သတင်းဆောင်းပါး မောင်မောင်စိုး

မောင်မောင်စိုး – ရွေးကောက်ပွဲ နှင့် စစ်ပွဲ (ပထမပိုင်း)

 

 မောင်မောင်စိုး – ရွေးကောက်ပွဲ နှင့် စစ်ပွဲ (ပထမပိုင်း)

(မိုးမခ) အောက်တိုဘာ ၂၈၊ ၂၀၁၅

ပွဲ

ပွဲဆိုသည်နှင့် လူအများပါဝင် ဆင်နွှဲသည်ဟူသော အဓိပ္ပါယ် ပါဝင်ပြီးဖြစ်သည်။ ဧည့်ခံပွဲ အလှူပွဲ ဇတ်ပွဲ အငြိမ့်ပွဲ ဘောလုံးပွဲ စသည်ဖြင့် လူအများပါဝင်ဆင်နွှဲကြသည့် ပွဲပေါင်းများစွာရှိသည်။ တကိုယ်တည်း အောင်ပွဲခံသည်ဟု ရေးသားပြောဆိုမှုရှိသော်လည်း ဤ သုံးစွဲမှုသည် ပြောင်းပြန် အဓိပ္ပါယ်ဖြစ်သော အထီးကျန်သည်ကိုသာ ရည်ညွှန်းသည်။ တကယ်တော့ မြန်မာစကားအသုံးအနှုံး တွင် ပွဲဆိုသည်မှာ လူအများ ပါဝင်ဆင်နွှဲသည်ကိုသာ ဆိုလိုခြင်း ဖြစ်ပေသည်။

လက်ရှိမြန်မာပြည်တွင် လူအများခြိမ့်ခြိမ့်သဲသဲ ပါဝင်ဆင်နွှဲနေသည့် ပွဲနှစ်ပွဲ ကျင်းပနေသည်ဟု ဆိုရမည်။ တစ်ပွဲက တပြည်လုံး အနှံ့အပြား ခြိမ့်ခြိမ့်သဲကျင်းပနေသော ရွေးကောက်ပွဲနှင့် ပတ်သက်၍ လှုံ့ဆော် စည်းရုံး ဟောပြောပွဲများ ၊ အင်အားပြပွဲများ ဖြစ်သည်။ နောက်တစ်ပွဲကတော့ ရှမ်းပြည်နယ် တောင်ပြာတန်းများဆီက တောင်ခိုးဝေဝေ မြူခြေဆိုင်းဆိုင်းမှာ အမြောက်သံ ဝုန်းဒိုင်းကြဲနေသည့်စစ်ပွဲဖြစ်သည်။

တစ်ပွဲကတော့ ပျော်ရွှင်မှု တက်ကြွမှုများ သီချင်းသံများ ကြွေးကြော်သံများ လွှမ်းနေသည်။ နောက်တစ်ပွဲကတော့ အသက်သွေးများ စစ်ဘေးဒုက္ခသည်များ ငိုကြွေးသံများ အမြောက်သံ ဗုံးသံများ သောသောညံနေသည်။  ထိုပွဲနှစ်ခုလုံးသည် နိုင်ငံရေးရည်မှန်းချက်များနှင့် လုံးပမ်းတိုက်
ခိုက်နေသောပွဲများဖြစ်သည်။ ပျော်ပွဲရွှင်ပွဲများမဟုတ်။ လူတို့၏ ရုန်းကန်မှု တက်ကြွမှု စွန့်လွှတ်မှုနှင့်အတူ သူတို့၏အနာဂါတ် မျှော်လင့်ချက်များကို ထိုပွဲများတွင်တွေ့မြင်ရသည်။

ထို့ကြောင့် နိုင်ငံရေးပညာရှင်များက နိုင်ငံရေးဆိုတာ သေနတ်သံမထွက်သည့် စစ်ပွဲဖြစ်ပြီး စစ်ပွဲဆိုသည်မှာ သွေးထွက်သည့် နိုင်ငံရေးဟု ဆိုကြခြင်းဖြစ်သည်။

 ရွေးကောက်ပွဲ

မြန်မာနိုင်ငံရေးတွင် ၂၀၁၅ ရွေးကောက်ပွဲသည် တခုတည်းသောလမ်းကြောင်းလော သို့မဟုတ် မြန်မာနိုင်ငံရေး ထွက်ပေါက် အတွက် အဖြေလောဟု မေးခွန်းထုတ်ကြသည်။ ဆွေးနွေးငြင်းခုန်စရာ များသော်လည်း တခြားရွေးချယ်ရန် အခွင့်အလမ်း နည်းပါး သော မြန်မာလူထုအတွက် ရွေးကောက်ပွဲသည် မုချရွေးချယ်ရမည့် နှုိင်းယှဉ်မှုအရ အကောင်းဆုံးထဲက အကောင်းဆုံးတခု ဖြစ်သည်။

