ရန်လိုကျွဲ – ရန်ကုန်မြို့မှ စီးပွားရေးအတိုင်အပင်ခံ (သရော်စာ)(မိုးမခ) ဒီဇင်ဘာ ၄၊ ၂၀၁၅
ရန်ကုန်မြို့ မော်ကွန်းမဂဇင်းရုံးသို့ ကျွန်ုပ် ရန်လိုကျွဲ မသွားရဲ၊ ခြေဦးမလှည့်ရဲ။ အနော်ရထာလမ်းသို့ ရောက်လျှင်ပင် ရုံးရှိ ရာ သို့ မော့်မကြည့်ရဲ။ ထိုသို့ မဝံ့မရဲဖြစ်စရာအကြောင်းများကို ဒီတစ်လ ရေးချလိုက်လျှင်ဖြင့် စိတ်ပေါ့ပါးသွားပြီး ဝံ့ရဲစိတ်များ ပြန်လည် ပေါ်ပေါက်လာနိုင်သည်ဟု စဉ်းစားမိသောကြောင့် ရေးသားလိုက်ရပါပြီ။
တစ်နေ့သား မော်ကွန်းရုံးသို့အရောက် အခန်းထောင့်တွင် သတင်းထောက် သက်ဦးမွန် ချောင်ကပ်ပြီး ခေါင်းငိုက်စိုက် ကျနေ သည်ကို တွေ့ရသည်။
ရန်လိုကျွဲ ။ ။ ဟေ့ကောင် သက်ဦးမွန် … ရုံးလာပြီး ငိုက်မနေနဲ့။ သတင်းထောက်ဆိုတာ အဲဒီလို မနေရဘူး၊ လှုပ်လှုပ်ရှားရှား ခုန်ဆွခုန်ဆွ လုပ်နေရတယ်ကွ။
သက်ဦးမွန်။ ။ (လေးကန်ဖင့်နွဲ့စွာဖြင့် တစ်ချက်မော့ကြည့်လိုက်ပြီး) တော်စမ်းပါ ရန်လိုကျွဲရာ၊ ငါ နားအေးပါးအေး နေပါရစေ။
နားအေးပါးအေး နေချင်ရင် မင်းရဲ့ခေါင်းကို ရေခဲသေတ္တာထဲ သွားထည့်ထားလိုက်ဟုပြောရန် ဟန်ပြင်ပြီးခါမှ ထမင်း ဆယ် ရက် မစားရသေးသူ မိုင်သုံးဆယ်ခန့် လမ်းလျှောက်လာရသည့်အလား နွမ်းလျနေသော သတင်းထောက်ကိုကြည့်ပြီး သနား သွားသည်။
ကျွဲ ။ ။ ဆိုစမ်းပါဦးကွ။ ဘာတွေ အခက်အခဲ တွေ့နေတာလဲ။ ရည်းစားပူမိနေတာလား။
မွန် ။ ။ ရည်းစားပူမိတာဟုတ်ရပါဘူးဗျာ။ သို့သော်လည်း ရည်းစားက ပူနေလို့ ကျွန်တော် စိတ်ညစ်နေတာ။
ကျွဲ။ ။ သြော်…ရည်စားက ပူနေပြီလား။ အစကတည်းက ဆင်ခြင်သင့်တာပေါ့။ လိုအပ်တဲ့ အကာအကွယ်တွေသုံးမယ်ဆိုရင် ပူစရာအကြောင်းမရှိပါဘူးကွာ။ မင်းသိလား… ငါတို့သတင်းထောက်တွေအတွက် စာနယ်ဇင်းသင်တန်း သိပ်များနေပြီ။ တ ကယ်လိုအပ်နေတာ လိင်ပညာပေးသင်တန်းတွေပဲ ဆိုတာ မင်းရဲ့ဖြစ်ရပ်က သက်သေပဲပေါ့ကွာ။
မွန် ။ ။ တော်ပါဗျာ …။ ကျုပ်ရည်းစားက ပူတယ်ဆိုတာ လက်ထပ်ချင်လှပြီဆိုပြီး အပူကပ်နေတာကိုပြောတာ။ ခင်ဗျားလျှောက် ပြောတာနဲ့ ကျုပ်စိတ်ညစ်တာတွေတောင် ဘယ်ရောက်သွားလဲ မသိတော့ဘူး။ လက်ထပ်တယ်၊ တစ်အိုးတစ်အိမ် ထူထောင် တယ်ဆိုတာ ဒီခေတ်ကြီးမှာ လွယ်တာမှတ်လို့။ ကျုပ်ရဲ့ မဖြစ်စလောက် လစာလေးနဲ့ မိန်းမယူဖို့ဘယ်ဖြစ်မလဲ။ ကျုပ် အဲဒါကို စိတ်ညစ်လို့ ဒီမှာ လာခွေနေတာ။
