ရာခိုင်နှုန်းပေးခဲ့ကြသည်။

ယခုတော့ စပိန်နိုင်ငံဝန်ကြီးချုပ် မာရီယို ရီဂျိုင်း (Marino Rejoy) အနေဖြင့် အမှားများစွာကို ကျူးလွန်ခဲ့ပြီးဖြစ်သည်။ သူက တိုက်ခိုက်ရန်လိုသော သဘောထားရှိသည်။ ကတ်တလိုနီးယားပြဿနာကို ပြဿနာတခုအဖြစ် ရှုမြင်ပုံမပေါ်၊ သူ့အဖို့ရာမှာ ဆွေးနွေးစရာဘာမှမရှိ၊ ထို့အပြင် ပုလိပ်တို့၏ အပြုအမူမှာ ရိုင်းစိုင်းလွန်းသည်။ လူထုကို ရိုက်နေသည့်ပုံများ၊ ရာဘာကျည်ဆံ များဖြင့် အကြမ်းဖက်ဖြိုကွဲနေပုံကို မိုဘိုင်းဖုန်းနှင့် သတင်းထောက် များ၏ ကင်မရာ များကတဆင့် ကမ္ဘာက ချက်ခြင်းသိကြပြီး ဖြစ်သည်။

သို့သော်လည်း အခြေခံအချက်အလက်များမှာ ရီဂျိုင်း မှာမှန်ကန်နေပါသည်။ ဆန္ဒခံယူပွဲသည် တရားဝင်မဟုတ်၊  ၁၉၇၅ ဖရန်ကို၏ စစ်အစိုးရကျဆုံးချိန်မှ စပြီး စီးပွားရေးဖွံ့ဖြိုးတိုးတက်လာသော စပိန်နိုင်ငံတွင်ဤလုပ်ရပ်မှာ ဥပဒေကို ချိုးဖောက် ရာ ရောက်သည်။

ပူဒီမောင့်က ကတ်တလန်နိုင်ငံ အုပ်ချုပ်ရေးမှုးအနေဖြင့် ဘာမှပြင်ပြင်ဆင်ဆင်မရှိဘဲ ဤဆန္ဒခံယူပွဲကို ကျင်းပခဲ့ ခြင်းဖြစ် သည်။ စပိန်ဗဟိုအစိုးရကို ဗြောင်ကျကျ ဆန့်ကျင်ခြင်းပင်ဖြစ်သည်။ အလွတ် သဘောမဲဆန္ဒထောက်ခံ ရာတွင် ကတ်တလန် ပြည်သူတ၀က်နီးပါးက လွတ်လပ်ရေးကို အလိုမရှိကြပေ၊ ပူဒီမောင့်မှာ လွတ်လပ်ရေး ကြေညာဖို့ကို လက်တလုံးသာ လို တော့သော်လည်း ဤအကွဲအပြဲကိုသူက မရည် ရွယ်ခဲ့ပါဟု ဆိုသည်။

ပူဒီမောင့် သည်ပြောဆိုဆွေးနွေးခြင်းဖြင့် ဆွေးနွေးစရာရှိအောင်ဖန်တီးယူသည့် အခွင့်အရေးကိုဖျက် ဆီးသူအဖြစ် နာမည် တွင်ရစ်တော့မည်ဖြစ်သည်။ စပိန်နိုင်ငံကိုဗဟိုကဦးစီးချုပ် ကိုင်မှုမရှိသော နိုင်ငံ၊ ဘာသာအမျိုးမျိုးပြောသည့်နိုင်ငံဖြစ်ရန်စီစဉ်နေသူများအဖို့လက်မခံနိုင် သောအခြေအနေပင်ဖြစ်သည်။

ဥရောပကောင်စီအဖို့လည်း ၀င်ပြောရန်ခက်နေသည်။ ဥရောပကောင်စီသည် ဒီမိုကရေစီ အခြေခံမှုများ ဖြစ်သည့် လွတ်လပ် စွာ စကားပြောဆိုခွင့်၊ လွတ်လပ်စွာစုရုံးပိုင်ခွင့်တို့ကို  ကာကွယ်ရေးပင်ဖြစ်သည်။ တနလာင်္နေ့က ပူဒီမောင့် က ဥရောပ ကောင်စီအနေဖြင့် စပိန်နိုင်ငံကို “နိုင်ငံတကာမှ ညှိနှိုင်းခွင့်ပေးပါ” ဟု ပြောကြားပေစေလိုသည်။ ထိုအချက်မှာမဖြစ်နိုင်ပေ၊ ဤဆန္ဒခံယူပွဲသည်စပိန်နိုင်ငံ ဖွဲ့စည်းပုံဆိုင်ရာ ရုံးက တရားမ၀င်ပါဘူးဟုပြောထားပြီးဖြစ်နေသည်။ ဤသည်မှာ စပိန်နိုင်ငံ၏ ပြည်တွင်းရေးကိစ္စတခု သာဖြစ်သည့် တဖက်ကလည်းနိုင်ငံကို ခွဲဝေပေးပါဟုတိုက်တွန်းရမလို ဖြစ်နေသည်။

