မေငြိမ်း – မနေနိုင် မထိုင်နိုင်.. နိုင်ရာနီ
(မိုးမခ) မတ် ၂၁၊ ၂၀၁၇
(စာရေးသူဖေ့စ်ဘွတ်ကနေ ကူးယူဖော်ပြပါတယ်)
(ကျမတို့ နိုင်ငံကိစ္စကို အဝေးရောက်နေတဲ့ ကျမတို့က တခုခု ဝင်ပြောရင် မဆိုင်ဘဲနဲ့ ဝင်ပြောတယ်ဆိုတာမျိုး အသတ်မှတ်ခံရလို့မို့ တကယ်တော့ သိပ် မပြောချင်လှပါဘူး.. ဒါပေမဲ့ အချင်းများ အငြင်းပွားနေကြတာတွေ မြင်နေ ကြားနေရတာ စိတ်ထဲ မကောင်းဖြစ်လွန်းလို့ .. ကိုယ့်ခံစားချက်လေး နည်းနည်းတော့ ပြောပါရစေနော်)
ကျမကတော့ အရာရာကို အနုပညာလိုသာ ခံစားချင်သူမို့ အလှတရားကို အခြေခံပြီးတော့ပဲ ကိုယ်ရဲ့ နှစ်သက်ခြင်း မနှစ်သက်ခြင်းကို ဆုံးဖြတ် လေ့ရှိပါတယ်။ ပြီးတော့ ကျမကိုယ်တိုင်က နာမည်တွေကို စိတ်ဝင်စားလေ့ရှိတာကိုး။ အထူးသဖြင့် ကျမက အနွတ္ထသညာ (အဓိပ္ပါယ်နဲ့ ယှဉ်သော နာမည်) တွေကို စိတ်ဝင်စားတယ်။
ကျမ သားကြီးက သူ့အဖေဘက်က မွန် နဲ့ ရှမ်းသွေးဖြစ်တာနဲ့ .. ကျမက ပုသိမ်ဆက် ဗမာမဆိုတော့ သားကြီးအတွက် နာမည်ကို လူမျိုး အစွဲနဲ့ မရွေးဖြစ်ခဲ့ပါဘူး။ ပြီးတော့ သူ့အဖေ ကဗျာသမားက သူကိုယ်တိုင် ရွေးပြီး ထူးမြတ် လို့ နာမည်ပေးခဲ့တာကို ယူလိုက်တာပါပဲ။ သမီး နဲ့ သားငယ်ကို နာမည် ပေးတော့ ဗမာနာမည်တွေ ရွေးခဲ့သလိုပဲ.. ကျမက ကိုယ်တိုင် တက္ကသိုလ် မြန်မာစာ ကျောင်းသူ ဘဝမှာ မွန်ကျောက်စာ သင်ဖူးခဲ့ကတည်းက မွန်နာမည်တွေ စိတ်ဝင်စားခဲ့တဲ့အပြင် ကလေးတို့ အဖေကလည်း မွန်တိုင်းရင်းသားစစ်စစ် ဖြစ်တာ ကြောင့် .. မွန်နာမည်လေးလည်း ပေးမယ်လို့ စိတ်ကူးခဲ့တယ်။ အဲဒီအခါ တခါတလေမှာ ရိုးတဲ့ နာမည်လေးတွေက အစဉ်အလာ နဲ့ အဓိပ္ပါယ်ရှိတဲ့အခါ ပိုလှ တယ်လို့ ခံစားရတာကြောင့် သမီးကို မွန်နာမည်တွေထဲမှာမှ အင်မတန်ရိုးတဲ့ မိကျဲလိုင် ဆိုတဲ့ နာမည် ပေးဖြစ်တယ်.. ဗမာအဓိပ္ပါယ် နဲ့ ဆို “မလှလွန်း” .. ဆိုပါတော့။ သားငယ်ကျတော့ “မင်းအဲမွန်”.. မွန်ရဲ့ အမွေအနှစ် လို့ အဓိပ္ပါယ်ရပါတယ်။ အဓိက က အဲလို နာမည်လေးတွေကို ချစ်လို့ ပေးဖြစ်တာပါပဲ.. မွန်နာမည်တွေထဲက ယဉ်စနိုင်း .. ကောင်းစိုး .. ဟံသာ .. သိုက်မွန် .. တလထော .. တလဉာဏ် .. ကွန်ထော .. ကွန်ချမ်း .. ဆိုတဲ့ ချစ်စရာကောင်းတဲ့ မွန်ဘာသာ စကားနဲ့ နာမည်လှလှ တွေ အများကြီး ရှိသေးတာပါ။
+++++
ခု တံတားနာမည်ကိစ္စမှာ အချင်းများကြတော့ တချို့က ကျမကို ဘယ်လို ထင်လဲလို့ မေးပါတယ်။ ကျမ တစ်ယောက်တည်း သဘောပြောရင်တော့ တံတား လို အရာဝတ္ထုတခုအတွက် နာမည်က ဘာမှ အရေးမကြီး ပါဘူး။ ချောင်းဆုံ တံတား.. ဒါမှမဟုတ်.. သံလွင်တံတား ၂ – ၃- စသဖြင့် .. ဒါမှမဟုတ် ဘီလူးကျွန်း တံတား။ ဘာအရေးကြီးလဲပေါ့။ ဒီတံတားကြောင့် လမ်းပန်းဆက်သွယ်ရေး ကောင်းသွား ဖို့ပဲ အရေးကြီးတာ မဟုတ်လား။ ဒါပေမဲ့ နာမည်တခုတော့ ပေးရမှာပေါ့လို့ စဉ်းစားရင်တော့ တံတားနာမည်ကို ပြောလိုက် တဲ့ အခါ ဘယ်မှာ ရှိတဲ့ တံတားလဲလို့ တခါတည်း သိသွားနိုင်ရင်တော့ ပို အသုံးတည့်တယ်လို့ ထင်တာပဲ။