ကျွဲ ။ ။ သြော်… ဂလိုလား။ အာဝါဟ ဝိဝါဟကိစ္စအတွက်များ မျှောက်မှိုင်မှိုင်မနေပါနဲ့။ မင်းအတွက် ဝင်ငွေတိုးစေမယ့်နည်း လမ်းတွေ အများကြီးရှိမှာပါ။ ငါ့ကိုသာ အားကိုး။ ငါက ငွေဝင်လမ်းနဲ့ပတ်သက်ပြီး တကယ့်ကျွမ်းကျင်သူဆိုတာ မင်း မေ့နေပြီလား။ မင်းတို့က သတင်းထောက်ဖြစ်ပြီး စာဖတ်အား တယ်နည်းတာပဲ။ မော်ကွန်းအဟောင်းတွေ ပြန်ဖတ်စမ်းပါ။ အဲဒီမှာ ငါ့ရဲ့ စီးပွားရေးသီအိုရီတွေ လေ့လာလိုက်စမ်း။ ငါ့ကို စီးပွားရေးတက္ကသိုလ်ကတောင် ဂုဏ်ထူးဆောင်ဒေါက်တာဘွဲ့ ပေးထားတာနော်။
(ရန်လိုကျွဲ ဒေါက်တာဘွဲ့ရခြင်းအကြောင်းကို ၂၀၁၄ နိုဝင်ဘာလထုတ် မော်ကွန်းမဂဇင်းတွင် ဖော်ပြခဲ့ပြီးဖြစ်သည်) http://mawkun.com/cartoon_and_satire/consultant/
ယင်းသို့ ရှည်ရှည်လျားလျား ရှင်းပြလိုက်မှ သူကောင့်သား သက်ဦးမွန် ခေါင်းထောင်လာသည်။ လေသံရော၊ အခေါ်အဝေါ်ပါ ရုတ်တရက် ပြောင်းလဲလာသည်။
မွန်။ ။ ဟာ…ဟုတ်သားပဲ။ ကျွန်တော် ဒီကိစ္စ မေ့နေလိုက်တာ။ လုပ်စမ်းပါ ဆရာကျွဲရယ်၊ အားကိုးပါတယ်။ အမိုက်အမဲ လေးကို ဗွေမယူပါနဲ့၊ ဝင်ငွေတိုးဖို့အတွက် ကျွန်တော့်ကို ကူညီပါ၊ စောင်မပါ၊ အကြံပေးပါ၊ ဝေဖန်ပါ၊ ဆုံးမပါဗျာ။
ကျွဲ။ ။ ဟဲဟဲ… ကူညီပါရစေ၊ ကူညီပါရစေခင်ဗျလုပ်ရသေးတာပေါ့ကွယ်။ မင်းရဲ့ ဝင်ငွေတိုးပွားရေးအစီအစဉ်အတွက်ဆို ရင် နိုင်ငံတော်နဲ့ အကျိုးတူပူးပေါင်းဆောင်ရွက်တာမျိုးတွေတော့ လုပ်မှဖြစ်မယ်နော်။
မွန်။ ။ ကြိုက်သွားပြီဗျာ။ သူဌေးကြီးတွေရဲ့ အောင်မြင်ရေးသော့ချက်က အဲဒါပဲဗျ။ နိုင်ငံတော်နဲ့ အကျိုးတူပူးပေါင်းလိုက်ကြတာ ခရိုနီကြီးတွေ ဖြစ်သွားရော။ အဲ…ကျွန်တော်က ပူးပေါင်းဖို့တော့ အသင့်ဖြစ်ပါပြီ၊ ဘယ် အဘနဲ့ ပူးပေါင်းရမှာလဲ။ လုပ်စမ်းပါဦး။
ကျွဲ။ ။ ဘယ်အဘနဲ့မှ ချိတ်စရာ မလိုဘူး။ မတော်တဆ အဘ အရွေးမှားပြီး အဲဒီအဘ သစ်ကိုင်းလွတ်တဲ့အခါ မင်းပါ ကိစ္စများလိမ့်မယ်။ နိုင်ငံတော်နဲ့ အကျိုးတူပူးပေါင်းဆောင်ရွက်တယ်ဆိုတာ ဒီလိုကွ၊ … စားသောက်ဆိုင်ကြီးတွေမှာ အခု စားသုံးခွန် ကောက်နေပြီ၊ ဘောက်ချာစာရွက်မှာ အခွန်တံဆိပ်ခေါင်းလည်း မဖြစ်မနေ ကပ်နေကြရပြီ၊ အဲ…. ကပ်နေပြီ ဆိုပေမယ့် ဆိုင်တိုင်းတော့ မဟုတ်သေးဘူး၊ တံဆိပ်ခေါင်းမကပ်တဲ့ဆိုင်ဆိုရင် အခွန်ဌာနကို တိုင်လို့ ရတယ်၊ တိုင်ရင် အခွန်ဌာနက စစ်ဆေး အရေးယူမယ်၊ ဒဏ်ငွေရိုက်မယ်၊ တိုင်တဲ့သူက အဲဒီဒဏ်ငွေထဲက အစိတ်အပိုင်းတချို့ကို ရမယ်ပေါ့ကွာ။
