(မိုးမခ) ဒီဇင်ဘာ ၂၁၊ ၂၀၁၆
မြန်မာ့နိုင်ငံရေး၊ ငြိမ်းချမ်းရေး လုပ်ငန်းစဉ်တွေမှာ အားလုံးပါဝင်ရေး ကြိုးစားဖိတ်ခေါ်နေရာမှာ မသန်စွမ်းသူများကိုလည်း ချန်မထားသင့်ကြောင်း မြန်မာနိုင်ငံ မသန်စွမ်းသူများရှေ့ဆောင်အဖွဲ့တည်ထောင်သူ ကိုနေလင်းစိုးက ဒီဇင်ဘာ ၂ဝ ရက် နေ့မှာ ပြောလိုက်ပါတယ်။
ပြည်ထောင်စုငြိမ်းချမ်းရေးဆွေးနွေးပွဲ ဖေဖော်ဝါရီမှာ ပြန်လည်အစပြုတဲ့အခါ မသန်စွမ်းသူများရှေ့ဆောင်အဖွဲ့ ကိုယ်စား လှယ်ဟာ လေ့လာသူအဖြစ်မဟုတ်ဘဲ ဆွေးနွေးသူအဖြစ် ပါဝင်ခွင့်ရဖို့မျှော်လင့်တယ်လို့ သူကဆိုပါတယ်။ ယခင်ဆွေးနွေး ပွဲမှာတော့ လေ့လာသူအဖြစ်နဲ့ပဲ တက်ခွင့်ရခဲ့တာပါ။
“မသန်စွမ်းဆိုတာ ကျန်းမာရေးပြဿနာ၊ ကျန်းမာရေးဌာနနဲ့သာဆိုင်တယ်၊ လူမှုဝန်ထမ်းရဲ့အလုပ်လို့ ယူဆပြီး ကျွန်တော်တို့ ရဲ့ကိစ္စတွေကို လူမှုရေးနည်းလမ်းသက်သက်နဲ့ပဲ စဉ်းစားတာတွေ ပိုများပါတယ်” လို့ ကိုနေလင်းစိုးက ဆိုပါတယ်။
“နိုင်ငံရေးနဲ့ ကျွန်တော်တို့ နိုင်ငံသားနယ်ပယ်တွေမှာထည့်စဉ်းစားတာ အားနည်းနေသေးတော့ ပြည်ထောင်စုအဆင့် ဆွေး နွေးပွဲကနေ ငြိမ်းချမ်းရေးဆွေးနွေးပွဲတွေထိ ပါဝင်ခွင့်အားနည်းနေသေးတာကို တွေ့ရတယ်”
မြန်မာပြည်မှာ မသန်စွမ်းသူ ၂၃ သိန်း ရှိတယ်၊ ဒါဟာ နိုင်ငံလူဦးရေရဲ့ ၄.၆ % ဖြစ်တယ်လို့ ကိုနေလင်းစိုးက ၂ဝ၁၄ ခုနှစ် သန်းခေါင်စာရင်းကို ကိုးကားပြီး ပြောပါတယ်။
မသန်စွမ်းသူများရဲ့ ဖွံ့ဖြိုးရေးဆိုင်ရာ မူဝါဒချမှတ်ရာမှာ မသန်စွမ်းသူတွေကို ဖိတ်ခေါ်သင့်တယ်။ ဖိတ်ခေါ်ခြင်းမရှိရင် အချိန်၊ အသုံးစရိတ် ပိုမိုကုန်ကျပြီး အကျိုးရလဒ်လည်း နည်းသွားနိုင်တယ်လို့ သူကသုံးသပ်ပါတယ်။
“ထိုင်းနိုင်ငံကနေ ပြန်လာမယ့် ဒုက္ခသည်တွေကို ပြန်လည်နေရာချထားပေးရာမှာ မသန်စွမ်းတဲ့သူတွေ ပါလာနိုင်တယ်။ နယ် စပ်ဒေသမှာ မြေမြုပ်မိုင်းတွေ၊ တိုက်ပွဲတွေရဲ့ နောက်ကွယ်မှာ မသန်စွမ်းသူတွေ တော်တော်များများ ရှိနေမှာပါ။ နောက်ပိုင်း စာရင်းသေသေချာချာကောက်ရင် သိနိုင်ပါတယ်။ အဲ့ဒါတွေ လုပ်ဖို့အတွက် ကျွန်တော်တို့က ငြိမ်းချမ်းရေးလုပ်ငန်းစဉ်တွေမှာ ပါဝင်ခွင့်ရချင်တာ” လို့ သူက ဆိုပါတယ်။
