စိုးခိုင်ညိန်း ● နေရာ

June 15, 2017

စိုးခိုင်ညိန်း ● နေရာ
(မိုးမခ) ဇွန် ၁၅၊ ၂၀၁၇

စိတ်ကူးထဲမှာပေါ့လေ
ကျနော်ထားခဲ့တာက
ရေတံခွန်အောက်က ကျောက်တုံး တတုံးပေါ်မှာပါ ။

ဘဝတခုစာ အိပ်မက် မက်နေခဲ့တယ်
အသံတွေက ရေစီးသံ ကျေးငှက်သံတွေပေါ့
အလှတရားက အခေါင်းဖြစ်သည်အထိ လှိုက်စားနေတာ မသိဘူး။

မီးရဲ့အပူနဲ့ အိပ်မက်တွေက ပြာဖြစ်သွား
ရေတံခွန်ကြီးက မတ်တပ်ရပ်လျက် စင်းစင်းသေလို့
ကြည့်လိုက်တော့ ကျနော် ထားခဲ့တဲ့နေရာမှာ ကျနော်မရှိတော့ဘူး
စစ်ပွဲတပွဲရဲ့အလယ်မှာ ကျနော်က ညှပ်မိနေတယ်
ဂူထဲ တိတ်ဆိတ်နေရတာပဲ ငြိမ်းချမ်းမှုရဲ့အရသာ။။

စိုးခိုင်ညိန်း


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ကဗျာ

Comments are closed.

Archives