မွန်။ ။ ဟာ… ဟုတ်သားပဲ။ ဒါဟာ ကျွန်တော်တို့အတွက် ငွေရပေါက်လမ်းပဲ။ ကျွန်တော် ဘာကြောင့် မတွေးမိပါလိမ့်။ တံဆိပ်ခေါင်းကို အကြောင်း အမျိုးမျိုးကြောင့် မကပ်ဖြစ်တဲ့ဆိုင်တွေ အများကြီးပဲဗျ။
ကျွဲ။ ။ ဟုတ်တယ်။ ဆိုင်တိုင်း ကပ်ကြတာမဟုတ်ဘူး။ ဘောက်ချာတောင်းတဲ့အခါလည်း အချိန်သိပ်မရတဲ့ပုံဖမ်းထားလိုက်။ ဆိုင်ဝန်ထမ်းတွေကိုလည်း ပျာယီးပျာယာဖြစ်အောင်လုပ်။ ဒါဆို တံဆိပ်ခေါင်းကပ်တာမျိုး သူတို့ လုပ်ချင်မှ လုပ်လိမ့်မယ်။ ပြီးတော့ မင်းက ဝင်ငွေပိုကောင်းအောင် နှစ်သီးစား လုပ်လို့ရသေးတယ်။
နှစ်သီးစား ဆိုသော စကားလုံးကြောင့် သက်ဦးမွန်သဘောကျသွားသည်။ အားပါးတရ ပြုံးလိုက်ရာ ပါးစပ်က နားရွက်နှစ်ဘက်ကိုပင် တက်ချိတ်သွားသည်။
ကျွဲ။ ။ နှစ်သီးစား ဆိုတာက … အခု သက်ဦးမွန်တို့ရဲ့ မော်ကွန်းမဂဇင်းမှာ အစားအသောက်ကဏ္ဍ၊ စားသောက်ဆိုင်ဝေဖန်ရေး ကဏ္ဍတို့ မပါသေးဘူး။ အဲဒီကဏ္ဍတွေထည့်ဖို့ အယ်ဒီတာတွေကို ငါပဲ တိုက်တွန်းလိုက်ပါ့မယ်။ အယ်ဒီတာတွေလည်း ဒါကို သဘောကျမှာပါ။ သူတို့ထည့်နေတဲ့ ငြိမ်းချမ်းရေးတို့၊ ရွေးကောက်ပွဲတို့ဆိုတာ ပျင်းစရာကြီးတွေမဟုတ်လား။
မွန်။ ။ (စားပွဲကို လက်နှစ်ဘက်ဖြင့် ဘုန်းခနဲ ထုလိုက်ပြီး….) သိပ်ဟုတ်တာပေါ့ဗျာ။ အဲ…သိပ်ဟုတ်ပေမယ့် အဲဒီ အစားအ သောက်ကဏ္ဍတွေက ကျွန်တော်နဲ့ ဘာဆိုင်လို့လဲ။
ကျွဲ။ ။ ဆိုင်တာပေါ့ကွ။ နိုင်ငံတော်နဲ့အကျိုးတူပူးပေါင်းရေးအတွက် စားသောက်ဆိုင်တွေကို အချဉ်ဖမ်းဖို့ လုပ်တဲ့အခါ စား စရာတွေ မှာစားရတယ်မဟုတ်လား။ အဲဒီအစားအစာအကြောင်း၊ ဆိုင်အကြောင်း လျှောက်ရေးပေါ့ကွာ။ ဒါဆို စာမူခလည်း ရမယ်လေကွာ။
သတင်းထောက် သက်ဦးမွန် အကြီးအကျယ် ဝမ်းသာသွားသည်။ သူ၏လစာ၊ အကျိုးတူပူးပေါင်းသည့်အတွက် အခွန်ဌာနက ရှယ်ပေးမည့် ဝေစု၊ အစားအသောက်အကြောင်း ရေးသားခြင်းမှ ရရှိမည့် စာမူခတို့ကို ပေါင်းလိုက်လျှင် ဝင်ငွေ အလွန် ကောင်းမည်ဖြစ်သောကြောင့် မိန်းမယူလို့ရပြီ၊ လုပ်ငန်း လွန်စွာအောင်မြင်ပါက မိန်းမနှစ်ယောက်ပင် ယူနိုင်မည်ဟု တွေး လိုက်မိသည်။ ငွေရလမ်းအတွက် အကြံကောင်းများပေးလာသော ရန်လိုကျွဲကို အကြီးအကျယ် ကျေးဇူးတင်မိသည်။ စိတ် ဓာတ်များ တက်ကြွလာပြီး အခန်းအတွင်း ခုန်ဆွခုန်ဆွ လမ်းသလားနေလေတော့သည်။
မျောက်မှိုင်မှိုင်နေသော သတင်းထောက်တစ်ယောက်ကို မီးခဲနင်းမိသောမျောက်တစ်ကောင်နှင့်တူအောင် စိတ်ဓာတ်ခွန်အား ပေးလိုက်နိုင်သောကြောင့် ရန်လိုကျွဲလည်း ကိုယ့်ကိုယ်ကိုယ် ကျေနပ်မိသည်။ ထိုသို့ကျေနပ်နေစဉ် အနီးရှိ အယ်ဒီတာ ကျော်ဇေယျာထွန်းထံမှ အသံထွက်လာသည်။
