ဦးဇင်းဂျောင်းဂျောင်း (ရွှေဝါရောင်) – ဘဝ၏ အဆိုးဆုံး နေ့ရက်များ

ယခင်တုန်းက GTI ကျောင်း၊ ၂၀၀၇ က စစ်ကြောရေးစခန်း

ဦးဇင်းဂျောင်းဂျောင်း (ရွှေဝါရောင်) – ဘဝ၏ အဆိုးဆုံး နေ့ရက်များ

(မိုးမခ) ဇန်န၀ါရီ ၂၁၊ ၂၀၁၆

(၁)

သေချင်စော်နံတယ် … ဆိုသည့်စကားကို ကြားဘူးကြသော်လည်း အဓိပ္ပါယ်ကို ကောင်း စွာ နားမလည်ကြချေ။ အင်းစိန် GTI စစ်ကြောရေးစခန်းရောက်မှဘဲ သေချင်စော်နံ တယ် ဆိုတာကို နဖူးတွေ့၊ ဒူးတွေ့ ကိုယ်တွေ့ကြုံရပါတော့တယ်။ အကျဉ်းချုံးပြောရ လျှင် မဂ္ဂင်ကျောင်းမှ ဖမ်းဆီးခေါ်ဆောင်သွားပြီး အင်းစိန် GTI ကို ည ၂နာရီကျော် လောက်မှာ ရောက်ပါတယ်။ သုံးနာရီခွဲလောက်မှာ ဆရာတော်ကြီးတွေ ဖူးဘို့ လာခေါ်တော့ ရန်ကုန်တိုင်းသံဃာ့နာယက အတွင်းရေးမှူး ရောက်နေပါတယ်။ အားလုံးလူ ဝတ်လဲပေးကြပါ ဟု မိန့်ကြားပြီး တိုင်းသာသနာရေးဦးစီးမှူးနှင့်အဖွဲ့က ဖိအာပေးကာ လူ ဝတ်လဲ လိုက်ကြရပါတယ်။ ပြန်ထွက်လာသည်နှင့် တပ်မ ၆၆ မှ ပုခုံးပေါ် သုံးစေ့တင်ထား သူက ‘မအေ – တွေ၊ခေါင်းပေါ် လက်တင်ထား။ ခေါင်းငုံထား မင်းတို့ ဘုန်းကြီးမဟုတ်တော့ဘူး နားလည်လား။ အကုန် သောက်ခွက်ဖြတ်ရိုက်ပြစ်မယ် -” ဟု စတင်စော်ကားပါ တော့တယ်။

ဒါထားတော့ နောက်နေ့ စစ်ကြောရေးမှာ လမ်း ၅၀ ယာဉ်ထိန်းရုံးမှ ပုခုံး ပေါ်တစ်စေ့နဲ့ ကောင်က “ မအေ – ဘုန်းကြီးတွေ၊ ဗမာနိုင်ငံမှာ ကိုးကွယ်စရာ ဘာသာ အများကြီးရှိတယ်။ မင်းတို့ သပိတ်မှောက်လဲ  –ီး ဘဲ” ဆိုပြီးထပ်မံစော်ကားပါတယ်။

မိမိအနေဖြင့် သာသနာကို အထိပါး မခံနိုင်သဖြင့် မင်းတို့ သပိတ်မှောက်တဲ့သံဃာတွေ မင်းတို့လက်ထဲမှာ ကြိုက်သလိုလုပ်နိုင်တယ်။ ဘုရားသာသနာကို ထိပါးစရာမလိုဘူး ဟုပြောနေတုန်း မျက်နှာပေါ်ဖြန်းကနဲ့ အရိုက်ခံလိုက်ရပြီး ခုံပေါ်မှလိမ့်ကျသွားပါတယ်။ နောက် လက်ထိပ်နောက်ပြန်ခတ် ဒူးထောက်ခိုင်းကာ ရဲနှစ်ယောက် မျက်နှာကို ဝိုင်းကန်ပါတယ်။ ရှေ့သွား ၂ ချောင်း အင်းစိန် GTI မှာ ထားခဲ့ရပါတော့တယ်။