မြန်မာနိုင်ငံ မသန်စွမ်းသူများရှေ့ဆောင်အဖွဲ့က ဒီဇင်ဘာလဆန်းမှာ အနဂ္ဃရောင်စဉ် တတိယအကြိမ်မြောက် မြန်မာနိုင်ငံ မ သန်စွမ်းသူများ အနုပညာပွဲတော်ကို ရန်ကုန်မြို့မှာ ပြုလုပ်ခဲ့ပါတယ်။
အဲဒီပွဲကို ပါဝင်ကူညီတဲ့သူတွေထဲမှာ အခမ်းအနားအစီအစဉ်တက်ဆက်မှုနဲ့ နာမည်ရသူ တင်မိုးလွင်၊ အဆိုတော် ဇော်ဝင်း ထွဋ်၊ အင်ပါယာ တေးဂီတအဖွဲ့ အဖွဲ့ဝင်များလည်း ပါဝင်ပါတယ်။
အသင်းဝင် သုံးထောင်ဝန်းကျင်ရှိတဲ့ ကိုနေလင်းစိုးတို့အဖွဲ့ဟာ မြို့ကြီးတွေမှာ ရုံးခွဲများဖွင့်ပြီး မသန်စွမ်းသူများအရေး ဆောင် ရွက်နေတာပါ။
မသန်စွမ်းတဲ့သူတွေရဲ့ဘ၀အခြေအနေတိုးတက်လာရေးကို နောင်မှစီစဉ်မယ်၊ ဘတ်ဂျက်အဆင်ပြေမှ လုပ်ပေးမယ်ဆိုတဲ့ စိတ်မျိုး မမွေးကြဖို့လည်း ကိုနေလင်းစိုးက တိုက်တွန်းပါတယ်။
ပဲခူးတိုင်းဒေသကြီးလွှတ်တော်မှာတော့ အမျိုးသားဒီမိုကရေစီအဖွဲ့ချုပ်ကိုယ်စားပြု ကိုယ်စားလှယ်တစ်ယောက်က မသန်စွမ်း သူ ဖြစ်ပါတယ်။
ခန္ဓာကိုယ် မသန်စွမ်းသော်လည်း စွမ်းရည်ကိုယ်စီ ရှိကြသူများ ဖြစ်တာကြောင့် “မသန်မစွမ်း” လို့ ပြောဆို ရေးသားလေ့ရှိရာ ကနေ အခုအခါမှာတော့ “မသန်စွမ်း” လို့ သတိထား သုံးနှုန်းလာကြတာ တွေ့ရပါတယ်။
—————–
ဒီဇင်ဘာလဆန်းပိုင်းက ရန်ကုန်မြို့မှာ ပြုလုပ်တဲ့ အနဂ္ဃရောင်စဉ် တတိယအကြိမ်မြောက် မြန်မာနိုင်ငံ မသန်စွမ်းသူများ အနုပညာပွဲတော်မှာ ကမ္ဘာတည်သရွေ့သီချင်းနဲ့ ကပြတင်ဆက်နေတဲ့ မန္တလေး နားမကြားသော ကလေးများကျောင်းမှ ကျောင်းသူများ (ဓာတ်ပုံများ – အောင်ထက်ပိုင်၊ တာရာ/မြန်မာနိုင်ငံ မသန်စွမ်းသူများ ရှေ့ဆောင်အဖွဲ့ Facebook)
—————–
ဤသတင်းရေးသားသူ နန်းခမ်းဟေမာန်သည် ပအိုဝ်းတိုင်းရင်းသားဘာသာဖြင့် ထုတ်ဝေသော The People’s Voice ဂျာ နယ်မှ ဖြစ်ပြီး ရန်ကုန်မြို့ Myanmar Now ရုံးတွင် အလုပ်သင်သတင်းထောက်အဖြစ် ခေတ္တလုပ်ကိုင်လျက်ရှိသည်။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