၂၀၁၅ ရွေးကောက်ပွဲနှင့်ပတ်သက်ပြီး ကောက်ချက်များ ချမှတ်ရာတွင် မည်သို့ သဘောထားကွဲလွဲသည် ဖြစ်စေ ၂၀၁၅ ရွေး
ကောက်ပွဲသည် မြန်မာနိုင်ငံရေးဖြစ်စဉ်တွင် ထူးခြားသော အချိုးအကွေ့တစ်ခု ဖြစ်မည်ဆိုသည်ကတော့ ငြင်းပယ်၍ ရမည်မထင်ပါ။ လူတစ်ဦးချင်း အနေနှင့် မည်သို့ပါဝင်မည် ဆိုသည်ကတော့ သူ၏ ကိုယ်ပိုင်ဆုံးဖြတ်ချက်သာဖြစ်ပေလိမ့်မည်။

ထို့ပြင် ၂၀၁၅ ရွေးကောက်ပွဲသည် သာမန် ပါတီစုံ ဒီမိုကရေစီ ရွေးကောက်ပွဲတခုမျှသာ မဟုတ်ချေ။ ၂၀၁၅ ရွေးကောက်ပွဲ၏ အဓိပ္ပါယ်သည် သာမန်ထက်များစွာပိုပါသည်။ နှစ်ငါးဆယ်ကျော်အတွင်း အပြောင်းအလဲတခု၏ အစဖြစ်သည်။ စစ်တပ်နှင့် စစ်တပ်လူထွက်များ ဆုပ်ကိုင်ထားသော နိုင်ငံရေးအုပ်ချုပ်ရေး အာဏာ အဆောက်အအုံကို အတိုက်အခံ ဒီမိုကရက်တို့က ရွေးကောက်ပွဲ ဖြင့် ဒုတိယအကြိမ် ခပ်ပြင်းပြင်း ကိုင်လှုပ်လိုက်ခြင်းဖြစ်သည်။

ထို့ကြောင့်လည်း လက်ရှိရွေးကောက်ပွဲသည်သာမန်ရွေး ကောက်ပွဲထက်ပိုသည်ဟု ဆိုရခြင်းဖြစ်သည်။  လက်ရှိ ရွေးကောက်ပွဲ ခြိမ့်ခြိမ့်သဲဖြစ်နေရခြင်းမှာ အပိုင်းနှစ်ပိုင်း အရ ဖြစ်သည်။ တပိုင်းမှာ အပြောင်းအလဲကို လိုချင်နေပြီဖြစ်သော လူထုကြီး၏တက်ကြွမှုနှင့် မျှော်လင့်ချက်ကြောင့်ဖြစ်သည်။ နောက်တပိုင်း မှာ ဒေါ်အောင်ဆန်းစုကြည် NLD နှင့် တိုင်းရင်းသားပါတီများ၏ တက်ကြွ စိတ်အားထက်သန်မှုကြောင့် ဖြစ်သည်။ စစ်အာဏာရှင်စနစ်အောက်တွင် နှစ်ပေါင်း ၅၀ ကျော်နေရခဲ့ရ သော ဆန့်ကျင်အံတုခဲ့သည့် တိုက်ပွဲအကြိမ်ကြိမ်တွင် ရှုံးနိမ့်ခဲ့ရသော လုထုအနေနှင့် အပြောင်းအလဲနှင့် အောင်ပွဲကို ဆာလောင် မွတ်သိပ်နေပြီဖြစ်သည်။ လူထုအများစုအနေနှင့် သူတို့မျှော်မှန်း ချက်ကို ဖြည့်ဆည်းပေးနိုင်သူအဖြစ် ဒေါ်အောင်ဆန်းစုကြည်အပေါ် စုပုံ ရောက်ရှိလာပြီး လောလောဆယ် မျှော်လင့်အားထားစရာမှာ
ဒေါ်အောင်ဆန်းစုကြည်မှတပါး အခြားမရှိဟု ယုံကြည်လာကြပေရာ လူထုအားလည်း တစုတစည်းထဲ စုစည်းပေးသကဲ့သို့ ဖြစ်ပေတော့သည်။ ဤသည်မှာ ငြင်းပယ်မရသော လက်တွေ့ပင်ဖြစ်သည်။

