မောင်ရင်ငတေ ● အမ်ဝမ်း အမြန်လမ်းမကြီးပေါ်က အဝါရောင် ရေဂျီယိုဂျက်
(ပင်လယ်မရှိသောမြေသို့ စာစုများ)
(မိုးမခ) သြဂတ်စ် ၁၅၊ ၂၀၁၇
ကားကြီးဂိတ်ဝင်းထဲ တပတ်ပတ်ရှာမေး၊ သူတို့ လမ်းညွှန်ချက်အရ လမ်းတဘက်ကိုကူး လိုက်ပို့လေ သူတွေနဲ့ ပိုက်စိတ်တိုက် လိုက်ရှာလိုက်တော့ မိုင်ဝက်လောက်ပတ်မိမှ ရှာတွေ့ပါတယ်။ ကားဂိတ်ကို၊ တကယ့်ကားဂိတ်ဝင်းကြီးထဲမှာ ဂိတ်မရှိတဲ့ အဝါရောင် ရေဂျီယိုဂျက် စတူးဒန့်အေဂျင်စီ ကားရပ်နားရာကတော့ လမ်းဆုံတဘက်က ဘတ်စ်ကားမှတ်တိုင်သာသာမှာပါ၊ မှတ်တိုင်အနီးမှာတော့ အအေးဆိုင်လေးတဆိုင်တော့ ခြောက်ကပ်ကပ်နဲ့ ရှိနေလေရဲ့။
လမ်းနဘေးက ရေဂျီယိုဂျက် စတူးဒန့်အေဂျင်စီ ကားကြီးဂိတ် (ဓါတ်ပုံ မရငတ)
မေးမြန်းကြည့် သေချာပြီဆိုမှ လွယ်လာတဲ့ ကျောပိုးအိတ်တွေကိုချ လိုက်ပို့ကြသူနှစ်ဦးကို ဘာစားမလဲ ဘာသောက်မလဲ မေးပြီး ဆိုင်ရှင် ဟန်ဂေရီးယန်းသူကို ဘာရမလဲ မေးလိုက်ပါတယ်။ နံရံမှာကပ် မီနူးတွေအရကတော့ ဆန်းဒဝစ်တို့ ပေါင်မုန့် မီးကင်တို့ ဥရောပခေါက်မုန့်တို့ ပါနီနီတို့ပီဇာတို့ အသေးစား ရယ်ဒီမိတ် မီးအပူပေးရုံနဲ့ စားလို့ရတဲ့ စားစရာလေးတွေ ပါဝင် နေပေမယ့် ပြန်နွှေး မီးအပူပေးတဲ့ စက်ကမကောင်းလို့ ဘာမှမရပါဘူးတဲ့၊ အဲဒါနဲ့ လွယ်လွယ်ရတဲ့ အအေးမှာပေးပြီး မောင်ရင် ငတေတို့ ကတော့ စည်ဘီယာ အေးအေးနဲ့ ဘူဒါပက်ရဲ့ နေအပူကို အန်တုရပါတယ်။ ဟန်ဂေရီရဲ့ စည်ဘီယာ ဈေးနှုန်းက လည်း ငါးဆယ်စီစီတခွက်ကိုမှ နှစ်ယူရိုအောက်သာသာရှိနေလေတော့ ရောက်ခဲ့ဖူးပါတဲ့ ဥရောပတလွှားမှာ ဈေးအသက် သာဆုံးလို့သာဆိုရမှာမို့ အားပေးရခြင်းပါ။
ခရီးသွားမည့်သူများလည်း အိတ်ကြီးအိတ်ငယ်ကိုယ်စီလွယ်ပြီး ချွေးတလုံးလုံးနဲ့ ရောက်လာကြပါပြီ၊ အားလုံးလိုလိုရဲ့ ပုံပန်း သဏ္ဌာန်တွေက ကားဂိတ် ချက်ချင်းရှာမရလို့ စိတ်မောလူမော ဖြစ်နေကြတဲ့ ပုံစံတူတွေသာပါ၊ မောင်ရင်ငတေကတော့ ခပ်စောစောလေး ရောက်လာခဲ့လို့ရယ် ဘူဒါပက် ဘီယာ ခပ်အေးအေးကြောင့်ရယ် ချွေးတိတ်စ ပြုနေပါပြီ။
လိုက်ပို့ကြသူတွေပြန်သွားပြီး မကြာခင်မှာ ရေဂျီယိုဂျက်အဝါရောင်ကားကြီး နှစ်စီးသုံးစီး ဆက်တိုက်ဆိုသလို ရောက်လာပါ တယ်။ ပထမဝင်လာတဲ့ ကားဝါဝါကြီးက ဆာဘီးယားရဲ့မြို့တော် Belgrade ဘဲလ်ဂရိတ်လို့ခေါ်ကြပါတဲ့ Београд (Beograd) ဘယ်အိုဂရက်ဆီကို ဦးတည်သွားမယ့် ကားပါ။
ခလေးသူငယ်အများအပြားနဲ့ မိသားစုနှစ်စုသုံးစုက အိတ်ကြီးအိတ်ငယ်တွေနဲ့အတူ ကားပေါ်တက်ဖို့ အလုအယက် တွန်းထိုး တန်းစီလို့ နေကြပါတယ်။ မောင်ရင်ငတေလည်း သူတို့နဲ့ ခရီးတူမဟုတ်ဘူးဆိုတော့မှ အနည်းငယ် စိတ်သက်သာရာ ရရှိ သွားပြီး နောက်မှာ ကပ်ထိုးလာတဲ့ ဘရာတီဆလာဗာ ကားပေါ်တက်ဖို့ နေရာယူမိရပါတယ်။ အဲဒီအုပ်စုလိုမျိုးနဲ့ တခရီးတည်း သုံးလေးနာရီသွားရရင် ငိုသူ ယိုသူ အော်သူများတတ်လို့ စိတ်အာရုံနောက်ပြီး မောင်ရင်ငတေ့ ခရီးသွားခြင်းအနုပညာ ဖီ လင်များ အောက်တတ်လို့ပါ၊ တခြားအကြောင်းတော့ မရှိပါဘူး။
ရေဂျီယိုဂျက် စတူးဒန့်အေဂျင်စီ (ဓါတ်ပုံ မရငတ)
