စမ်းစမ်းတင် – နံမည်ပြောင်းပေမဲ့

ယောက်လမ်းမှတ်တိုင်ကို ခုဘယ်လိုများခေါ်သလဲ အတွေးရောက်ရင်း နံမည်တွေ ပြောင်းပစ်လိုက်တဲ့ ခေတ်တွေဆီ ပြန် ရောက်သွားပါတော့တယ်။

ပထမဆုံးအပြောင်းခံရတာက  ၁၉၆၄-၆၅ ပညာသင်နှစ်မှာ။

၁၉၆၂ ခု မတ်လမှာ လေးတန်းစာမေးပွဲဖြေတုန်း တော်လှန်ရေးကောင်စီ စစ်အာဏာသိမ်းပါတယ်။ အဲဒိနှစ်မှာပဲ ငါးတန်းတက် ရချိန်မှာ ကျောင်းသင်ရိုးတွေ ပြောင်းသွားပါတယ်။ အရင်က မြန်မာစာကလွဲ အားလုံး အင်္ဂလိပ်လိုသင်ရရာက အင်္ဂလိပ် ဘာသာကလွဲ အားလုံး မြန်မာလို သင်ရတာပါပဲ။  ရလဒ်ကတော့ အင်္ဂလိပ်စာညံ့သွားရုံ။

၆၄-၆၅ စာသင်နှစ်တရက်မှာ အတန်းပိုင်ဆရာမက ညွှန်ကြားချက်တရပ် လက်ဆင့်ကမ်းလာပါတယ်။  ကျောင်းမှာပေးထားတဲ့ အင်္ဂလိပ်နံမည်တွေကို ဗမာနံမည်ပြောင်းရမယ်။ ဘယ်သူ့ မြန်မာနံမည်ဘာဆိုတာ မိဘဆီက နံမည်ပြောင်းပေးတဲ့စာ ဘယ် နေ့ နောက်ဆုံးယူလာပါတဲ့။  ဒီလိုနဲ့နံမည်ပြောင်းကြတယ်။

ဒေါ်လီသန်းက သန်းသန်းဌေးပြောင်းသွားပေမဲ့ အားလုံးက ဒေါ်လီပဲခေါ်။ ခုနေ အတန်းဖော်တယောက်ကို နင် ငါတို့အတန်း က သန်းသန်းဌေးကိုသိလားမေးရင် နဂိုကတည်းက မြန်မာနံမည်ပဲထားတဲ့ တခြားအတန်းက သန်းသန်းဌေးကိုပဲ အမှတ်ရပြီး ဟို ဇင်ယော်ကျူရှင်နဲ့ ဘော်ဒါဖွင့်ပြီးအောင်မြင်နေတဲ့ သန်းသန်းဌေးလား ပြန်မေးမယ်။ ဟဲ့ ငါက ဒေါ်လီသန်းကိုပြောတာ လို့ဆိုရင်၊ ဟုတ်လား ဒေါ်လီသန်းနံမည်ကလည်း သန်းသန်းဌေးပဲလား ငါကဒေါ်လီသန်းပဲသိတယ်လို့ ပြောမှာ။

ခုလည်း မျက်နှာစာအုပ်မှာ တရားဝင်ဖြစ်သွားတဲ့ မြန်မာနံမည်ပဲတင်ရင် ငယ်သူချင်းတွေက မသိကြ။

ဒါကပထမတကြိမ် တဦချင်းနံမည်ပြောင်းခံရတဲ့ကိစ္စ။

၁၉၆၅ ခုနှစ် နွေရာသီကျောင်းပိတ်တုန်း ရေဒီယိုကနေ ကြေညာသွားတယ်။ ကျောင်းတွေ ပြည်သူပိုင်သိမ်းတဲ့အကြောင်း။  ကျောင်းကြီး ပြန်ဖွင့်တော့ ကျောင်းနံမည်က စိန့်ဖီလိုမီးနားစ်ကွန်ဗင့် အမျိုးသမီး အထက်တန်းကျောင်း မဟုတ်တော့ဘူး၊  အစိုးရအထက်တန်းကျောင်း အမှတ် ၂၊ စမ်းချောင်းတဲ့။  နံမည်ပြောင်းတယ်ပေါ့။