တဖက်တွင် ရွေးကောက်ပွဲ၏ အဓိက icon ဖြစ်သော ဒေါ်အောင်ဆန်းစုကြည် အနေနှင့်လည်း ရွေးကောက်ပွဲစည်းရုံးရေးကာလတိုအတွင်း မိုင် ၇၀၀၀ ကျော် မြို့ပေါင်း ၅၀ ကျော်သွားလာ စည်းရုံးလှုံ့ဆော်ခဲ့ပြီဟုဆိုသည် ။ မဲဆွယ်ကာလပြီးဆုံးချိန်တွင် မိုင်သောင်းချီ၍ မြို့ပေါင်း တစ်ရာနီးပါး ဖြစ်သွားနိုင်သည်။ ဤသို့ဖြင့် ဒေါ်စုအနေနှင့်သူမ အလေးထားမှု အားစိုက်မှုကို အပင်ပမ်း ခံပြသခဲ့သည်။ အသက် ၇၀ ရွယ် အမေအိုတစ်ယောက်အနေနှင့်  သာမန်ထက်ပိုသော ဇွဲ သတ္တိ အားမာန် ဝိရီယ ကြံ့ခိုင်မှု အပင်ပမ်းခံနိုင်မှုတို့ကို ပြသခဲ့ရာ လူအများ အံ့သြမှင်သက်စေခဲ့သည်။

ထို့အတူ အောက်ခြေ NLD ပါတီဝင်များ အမတ်လောင်းများသည်၎င်း တိုင်းရင်းသားပါတီ ပါတီဝင်များ  အမတ်လောင်းများ သည်၎င်း တောကြိုအုံကြားမကျန် လှည့်လည် စည်းရုံးရေးဆင်း၍ လူထုထံအရောက် သွားနေကြပေရာ တပြည်လုံးအုံးအုံး ကြွက်ကြွက် ဖြစ်စေခဲ့သည်။

ထို့ပြင် အနုပညာရှင်များ အခြားလူအလွှာအသီးသီးမှ ပုဂ္ဂိုလ်များသည်လည်း မမိမိတို့တတ်နိုင်သည့်ဘက်မှ တက်ကြွစွာပါဝင် လှုပ်ရှားနေကြပေရာ ရွေးကောက်ပွဲသည် တက်ကြွသက်လွင်နေသကဲ့သို့ တပြည်လုံး၏ အာရုံစူစိုက်မှုကိုရခဲ့သည်။

နိုင်ငံရပ်ခြားရပ်ခြားရောက်ရှိနေသော မြန်မာများ အထူးသဖြင့် စင်္ကာပူရောက်မြန်မာများအနေနှင့် သံရုံးရှေ့ ညလုံးလုံးပေါက် တန်းစီစောင့်ပြီး မဲဆန္ဒပေးရန် သူတို့၏ပြင်းပြမှုကို ဖေါ်ပြခဲ့ရာ  ကမ္ဘာကိုရော မြန်မာကိုရော ရိုက်ခတ်ခဲ့သည်။ ဤရွေးကောက်ပွဲမှသည် မြန်မာပြည်အနေနှင့် အရွေ့တခု ရရှိလိမ့်မည်ဟူသော လူထု၏ယုံကြည်မှုကို ခိုင်မာစေခဲ့သည်။

သို့သော် ဤသို့ဆို၍ ရွေးကောက်ပွဲသည် စင်းလုံးချော အဆင်ပြေနေသည်ဟု ဆို၍ မရပါ။ အခက်အခဲ အတားအဆီးများစွာ ရှိသည်သာဖြစ်သည်။ လက်ရှိအာဏာကို ဆုပ်ကိုင်ထားသူများအဖို့ အာဏာ မစွန့်လွှတ်ရရေးအတွက် ပြင်းပြင်းထန်ထန် တုန့်ပြန်ကြမည်သာဖြစ်သည်။ သို့အတွက် အခက်ခဲအတားအဆီးများစွာ ကြုံရမည်မှာ သဘာဝကျသည်ဟုဆိုရမည်။ အခက်အခဲအတားအဆီးမရှိမှသာ အံ့သြစရာ ကောင်းနေပေလိမ့်မည်။