ကျော်ဇေယျာထွန်း။ ။ ဟေ့လူ…ကျုပ်ကိုလည်း ကူညီလို့ရမလား။ ကျုပ်နဲ့ ကျုပ်ဇနီးသည်ရဲ့ လတ်တလော ရည်ရွယ်ချက်က တိုက်ဆောက်၊ ကားစီးချင်တယ်။ ကျုပ် မော်ကွန်းမှာ ဆက်နေလို့ကတော့ ဘာမှဖြစ်လာမှာမဟုတ်ဘူး။ အဲဒါ ခင်ဗျား ဘယ် လို အကြံဉာဏ် ပေးချင်လဲ။
ကျွဲ။ ။ ဟာ… ဖြစ်ရစေမယ်၊ ရွှေလိုချင် ရွှေဖြစ်ရမယ်၊ ငွေလိုချင် ငွေဖြစ်ရမယ်။ ဒီမယ် အယ်ဒီတာကြီး၊ တိုက်ဆောက်၊ ကားစီးတယ်ဆိုတာ အင်မတန်လွယ်ကူတဲ့ကိစ္စပဲ။ တချို့ဆိုရင် တပါးသူရဲ့ငွေကို လှည့်ပတ်သုံးပြီး တိုက်ဆောက်၊ ကားစီး၊ သူဌေးဖြစ်နေကြတာဗျ။
ထွန်း။ ။ ဟာ… အဲဒီနည်းကတော့ လန်းသဗျာ။ အဲဒီအခြေအနေဖြစ်အောင် လုပ်တဲ့ ဗျူဟာတွေ ပေးပါဦး။ ကျွန်တော်က အရင်းအနှီးလည်း အများကြီးရှိတာမဟုတ်ဘူး။ ပြီးတော့ စာရေးတဲ့အလုပ်၊ အခန်းအောင်းပြီး စာအုပ်ပုံထဲနေတဲ့အလုပ်။ ဒါပဲ လုပ်တတ်တာ။
ကျွဲ။ ။ စာအုပ်ပုံထဲနေတတ်ရင် ရပြီ။ အဲဒါ တိုက်ဆောက်၊ ကားစီးဖို့အတွက် အခြေခံအုတ်မြစ်ပဲ။ ငွေအရင်းအနှီးကတော့ နည်းနည်းလေး လိုမယ်။
ထွန်း။ ။ အများကြီးမဟုတ်ဘူးဆိုရင်တော့ ပေါင်နှံချေးငှားလိုက်ရင် အဆင်ပြေမှာပါ။ ခင်ဗျားရဲ့ အိုင်ဒီယာကိုသာ အသေး စိတ် ပြောဗျာ။
တပါးသူတို့၏ငွေကြေးဖြင့် တိုက်ဆောက်၊ ကားစီး၊ သူဌေးဖြစ်နည်းဆိုသည်မှာ တခြားမဟုတ်၊ စာအုပ်ဖြန့်ချိရေးဆိုင် ဖွင့် လှစ်ခြင်း ဖြစ်ကြောင်း၊ ခေတ်ပြတိုက်၊ ရိုးလှသန္တာကဲ့သို့သော အရေအတွက် ရာနှင့်ချီသည့် စာအုပ်တိုက်များက သူတို့ ထုတ်သည့် စာအုပ်ကို အပ်ကုန်အဖြစ် အရောက်လာပို့ကြမည်ဖြစ်သောကြောင့် ရင်းနှီးငွေ ကြီးကြီးမားမား မလိုကြောင်း၊ အရောင်းဝန်ထမ်းအနည်းငယ်ခန့်ထားရုံဖြင့် လုပ်ငန်းလည်ပတ်နေမည်ဖြစ်ကြောင်း ရှင်းပြလိုက်သည်။
ထွန်း။ ။ ဆိုင်လုပ်ငန်းလည်ပတ်သွားတာတော့ ဟုတ်ပါပြီ၊ ဘယ်မှာလဲ ခင်ဗျားရဲ့ တိုက်နဲ့ကား။ ဒီခေတ်ကြီးမှာ စာအုပ်ဆိုတာ အရောင်းသွက်ပစ္စည်းမှ မဟုတ်တာ။ ကျုပ်တို့တိုက်ကလစဉ်ထုတ်တဲ့မဂဇင်းတောင် ရောင်းမထွက်ဘဲ တောင်ပုံရာပုံဖြစ်နေလို့ ဂိုထောင်ကြီးကြီးတစ်လုံးငှားပြီး သွားသိမ်းထည့်ထားရတယ်။
ကျွဲ။ ။ အဓိကကျတဲ့အချက်ကို ခင်ဗျား သဘောပေါက်ရင် တိုက်ဆောက် ကားစီးလို့ ရပါပြီ အယ်ဒီတာမင်းရေ။ ဒီလိုဗျ.. ဒီလို၊ စာအုပ်ရောင်းရငွေတွေကို အကုန်မရှင်းဘဲ လှည့်သုံးထားပေါ့ဗျာ။ ခင်ဗျားရဲ့ဆိုင် ကြီးလာလေလေ လှည့်သုံးတဲ့ငွေ များလာလေပဲ။ ဥပမာ… မော်ကွန်းမဂဇင်း ကျပ်တစ်သိန်းဖိုး ရောင်းရပြီ ဆိုပါစို့။ မဂဇင်းတိုက်က ကလေးမတွေဖြစ်တဲ့ မူမူသန်းတို့၊ မို့မို့သူတို့က ပိုက်ဆံ လာကောက်လိမ့်မယ်။
