မောင်လူရေး – ဒီနှစ်အတွက် မဟာသင်္ကြန်စာ

(ဘီရုမာကာတွန်း ၂၀၁၁ တုန်းက)

မောင်လူရေး – ဒီနှစ်အတွက် မဟာသင်္ကြန်စာ

(မိုးမခ) ဧပြီ ၅၊ ၂၀၁၆

ဇေယျတု အသွင်ကူးပြောင်းရေး။ ။ အချင်းယူဇနာ ဘလာဘလာ လုံးဝန်းယူဇနာ ဘလာဘလာ၊ အတွင်းကားစစ်တပ်၊ အပကားအမတ်အတိပြီးသော နိုင်ကျဉ်းတထောင်ဆောင်သော စနေဂြိုဟ်မင်းသည် အစိမ်းဖြစ်သော ဖွတ်ရာသီ ကြံ့နက္ခတ် ရွှေနဝင်းမှ အနီဖြစ်သော အိုးဝေရာသီ ဒေါင်းနက္ခတ် စုနဝင်းထက်သို့ တွက်စစ်ကောဇာ နှစ်သင်္ချာကား ၁၃၇၇-ခုနှစ်၊ တပေါင်းလဆုပ် ၉ ရက်၊ ခရစ်နှစ် ၂၀၁၆-ခုနှစ်၊ ဧပြီ ၁ရက်၊ ဧပရယ်ဖူးဒေးခေါ် သောကြာနေ့၊ အဆိုတော်ခရာ၊ ပန်းရဲ့လမ်းအချိန်၊ မင်းသားမင်းသမီးရာသီလဂ်၊ ဝန်ကြီးရာသီစန်း၊ ခရိုနီဟောရပ်၊ ကာချုပ်တြင်း၊ သမတ ၃-သင်း၊ ၈၈နက္ခတ် ၂-လုံး၊ ထိုနာရီ၏မွန်းတည့်နက္ခတ်သော်ကား ဆယ်လီဘရစ်တီ၊ ဝါဏိဇ္ဇကရိုဏ်းနှင့်ယှဉ်လျက် နိုင်ကျဉ်းတထောင်ဆောင်သောစနေဂြိုဟ်မင်းသည် သပိတ်ရောင်အဆင်းနှင့်တူသော အဝတ်တန်ဆာကို ဝတ်ဆင်လျက် မာစီဒီးကိုစီး၍ လက်တဖက်ကား ဦးပိုင်ကိုကိုင်လျက် ကျန်လက်တဖက်ကား ပြည်တွင်းစစ်ကိုပိုက်၍ ထောင်မှသည် နန်းတော်သို့ ထက်ဝယ်ဖွဲ့လျက် ဝင်၏။

ကေသရီဒေဝီနတ်သမီးကား အလှည့်စေ့၍ ဒေါင်းနတ်မင်း၏သား “ချွတ်ခြုံကျ” အမည်ရှိသော မြန်မာပြည်ကြီးကို ကမ်းသည်ရှိသော် နိုဗယ်ဒေဝီနတ်သမီးကား ငို၍ လှမ်းလင့်၏။ အိုးဝေဒေဝီနတ်သမီးကား အနီပြင်အဆင်းကိုဝတ်ဆင်လျက် ဒေါင်းမင်းကို စောင့်လင့်၏။

နိုင်ကျဉ်းတံ့အံ့။ နိုင်ကျယ်ကောင်းအံ့။ ကြံ့ ဖွတ်စသော အခြေ ၄-ခု အသေများအံ့။ ဘွဲ့တုမုန်တိုင်းထန်အံ့။ ဝေဘန်ထောက်ပြကာတွန်းဆရာ စာရေးဆရာ ကြွတက်သူ မဘသ CSOs NGOsများ ဒဏ်သင့်အံ့။ ဒီမိုကရေစီလိုလို ဟိုလိုကရေစီလိုလို ဖြစ်အံ့။ ခရိုနီ ခရိုပြာ ခရိုဝါ ခရိုစိမ်းတို့ နွဲ့တမ်းယိမ်းအံ့။ အနုပညာရှင်များ နိုင်ငံရေးလုပ်ငန်းပြောင်းအံ့။ အမှူးအမတ်တို့ စားပုံ ဖားပုံ ဝါးပုံ သွားပုံ ပို့စ်တင်ပုံ ပြောင်းအံ့။ အစာရေစာ အဆိပ်သင့်အံ့။ (ဤကား မဟာသင်္ကြန်အကျ အဟောတည်း)

တပါတီသင်္ကြန်၊ စစ်တပ်သင်္ကြန်၊ ပါတီစုံသင်္ကြန်ဟု သင်္ကြန်သုံးပါးတို့တွင် ပါတီစုံသင်္ကြန်ဖြစ်သောကြောင့် သင်္ကြန်ကျပြီးနောက် ၁၀-မိနစ်ရောက်သောအချိန်၌ ဦးခေါင်းဆေးမင်္ဂလာပြုရာ၏။ သင်္ကြန်ကျသည့်အချိန်တွင် ဂက်စ်ပိုက်လိုင်းများ၊ ကြေးနီများ၊ ကျောက်စိမ်းများ၊ သစ်တောများ မြေခံ၏။ သင်္ကြန်ကျသည့်နေ့မှာ ပေါက်ဖော်ကြီးနေ့ဖြစ်၏။