ဒီတော့ အဲဒီတံတားအနားက ထင်ရှားတဲ့ လမ်းတွေရဲ့ နာမည်ကို ယူပြီးတော့ ပေးမလား.. ဦးတည်ရာ မြို့နှစ်မြို့ရဲ့ နာမည်ကို ပေးမလား။ ဦးတည်ရာ မြို့ ရွာရဲ့ နာမည်ကို ပေးမလား.. မဟုတ်ရင် အဲဒီနေရာက အရေးပါတဲ့ အထိမ်းအမှတ် တခုခု ကို ပေးမလား.. လို့ပဲ စဉ်းစားချင်ပါတယ်။ ဥပမာ .. ချင်းပြည်ဘက် က တံတားဆိုရင် အောက်ချင်း တံတား.. တောင်ဇလပ်တံတား.. လို့ ပေးချင်တာ။ ရှမ်းပြည် ဘက်ကဆိုရင် ရှမ်းအိုးစည်တံတား ဖြစ်ဖြစ် ပန်းချယ်ရီတံတားဆိုတာမျိုးဖြစ်ဖြစ် .. ။ အကောင်းဆုံး အဆင်ပြေဆုံးကတော့ ဒီတံတား ရှိရာ မြို့ ရွာ နာမည် နဲ့ ပေးလိုက်တာက အလွယ်ဆုံးမှတ်မိနိုင်တဲ့ နာမည်ဖြစ်နိုင်မယ် လို့ ထင်ပါတယ်။ ဒါမှမဟုတ်လို့ လှလှပပ ဖြစ်ချင်တာဆိုရင်တော့ သူ့ရပ်ရွာ သူဒေသ သူယဉ်ကျေးမှု သူ့လူမျိုးတွေ အများစုရှိရာနေရာမှာ သူတို့ ဘာသာစကား သူတို့အငွေ့အသက်ပါတဲ့ နာမည်လေးဆိုရင် ပိုလှပြီး စိတ်ဝင်စားစရာကောင်းတဲ့ ဆွဲဆောင်မှု ရှိမယ်လို့ ခံစားရတာပဲ။
သမိုင်းကြောင်းနောက်ခံတွေဘာတွေ ထည့်စဉ်းစားမယ်… နိုင်ငံရေးအရ စဉ်းစားမယ်ဆိုရင်တော့ သိပ် အရေးကြီးသွားမှာပါ။ ဒါကြောင့် တချို့ ထိလွယ်ရှလွယ်ကိစ္စတွေဟာ ဘယ်လိုမှ မပတ်သက်လည်း ရတယ်ဆိုရင်တော့ ဝေးဝေးရှောင်လိုက်တာ ပိုကောင်းတယ်လို့ ခံစားရပါတယ်။
+++++
စကားစပ်လို့ ပြောရရင် ကျမတို့ ဒီနိုင်ငံကို ရောက်တော့ ကျမတို့ နာမည်တွေဟာ နိုင်ငံခြားသား အတွက် အသံထွက်ရခက်တဲ့ နာမည်တွေ ဖြစ်နေပါတယ်။ အထူးသဖြင့် ယရစ် .. ယပင့် နဲ့ တ ၊ ထ .. သံတွေက သူတို့အတွက် ခက်ပါတယ်။
ကျမ နာမည်ဆိုရင် သူတို့က Nyane ကို နိုင်ရာနီ လို့ ထွက်လေ့ရှိပါတယ်။ ဒီတော့ ဆေးခန်းသွားလို့ နိုင်ရာနီ လို့ ခေါ်သံကြားရင် ကျမကတော့ yes လို့ လွယ်လွယ် ထူးလိုက်တာပဲ .. ငါ့ နာမည်က ငြိမ်း .. ပြန်ခေါ်လို့ ပြောမနေတော့ပါဘူး။ ဒီလိုပဲ သားကြီးကိုဆို Htoo Myat ဆိုတော့ ဟတူးလိုလို ဟထူး လိုလို နဲ့ နာမည်အပြည့်အစုံ ဆိုရင် ဟတူးမိုင်ယတ်တွေ ဘာတွေ ခေါ်တာပဲ။ သမီးနာမည်ဆို ပိုဆိုးပါတယ်.. Kye လို့ ကျမက ပေါင်းပြီး ကျဲကျဲ လို့ ခေါ်တာဆိုတော့ သူတို့ အသံမထွက်တတ်၊ ကျဲ လို့ သင်ပေးတော့လည်း ‘ကျ’ သံက သူတို့အတွက် ခက်။ ဒီတော့ သူတို့က JJ လို့ ခေါ်ပါတယ်။ ခုတော့ ကျမတို့ကိုယ်တိုင်က သမီးကျောင်းကို လိုက်သွားရတဲ့အခါ Mi J Lai .. JJ လို့သာ မေးရပါတော့တယ်။
ဘာအရေးကြီးလဲနော်.။ အရေးကြီးတာက နိုင်ရာနီပဲဖြစ်ဖြစ်.. ဟတူးပဲဖြစ်ဖြစ်.. ဂျေဂျေ ပဲဖြစ်ဖြစ်.. လိုအပ်တဲ့ ဆက်သွယ်ရေးအတွက် အလုပ်ဖြစ်ရင် ပြီးတာပဲ မဟုတ်လား…။ (သဘောထားမတူရင် စိတ်မဆိုးကြေးနော်)
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