ထွန်း။ ။ သြော်…သိပြီ… သူတို့လာရင် လူကြီးတွေမရှိဘူးလို့ ပြောပြီး နှင်လွှတ်လိုက်တာမျိုးပေါ့။ ဟုတ်လား။
ကျွဲ။ ။ နိုး…နိုး…နိုး…။ သူတို့ကို အဲဒီလိုပြောစရာကို မလိုဘူး။ ငွေရှင်းပေးလိုက်၊ အဲ… အကုန်လုံးတော့ မရှင်းနဲ့။ မဆိုစ လောက်လေးပဲ ရှင်းပေးလိုက်။ ကျန်တဲ့ငွေ ကိုယ်က လှည့်သုံးနေရုံပဲ။ မော်ကွန်းကလည်း လစဉ်လတိုင်း အဆက်မပြတ် ထုတ်နေမယ် ဆိုတော့ အချိန်ကြာလာလေလေ… ကိုယ်လှည့်သုံးတဲ့ငွေပမာဏ ကြီးလာလေပဲ။
ထွန်း။ ။ လက်ကျန်ငွေ အတင်းအကျပ်တောင်းနေရင် ဘယ်လိုလုပ်မလဲ။
ကျွဲ။ ။ ကိုယ်ပေးမှ သူရမှာလေ။ ကိုယ်ပေးချင်မှဖြစ်တာပါ။ ဘယ်နေ့ ငွေရှင်းပေးပါ့မယ်လို့ စာချုပ် ချုပ်ပြီး လုပ်ကြတာမှ မဟုတ်ဘဲ။ “ကျုပ်တို့က ဆိုင်ခန်းနဲ့ဘာနဲ့ လုပ်နေတာကွ၊ ဘယ်မှထွက်မပြေးဘူး။ ငွေက မလည်သေးလို့ ဒီလတော့ ဒီလောက်ပဲ ပေးနိုင်မယ်၊ ကျုပ်တို့မှာက ဆိုင်ခန်းငှားခ၊ ဝန်ထမ်းလခတွေနဲ့ လွယ်တာမဟုတ်ဘူး” လို့ အထက်စီးကနေ မာမာတင်းတင်းသာ ပြောလိုက်။ ဒီလိုပဲ လုပ်နေကြတာပဲ။
ထွန်း။ ။ ဟာ…ဒါဆို … စိတ်ဆိုးပြီး သူတို့စာအုပ်တွေ ကျုပ်ဆိုင်မှာ မတင်ရင် ကိုယ်ကျိုးနည်းပြီပေါ့။
ကျွဲ။ ။ မတင်လို့မရဘူး ကိုယ့်လူ။ မြန်မာစာပေလောကကို ခါးစောင်းတင်ထားတာ ဖြန့်ချိရေးဆိုင်တွေကွ။ သူတို့ဆီကမဖြန့်လို့ ဘယ်ကနေ ဖြန့်မလဲ။ အခုဆို စာပေချစ်စိတ်၊ ဘာစိတ် ညာစိတ်နဲ့ စာအုပ်တွေ အဆက်မပြတ် ထွက်နေတာ။ အဲဒါကို ဖြန့်ချိရေးဆိုင်တွေက မဖြန့်ပေးရင် ဘယ်သိကြားမင်းက လာဖြန့်ပေးမှာလဲ။ အောင့်သက်သက်နဲ့ တင်ရတာပဲ။ ဒီလိုပဲ ဆက်ဆံရတာပဲ။ တချို့ဖြန့်ချိရေးဆိုင်တွေဆို တစ်ပတ်မှ တစ်ရက်လောက်ပဲ ငွေရှင်းတာ။ အဲဒီရက်ဆိုရင် ငွေထုတ်ချင် တဲ့သူက ခပ်စောစောသွားနိုင်မှ။ “ယနေ့ ဆယ်ယောက်ကိုသာ ငွေချေမည်၊ မနက်ဆယ်နာရီမတိုင်ခင် ရောက်လာသူကိုသာ ငွေချေမည်၊ ယနေ့ စုစုပေါင်း ဆယ်သိန်းဖိုးသာ ငွေချေမည်၊ နောက်ကျတဲ့ခြေထောက် သစ္စာဖောက်” စသဖြင့် စသဖြင့် မူဝါဒချထားတဲ့ဆိုင်လည်း ရှိသဗျ။
ထွန်း။ ။ ဒါဆိုရင် စာအုပ်ထုတ်ဝေသူက ကိုယ့်ငွေနဲ့ကိုယ် မျက်နှာငယ်လေးနဲ့ သွားတောင်းရတာပေါ့နော်။