ကားပေါ်ရောက်တော့ လူ သိပ်မရှိပါဘူး၊ ထိုင်စရာခုံ အလွတ်တွေ တော်တော်များများ ရှိနေပါတယ်။ အဲဒါနဲ့ နောက်နား သိပ်မရောက်တဲ့ ခုံကိုရွေး နေရာယူပါတယ်။ ကားက နေ့လည် ၁၄ နာရီ ၄၅ မိနစ် အတိအကျ နီးပါး စတင်ထွက်ပါတယ်။ ခရီးလမ်းကြောင်းက အနောက်ကနေ အရှေ့ကို သွားရမှာဆိုတော့ နေကကားခေါင်းတည်ရာမို့လို့ ဘယ်ဘက်ထိုင်ထိုင် ညာ ဘက်ထိုင်ထိုင် နေပူသိပ်မကွာပါဘူး၊ ရှေ့နားကတော့ လူနည်းနည်း များတတ်တာမို့ မောင်ရင်ငတေက လူရှင်းတဲ့ အနောက် ဘက်ကိုသာ ရွေးထိုင်ဖြစ်တာ များပါတယ်။
RegioJet Autobusová Stanica (AS) Mlynské Nivy, Bratislava AS Mlynské Nivy
ဒီကားလိုင်းက RegioJet နဲ့ Student Agency နှစ်ခုပေါင်းပြီး အောင်မြင်လာတဲ့ အလယ်ဥရောပရဲ့ အဝေးပြေး ဘတ်စ် ကားလိုင်းပါ၊ Open Access Operator အဖြစ်အောင်မြင်လာတဲ့ လုပ်ငန်းတခုပါ၊ ချက်ပြည်ထောင်စုမှာ လုပ်ငန်းရုံးချုပ် တည်ရှိပါတယ်။ တည်ထောင်သူကတော့ Radim Jančura ပါ။
၁၉၉၆ ခုနှစ်မှာ အဝေးပြေးဘတ်စ်ကားလိုင်းလုပ်ငန်းကို စတင်ခဲ့ပြီး ၂၀၀၉ ခုနှစ်မှာတော့ RegioJet ကို ထူထောင်ခဲ့ပြီး ရထားပြေးဆွဲခြင်း လုပ်ငန်းကို ပူးတွဲလုပ်ဆောင် အောင်မြင်မှုရရှိလာခဲ့တာပါ။
လက်မှတ်ခကတော့ ကြိုတင်ဝယ်ထားတာကြောင့်ရော ဒီ အလယ်ဥရောပဒေသတွေရဲ့ ကုန်းလမ်းပို့ဆောင်ရေး လက်မှတ်ခ တွေက အနောက်ဥရောပထက် သက်သာတာကြောင့်ရော ၁၀ ယူရိုမျှသာ ပေးဝယ်ခဲ့ရပါတယ်။ ကီလိုမီတာ နှစ်ရာကျော် ခရီးကို ဆယ်ယူရိုဆိုတာက တန်တယ် ပြောရမှာပါ။
၂၀၁၀ ခုနှစ် နောက်ပိုင်းမှာ ဥရောပ ကုန်းလမ်းခရီးသွားလုပ်ငန်းတွေကို လက်ဝါးကြီးအုပ်ချယ်လှယ် စိုးမိုးနေတဲ့ Eurolines ယူရိုလိုင်း တလိုင်းသာ ရှိနေရာကနေမှ (ဂျာမဏီရဲ့ Deutsche Touring တို့ ယူကေရဲ့ National Express Group တို့ ရှိခဲ့ပေမယ့် သိပ် မထင်ပေါ်လှပါဘူး၊) ဥပဒေတွေပြောင်းလဲလိုက်နိုင်ခဲ့လို့ အခုအခါမှာတော့ လိုင်းသစ်တော်တော်များများ ပေါ်ပေါက်လာတယ် ပြောရမှာပါ။
အဲဒီလို လိုင်းတွေထဲမှာ အလယ်ဥရောပရဲ့ မူလလက်ဟောင်း ရေဂျီယိုဂျက် လိုင်းကလည်း တစစနဲ့ ပိုမိုထင်ပေါ်လာတဲ့လိုင်းပါ၊ ဂျာမဏီရဲ့ Flixbus (MeinFernbus) အစိမ်းရောင် ဘတ်စ်လိုင်းကတော့ ဈေးကွက် တော်တော်များများကို ဈေးသက်သာစွာနဲ့ ထိမ်းချုပ်နိုင်နေပြီ ဆိုတာကိုတော့ နောက်များ အလျဉ်းသင့်လို့ ထပ်မံ စီးဖြစ်ခဲ့ရင် ရေးဖို့ကြိုးစားပါဦးမယ်၊ ၂၀၁၁ ခုနှစ်မှာ မြူးနစ်မြို့မှာ စတင်တည် ထောင်ခဲ့ပြီး ကိုယ်ပိုင်ဘတ်စ်ကား တစီးမှမရှိတဲ့ လိုင်းတလိုင်းက ဥရောပ အမြန်လမ်းမကြီးတွေပေါ် မှာ တနေ့ တနေ့ ခရီးသည် ခွန်နှသောင်းကျော် ရှစ်သောင်း (တနှစ်မှာ သန်း ၃၀ လောက်) ပို့ဆောင် ပေးနေနိုင်တယ် ဆို တာကတော့ ဘယ်လို ဘယ်လိုများ ဘယ်သူ ဘယ်သူတွေများ နောက်ကွယ်က ကြိုးကိုင်ချယ်လှယ်နေကြပါသလဲဆိုတာ သံသယရှိစရာပါ၊ ခုတော့ ရေဂျီယိုဂျက်အကြောင်းကိုသာ ဟန်ဂေရီရဲ့ အမ်ဝမ်း အမြန်လမ်းမကြီးနဲ့ မြင်ရကြုံခဲ့ရတာတွေကို ဆက်စပ် ရေးဖို့ ကြိုးစားပါမယ်။
ဒါပေမယ့်လည်း မောင်ရင်ငတေတို့လို သာမန်ခရီးသွားတွေအတွက်ကတော့ တီဂျီဗွီလို အိုင်စီအီးလို တာလေလို ယူရိုစတား လို အမြန်ရထား ဈေးနှုန်းကို လိုက်မမီနိုင်သူတွေအတွက် ဟိုနားဒီနား ကီလိုမီတာ နှစ်ရာသုံးရာ အဝေးကို ယူရိုကိုးကျပ်တ ဆယ်နဲ့ သွားလို့ရနေတဲ့ အဲဒီ အစိမ်းရောင် အဝါရောင် အပြာနုရောင် လိုင်းကားတွေကိုစီးရင်း ဒိုးရတော့မယ်အချစ်ရေ စာသားကို သတိတရအော်ကြရင်းနဲ့ သူတို့တတွေကို အားကိုးရတာ အမှန်ပါ၊ ဈေးကလည်း သာမန် အချိန်တွေမှာ ကြိုတင် ဝယ်ထားရင် ယူရို တဆယ် မပြည့်ပါဘူး၊ တခါတလေများ ကီလိုမီတာ တရာ့ငါးဆယ် နှစ်ရာခရီးကို အသွား လေး ငါးယူရို အပြန်တော့ လျှော့ဈေး တယူရိုတန်ခရီးတွေ ရှိတတ်ကြောင်းပါ၊ အခုတော့ စီးသူကများလာ သိသူများလာလို့ ငါးကျပ်တန် ခရီးတွေက လူသူမသွားတဲ့ အချိန်အခါမျိုးတွေမှာသာ ရှိပါတော့တယ်။