သို့ဖြစ်ရာ သင်္ကြန်အကျမြေခံ ဦးပိုင်နေ့ဖွား သားသမီးနှင့် ပေါက်ဖော်ကြီးနေ့ဖွား သားသမီးတို့မှ ကြွင်းကျန်ကုန်သော နေ့သားသမီးတို့သည် မိမိတို့၏နေ့အလိုက် ဒုက္ခအရပ်ကား လက်ဝဲရစ်အားဖြင့် မြောက်အရပ်၊ အရှေ့မြောက်အရပ်သည် ဒုက္ခအရပ်ဖြစ်သည်။

ထို့ကြောင့် လက်ပန်းတောင်းသားသမီး၊ လက်ပံတန်းသားသမီး ဖားကန့်သားသမီး ရိုးမသားသမီး ကျောက်ဖြူသားသမီး ဧရာဝတီသားသမီးတို့သည် အရှေ့မြောက်အရပ်၊ မြောက်အရပ်တို့သို့ မျက်နှာမူပြီးလျှင် မိမိတို့နံ၏အမြစ်ဖြစ်သော လက်ပတောင်းကား ကြေးစည်၊ လက်ပံတန်းကား ဒေါင်းတောင်၊ ဖားကန့်ကား ကျောက်ပုတီး၊ ရိုးမကား ကျွန်းငုတ်တို၊ ကျောက်ဖြူကား ဓာတ်ငွေ့ ၁- လီတာ၊ ဧရာဝတီကား ရေစင် ၂-လီတာတို့ကို နင်းကြမ်းပြု၍ မိမိတို့နံ၏ အညွှန့်ပန်းဖြစ်သော လက်ပတောင်းကား မီးညွှန့်၊ လက်ပတန်းကား ပေညွှန့်၊ ဖားကန့်ကား ခံညွှန့်၊ ရိုးမကား သစ်ရာကောက်ညွှန့်၊ ကျောက်ဖြူကား လောင်ပန်းညွှန့်၊ ဧရာဝတီကား ခမ်းတောက်ညွှန့်တို့ကို အသီးသီးဆောင်လျက် ဥတိဘွား၊ ကုန်းကုန်း၊ ကွမ်ရင်၊ ဧရာဝတီတိုင်းတွင်ပွင့်သောဘုရား၊ သူရဿတီနတ်သမီး၊ တောစောင့်နတ်၊ တောစောင့်နတ်၊ မြစ်စောင့်နတ်၊ မြေဘုတ်ဘီလူးတို့ကို ပူဇော်ကန်တော့ပြီး မိမိတို့လိုရာဆန္ဒကို ဆုတောင်း၍ ဦးခေါင်းဆေးမင်္ဂလာပြုရာသည်။

ဦးခေါင်းဆေးရသော အကျိုးကား။ ။ သင်္ကန္တေ၊ သင်္ကြန်ဟုခေါ်ဆိုအပ်သော စနေဂြိုဟ်မင်းသည်။ ပုဏ္ဏမေ၊ အမျိုးသားလွှတ်တော် ၂၅၅-ဦး၊ ပြည်သူ့လွှတ်တော် ၁၃၅-ဦး ရသဖြင့် အစိုးရပြည့်၍ ခြင်္သေ့ရာသီ အဓမ္မနဝင်းမှ ဒေါင်းရာသီဓမ္မနဝင်းသို့ ပြောင်းခဲ့သည်ရှိသော်။ ဣဓ၊ ဤမြန်မာပြည်၌။ မာဏဝါ၊ မဲဆန္ဒရှင်ဟုခေါ်ဆိုအပ်ကုန်သော။ မနုဇာ၊ အာဏာရှင်သားကျနေသော တိုင်းသူပြည်သားတို့သည်။ သိရာ၊ ဦးခေါင်းဆေးကုန်ရာ၏။ တေသံ၊ ထိုဦးခေါင်းဆေးကုန်သောသူတို့အား။ ပဉ္စဘာဂီ၊ တော်လှန်ရေးကောင်စီ၊ မဆလတပါတီ၊ နဝတ၊ နအဖ၊ ကြံ့ဖွတ်စစ်သုံးပိုင်းအစိုးရ ယင်းငါးဘဝကဖြစ်ကုန်သော။ ရောဂီ၊ အကျင့်ပျက် လာဘ်ပေးလာဘ်ယူ ဘုန်း ဖျောင် ဟောက်စား အနိုင်ကျင့် အထက်ဖားအောက်ဖိစသည့်အနာမျိုးတို့သည်။ ဝိနာသေယျုံ၊ ကင်းပျောက်ကုန်ရာ၏။ သုခဘာဂီ၊ ချမ်းသာခြင်း၏အဖို့ဖြစ်ကုန်သော။ သတသဟဿာနိ၊ တသိန်းသောအကျိုးတို့သည်။ ဘဝေယျုံ၊ ဖြစ်ကုန်ရာ၏။

သင်္ကြန်အခါ ရှောင်ကြဉ်ရာကား မာတာပြည်သူ့ အမေစုနှင့် သူ့မတ်သူ့ဝန် အမွန်မွန်ကို နှုတ်ကျွံလက်ရောက် သဟောက်သဟင် ဖေ့ဘွတ်တင်ခြင်းတည်း။ (ဤကား မဟာသင်္ကြန် အကျအလိုတည်း)

မောင်လူရေး

သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

မောင်လူရေး – ဒီနှစ်အတွက် မဟာသင်္ကြန်စာ

Similar Posts

One thought on “မောင်လူရေး – ဒီနှစ်အတွက် မဟာသင်္ကြန်စာ”