နောက် စာသင်ဆောင် အခန်းလေးထဲမှာ လူ ၃၀၀ ကျော် ရေမချိုးရဘဲ နေရတော့ နံလိုက်တဲ့အနံ့ အပူငွေ့တွေဟာ လှောင်ပိတ်ပြီး အမြဲလို အန်ချင်စိတ် ပေါက်နေရပါတယ်။ အဆိုးဆုံး က ဆီးအပြင်မှာ သွားခွင့်မရဘဲ အခန်းထောင့်မှာပေါက်ကြရတော့ သေးအိုင်ဟာတ ဖြည်းဖြည်းကြီးလာပြီး သဲနဲ့ တမံတုတ် ကာထားရပါတယ်။ သေးကာတာ ဆောက်ထား ရတာပေါ့။ ကြာတော့ အခန်းရဲ့ငါးပုံ ပုံ တစ်ပုံဟာ သေးကာတာ ဖြစ်နေပါရော့လား။ အရေးထဲ စိတ်မနှံ့သူတစ်ဦးက သေအိုင်ထဲ ဒိုင်ပင်ပြစ်လိုက်လို့ သေးကာတာ ကျိုးပါ လေရော။

အိပ်ဘို့ နေနေသာသာ ထိုင်စရာနေရာမရှိလို့ အားလုံးမတ်တပ်ရပ်နေကြရပါ တော့တယ်။ ဒီမှာတင် စစ်သားသုံးယောက် ဝင်လာပြီး ဒီမှာပျော်လို့ လာနေကြတာ တစ် ယောက်မှမပါဘူးကွ လို့ ပြောပြီး စိတ်မနှံ့သူကို ဝိုင်းထိုးကြိတ် ကန်လိုက်ကြတာနောက် ၃နာရီလောက်အကြာမှာ အဲဒီစိတ်မကောင်းတဲ့သူ အခန်းထဲမှာသေသွားပါတယ်။ အထဲမှာရှိတဲ့သံဃာတော်တွေကဘဲ သံရဏဂုဏ်တင်ပေးလိုက်ရပါတယ်။ နောက် အင်းစိန်ထောင်ရောက်တော့ သတင်းစာရှင်းလင်းပွဲမှာ ရဲချုပ်ခင်ရီက အပြင်ကပါလာတဲ့ ရောဂါနဲ့သေတာပါလို့ AP သတင်းဌာနက ဒေါ်အေးအေးဝင်းမေးတာကို ပြန်လည် ဖြေ ကြားသွားတာကို နားထောင် လိုက်ရပါသေးတယ်။

(၂)

အင်းစိန် GTI  စစ်ကြောရေးစခန်း ရောက်သည့် (၂၀၀၇ စက်တင်ဘာ) ၂၇ ရက်နေ့ နှင့် ၂၈ရက် (၂) ရက် လုံး၊ ထ မင်းမစားရ၊ ဘာမှလည်း မကျွေး၊ ရေလည်း မတိုက်ပါ။ မနက်ပိုင်း မျက်နှာသစ်၊ အိမ်သာတက်ချိန်တွင် အုတ်ကန်မှ ရေကို တစ်နေ့စာ အဝသောက်ခဲ့ကြရပါသည်။
ဗိုက်ဆာလွန်း မက ဆာတော့ အစောင့်စစ်သားများကို တောင်းပန်ပြီး စားစရာဝယ်ခိုင်းကြရပါသည်။ အ နားရှိဈေှးဆိုင်မှ ကလေးမုန့်လေးများသာ ဝယ်ရကြပါသည်။ ‘ပိုတာ ခင်ဗျားယူလိုက်’ ဆိုခြင်းက သင်ပေးသလို ဖြစ်သွားပြီး ဆေးပေါ့လိပ်သုံးလိပ်ကို တစ်ထောင်၊ ၂၀၀ တန်မုန့် တစ်ထုပ်လည်း တစ်ထောင်၊ ဘာဝယ်ဝယ် တစ်ထောင်သည် ကြမ်းခင်းဈေး ဖြစ်သွား တော့သည်။