ရွေးကောက်ပွဲနှင့်ရွေးကော်

ရွေးကောက်ပွဲတွင် ကြုံရသည့် အချက်တခုမှာ ရွေးကောက်ပွဲကော်မရှင် ဟုခေါ်သည့် ရွေးကော်နှင့် ပတ်သက်၍ဖြစ်သည်။  ပြည်ထောင်စုအဆင့်တွင် ဒုဗိုလ်ချုပ်ကြီးဟောင်းတစ်ဦး ဦးစီးပြီး ပြည်နယ် တိုင်း ခရိုင် မြို့နယ်အဆင့်အထိ စစ်ဗိုလ်လူထွက်များ တာဝန်ယူထားသော ရွေးကော်၏ သမာသမတ်ကျမှုကို အများက သတိထားစောင့်ကြည့်ခဲ့ကြသည်။

စကတည်းက ယဉ်သကိုဟုဆိုရလောက်အောင် ရွေးကော်မှ ထုတ်ပြန်သော မဲစာရင်းသည် အလွဲလွဲအချော်များဖြင့် စတင်ခဲ့သည်။ ဒုတိယ အကြိမ် ထုတ်ပြန်သောအခါတွင်လည်း မဲစာရင်း မှန်ကန်မှုကို ၃၀ % သာအာမခံနိုင်ခဲ့သည်။ ဤသို့အလွဲလွဲ အချော်ချော်ဖြစ်နေသော်လည်း ရွေးကော်သည် မဲစာရင်းမှန်ကန်မှုကို တာဝန်မယူခဲ့ပေ။ မဲစာရင်းမှားယွင်းမှုနှင့်ပတ်သက်ပြီး ကွန်ပြူတာနှင့် မီဒီယာအပေါ်သို့ အပြစ် ပုံချခဲ့သည်ကိုတွေ့ရသည်။ ထို့ပြင် မဲစာရင်းမှန်ကန်မှုနှင့် ပတ်သက်ပြီး ရွေးကော်ကို တာဝန်ပေးခဲ့သော သမတဦးသိန်းစိန်မှလည်း မည်သည့် တာဝန်ခံမှု ၊ အရေးယူဆောင်ရွက်မှုမျိုးမှ မပြုခဲ့ပေ။

သို့သော် အဆိုးထဲမှ အကောင်းတော့ရှိသည်။ မဲစာရင်းမှားယွင်းမှုပေါ် အကြောင်းပြု၍ NLD ပါတီအနေနှင့် လူတိုင်းမဲပေးခွင့်ရရေးကြွေးကြော်သံဖြင့် လူထုအားစောစီးစွာ စည်းရုံးလှုပ်ရှား ခွင့်ရသွားသည်။ လူထုကို ရွေးကောက်ပွဲဆိုင်ရာအသိ နိုင်ငံရေးအသိ လှုံ့ဆော် စည်းရုံးနိုင်ခဲ့သည်။ ရွေးကော်၏ထုတ်ပြန်ချက်အရ မဲစာရင်း မပါ၍ ပုံစံ ၃ ( က ) ဖြင့်ပြန်လည်လျောက်ထားသူ တစ်သန်းကျော်ရှိသည်ဟုဆိုသည်။ ဤကိန်းဂဏန်းသည် ရွေးကော်၏ မဲစာရင်းကြောက်ခမန်းလိလိမှားယွင်းနေသည်ကိုလည်းပြသည်။ လူထု၏ နိုးကြားတက်ကြွမှုကိုလည်း ပြသည်။ ထို့ပြင် ထိုမဲများသည် အတိုက်အခံပါတီသို့ ပေးမည့်မဲများဖြစ်မည်ဟု တွက်ချက်၍ ရသည်။ မည်သို့ဆိုစေ ၂၀၁၅ ရွေးကောက်ပွဲသည် မဲပေးခွင့်ရသူတိုင်း မဲပေးခွင့်ရမည်ကို အာမ မခံနိုင်သည်မှာတော့ သေချာသလောက်ရှိသည်။ ဤအခြေအနေတွင် ယှဉ်ပြိုင် ကြရမည်။

ပြီးခဲ့သော ပြည်ပရောက် မြန်မာနိုင်ငံသားများ၏ ကြိုတင်မဲပေးမှုကိုကြည့်လျင် ရွေးကော်၏ လုပ်ရည်ကိုင်ရည် စွမ်းဆောင်နိုင်မှု အရည်အသွေးမှာ သြချလောက်သည်ဟု ဆိုရမည်။ သက်ဆိုင်ရာ သံရုံးများ သို့ မဲလက်မှတ်များပြည့်စုံစွာ မရောက်ခြင်း၊ မဲလက်မှတ်များ နိုင်ငံလွဲမှားပို့ခြင်းများကို တွေ့ရသည်။ သို့ဖြစ်ရာ နိုဝင်ဘာ ၈ ရက်နိုင်ငံအနှံ့ မဲပေးရာတွင် မဲလက်မှတ်များ မပြည့်စုံမှု ၊ မဲလက်မှတ်များ မှားယွင်းပို့မှုများ ဖြစ်မလာနိုင်ဟု မပြောနိုင်ပေ။ သတိပြုစောင့်ကြည့်ရပေဦးမည်။