ရှစ်လေးလုံးအရေးတော်ပုံကြီးမှာ စစ်တပ်က အရပ်ဝတ်လဲ စစ်တပ်ဆီက အာဏာထပ်သိမ်းပြီးမှ တနိုင်လုံး နံမည်ပြောင်းခံရ ပြန်ရော..။

အင်္ဂလိပ်လူမျိုးနဲ့လက်ထပ်ထားတဲ့ ဒေါ်အောင်ဆန်းစုကြည်ကို နိုင်ငံပိုင်သတင်းစာတွေကနေ အမျိုးမျိုး ပုတ်ခတ်စော်ကား လှောင်ပြောင် အပုပ်ချ မျိုးချစ်စိတ်တွေထက်သန်ပြပြီး တိုင်းပြည်နံမည်ကို လွတ်လပ်ရေးရတုန်းက မပြောင်းခဲ့ဘဲ အဲဒိတော့မှ ‘ဘားမား’ ကို ‘မြန်မာ’ လုပ်၊ တပြည်လုံးက အင်္ဂလိပ်နံမည်နဲ့ ခေါ်နေတဲ့ လမ်းနံမည်တွေကိုပါ မြန်မာနံမည်ပြောင်း။

အင်္ဂလိပ်လိုပြောရင် တရုတ်နိုင်ငံက China လူမျိုးက Chinese၊ India ကနိုင်ငံ၊ လူမျိုးက Indian၊ မြန်မာနိုင်ငံက မြန်မာလူမျိုး ကို Myanese ခေါ်မရ Myanian ခေါ်မရ၊ တိုင်းပြည်ရော လူမျိုးရောတမျိုးပဲခေါ် Myanmar။

လမ်းနံမည်တွေပြောင်းတော့ ဒဂုံမြို့နယ်က ဆင်းဒဝတ်လမ်းကို နဂိုက နတ်ရှင်နောင်လမ်းလို့ပေးခဲ့တာ၊ ရှုမဝတိုက်ရှိလို့ ဒီနံ မည်ပေးတာလို့ အတွင်းစကားပြောပြသူကို ပြန်ပြောလိုက်ပါတယ်။ စကော့ဈေး (ဗိုလ်ချုပ်ဈေး) သွားတဲ့ ရထားဂုံးကျော်တံ တားကစပြီး စစ်ရုံးမှာဆုံးတဲ့ ဆင်းဒဝတ်လမ်းကို စာဆိုနတ်ရှင်နောင် နံမည်ပေးတာတော့ဟုတ်ပါရဲ့၊ နတ်ရှင်နောင်က ပေါ်တူဂီလူမျိုး ဒီဘရိုဒိုနဲ့ပေါင်းတဲ့ သစ္စာဖောက်။ သစ္စာဖောက်တို့ လမ်းဆုံးက ဘာဘာညာညာဆိုပြီး ပြောမိတာ၊ ဒါနဲ့ဆိုင် ဆိုင်-မဆိုင်တော့ မသိဘူး၊ ဆင်းဒ၀တ်လမ်းက နတ်သျှင်နောင်လမ်းဖြစ်ပြီးမှ ဗိုလ်ရာညွှန့်လမ်းဖြစ်သွားတာ။