Margit-sziget (Margaret Island) Middle of the Danube in Budapest (ဓါတ်ပုံ မရငတ)
ကားဂိတ်က စထွက်လာပြီး သိပ်မကြာခင်မှာ ဒန်ညုမြစ်ကို ဖြတ်ကျော်ပါတယ်။ ဟန်ဂေရီ သို့မဟုတ် သူတို့ဒေသခံတွေအခေါ် Magyarország မာဂရာရိုရာဆတ်ဂ်ရဲ့မြို့တော်ကြီးကို ကျောခိုင်းထွက်ခွာ လာခဲ့ခြင်းပါ၊ မောင်ရင်ငတေ့အတွက် ရှန်ဂန်ဧရိ ယာဝင် နိုင်ငံတွေထဲက မရောက်ဖူးသေးသော နိုင်ငံ နှစ်နိုင်ငံ နယ်စပ်ကို ဖြတ်ကျော်ကူးသန်းမယ့် ဘတ်စ်ကားစီး ခရီးတခုပါ ခင်ဗျာ။
ဘူဒါပက်တခွင်အနှံ့ ကြိုဆိုဧည့်ခံ လိုက်လံပို့ဆောင်ပေးခဲ့ကြတဲ့ ရန်ကုန်တက္ကသိုလ် အိုင်အာဌာနက ဆရာနဲ့ မန်းတက္ကသိုလ် သမိုင်းဌာနက ဆရာမအပါအဝင် ညစာ ဗမာဟင်းမျိုးစုံလင်စွာနဲ့ တည်ခင်း ဧည့်ခံခဲ့တဲ့ ယူအန်ရုံးမှ အန်တီကြီးကို ဒီနေရာ ကနေ သတိတရနဲ့ မှတ်တမ်းတင်မိရင်း အန်တီကြီးရဲ့ အမျိုးသား လဘနွန်သားကြီးရဲ့ ဟန်ဂေရီယန်ဝိုင် သြစတြီးယန်းဝိုင် အကြောင်း သိကောင်းစရာတွေ ကြားနာခွင့်ရခဲ့တာကိုလည်း ဒီနေရာကနေ မှတ်တမ်းတင်လိုက်ရကြောင်းပါခင်ဗျား။
Köszönöm ကျေးဇူးအများကြီးပါ Magyarok တို့ရေ။
အဲဒီလို စိတ်ကူးထဲမှတ်တမ်းတင်ရင်း ခပ်ဝေးဝေးမှာတဖြေးဖြေး မှုန်ဝါးဝါးကျန်ခဲ့တဲ့ Szabadság Híd ခေါ် Liberty Bridge ခေါ် အစိမ်းရောင် ရှေးဟောင်းတံတားကြီးကို လွမ်းစရာတွေနဲ့အတူ ထားခဲ့ရပါပြီ၊ မနေ့ ညနေစောင်းက ဒီတံတားကြီးနား အချိန်တော်တော်ကြာ ရှိနေခဲ့တာတွေကလည်း အတိတ်အဖြစ် ကျန်နေခဲ့ပါပြီ၊ မရောက်ဖူးသေးတဲ့ နေရာသစ်တနေရာကို ဆက်လက်ချီတက်ဖို့ ပြန်လည်၍မျက်စေ့ ခဏမှိတ် အားမာန်သွင်းရင်း တချက်မျှ ငိုက်မြည်းရင်း လိုက်ပါလာခဲ့ပါတော့တယ်။
M1 Autópálya Motorway (Hungary) ဘူဒါပက် Rajka မှ ဘရာတီဆလာဗာသို့
လေးငါးမိနစ်ကျော်မျှ ငိုက်မြည်းပါလာရင်း ကားအလှုပ်မှာ ဖျတ်ကနဲ မျက်လုံးဖွင့်ကြည့်လိုက်မိတော့ ကားက အမြန်လမ်းမပေါ် မှာ အနည်းငယ် အရှိန်တင် မောင်းနေပါပြီ၊ ဟန်ဂေရီနိုင်ငံရဲ့ နံပါတ် (တစ်) အမြန်လမ်းမကြီးဖြစ်တဲ့ Autópálya Motorway M1 ပေါ်မှာပါ၊ ဒီလမ်းမက Budapest ကနေ Győr မှတဆင့် သြစတြီးယားမြို့တော် Vienna ဗီယန်နာကို သွားတဲ့ အမြန် လမ်းမကြီးပါ၊ ဟန်ဂေရီပြည်ရဲ့ အဓိကအရေးကြီးဆုံး ကုန်သွယ်ရာလမ်းကြောင်းဆိုလည်း မမှားပေဘူး၊ နှစ်လမ်းမောင်း လေးလမ်းသွား အမြန်လမ်းမကြီးဖြစ်ပြီး တချို့နေရာတွေမှာတော့ ပြုပြင်တိုးချဲ့နေဆဲပါ။
M1European Route E60 E65 E75 (ဓါတ်ပုံ မရငတ)
European Route အနေနဲ့ဆိုရင်တော့ ဒီ ဟန်ဂေရီ M1 လမ်းမကြီးက E60 E65 E75 တို့ရဲ့ အစိတ်အပိုင်းတွေပါ၊ မောင်ရင် ငတေတို့က ဘရာတီဆလာဗာကိုသွားမှာဆိုတော့ M1 အဆုံး မရောက်ခင် Rajka လမ်းဆုံမှာ ညာဘက်ကိုချိုး မြောက်ဘက် ကိုသွားတဲ့ M15 အတိုင်း ဆက်သွားရမှာပါ။