နောက်ပြသနာတခုမှာ မဲရုံတစ်ရုံတွင် လူဦးရေ သုံးထောင် မဲပေးရမည့်အခြေအနေဖြစ်သည်။ ပြီးခဲ့သော စင်္ကာပူသံရုံးမဲပေးမှုတွင် တနေ့တွင် လူ ၃၀၀၀ မပေးနိုင်သည်ကို တွေ့ရသည်။ လူတစ်ယောက်မဲပေးချိန် တမိနစ်ဆိုလျင်ပင် လူ ၃၀၀၀ အတွက် မဲပေးရန် နာရီ ၅၀ ခန့်ကြာမည်။ လူ ၅ ယောက် တပြိုင်တည်း မဲပေးနိုင်မှ ၁၀ နာရီနှင့် ပြီးပြတ်နိုင်မည်။ NLD ကတော့ ညနေမဲရုံပိတ်ချိန် မဲရုံဝင်းတွင်းရှိ လူအားလုံး မဲပေးခွင့်ရရေး ရွေးကော်မှ အတည်ပြုချက်ရယူနေသည်။ ရင်ဆိုင်ရမည့် အခက်အခဲတခုဖြစ်သည်။

ရွေးကော်ဥက္ကဌက ဦးတင်အေးက ၂၀၁၅ ရွေးကောက်ပွဲမှ သင်္ခန်းစာများရယူသွားမည်ဟုဆိုထားပေရာ စိတ်ပျက်၊ အံ့သြ ဝမ်းနည်းဖွယ်ရာ သင်္ခန်းစာ မရစေဘို့အတွက် အထူး အလေးထား စောင့်ကြည့်ရပေအုံးမည်။ သို့သော် ရွေးကော်နှင့်ပတ်သက်၍ ဤမျှနှင့် မပြီးသေးပေ။

အရွေးခံရသည့်အမတ်၏အရည်အချင်းပြသနာ ရွေးကောက်ပွဲ အသုံးစားရိတ်ပြသနာများကို ကိုင်တွယ် ဆုံးဖြတ်ရန် အခွင့်အာဏာသည် ရွေးကော်လက်ထဲတွင်ရှိသည်။ တခုခုနှင့်ညိ၍ အရွေးခံရသော အမတ်လောင်းဖယ်ရှားခံရပါက ဒုတိယနေရာတွင်ရှိသူသည် အလိုအလျောက် အမတ်ဖြစ်လာနိုင်ပေသည်။ ယခုအခါ အနယ်နယ်ရှိ NLD နှင့်တိုင်းရင်းသားပါတီ အမတ်လောင်းများ၏ မဲဆွယ်စည်းရုံးမှုတွင် လိုက်ပါသူ အရေအတွက် ခန့်မှန်းအသုံးစားရိတ်များကို တာဝန်ရှိသူအချို့မှ မပြတ် မှတ်တမ်းတင်နေသည် ဟူသော သတင်းများ ကြားသိနေရပေရာ ဤအချက်ကို မပေါ့ဆသင့်ပေ။

 ရွေးကောက်ပွဲနှင့် ဘာသာရေး

နိုင်ငံရေးကို ဘာသာရေးနှင့်ခုတုန်းမလုပ်ရ နိုင်ငံရေးတွင် ဘာသာရေးကို အသုံးမချရဟူ၍ ၂၀၀၈ အခြေခံဥပဒေ အရ၎င်း ရွေးကော်ဥပဒေများအရ၎င်း ပြဌာန်းထားပြီးဖြစ်သည်။ သမတ ဦးသိန်းစိန်လက်ထက်တွင် ဗုဒ္ဓဘာသာနယ်ပယ်၌  ၉၆၉ လှုပ်ရှားမှုပေါ်လာပြီး နောင်များမကြာမှီပင် မဘသ သည် တရားဝင်အဖွဲ့အစည်းဖြစ်လာသည်။ ထို့ပြင် တပြည်လုံးတွင် ကုလားဗမာ အဓိကရုဏ်းများ ဖြစ်ပွါးခဲ့သေးသည်။ ထို့နောက် မဘသ၏ လှုံ့ဆော်မှုဖြင့် မျိုးစောင့်ဥပဒေကို သမတဦးသိန်းစိန် မှ တာဝန်ခံတင်သွင်းကာ ပြည်ခိုင်ဖြိုးနှင့် NDF တို့မှ အမတ်အများ စုထောက်ခံမှုဖြင့် အတည်ပြုခဲ့သည်။

