ကဗျာ

မောင်ထိန်လင်း(မြို့သာ) – စစ်

မောင်ထိန်လင်း(မြို့သာ) – စစ် 

(မိုးမခ) ဧပြီ ၂၂၊ ၂၀၁၆

ဖြစ်နိုင်ရင် ရေတောင် စစ်မသောက်ချင်ဘူးတဲ့
ဂျပန့်ခေတ် လူဖြစ်ရတဲ့သူတွေကပြောတယ်
လူပုံမပေါက်တော့ လူလို့ကို ကျိန်ပြောရတယ်တဲ့
လူမမြင်ဘူးတော့ လူကြည့်ချင်ကြသတ့ဲ
ကောင်းကင်.. ..ကျွဲကြီးတွေ
မြေပြင်…..ဘောင်းဘီဝတ် ဘီလူးတွေ
မြင် မြင်သမျှ ….သုသာန်
အသံမှန်သမျှ နားစွင့်လန့်နိုး
လေတိုးသံလား?
လေးသံလား?
ကျီးလန့်စာ စားခဲ့ရသတဲ့။

မငြိမ်းသေးဘူး
မာယာပြာဖုံးထားသလိုမျိုး

မငြိမ်းသေးဘူး
အတ္တဖွဲမီးလိုမျိုး

မငြိမ်းသေးဘူး
လောဘအတွင်း လှိုက်သလိုမျိုး

မငြိမ်းသေးဘူး
သံလွင်ခက်မပျံတတ်သလိုမျိုး

မငြိမ်းသေးဘူး
နှုတ်ခမ်းလျှာသိမ်း ရမ္မက်လိမ်းသလိုမျိုး

မငြိမ်းသေးဘူး
ပုထုဇန္နနဲ့
အနုသယမပြတ်သလိုမျိုး

မငြိမ်းသေးဘူး
ပါးကွက်သားတွေ မေတ္တာ မပွားတတ်သလိုမျိုး

မငြိမ်းသေးဘူး.. ..
မငြိမ်းသေးဘူး.. …
Homeostasis နဲ့ လူတွေဖြစ်နေသမျှ
စစ်က မျိုးရိုးလိုက်နေဦးမယ်။

*ပုထုဇန္န= အနိမ့်ဆုံးဖြစ်သော သောတာပန်မဖြစ်သေးသော ပုထုဇဉ်ဘ၀။
*အနုသယ= အနုသယကိလေသာ= အတွင်းထဲပုန်းနေတတ်သော ကိလေသာ။
*Homeostasis = ကိုယ်ခန္ဓာအတွင်းရှိ ချိန်ညှိပေးသော စနစ်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
Advertise on MoeMaKa

Similar Posts