ဥရောပ မြေပေါ်က အမြန်လမ်းမတွေကို သက်ဆိုင်ရာနိုင်ငံများက တနိုင်ငံချင်းအနေနဲ့ သူတို့ နဂိုရှိပြီးသား သတ်မှတ်ပေး ထားပြီးတဲ့အတိုင်း လမ်းမ အမှတ်တစ် နှစ်သုံးဆိုပြီး ရေးသားလို့ ဆက်လက် အသုံးပြုနေသလို ဥရောပတတိုက်လုံးက လမ်း တွေကိုလည်း အနောက်ကအရှေ့ မြောက်ကတောင် သွယ်တန်းလို့ European Route ဆိုပြီး အစိမ်းရောင် သင်္ကေတ လမ်းဆိုင်းဘုတ်တွေကိ်ု သတိထား ကြည့်မယ်ဆိုရင် တွေ့မြင်နိုင်ပါတယ်။ အီး ၆၀ လို စုံဂဏန်းလမ်းမကြီးတွေက အရှေ့က အနောက်သို့သွားတာ ဖြစ်ပြီး အီး ၆၅ တို့ အီး ၇၅ တို့လို မဂဏန်းတွေကတော့ တောင်ကနေ မြောက်ဘက်ဆီသို့ ဦးတည်လို့ သွားတာ ဖြစ်ပါတယ်။
ဘူဒါပက်အထွက် အမ်ဝမ်းလမ်းမကြီးကို European Route E60 အီး ၆၀ အဖြစ် သတ်မှတ်ပါတယ်။ ကီလိုမီတာ ရှစ်ထောင် (မိုင်ငါးထောင်နီးပါး) ရှိပြီး ဥရောပရဲ့ ဒုတိယ အရှည်ဆုံးလမ်းလို့ ဆိုပါတယ်။ ပြင်သစ် အနောက်မြောက်ဖျားစွန်း အတ္တလန် တစ်သမုဒ္ဒရာ ကမ်းခြေကနေ ဥရောပ နိုင်ငံပေါင်း ၁၂ နိုင်ငံကို ဖြတ်သန်းသွားပြီး တရုတ်အနောက်မြောက်ဖျားစွန်းက Erkeshtam နယ်စပ်ထိ ရောက်မယ့် လမ်းကြောင်းပါ၊ ဒီကနေ့ ဥရောပ အမြန်လမ်းမကြီးတွေထဲမှာ Classe A အဆင့်ဝင် အကောင်းဆုံး လမ်းမကြီးပါ၊ သို့ပေမယ့် အရှေ့ဥရောပ ရိုမားနီးယားတို့ ဂျော်ဂျီယာတို့ကို ကျော်လွန် သွားရင်တော့ လမ်း တွေက သာမန်အဆင့်သာ များပြားသလို ပင်လယ်နက်နဲ့ ကာစပီယန် ပင်လယ်တွေကိုလည်း ဖယ်ရီတွေနဲ့ ကူးဖို့ မလွယ်လှ သေးသမို့ European Route တွေထဲမှာ အရှည်ဆုံးလို့ ပြောဖို့ခက်လှပါတယ်လို့သာ မောင်ရင်ငတေ ယူဆမိကြောင်းပါ။
E65 က ဆွီဒင်ကနေ ပင်လယ်ကူး ပိုလန် ချက် ဆလိုဗားကီးယား ဟန်ဂေရီတို့ကို ဖြတ်သန်းသွားပြီး နောက် ဂရိမှာ ဂိတ်ဆုံး မှာပါ၊ E75 ကတော့ နော်ဝေး မြောက်ဖျားစွန်းကနေ ဖင်လန်မှာ ပင်လယ်ကူး ပြီး ပိုလန် ချက် ဆလိုဗားကီးယား ဟန်ဂေရီ တို့ကို ဖြတ်သန်းသွားပြီးနောက် သူလည်း ဂရိပြည်မှာပဲ ဂိတ်ဆုံးမှာပါ၊ လမ်းကြောင်းတွေကတော့ အရှေ့ခြမ်း အနောက်ခြမ်း ကွာပြီး တူလိုက်မတူလိုက်ပါ။
ရာသီဥတုကတော့ မိုးမရွာ နေသိပ်မပူပါဘဲ သာသာယာယာပါ၊ ဥရောပအရှေ့ခြမ်းက တောင်ခြမ်းနဲ့ ယှဉ်ကြည့်ရင် အအေး ဓါတ် အနည်းငယ်ပိုမိုပါတယ် ပြောရမှာပါ၊ မောင်ရင်ငတေတို့ သွားခဲ့တဲ့နေ့က ဧပရယ်လ တရက်နေ့ပါ၊ နွေဦးရာသီသို့ ဝင်နေပြီဆိုပေမယ့် ဆောင်းနှောင်းနှင်းကြွင်းအကျန်တဝက် မိုးတဝက်နဲ့ နွေနေအပူကို ဟုတ်တိပတ်တိ ကောင်းကောင်း မရသေးပါဘူး၊ ဒါပေမယ့် မိုးက တစက် နှစ်စက်လောက်သာကျတာဖြစ်လို့ ကံကောင်းသေးတယ် ဆိုရမှာပါ၊ ဒီဒေသကလည်း ဒန်ညုမြစ်ဝှမ်း မြေပြန့်လွင်ပြင် ဖြစ်ပြီး Western Carpathians တောင်တန်းမြင့်မြင့်များနဲ့ အလှမ်းဝေးလို့ နွေဆိုရင် နှင်းပျောက်တတ်တဲ့ နေရာပါ၊ Budaörs ကို ကျော်လာတော့ အိမ်ဆက်ပြတ်ပါပြီ။
E60 သို့မဟုတ် M1 လမ်းမကြီးဘေး မြင်ကွင်းတွေကတော့ သိပ်ထူးခြားမှု မရှိလှပါဘူး၊ စိုက်ခင်းစိမ်း ဝါနီညိုတွေကိုတော့ ထုံးစံအတိုင်း လမ်းတလျှောက် အဆက်မပြတ်ဆိုသလို တွေ့မြင်ရပါတယ်။ တခုကတော့ နည်းနည်းထူးခြားတယ် ပြောရမ လားပါ၊ စိုက်ခင်းတွေယာခင်းတွေကြားမှာ ကြော်ငြာဘုတ် ကြီးတွေ အတော်များများ တွေ့ခဲ့ရတာပါ၊ အဲဒါမျိုးတွေက ပြင်သစ်တို့ ဂျာမဏီတို့ နယ်သာလန်တို့မှာ တွေ့မြင်ရခဲသမို့မှလား၊ နည်းနည်း ထူးခြားတယ် ပြောမိရတာပါ၊ နောက်မကြာခင် ဒီအနောက်ဘက် ခြမ်းကိုများ ကူးများ ကူးစက်လာလေမလား စိုးရိမ်မိရကြောင်းပါ ခင်ဗျား။