၂၀၁၄ ခုနှစ်က စကော့တလန်မှာ လွတ်လပ်ရေးအတွက် ဆန္ဒခံယူပွဲတရပ်ကျင်းပခဲ့သည်။ ထိုစဉ်က ဆန္ဒခံယူပွဲကိုဗြိတိန်နိုင်ငံက အစိုးရကကြီးကြပ်၍ ဆန္ဒခံယူပွဲကျင်းပခဲ့ခြင်းဖြစ်သည်။ အခြေအနေမှာ မတူညီပေ၊ ထိုစဉ်ကဗြိတိန်နှင့်မခွဲခွာဘဲ အတူနေမည်ဟု မဲပေးခဲ့ကြသည်။

ယခုကိစ္စကို ကောင်စီက အရေးယူဆောင်ရွက်လျင် အချို့နိုင်ငံများအနေဖြင့် လွတ်လပ်ရေးကိုတောင်းလာနိုင်သည့် ပြဿ နာများ ရှိနေသည်။ ဘယ်လဂျီယံမှ Flemish များ၊ အီတလီမှ Lombards များ၊ ပြင်သစ်ပြည်မှ Corsican များ နှင့် ရူမေးနီး ယားနိုင်ငံမှ Transylvahians တို့မှာ လွတ်လပ်ရေးကို တပြင်ပြင် ဖြစ်နေကြသည်။

ဥရောပကောင်စီဥက္ကဋ္ဌ ဒေါ်နယ်ထရပ် (Donald Tusk) ကတနလာင်္နေ့က ပြောကြားရာတွင် သူသည် “စပိန်ဝန်ကြီးချုပ် နှင့်စကားပြောပြီးပြီ ဖြစ်ကြောင်း သူကတရားဥပဒေကြောင်းသာ မှန်ကန်မှုရှိနေသည်။ ထပ်မံ၍သွေးထွက်သံယိုမဖြစ်စေရန် သာ ထိန်းသိမ်းပါ “ ဟု ပြောကြားခဲ့သည်။

ပြင်သစ်ဝန်ကြီးချုပ် မာကရွန်ကလည်း စပိန်ဝန်ကြီးချုပ်နှင့်စကားပြောအပြီး စပိန်၏အခြေခံဥပဒေကို ထိမ်းသိမ်းရေးကို သဘောတူညီကြောင်း အီလက်စီနန်းတော်မှ ကြေညာချက်တစောင်ထုတ်ပြန်လိုက်သည်။

ကော့စိုဗိုနိုင်ငံ လွတ်လပ်ရေးကို ကြည့်လျင် အဖွဲ့ဝင် ၂ဂ ဦး ရှိသော ဥရောပကောင်စီတွင် စပိန်အပါအ၀င် ၅ နိုင်ငံက အသိ အမှတ်မပြုကြပေ၊ သူတို့သည် ၂၀၀၈ ခုနှစ်က NATO ၏စစ်ရေး အရပါဝင် စွက်ဖတ်မှုကိုမကန့်ကွက်ကြသည့်တိုင်နိုင်ငံခွဲထုတ်ရေးကိုမှုကန့်ကွက်နေကြဆဲပင် ဖြစ်သည်။

ဘယ်လဂျီယံတွင် Flanders များအတွက် ဖွဲ့စည်းပုံဥပဒေကိုပြင်ဆင်လျက်ရှိသည်။ အစိုးရက တောင်း ဆိုမှုများကို တခုပြီးတခုလိုက်လျောလျက်ရှိသည်။ စပိန်ပြည် Basque နယ်ဒေသတွင် လည်းဆယ်စုနှစ် ချီ၍ လွတ်လပ်ရေးတောင်း ဆိုနေခဲ့ရာ လိုက်လျောမှုများကို အဆင့်ဆင့် ပြုလုပ်ပေးလျက်ရှိသည်။ သူတို့၏စစ်တပ်ကို ETA ဟုခေါ်ပြီး ETA သည်အကြမ်း ဖက်အုပ်စုဝင်အဖြစ် ကျေညာခြင်းခံရသည်။ ETA ၏နိုင်ငံရေးဆိုင်ရာအဖွဲ့အစည်းမှာ Herri Batasuna ဟုခေါ်သည်။

အိုင်ရစ်ရီပါတ်ပလစ်အဖွဲ့လိုပင် နောက်ဆုံးတွင် ETA က လက်နက်စွန့်လိုက်သဖြင့် သဘောတူညီမှုရ လိုက်သည်။ စပိန်တို့ ထံမှ လိုက်လျောမှုများစွာတွင် Tax ကောက်ရာတွင် ၀င်ပြီးပြောဆိုပိုင်ခွင့်များပါရှိသည်။

ထိုသို့ လိုက်လျောမှုများကိုလျော့ပေးခြင်းဖြင့် နယ်တခုသည် လွတ်လပ်ရေးကြေညာသည်မှအပ ကျန်သည့် လုပ်ပိုင်ခွင့်များ အားလုံး ရရှိသွားနိုင်ကြသည်။

(၃)
မြို့တော် မဒရစ်တွင်လည်းကက်တလန် နိုင်ငံခွဲထွင်မသွားရေးအတွက်ဆန္ဒပြနေကြသည်။ အကယ်၍ခွဲထွက်သွား ပြီဆိုလျင် ကက်တလိုနီးယားက ဥရောပကောင်စီကိုဝင်လိုကြောင်းပြောထားရာစပိန်တရားလွှတ်တော်က ဆုံးဖြတ်ချက်ကြောင့် အဖွဲ့ ၀င်အဖြစ် လက်ခံရန် အခက်အခဲများရှိနေသည်။

ကိုသန်းလွင်
Ref: Catalan Separation puts E,U in a bind, Steven Erlanger New York Tims October 4 20171


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Similar Posts