ကျွဲ။ ။ သိပ်သေချာတာပေါ့။ တချို့ဆိုရင် ပိုက်ဆံရှိလွန်းလို့ စာအုပ်ထုတ်တာ မဟုတ်ဘူး။ ဝါသနာ ကြီးလွန်းလို့ထုတ်ကြတာ။ ကားခကုန်၊ အချိန်ကုန်၊ လူပင်ပန်းခံပြီး စာအုပ်ဖိုးငွေ သွားတောင်းတဲ့သူကို မုန့်ဖိုးပေးသလိုမျိုး နည်းနည်းချင်း ခွဲပေးတော့ ငွေခေါင်းကွဲသွားသူတွေလည်း မနည်းဘူး။ စာအုပ်ကလည်း အဆက်မပြတ်ထုတ်မှ ငွေလည်ပတ်တဲ့သဘောလည်း ရှိတယ်။ ထုတ်ဝေသူတစ်ယောက်ရဲ့ ငွေကို ဖြန့်ချိရေးဆိုင်တစ်ဆိုင်က လှည့်သုံးတဲ့ ပမာဏဟာ ငါးသိန်းလည်း ဖြစ်နိုင်သလို သိန်းငါးဆယ်လည်း ဖြစ်နိုင်တယ်။ ဆိုင်ကို စာအုပ် အရောင်းအပ်တဲ့ ထုတ်ဝေသူပေါင်းက ရာဂဏန်း ရှိတယ်လေ။ ဒီအခြေအနေမှာ စာအုပ်ရောင်းရငွေကို အကုန်ရှင်းမပေးဘဲ လှည့်သုံးခြင်းအားဖြင့် တိုက်ဆောက် ကားစီးလို့ ရပြီပေါ့ကွ။ တကယ်လည်း စီးနေကြပါတယ်။
ကျော်ဇေယျာထွန်းလည်း နည်းနည်း တွေဝေသွားသည်။ သူတပါး၏ငွေကို အကုန်ရှင်းမပေးဘဲ လှည့်ပတ်သုံးခြင်း ဆိုသည့် အချက်က သူ့အတွက် အတော်လေး စဉ်းစားစရာ ဖြစ်သည်။ သို့သော်လည်း ထိုငွေဖြင့် တိုက်ဆောက် ကားစီးနိုင်သည်ဟူသော ရန်လိုကျွဲ၏ စကားကြောင့် ဆုံးဖြတ်ချက်တစ်ခုကို ဒုန်းခနဲ ချလိုက်ပြီး သူ၏ဇနီးသည် မြတ်စုမွန်ထံသို့ ဖုန်းဆက်ကာ “မိန်းမရေ… ငါတို့ တိုက်ဆောက် ကားစီးနိုင်ဖို့ စာအုပ်ဖြန့်ချိရေးဆိုင်ကြီး ဖွင့်ကြစို့ဟေ့” ဟု ပြောလိုက်လေသည်။
မော်ကွန်းသို့ရောက်ပြီး ရေတစ်ခွက်ပင် မသောက်ရသေးသော်လည်း ကြီးပွားချင်သော သတင်းသမား နှစ်ယောက်ကို အကြံဥာဏ်များ အဆက်မပြတ် ပေးနေသည်။ အကြံပေးပြီး အာခြောက်လာသောကြောင့် ရေသောက်နေစဉ်မှာပင် သတင်း ထောက် ကောင်းမြတ်မိုးက ဘေးနား ရောက်လာသည်။
ကောင်းမြတ်မိုး။ ။ ဆရာကျွဲ… ကျုပ်ကိုလည်း အကြံပေးဗျာ။ ပိုက်ဆံလိုတဲ့ထဲမှာ ကျုပ်လည်း ပါတယ်။ အဲ…ကျုပ်ကတော့ အရင်းအနှီးတော့ လုံးဝ မရှိဘူးနော်၊ ကြိုပြောထားမယ်။
ကျွဲ။ ။ စိတ်မပူပါနဲ့ သတင်းထောက်ရယ်။ အဆင်ပြေတဲ့နည်းတွေ အများကြီး ရှိမှာပါ။ အရင်းမစိုက် လှေထိုးလိုက် ဆိုတဲ့ စကားလည်း ရှိသားပဲ။
မိုး ။ ။ လှည်းတွေ လှေတွေ မသုံးတော့ဘူး။ ဒီခေတ်က ကားသုံးတဲ့ခေတ်ဖြစ်နေပြီ။ ရန်ကုန်ကလမ်းတွေဆို ကားတွေနဲ့ပြည့် နေလို့ ကျုပ်တို့လမ်းလျှောက်ဖို့တောင် အနိုင်နိုင်။