အဲဒီလို ဆိုင်းဘုတ်ကြီးတွေကို တွေ့မိရတော့ ဘန်ကောက်တို့ ထိုင်းတုိ့ကိုတောင် အမှတ်ရမိပါတယ်။ အဲဟိုမှာက ဒီထက်ပိုဆိုး တယ်မှလား၊ သေသေချာချာ အခိုင်အမာနဲ့ ကြော်ငြာဆိုင်းဘုတ်ကြီးတွေကို တောကျေးလက်လမ်းရော မြို့အဝေးပြေးလမ်းမကြီးတွေမှာ နေရာအနှံ့ တွေ့မြင်ရမှာပါ။
E60 သို့မဟုတ် M1 လမ်းမကြီးဘေး (ဓါတ်ပုံ မရငတ)
ဒီမှာကတော့ အဆက်မပြတ်ဆိုပေမယ့် ထိုင်းလမ်းမတွေမှာလို သိပ်များလွန်းနေတယ်တော့ မဟုတ်သေးပါဘူး၊ မောင်ရင် ငတေလည်း အဲလို စိုက်ခင်းကာလာစုံကြားက ကြော်ငြာဆိုင်းဘုတ်ကြီးတွေကို ကြည့်ရင်း မှတ်တမ်းပြုရင်း ရေဂျီယိုဂျက်ရဲ့ သယ်ဆောင်ရာကို လိုက်ပါလာခဲ့ပါတယ်။
ဒီဒေသက ၁၉၅၀ ၆၀ ၇၀ နှစ်များ အခါက သမဝါယမတို့ ဆိုရှယ်လစ်ခေတ်ပြောင်းတော်လှန်ရေးတို့ လက်မှုလယ်ယာမှသည် စက်မှုလယ်ယာတို့ စတင်ထွန်းကားခဲ့ရာ နယ်မြေတွေပါ၊ အဲဒီ အောင်မြင်မှု အသင့်အတင့်ရဲ့ အကြွင်းအကျန်တွေကြောင့် အနောက် ဥရောပကို မမှီပေမယ့် အရှေ့ဖျား ဥရောပ ထက်တော့သာတဲ့ အနေအထားမှာ ရှိနေပါတယ်။
အနောက်ဥရောပရဲ့ လမ်းနဘေး စိုက်ခင်းတွေကို တွေ့ဖူးနေကျ မောင်ရင်ငတေကတော့ ဒီစိုက်ခင်းတွေကိုကြည့်ပြီး တနေရာ ရာမှာ နည်းနည်းတော့ လိုနေသေးတယ်လို့ ထင်မြင်ယူဆမိရကြောင်းပါ။
ဒီနေရာမှာ မောင်ရင်ငတေရဲ့ ခရီးတွေသွားရင်း တွေ့ကြုံမြင်မိခဲ့ရတဲ့ ကိုယ်ပိုင်အမြင်ကို ထည့်ပြောရ မယ်ဆိုခဲ့ရင် တော်တော် တော့ ကွာဟပါသေးတယ်။ ဘယ်လို ဘယ်ပုံနည်းနဲ့ ကွာဟပါတယ်လို့တော့ ပညာရှင်တွေလို သီအိုရီအရတွက်ချက်ပြီး မောင်ရင်ငတေ ပြောမပြတတ်ပါဘူး၊ သေချာတာတခုက မျက်မြင်အတွေ့အကြုံများနဲ့တင် အတော်ကြီး ကွာဟနေသေး ကြောင်းကိုသာ ပြောချင်မိပါတယ်။
Komárom- Komárno နယ်ခြားသို့ (ဓါတ်ပုံ မရငတ)
ကားလမ်းက ဒန်ညုမြစ်ရဲ့ တောင်ဘက်ခြမ်းကနေ ယှဉ်လို့ ဖောက်ထားတာ ဖြစ်ပေမယ့် ခပ်ဝေးဝေးမို့ မြစ်ကိုတော့ မြင်တွေ့ ရခြင်း မရှိပါဘူး၊ အကယ်၍ ကိုယ်ပိုင်ကားနဲ့သာ မောင်ရင်ငတေရဲ့စိတ်ကြိုက်တောကျေးလက်လမ်းလေးတွေကသာ သွား ခွင့်ရခဲ့ရင်တော့ ဒီထက် ပိုမိုလှပ အေးချမ်းသာယာမယ့် ဟန်ဂေရီနဲ့ ဆလိုဗားကီးယား နယ်ခြား ဒန်းညုမြစ်ရိုးရဲ့ သဘာဝ မြင်ကွင်းတွေကို တွေ့မြင်နိုင်မှာပါ။
ဒါပေမယ့်လို့ ခရီးသွားခြင်းကို အများအားဖြင့် လိုင်းဘတ်စ်ကားသာ အားထားရ ဖက်တွယ်ထားရတဲ့ မောင်ရင်ငတေအဖို့ အဲဒီလောက် မြင်ကွင်းတွေနဲ့သာ တန်ရာတန်ရာ ကျေနပ်မိရ ပါတယ်။ ကားကြီး ကားကောင်းတွေနဲ့သွား လမ်းတလျှောက် အိပ်ငိုက်နေတတ်သူတွေနဲ့စာရင် ကျေနပ်ရခြင်းပေ့ါ။
ဟိုးခေတ်က စီးခဲ့ဖူးတဲ့ ကုန်တဝက် လူတဝက်တင် ဘတ်စ်ကားအိုကြီးတွေ၊ ကုန်းလမ်းပို့ဆောင်ရေး (ကပရ) ဟီးနိုးကား ယိုင်နဲ့နဲ့တွေ၊ တီအီး အီလဲဗန်းလို ကုန်ကား နောက်ခန်းတွေ၊ ဟိုင်းလက်ကားရဲ့ ခေါင်မိုးပေါ်တွေ ပုံစံမျိုးစုံ ဇရက်မင်း စည်း စိမ်ခံရင်း စီးခဲ့ဖူးပါတယ်။ အဲဒီလို ခရီးသွားကားတွေ စီးခဲ့ဖူး တာနဲ့ နှိုင်းစာရင် အခုဟာက အရမ်းကို ကောင်းနေတာမို့ ကျေနပ် နေတတ်တာလည်း ပါပါလ်ိမ့်မယ်။
ဒီကနေ့ခေတ် နောက်ပေါက်လေးတွေနဲ့တော့ တွေ့ကြုံဖြတ်သန်း ခံစားရပုံကတော့ ဘယ်တူပါ့မလဲ။