အောက်လက်ငယ်သား စစ်သားများကသာ လုပ်သည်မဟုတ်။ သုံးစေ့နှင့် ဗိုလ်ကြီးဆိုသူကလည်း ဖမ်းဆီးခံ ကားပွဲစားများထံမှာ ငွေများ သိန်းနှင့်ချီကာ ပျောက်မှာစိုး၍ သိမ်းသည်ဆိုပြီး အပျောက်ရိုက်ကြသည်။ ပတ်ထားသော နာရီကောင်းများကို လည်း ချွတ်ယူကြသည်။ ဝယ်စားစရာ မရှိတော့၍ ပြန်တောင်းသောအခါ တပ်ရင်းမှူး ကိုယ်တိုင်က အဆိုပါရဲဘော်များမှာ အရေးပေါ် တပ်ပြောင်းသွား၍ ပါသွားကြောင်း နောက်ဆက်သွယ်ရလျှင် ပြန်တောင်းပေးမည်ဖြစ်ကြောင်းသာ လာပြောပြီးဘာမှ လုပ်မပေးချေ။ ထို ကားပွဲစားများ၊ ငွေအသိမ်းခံရသူများကို အဆောင်ပြောင်းခိုင်းလိုက်ပြီး သတင်းကိုအမှောင်ချထားလိုက်ပါတော့သည်။

(၂၀၀၇၊ စက်တင်ဘာ) ၂၉ ရက်နေ့တွင် ထမင်း လက်တစ်ဆုပ်စာနှင့် ဂေါ်ဖီထုတ်ကို လှီးပြီး လှော်ထားသော ရိက္ခာ လာဝေပါသည်။ ဂေါ်ဖီမှာ ဆားပင် မထည့်ထားသဖြင့် အစိမ်း စားရသလိုပင် ဖြစ်နေပါသည်။ လက်ဆေးစရာရေလည်းမရှိ သောက်စရာရေမရှိသဖြင့် ကိုယ့်လက်ကို သန့်ရှင်းရေးလုပ်ရင်း ရေအစားထိုး လက်ချောင်းလေးများကို စုပ်နေရပါသည်။

မိမိတို့သံဃာအများစုမှာ အဆောင်ထဲ အချိန်ပြည့် မနေရပါ။ မိမိသိသလောက် ရဲသတင်းတပ်ဖွဲ၊ အင်းစိန် စီအိုင်ဒီ၊ ရန်ကုန်တိုင်းရဲတပ်ဖွဲ့ စစ်ဖက်ရေးရာ လုံခြုံရေးတပ်ဖွဲ့ (စရဖ) စသုံးလုံး စသည့်အဖွဲ့များက အလှည့်ကျ ခေါ်ယူ စစ်ဆေးနေပါသည်။ နေ့ ည ရယ်မရှိပါ။ အလှည့်ကျ စစ်နေသဖြင့် အိပ်ရသည်လည်းမရှိ ပါ။ တစ်ခန်းလျှင် ၆ယောက်ခေါ်ယူစစ်ဆေးပါသည်။ အခန်းတိုင်းမှာ အွတ်၊ ခွပ်၊ အားဆို သောအသံများမှာ အမြဲညံနေပါသည်။ တိုင်းရဲတပ်ဖွဲ့မှ ခပ်ဝဝ အရာရှိဆိုသူသည် ရောက်လာကတည်းက ‘မင်းတို့အမေ့လင်ကို စစ်နေတာမဟုတ်ဘူး။ ပါးရိုက်ပစ်၊ ဟိုမေ –ိုး စောက်ခွက်က ဘာမျက်နှာပေါက်တုန်း” ဆိုပြီး အသားလွတ် သူကိုယ်တိုင် ထိုးပြလိုက် သေးသည်။

ဆိုင်ကယ်မောင်းသည်ဆိုကာ သူတို့မေးသမျှကိုဖြေနေရသည်။ ဘယ်နား ရောက်ပြီလဲ မေးလို့ နေရာကျော်သွားရင် အရိုက်ခံရသေးသည်။ မိမိမှာရန်ကုန်ရောက် တာ မကြာသေး၍ လမ်းမသိသဖြင့် ခဏခဏအရိုက်ခံခဲ့ရပါသည်။ ဒူးထောက်ထားပြီး ဒူးအောက်တွင် ဇီးစေ့ များထားကာ ဟယ်လီကော်ပတာ စီးခိုင်းသေးသည်။ ၂ မိနစ်လောက် ကြာတော့ ဒူးက မနာဘဲ ဂျိုင်းအောက်က နာလာပါသည်။ ဘာမှလည်းမမေးဘဲ အသား လွတ်လုပ်ခိုင်းထားခြင်းဖြစ်ပါသည်။