ကျွဲ။ ။ ဒါဆိုလည်း အရင်းမစိုက် ကားထိုးလိုက်ပေါ့ကွ။ ကားဆိုတာ ထိုးရတာမဟုတ်ဘူး၊ မောင်းရတာလို့ ဘု မတောနဲ့ဦး။ ငါဆိုလိုချင်တဲ့သဘော ခဏနေ မင်းသိရလိမ့်မယ်။ ရန်ကုန်က ကားသမားတွေ အင်မတန် အမောင်းကြမ်းကြတာ မင်းသိ တယ်နော်။ မီးပွိုင့်ရောက်ခါနီး မီးနီနေတာမြင်လည်း မိုင်တစ်ရာနှုန်း မောင်းတာပဲ။ ပွိုင့်ကိုရောက်လို့ မီးနီနေသေးရင် ဘရိတ် ထိုးအုပ်။ မီးစိမ်းရင် ဆက်မောင်း။ လမ်းကူးတဲ့သူတွေကို သောက်ဂရုစိုက်ကြတာမှမဟုတ်တာ။ လမ်းကူးတဲ့သူကို နည်းနည်း လေးမှ ဦးစားမပေးရဘူး ဆိုတဲ့ ဥပဒေ စည်းကမ်း မြန်မာပြည်မှာ ထုတ်ထားသလား ထင်မှတ်ရတယ်။
မိုး ။ ။ ဟုတ်ပါပြီ အာစရိရယ်။ ရန်ကုန် ဒရိုင်ဘာတွေက ငရဲပြည် မြန်မြန်ရောက်ချင်လို့ မော်တော်ကားကို လေယာဉ်ပျံလို မောင်းကြတာ ကျွန်တော်လည်း တွေ့ပါတယ်။ အဲဒီတော့ ဘာဖြစ်လဲ၊ သူတို့ကို မွမ်းမံသင်တန်းပေးတဲ့နည်းနဲ့ ကျုပ်က ငွေရှာ ရမှာလား။
ကျွဲ။ ။ ဟင့်အင်း… သင်တန်းပေးဖို့ဆိုရင် သင်တန်းကျောင်းဖွင့်ရမယ်၊ မင်းက အရင်းမရှိဘူးဆိုတော့ ကျောင်းဖွင့်လို့ မရဘူး။ သို့သော်… ငွေအရင်းအနှီး ရှိစရာမလိုဘဲ အလုပ်ဖြစ်မယ့်ဗျူဟာတွေအတွက် ငါ့ကို အားကိုးပါကွာ။
ကောင်းမြတ်မိုးအတွက် ရန်လိုကျွဲ ပေးဖြစ်သော အကြံမှာ ကားတိုက်ခံရဟန်ဆောင်ပြီး ဒရိုင်ဘာများထံမှ ငွေညစ်ထုတ်ယူရေး ဖြစ်လေသည်။ ရန်ကုန်တွင် ယာဉ်ကျောပိတ်သည့် နေရာ များစွာ ရှိသည်။ ထိုနေရာများ ရောက်လျှင် ကားတို့က တရွေ့ရွေ့ သွားကြရသည်။ လေးငါးပေခန့်သာ မောင်းရလျှင်လည်း တစ်လှိမ့်ချင်း မလှိမ့်ဘဲ ဝူးခနဲမောင်း၊ ကျွိခနဲ ဘရိတ်အုပ်သည့် ကားသမား အများအပြား ရှိသည်။ ယာဉ်ကျောပိတ်သည့်လမ်းပေါ်ရှိ လူကူးမျဉ်းကျားသို့ရောက်လျှင်လည်း ထိုသို့သော ကားမောင်းနည်းကို အသုံးပြုကြလေ၏။ လမ်းလျှောက်သူကို လမ်းကူးခွင့် သိပ်မပေးတတ်၊ သိပ်မပေးချင်။ ထို့ကြောင့် မျဉ်းကြားတွင်လည်း လမ်းကူးသူက ကားကို ဦးစားပေးပြီး ကူးနေရသည်။ ဤအခြေအနေတွင် လူကူးမျဉ်းကျားအနီး ကားတိုက်ခံရဟန်ဆောင်ပြီး လမ်းပေါ် အိပ်ချလိုက်သည့်နည်းလမ်းဖြင့် ငွေရှာရေးဟူသော အကြံကို ကောင်းမြတ်မိုးအတွက် ပေးလိုက်ခြင်းဖြစ်သည်။ မျဉ်းကြားတွင် ယာဉ်တိုက်မှုဖြစ်လျှင် ကားသမားအတွက် အမှုပိုကြီးတတ်သည်ဟူသော အချက်ကို မည်ဟုလည်း ပြောလိုက်သည်။
မိုး ။ ။ ဟာ… ကားသမားက ကြောက်ပြီး မောင်းပြေးရင် ဘယ်လိုလုပ်မလဲ။