RegioJet နဲ့ Student Agency (ဓါတ်ပုံ မရငတ)
ချောမွေ့နေတဲ့ နိုင်လွန်ကတ္တရာ လမ်းမကြီးတလျှောက် တငြိမ့်ငြိမ့်တသိမ့်သိမ့် ပြေးလွှားနေတဲ့ မိုးလုံ လေလုံ အအေးလုံ အပူလုံ မှန်လုံ ဘတ်စ်ကားသစ်ကြီးပေါ်မှာ ကော်ဖီခါးခါးလေး တကျိုက်မော့ရင်း တယ်လီဖုန်းဘက်ထရီအားသွင်းကြိုး တန်းလန်းချိတ် တွေ့သမျှ လမ်းဘေးမှတ်တမ်းတင်ရင်း ဝိုင်ဖိုင်ကောင်းကောင်းနဲ့ ကိုယ်ပိုင်ချယ်နယ် တိုက်ရိုက်လွှင့်တင်နိုင် နေပါတဲ့ ဒီခေတ်ကြီးမှာ ဘာတွေကိုများ မကောင်းပြောရဦးမလဲလေ။ မောင်ရင်ငတေကတော့ နိုး .. ကွန်ပလိန်းပါ။
မှန်ပါတယ် ဒီ ရေဂျီယိုဂျက်ရဲ့ ကားအဆင့်အတန်းကလည်း မဆိုးဘူးလို့ ပြောလို့ရပါတယ်။ အမြင်ပိုင်း ဆိုင်ရာမှာ ကောင်း မွန်သပ်ရပ် သန့်ရှင်းပါတယ်။ အိမ်သာလည်း ကောင်းပါတယ်။ ကော်ဖီလည်း တခွက်တိုက်ပါတယ်။ ထပ်သောက်ချင် လည်း တောင်းသောက် နိုင်ပါတယ်။ ကားစက်လည်း မပျက်ပါဘူး၊ လမ်းတွေက ကားသိပ်မကျပ်လို့ အချိန်လည်း မှန်ပါတယ်လို့ ပြောလို့ရပါတယ်။ အဲ .. ဝိုင်ဖိုင်ကတော့ပါတယ် ဆိုရုံလေးပါ၊ ကွန်နက်ရှင်က မကောင်းလှပါ၊ ရသလောက်ပေ့ါလေ။
လမ်းနဘေး ရွာလေးတွေကတော့ နေချင်စဘွယ်ရှိပေမယ့် တိတ်တိတ်ဆိတ်ဆိတ်နဲ့ လူခြေတိတ်တဲ့ ရွာကလေးတွေသာပါ၊ မောင်ရင်ငတေ ရောက်ဖူးတွေ့ဖူးသမျှ တောင်မြောက် ရှေ့နောက် ဥရောပက သူတို့တတွေရဲ့ လယ်ယာဥယျာဉ်ခြံမြေ စိုက်ပျိုးရေး လုပ်ငန်းခွင်တွေမှာ လူအင်အားများများနဲ့ တခါ ဖူးမျှမတွေ့ရှိဖူးပါဘူး၊ လူနည်းနည်း စက်ကျဲကျဲသာဆိုလို့ရပေမယ့် လည်း မြေကွက်လွတ်ဆိုတာ တွေ့ မြင်ရခဲပါတယ်။ စိုက်ပျိုးခင်း မတွေ့ရရင် ခပ်ပါးပါး တောအုပ်တန်းလေးတွေတော့ ရှိနေ တတ်မြဲပါ။
မောင်ရင်ငတေကတော့ စိုက်ခင်းပျိုးခင်းတွေရဲ့ ရောင်စုံသွေးစုံအပေါ်ယံအလှမှာသာ ယစ်မူးနေရင်း တောင်မြောက်ရှေ့နောက်စိုက်ခင်းတွေက အထွက်နှုန်း ကောင်းရဲ့လား၊ မျိုးစိတ်မျိုးရင်း မှန်ရဲ့လား၊ ဆေးဝါးသန့်ရဲ့လား ဈေးကောင်းရောရကြရဲ့ပါလား စသဖြင့် မတွေးအားခဲ့ပါဘူး၊ သီးနှံတွေ စိမ်းလို့စို နေတာ သီးနှံတွေ မှည့်လို့ဝါနေတာ မြင်ရတွေ့ရရင် စိတ်ချမ်းသာတတ်ရုံပါ ခင်ဗျာ။
Győrújbarát- Győr (ဓါတ်ပုံ မရငတ)
မောင်ရင်ငတေလည်း လမ်းဘေးဝဲယာကြည့် တငြိမ့်ငြိမ့်နဲ့ထွေရာလေးပါးတွေးရင်း စဉ်းစားလာရာက အိမ်ခြေနည်းနည်း နည်းနည်းနဲ့ ရွာကလေးတွေ စိတ်လာတာကို သတိပြုလိုက်မိရပါတယ်။ ဟန်ဂေရီ နိုင်ငံ အနောက်မြောက်ဒေသရဲ့ အကြီးဆုံးမြို့ Győr နယ်ထဲ ချည်းနင်းဝင်ရောက်လာတာပါ။
Győr ခေါ် Ráb မြို့က ဟန်ဂေရီရဲ့ ဆဋ္ဌမမြောက် အကြီးဆုံးမြို့သာဆိုပေမယ့် သိပ်ကြီးကြီးမားမား ဟုတ်ဟန်မတူပါဘူး၊ Győrújbarát လမ်းဆုံနဲ့ဘူဒါပက်က ကီလိုမီတာ ၁၂၀ ကျော် ကွာဝေးတာပါ၊ ဘူဒါပက်ကနေ ဗီယန်နာ ဘရာတီဆလာဗာ သွားရာလမ်းရဲ့ ခရီးတထောက်မြို့ ဆိုရင်လည်း မမှားပါဘူး၊ Rába မြစ်လေးနဲ့ ဒန်ညုမြစ် ဆုံတွေ့ရာ မြစ်ဆုံနဲ့ မနီးမဝေးမှာ တည်ရှိတာပါ။