ယောက်လမ်းကလည်း တဇာတ်လမ်း။  ယောက်နဲ့ ယောနဲ့ ခပ်ဆင်ဆင်ဆိုတော့ ဆိုင်းဘုတ်လာပြောင်းတော့ ပထမဆုံးက ယောအတွင်းဝန် ဦးဘိုးလှိုင်လမ်းတဲ့။ နောက်ပြန်ကြားတာက အစည်းအဝေးမှာ ဆွေးနွေးကြသတဲ့ ယောအတွင်းဝန် မဟုတ်ဘူး ယောမင်းကြီးဦးဘိုးလှိုင်ဆိုပြီး။

သူမှန်ငါမှန် သူမှားငါမှန် ငြင်းရင်း ရှုပ်တယ် ဦးဘိုးလှိုင်လမ်းပြောင်းလို့ အမိန့်ချလိုက်တော့ ဦးဘိုးလှိုင်လမ်းဆိုပြီး လမ်းနံမည်ဆိုင်းဘုတ်ရောက်လာပြန်ရော။

ဒီတော့ အိမ်ကိုရောက်လာတဲ့ စာတစောင်က စာအိတ်မှာ လှိုင်မြို့နယ်စာတိုက်တံဆိပ်တုံး သင်္ကန်းကျွန်းမြို့နယ် တံဆိပ်တုံး စတဲ့ တံဆိပ်တုံး သုံးလေးခုဂိုက်ထားပြီးမှ အိမ်ကိုရောက်လာတာ။

ခါတိုင်း ယောက်လမ်းပဲရေးပြီး မြို့နယ်မရေးတဲ့အတိုင်း ယောက်လမ်းနံမည်မှာ ဦးဘိုးလှိုင်လမ်းပဲရေးတော့ ဒေါ်ခင်ဆွေဦး နေခဲ့ဖူးတဲ့ ဦးဘိုးလှိုင်လမ်းရော တခြားမြို့နယ်တွေက နံမည်တူလမ်းတွေနဲ့ရောသွားတာ။

ယောမင်းကြီး ရာဇ၀င်က အဲဒိခေတ်ကျမှ အမျိုးမျိုး။

ယောက်လမ်းက ယောအတွင်းဝန်ဦးဘိုးလှိုင်လမ်း
နောက် ဦးဘိုးလှိုင်လမ်း
နောက်ဆုံးမှ ယောမင်းကြီးလမ်း

နောက်ရှိသေးတယ်။  မင်္ဂလာတောင်ညွန့်က ဦးအုန်းခိုင်လမ်းလည်း နံမည်ပြောင်းခံရတယ်။  ဦးအုန်းခိုင်ဆိုတာ အင်္ဂလိပ်ခေတ် က ဘိလစ်စာရေးကြီးဖြစ်လို့ဆိုလားဘာလား။

ဒါတင်လား၊ လသာမြို့နယ်က မောင်ခိုင်လမ်းဆိုရင်လည်း ဟိုခေတ်က စစ်ကဲကြီး နံမည်ဆိုပြီး ဗိုလ်ရွဲလမ်းရယ်လို့ ပြောင်း လိုက်တာ။

ဘယ်လိုပြောင်းပြောင်း ဘယ်လိုပဲ ပြောင်းတယ်ပြောပြော မပြောင်းနိုင်တာတွေ ရှိတယ်လေ။

ဘတ်စ်ကားမှတ်တိုင်ကို ဘုရားလမ်းက မရှိတော့တဲ့ နာရီစင်မှတ်တိုင်ကို ပြောနေတဲ့အတိုင်း ယောက်လမ်းမှတ်တိုင်လို့ပဲ ပြော နေသလား၊  ဒါတော့သိချင်သား။

စမ်းစမ်းတင် @ SanSan Cynthia Tin
သြဂုတ် ၂၅၊ ၂၀၁၅

“ယောက်လမ်းမှတ်တိုင်လို့ ကားဆရာတွေကသုံးနေတုန်းပဲ အန်တီ။ မှတ်တိုင်အော်ရင်လည်း ၁၅ လမ်း၊ လသာ၊ မောင်ခိုင် လို့ပဲသုံးနေတုန်းပါ အန်တီ။”