လတ်တလောမဲဆွယ်ကာလတွင့် မဘသမှ မျိုးစောင့်ဥပဒေ အောင်ပွဲဆိုသည်များကို နိုင်ငံအနှံ့ မြို့ကြီးများတွင်ကျင်းပခဲ့သည်။  မဘသ လှုပ်ရှားမှုနောက်ကွယ်တွင် အာဏာရပါတီရှိနေသည်ဟု အများက ယူဆထားကြသည်။ မဘသမှ မျိုးစောင့်ဥပဒေအောင်ပွဲ ဆိုသည်များနှင့်အတူ NLD နှင့်ဒေါ်အောင်ဆန်းစုကြည်အား မဲ မပေးရန် ပြောဆိုတိုက်ခိုက်မှုများ ဖြစ်လာရာ အငြင်းပွါးဖွယ်ရာ ကိစ္စတခုဖြစ်လာသည်။ NLD နှင့်တိုင်းရင်းသားပါတီများမှမူ ဘာသာရေးကိစ္စမဲဆွယ်ခြင်းကို ဥပဒေနှင့်မညီဟု ထောက်ပြ တုန့်ပြန်ကာ  ထိပ်တိုက် ရင်ဆိုင်မှုများကို ရှောင်ရှားခဲ့ကြသည်။

သို့သော် မဘသကို လက်မခံနိုင်သော ဗုဒ္ဓဘာသာဝင်များက မဘသ ကန်တော့ဆွမ်းဟု ဗြောင်အတိအလင်းပြောဆိုလာခြင်း၊ မဘသ လက်မခံသော ဗုဒ္ဓဘာသာရဟန်းအချို့ NLD ကိုမဲပေးရန် ဗြောင်တိုက်တွန်းလာသောအခါ မဘသ ၏ ဗြောင် လှုပ်ရှားပြောဆိုမှုများ ကိုယ်ရှိန်သတ်သွားသည်။ အလားတူ မည်သည့် ရဟန်း၊ သံဃာမှ မည်သည့်ပါတီကို မဲပေးရမည် မဲမပေးရဆိုသည်ကို  မပြောဆိုရဟုသော စည်းမျဉ်း စည်းကမ်းများထွက်လာသည်။

တကယ်တမ်း ပြောခွင့်ပေးကြေး ဆိုလျင် NLD မဲပေးဘို့ပြောသည့် ကိုယ်တော်က ပိုများလာနိုင်ပြီး သံဃာများဂိုဏ်းကွဲမှု   ပြင်းထန်လာဖွယ်ရာရှိသည်။ သို့ဖြင့် NLD နှင့် အတိုက်အခံတို့ အား ရွေးကောက်ပွဲကာလတွင် ဘာသာရေး လူမျိုးရေးအရ ဗြောင်အတိအလင်းတိုက်ခိုက်ခြင်းသည် ရပ်တန့်သွားသည်။ သို့သော် ကြိတ်ပုန်းတိုက်ခိုက်မှုများကား ရှိနေဆဲဖြစ်ပြီး NLD နှင့် တိုင်းရင်းသားပါတီများအနေနှင့် သတိကြီးစွာထား၍ ပျော့ပြောင်းစွာ လိမ္မာပါးနပ်စွာကိုင်တွယ်ရမည့် ပြသနာတရပ်အဖြစ်တော့ ရှိနေဆဲဖြစ်သည်။