Győrújbarát လမ်းဆုံကိုကျော်လာတော့ ကားလမ်းက ဒန်ညုမြစ်ကွေ့သွားသလို အနောက်မြောက် ဘက်သို ဦးတည်ပါ တယ်။ E60 E75 သို့မဟုတ် M1 လမ်းမကြီးအတိုင်း နောက်ထပ် ကီလိုမီတာ ၅၀ လောက် မောင်းလာလိုက်တော့ ဗီယန်နာ ဘရာတီဆလာဗာ လမ်းခွဲ M1-M15 လမ်းဆုံ Levél မြို့ အဝင်သို့ ရောက်ရှိ လာပါပြီ၊ M1 အတိုင်း ဆက်သွားမယ်ဆိုရင် များမကြာခင် ဆယ်မိနစ်ခန့်တွင်းမှာ သြစတြီးယားမြေသို့ ရောက်မှာပါ၊ Levél အနီး လမ်းဆုံကတော့ လမ်းဆုံသာ ဆိုပါတယ်။ ဘာတခုမှ ထူးခြားချက် မရှိပါဘူး၊ သာမန် နှစ်ထပ်ဂုံးကျော် လမ်းဆုံတခုသာပါ၊ အဲဒီလိုနေရာမျိုး ထိုင်းနိုင်ငံသာ ဆိုရင် လူတွေ ဆိုင်တွေ ဈေးတွေနဲ့ စည်းကားလို့နေမှာ အမှန်ပါ။
Vitajte v Slovensko (ဓါတ်ပုံ မရငတ)
အဲဒီလို ဟန်ဂေရီ-သြစတြီးယား-စလိုဗားကီးယား သုံးနိုင်ငံလမ်းဆုံ သို့မဟုတ် M1-M15 လမ်းဆုံကို မသိမသာနဲ့ ကျော်ဖြတ် သန်းလာပြီး မောင်ရင်ငတေတို့က ညာဘက်သို့ချိုး မြောက်စူးစူးဆီသို့ M15 အတိုင်း ခရီးဆက်ပါတယ်။ သုံးနိုင်ငံရဲ့ တြိဂံ ဒေသဖြစ်ပေမယ့် တောတွေတောင်တွေ ထူထူထပ်ထပ် မတွေ့ရှိရပါဘူး၊ ဒန်ညုမြေပြန့်လွင်ပြင်ရဲ့ စိုက်ရေးပျိုးရေးကောင်းတဲ့ နေရာမိုိ့လို့ စိုက်ခင်းတွေကိုသာ အဆက်မပြတ်ဆိုသလို မြင်တွေ့ရပါတယ်။
ဆယ့်လေးငါးမိနစ်ကျော်လောက် အကြာမှာတော့့့ ဟန်ဂေရီ အနောက်မြောက်စွန်း နယ်စပ်မြို့ Rajka မြို့ဝင် စာတမ်းနဲ့ ဆိုင်ဘုတ်ငယ်ကို တွေ့ရပါပြီ၊ မြို့တွင်းသို မဝင်ပါဘဲ မြို့ရှောင်လမ်းအတိုင်း ပတ်မောင်းသွားတော့ ရောက်ပါပြီ ရောက်ပါပြီ
Slovensko မြေသို့ ရောက်ပါပြီ။
Slovakia Slowakei
Slovaquie Slovensko
ဆလိုဗန်စကို သို့မဟုတ် ဆလိုဗားကီးယား သို့မဟုတ် ဆလိုဗက်တွေရဲ့မြေ၊ တချိန်ခါတုန်းက ချက်ကိုဆလိုဗားကီးယား ဆိုရှယ်လစ်တွေရဲ့ ဆလိုဗန်စကို မြေ၊ ၂၀၀၈ ခုနှစ်တုန်းက မောင်ရင်ငတေ နယ်နမိတ်စည်းနင်းပြီး ကျေနပ်ခဲ့ရတဲ့ ဆလိုဗန် စကို မြေ။
Myto.SK-Border Toll Gate Čunovo, Slovensko (ဓါတ်ပုံ မရငတ)
ဆလိုဗက်တွေရဲ့ မြေ၊ ထူးထူးခြားခြား ကြိုဆိုရေးတွေ မရှိပါဘူး၊အိမ်ခြေမရှိတဲ့ နယ်စပ်ဖြတ်ကျော်ဂိတ် တခုသာပါ၊ အနီးကပ် ဆုံးမြို့ကတော့ Čunovo အမည်ရပါတယ်။ ဟန်ဂေရီ နယ်စပ်မြို့ Rajka ကတော့ လူဦးရေ သုံးထောင်နီးပါး နေထိုင်ကြပြီး ဆလိုဗားကီးယားရဲ့ နယ်စပ် Čunovo မှာတော့ နေထိုင်သူ တထောင် မပြည့်ပါဘူး။ ရွှေရောင်တဝင်းဝင်း လက်ရာ မသေမ သပ် ယိုင်နဲ့နဲ့ ဆိုင်းဘုတ်ကြီး ဆိုင်းဘုတ်ငယ်တွေ မတွေ့မြင်ရပါဘူး၊ အဝင်အထွက် ဂိတ်အဟောင်းတော့ ရှိနေပေမယ့် ဘာ အစစ်အဆေးမှ မရှိပါဘူး၊ တခဏနား အာသာပြေပက်ချင်သူတွေပက်ဖို့ အစာပြေစားဖို့နားဖို့ ကဖေးသောက်ဖို့ ဆိုင်လေး တဆိုင်ရှိပါတယ်။ မောင်ရင်ငတေကတော့ တဖွာနှစ်ဖွာ ဖွာရှိုက်ရင်းနဲ့ အညောင်းပြေ ဂိတ်ဝနားသွား စနည်းနာပါတယ်။ ယူနီဖောင်းဝတ် တဦးနှစ်ဦးကလွဲလို့ လုံခြုံရေး ဘာညာ ထူးထူးထွေထွေ မရှိပါဘူး၊ လှမ်းမျှော်ကြည့် လိုက်တော့ လယ်ကွင်း ပြင်တွေသာ ပတ်လည်ဝိုင်းနေတာ တွေ့ရပါတယ်။ Toll Gate မှာလည်း ကား လေးတွေအစီးနှစ်ဆယ်လောက် ဂိတ်ကြေးပေးဖို့ တန်းစီနေတာမြင်ရပြီး ပြင်သစ် စပိန် နယ်သာလန် ဂျာမဏီ တို့လို ကုန်တင်ကားကြီးတွေ အမြောက်အများ မတွေ့ရပါဘူး။
ကားကလည်း ဆယ့်ငါးမိနစ်မျှသာ နားတာမို့ ခဏကြည့် ကားဘက်သို့ ပြန်လျှောက်လာခဲ့ရပါတယ်။ နယ်ခြားဂိတ် ညာ ဘက်ခြမ်း မလှမ်းမကမ်းမှာ သုံးနိုင်ငံ ဆုံချက်ပွိုင့်တည်ရှိလို့ သွားရောက်မှတ်တမ်း တင်ချင်ပေမယ့် လိုင်းကားစီးသမား မောင် ရင်ငတေ့အဖို့ စိတ်သာရှိ လူတော့ မရောက်နိုင်ခဲ့ပါဘူး။