ကျွဲ။ ။ သေစမ်းကွာ။ ယာဉ်ကြောပိတ်နေပါတယ်ဆိုမှ ကားသမားက ဘယ်ကို မောင်းပြေးမှာလဲ။ သူ့မှာ ရွေးချယ်စရာဘာမှ မရှိဘူး။ မင်းနဲ့ ညှိနှိုင်းရုံပဲ။ ယာဉ်ထိန်းရဲတွေ ဘာတွေ မရောက်ခင်၊ အနီးအနားက တာဝန်သိလုပ်သားပြည်သူတွေ ဝိုင်းလာပြီး ဆွမ်းကြီးမလောင်းခင် မင်းကို ညှိနှိုင်းမှာပဲ။ မတော်တဆမှုဖြစ်ပြီ ဆိုရင် ဆေးရုံပို့ရ၊ ရဲစခန်းသွားရတဲ့အလုပ် ဘယ်ကားသမားမှ မလုပ်ချင်ဘူး။ အရေးကြီးတာက ညှိနှိုင်းလာတဲ့အခါ မင်းက နည်းနည်းတော့ ရုပ်ရှင်ရိုက်ပြပေါ့ကွာ။ ချက်ချင်း ထပြီးမထိုင်နဲ့။ မတ်တပ်မရပ်နဲ့။ လမ်းမလျှောက်နဲ့။ အတွင်းကြေဒဏ်ရာ ရသွားသလိုမျိုး လုပ်ပြ။ ဒါမှ ငွေတောင်းလို့ကောင်းမှာ။ ကားသမား က ကြောက်လန့်ပြီး အနည်းနဲ့အများ မင်းကို လျော်ကြေးတို့၊ ဆေးဖိုးတို့ ချက်ချင်း ပေးမှာပဲ။
ကောင်းမြတ်မိုး ကြက်သေ သေသွားသည်။ ရန်လိုကျွဲနှင့် အသိနောက်ကျလေခြင်း၊ ဤသို့သောအကြံကို ယခုမှ ရလေခြင်းဟု ဆင်ခြင်မိပြီး မှင်တက်မိသွားခြင်းပင်။ ထိုနည်းဗျူဟာဖြင့် တစ်ကြိမ် ကားတိုက်ခံရဟန်ဆောင်ပြီးတိုင်း ငွေသောင်းဂဏန်း သိန်းဂဏန်း ဝင်လာမှာ သေချာသည်ဟု တွေးလိုက်မိသည်။
များမကြာမီ သတင်းထောက် ကောင်းမြတ်မိုးတစ်ယောက် ကွမ်းယာဝယ်မလိုလို၊ ရခိုင်မုန့်တီစားမလိုလိုဟန်ဖြင့် ရုံးထဲမှ အသာလေး လစ်ထွက်သွားသည်။ ထို့နောက် ရုံးရှေ့လမ်းမပေါ်ရှိ လူကူးမျဉ်းကြားအနီးသို့ ရောက်သွားကာ ကြံကြံဖန်ဖန် ငွေရှာသည့် လုပ်ငန်းကြီးကို အလျင်အမြန် အစပြုလေသည်။ မော်ကွန်းမဂဇင်း ဝိုင်းတော်သားတို့လည်း ကောင်းမြတ်မိုးကို လုံ့လဝီရိယကောင်းသူတစ်ဦးအဖြစ် အသိအမှတ်ပြုလိုက်ကြ၏။
မော်ကွန်းရုံးသို့ ရန်လိုကျွဲ ရောက်လာတတ်သည်မှာ စာနယ်ဇင်းလောက၏ အတင်းစကားများ၊ Facebook မှ ပေါက်ကရ သတင်းများအကြောင်း လေပေါလိုခြင်းကြောင့်ဖြစ်သည်။ သို့သော်လည်း ရောက်ကတည်းက ငွေရှာနည်း၊ စီးပွားရေးလုပ် နည်းများကိုသာ ပို့ချနေရသည်။ ဗိုက်ကလည်း အတော်ဆာလာသည်။ ထိုသို့သော အခြေအနေတွင် အကြံဉာဏ်တောင်း သူနောက်တဦး ချည်းကပ်လာပြန်သည်။ ထိုသူမှာ အယ်ဒီတာ ဉာဏ်လင်းဖြစ်သည်။ “ကျုပ်လည်း အကြံရချင်သဗျို့” ဟုဆို ကာ ဉာဏ်လင်းတစ်ယောက် အတင်းအကျပ် ချည်းကပ်လာလေ၏။
(လာမည့်လ ဇာတ်သိမ်းပိုင်းတွင် ကြီးပွားရေး အကြံကောင်းဉာဏ်ကောင်းများ ရရှိသွားကြသော မော်ကွန်းဝိုင်းတော်သား ၄ ဦး၏ စိတ်လှုပ်ရှားဖွယ်ရာ ဖြစ်ထွန်းမှုများကို ဖတ်ရှုကြရမည်ဖြစ်သည်။)
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
ဟိုတုန်းက ရေးတဲ့ သရော်စာတွေလည်း ကောင်းပါတယ်။ အခု သရော်စာလည်း ကောင်းပါတယ်။ အားလုံး ကောင်းပါသည် ခင်ဗျား။