ရွေးကောက်ပွဲနှင့် တိုက်ခိုက်မှုများ

အတိုက်အခံတို့အဖို့အတွက် နှောက်ယှက်တိုက်ခိုက်မှု မကင်းခဲ့ပေ။ NLD အဖွဲ့ဝင်များ အများစု ခံခြဲ့ကရသည်။ လူပုဂ္ဂိုလ်အရ ရိုက်နှက်မှု ချောင်းမြောင်းပစ်ခံရမှု ၊ စည်းရုံးရေးကား အား တိုက်ခိုက်မှု စသည်တို့ များစွာ ခံခဲ့ကြရသည်။ လှုံ့ဆော်ရေးတွင် ပါဝင်သော အနုပညာရှင်တို့ ခရီးစဉ်ကိုပင် အကြောင်းမဲ့ တားဆီးခံခဲ့ရသေးသည်။ ထို့ပြင် အတိုက်အခံပါတီဘက်မှ ဥပဒေနှင့်အညီ  တိုင်ကြားမှုများ မှာလည်း နှောင့်နှေးမှု  လစ်လျူရှုမှုများနှင့် ရင်ဆိုင်ခဲ့ကြရသည်။

ထို့ပြင် ဇခုံတိန့်ယင်းကဲ့သို့သော နယ်ခံဗိုလ်ကျများကလည်း ၎င်းတို့နယ်မြေတွင်း NLD ဝင်ရောက် စည်းရုံးမှုကို ဗြောင်ကျကျ တားဆီးမှုများ ပြုလုပ်ခဲ့သည်။ ပြည်နယ်ရွေးကော်၏ သတိပေးမှုအရ ပြန်လည် ခွင့်ပြုရခဲ့သော်လည်း NLD စည်းရံးရေးကားအား တိုက်ခိုက် နှောက်ယှက်သည့် သတင်းများ ကြားသိနေရသည်။

မည်သို့ပင်ဖြစ်စေ NLDနှင့်အတိုက်အခံပါတီတို့ဖက်မှ တည်တည်ငြိမ်ငြိမ် တုန့်ပြန်ခဲ့ကြသည်။ ရှေ့ဆက်လည်း ဤသို့ပင် တုန့်ပြန်သွားရန် လိုသည်။ စိတ်လှုပ်ရှား ပေါက်ကွဲစေရန် ဆွပေးနေသော ထောင်ချောက်မှန်သမျှ ကျော်လွှားဖို့ လိုပေသည်။ ဤသို့သောအခြေအနေမှာ အတန်ငယ် စိတ်ပျက်စရာကောင်း၍ သည်းခံမြိုသိပ်ရန် ခက်ခဲသော်လည်း ဤလမ်းကိုရွေးမှတော့ ဤသို့ပင် လျှောက်ရပေတော့မည်။

 ရွေးကောက်ပွဲနှင့်စောင့်ကြည့်သူများ

ရွေးကောက်ပွဲအား လေ့လာစောင့်ကြည့်ရန် အမေရိကန်နှင့် EU မှ အဖွဲ့ဝင်များရောက်လာကြသည်။ လူဦးရေရာဂဏန်းမျှဖြင့် တပြည်လုံး အတိုင်းအတာအား စောင့်ကြည့်ရန်တော့မလွယ်ပေ။ သို့သော် ရွေးကောက်ပွဲ သမာသမတ်ကျမှုနှင့် ပတ်သက်ပြီး ပူပန်နေသော မြန်မာလူထုအား စိတ်သက်သာမှု အနည်းငယ်မျှတော့ ပေးနိုင်စွမ်းရှိသည်ဟု ဆိုရမည်။ မည်မျှထိပေးနိုင်စွမ်းရှိသည်ကို တော့ စောင့်ကြည့်ရပေအုံးမည်။ သို့သော် ရွေးကောက်ပွဲစောင့်ကြည့်ရေးဆိုင်ရာ ပြည်တွင်းမှ အရပ်ဖက်အဖွဲ့အစည်းများကတော့ အားနည်းသည်ဟု ဆိုရမည်။

 ရွေးကောက်ပွဲအလားအလာ

ယခုရွေးကောက်ပွဲမှာ တပြည်လုံးအတိုင်းအတာအရ – NLDနှင့် ပြည်ခိုင်ဖြိုး၊  ပြည်နယ်များတွင် – NLD၊  ပြည်ခိုင်ဖြိုးနှင့်နှင့် တိုင်းရင်းသားပါတီများ၏ အားပြိုင်ပွဲဖြစ်သည်။ ရွေးကောက်ပွဲရက် နီးလေ ပေါ်လွင်လေဖြစ်သည်။ တစည၊ NDF ၊ လူဘောင်သစ်စသည့် ကျန်ပါတီများ အသံ သိပ်မထွက်နိုင် တဖြည်းဖြည်း အားပျော့လာသည်။ တဖက်ဖက်ကို အားပြု၍ အပြတ်အသတ် ရပ်ရမည့် အပြောင်းအလဲ အချိန်အခါဖြစ်၍ တတိယ အင်အားစု အတွက် နေရာရရန် လွန်စွာခက်ခဲပေသည်။