ဟန်ဂေရီယန်တို့ရေ မင်းတို့ အခေါ် Párizs အမည်ရတဲ့ ပါရီမြို့ရောက် ဒုက္ခသည်တယောက်ပေ့ါကွာ၊ အဲဒီ ရွှေပြည် တော် သားဟောင်းကြီး မောင်ရင်ငတေ မင်းတို့ကို နှုတ်ဆက်ခဲ့ပါတယ်ကွာ။ လမ်းရဲ့သယ်ဆောင်ရာ ကျနော်သွားတော့မယ်ပေ့ါ၊ ဘိုင် ဘိုင် Au Revoir pour le Moment Viszlát a Pillanatban ပါ ခင်ဗျား။
Diaľnica D2 (Slovensko) (ဓါတ်ပုံ မရငတ)
ဒီနေရာက ဟန်ဂေရီ အမ်ဝမ်း လမ်းမကြီးအဆုံး ဆလိုဗန်စကို Diaľnica D2 ဒီတူး အမြန်လမ်းမကြီး အစပါ၊ ဟန်ဂေရီနယ်စပ်နဲ့ ချက်နယ်စပ်ကို ပေါက်တဲ့လမ်းပါ၊ သိပ်တော့ မရှည်လှပါဘူး၊ ကီလိုမီတာ ရှစ်ဆယ်ခန့်မျှသာ ရှည်ပါတယ်။ E65 E75 ဥရောပ အမြန်လမ်းမကြီးရဲ့ အစိတ်အပိုင်း လမ်းပါ။
ဒီလိုနဲ့ Magyarország မာဂရာရိုရာဆတ်ဂ် မြေကို ကျောခိုင်းခဲ့ပြီးနောက် ဆလိုဗန်စကို မြေဆီသို့ စတင် ဝင်ရောက်လာခဲ့ပါပြီ၊ မြင်ကွင်းတွေကတော့ ဘာတခုမှ သိပ်အပြောင်းအလဲ မရှိလှပါဘူး။
ရေကြော မြေကြောတွေ ဆက်စပ်နေတာကိုး၊ လူနေမှုအဆင့်လည်း သိပ်ကွာခြားတာ မဟုတ်ပါဘူး၊ စကားပြောနဲ့ စာအရေး အသားက အတော်ကွာခြားဟန်ပေါက်ပါတယ်။ ချက်ပြည်ထောင်စုနဲ့ကတော့ တနိုင်ငံတည်းဖြစ်ခဲ့ဖူးတော့ စာစကား အတော် ဆင်တူဟန် တူပါတယ်။ မြို့တော်အမည် Bratislava ကို ဟန်ဂေရီယန် Magyar စကားနဲ့ Pozsony လို့ ရေးကြတာကိုသာ ကြည့်ပါတော့လေ။
အဝေးမြင် Bratislava ဘရာတီဆလာဗာ (ဓါတ်ပုံ မရငတ)
သိပ်မကြာပါဘူး၊ ဒီကနေ့ သွားရမယ့် ခရီးဆုံး ဘရာတီဆလာဗာ မြို့တော်လေးကို ခပ်လှမ်းလှမ်းမှာ စတင်၍ လှမ်းလို့မြင်တွေ့ နေရပါပြီ၊ နယ်စပ်နဲ့ မြို့တော်လေးက ဆယ့်ငါးကီလိုမီတာမျှ မဝေးတာကိုး၊ မြို့တောင်ဘက်က မြေပြန့်လွင်ပြင်တွေသာ များပေမယ့် မြောက်ဘက်ခြမ်းမှာတော့ တောင်စဉ်တန်း တွေ ရှိနေတာကို အဝေးကနေ လှမ်းမြင်တွေ့ရပါတယ်။
Most Apollo (Apollo Bridge) Bratislava (ဓါတ်ပုံ မရငတ)
မြို့ပြအိမ်ယာတွေကိုတွေ့ပြီး မကြာခင်လေးမှာတင် ဘရာတီဆလာဗာရဲ့ ဒန်ညုမြစ်ကူး တံတားကြီး Most Apollo ကို ကူးဖြတ်လို့နေပါပြီ၊ လှပတဲ့တံတားကြီးကို ကျော်ဖြတ်ပြီးရင်တော့ မောင်ရင်ငတေ တို့ရဲ့ ဒီကနေ့ ဘူဒါပက်- ဘရာတီဆလာဗာ ခရီးစဉ်ဂိတ်ဆုံး ရောက်ပါပြီ ခင်ဗျား။
ဒန်းညု မိုရာဗာ မြစ်ဆုံဘေး ရေပြင်ပြာပြာကို ထိုင်ငေးမယ့် စိတ်ကူးအိပ်မက်ကို တွေးရင်းပေ့ါ။ အဝါရောင် ရေဂျီယိုဂျက်ကို နှုတ်ဆက်ပြီး ဆင်းလာခဲ့ပါတော့တယ်။
ဘူဒါပက်မှ ဘရာတီဆလာဗာ ကီလိုမီတာ နှစ်ရာ
ဘူဒါပက်မှ ဘရာတီဆလာဗာ ကွာဝေးတာက ကီလိုမီတာ နှစ်ရာ ကျသင့်ငွေက ယူရို နှစ်ဆယ်နီးပါး ကြာမြင့်ချိန်က သုံးနာရီမတ်တင်းခန့် ထိုက်တန်တဲ့ သင့်တော်တဲ့ ခရီးတခုပါလို့ ပြောကြားရင်းပင်လယ်မရှိသောမြေသို့ စာစု (၂) (အမ်ဝမ်း အမြန်လမ်းမကြီးပေါ်က အဝါရောင် ရေဂျီယိုဂျက်) ခရီးမှတ်တမ်းပုံရိပ်များကို ဒီနေရာမှာ ရပ်နားခွင့်ပြုကြပါ။
ဘရာတီဆလာဗာ-ဗီယန်နာ ဝမ်းယူရိုတန် ခရီးစဉ်အကြောင်း စာစု (၃) ဆက်ပါဦးမည်။ ဒန်းညုမြစ်ရိုးပေါ်က မြို့တော်တွေ အကြောင်းကိုတော့ ရေးစရာတွေက အများအပြားရှိလို့ လာမည် ကြာမည်ဟု ပြောကြားရင်း …။
မောင်ရင်ငတေ
၀၁၀၄၂၀၁၇ – ၂၈၀၇၂၀၁၇
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