အားလုံးသော စစ်ဆေးသူတိုင်းမှာ အရက်နံ့တ ထောင်းထောင်းနှင့်ပင်ဖြစ်သည်။ ‘မအေ –ိုးတွေ မင်းတို့ စောက်ဘုန်းကြီးတွေ ရှုပ်လို့ ငါတို့မယားတကွဲ သားတကွဲ အိပ်ရတာ” ဟုဆိုကာ အကြောင်းမဲ့ အရိုက်ခံရတာကလည်း မနည်းပါချေ။

တောင်ဥက္ကလာမှ သစ်ဆိုင်အစောင့် ကုလားလေးမျိုးခိုင်ကို ညအချိန်မတော်ဖမ်းလာပြီး ပိုက်ဆံ ၃၀၀၀ ရ၍ လိုက်ရပါသည်ဟု ဝန်ခံခိုင်းသည်။ မျိုးခင်ကလည်း သူ ဘာမှ မရကြောင်း၊ စီတန်း လှည့်လည်သည့် အထဲတွင်လည်း မပါကြောင်း သစ်ဆိုင်ပိုင်ရှင်က ဘယ်မှမသွားရ ဆို၍ ဘယ်မှ မသွားကြောင်း၊ မပါကြောင်းကို အမှန်အတိုင်းဖြေသည်။ ဒါကိုမတရားနှိပ်စက်ပြီး NLD က ပိုက်ဆံ သုံးထောင် ပေးပါသည်ဟု ထွက်ခိုင်းရာ မျိုးခိုင်ကလည်း မဟုတ်ကြောင်းသာဖြေသည်။ဤသို့ဖြေလေ ရိုက်လေ၊ ထိုးလေ၊ ကန်လေ နောက်ဆုံး … မျိုးခင်မှာ အကြောက်လွန်ပြီး GTI ပင်မဆောင် အပေါ်ဆုံး ၃ထပ်မှ ခုန်ချပါလေတော့သည်။

သူတို့နှိပ်စက်လို့ သေမယ့်အတူတူ ကိုယ်ဘာသာ သတ်သေမယ်ဟု ဆုံးဖြတ်ပြီး ခုန်ချလိုက်တာလို့  ပြန်ပြောပြပါသည်။ ကံကောင်းတာက သူခုန်လိုက်ချိန်မှာ အနားကလူက ခြေထောက်ဖမ်းဆွဲလိုက်ရာ ဇောက်ထိုးတန်းလန်းကြီး ဖြစ်နေတော့သည်။ ထိုအခါမှ ကိုရွှေရဲများက ခုန်ချတာကိုဘယ်သူ့မှ ပြန်မပြောဘို့၊ နောက် ခုလိုမစစ်တော့ပါဘူးလို့ ချော့လိုက်ကြနှင့် မျိုးခိုင် စစ်ကြောရေးအပြန် မုန့်တွေပါလာတော့သည်။ မျက်မြင်သက်သေ မိမိတို့အားလည်း ယခုကိစ္စပေါက်ကြားပါက ယခုစစ်ကြောရေးထက် ၃ ဆ ပိုကြမ်းသော စစ်ကြောရေးစခန်း ကိုပို့မည်ဟု ခြိမ်းခြောက်ကြသည်။ အမှန်တိုင်းဝန်ခံရလျှင် ရှိလောက်သည်ဟု ထင်ပြီး တစ်လခန့် ဘယ်သူ့ကိုမှ မပြောဖြစ်ကြပါ။ အင်းစိန်ထောင်ရောက်မှသာ ပြန်လည်ဖောက်သည်ချ ဖြစ်ကြပါတော့သည်။

(ဆက်ရန်)

---

သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