လာမည့်ရွေးကောက်ပွဲသည် ပုံမှန်အတိုင်းဆိုလျင် NLD အနေနှင့် အပြတ်အသတ်အနိုင်ရနိုင်သော်လည်း ပုံမှန်မဟုတ်သည့် အခြေအနေများရှိနေပေရာ NLD ၏ နိုင်ခြေမှာ အပြတ်အသတ် မဟုတ်တောင် တပြည်လုံး၏ ၆၀ % အထက်အနိုင်ရနိုင်သည်ဟု သုံးသပ်ပါသည်။

ကျန် SNLD /ANP စသောတိုင်းရင်းသားပါတီများ နှင့်ပူးပေါင်းပါက လွှတ်တော်တွင်း အသင့်စောင့်ဆိုင်းနေသည့် စစ်တပ်ကိုယ်စားလည် ၂၅% ရှိသည့် လွှတ်တော်တွင်းတွင် ၅၀% ကျော်အသာဖြင့် အစိုးရဖွဲ့နိုင်ရေးအတွက် အလားလာကောင်း ရှိသည်ဟု သုံးသပ်ရပေသည်။

သို့သော် လွှတ်တော်တခုချင်း ဒုသမတလောင်းတင်သွင်းမှုအရ ပြည်သူလွှတ်တော်တွင် NLD နှင့် မဟာမိတ်များ အများစုဖြစ်ပြီး  ဒုသမတ လောင်း အမည်စာရင်း တင်သွင်းရန် အခက်အခဲ မရှိသော်လည်း အမျိုးသားလွှတ်တော်တွင် အတန်ငယ်ခက်ခဲနိုင်သည်။ အမျိုးသားလွှတ်တော်တွင် မည်သည့်နည်းလမ်းနှင့် ဖြစ်စေ အနိုင်ရနိုင်ချေရှိသော တိုင်းရင်းသားအမတ်အချို့မှာ ပြည်ခိုင်ဖြိုး၏ မဟာမိတ်များဖြစ်နေရာ ပြည်ခိုင်ဖြိုးအနေနှင့် သမတလောင်း အမည်စာရင်းတင်သွင်းရန်အတွက် အသက်ရှူ ပေါက်သည် အမျိုးသားလွှတ်တော်ဖြစ်နိုင်သည်ဟု ယူဆရပေသည်။

NLD အနေနှင့် အများစု အနိုင်ရပါက အမျိုးသားရင်ကြားစေ့ရေးကိုရှေ့ရှုမည်ဟု ဆိုထားပေရာ ညွန့်ပေါင်းအစိုးရတရပ်ပေါ်ပေါက်ပြီး တည်ငြိမ်သောအပြောင်းအလဲတရပ် ဖြစ်ကောင်း ဖြစ်နိုင် ပေလိမ့်မည်။ သမတ နှင့်ကာချုပ်ကလည်း ရွေးကောက်ပွဲရလဒ်ကို အသက်ပေး ကာကွယ်မည်ဟုဆိုသည့်ပြင် ယခု နောက်ပိုင်းတွင် သမတမှ အနိုင်ရသူကို အာဏာလွှဲပေးမည်ဟု ဆိုလာပေရာ ဝမ်းနည်းရမည်လား၊  ဝမ်းသာရမည်လား မသိဟုဆိုရမည်။

ဤသုံးသပ်ချက်သည် လက်ရှိဖြစ်ပေါ်နေသော ပုံမှန်အခြေအနေပေါ်မှ သုံးသပ်ချက်ဖြစ်သည်။ ပုံမှန်မဟုတ်သည့် အခြေအနေများ ပေါ်လာပါက ဘာမဆိုဖြစ်နိုင်ဟု ဆိုရပေမည်။ ထို့ကြောင့်ပင် နိုင်ငံရေးဆိုသည်မှာ သေနတ်သံမထွက်သော စစ်ပွဲဖြစ်သည်ဟု ဆိုကြခြင်းဖြစ်သည်။

သို့သော် လူထုဆန္ဒ လူထုမျှော်မှန်းချက် တို့နှင့်ကင်းကွာသည့် ရလဒ်တခုထွက်ပေါ်လာပါက ထွက်ပေါ်လာမည့်အကျိုးဆက်ကို သုံးသပ်ရန် မိမိ မဝံ့ရဲပါချေ။

ဆက်လက်ဖေါ်ပြပါမည်


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Similar Posts