(မိုးမခ) သြဂတ်စ် ၅၊ ၂၀၁၅
ရှစ်လေးလုံးလူထုဒီမိုက ရေစီလှုပ်ရှားမှုကြီးဖြစ်ခဲ့သည်မှာ ဒီနှစ် ၂၀၁၅ ၊ သြဂုဏ်လ ၈ ရက်ဆို (၂၇) နှစ်ပြည့်ပြီဖြစ်သည်။ ရှစ်လေးလုံးလူထုဒီမိုကရေစီလှုပ်ရှားမှုတွင် အသက်ပေါင်းများစွာစတေးခဲ့ရသလို ပညာတပိုင်းတစနဲ့ ကျောင်းထွက်လိုက်ရသူ များလည်းရှိသည်။ ရှစ်လေးလုံးတိုက်ပွဲဟာ စုစုပေါင်းရက်ပေါင်း (၄၀) ပဲ ကြာခဲ့သည်။ ဒီရက်ကလေးနီးလာတော့ ကျွန်တော်အမှတ်ရသူ၊ သတိရနေသူတယောက်ရှိသည်။ သူကတော့ တခြားလူမဟုတ်ပါ။၂၀၀၇ ခုနှစ် ၊ သြဂုဏ်လ ၅ ရက်နေ့က ကွယ်လွန်သွားရှာတဲ့ ဆရာ တာရာမင်းဝေပင်ဖြစ်သည်။
ဒီနှစ် ဆရာကွယ်လွန်တာ (၈) နှစ်ပြည့်ပြီဖြစ်သည်။ ယနေ့အချိန်ထိ ဆရာ့ကို အမှတ်ရနေစဲပါ။ သူ့ရဲ့ကဗျာတွေကိုလည်း ဖတ်စဲပါ။ အရေးတော်ပုံကာလအတွင်း “ရွှေဘုန်းလူ”ကလောင်အမည်ဖြင့် “ကျောင်းဖွင့်ချိန်” ကဗျာရှည်မှာ ထင်ရှားလူသိများသောကဗျာတစ်ပုဒ်ဖြစ်ခဲ့လေသည်။
ငါ့တို့ကျောင်းတော်ကြီးရဲ့
မော်ကွန်းထိန်းသိမ်းရေးအခန်းမှာ
ဟစ်တလာရုပ်ကို
လူတစ်စုထုဆစ်နေကြတယ်။သူတို့ဟာ
ရုပ်ထုရဲ့ရှေ့မှာ ကျိန်စာတွေရွတ်ဖတ်
ပျားရည်စက်တွေကိုမီးရှို့ပူဇော်
ဆိုင်ရာနိုက်ဖြူလျော်လျော်တွေ သွန်းကြဲပက်ချ
ဟစ်တလာပါးစပ်ထဲက
ကျည်ဆန်တစ်တောင့် ထွက်အံကျလာတယ်။(ရွှေဘုန်းလူ “ကျောင်းဖွင့်ချိန်“ကဗျာ ပထမပိုဒ်မှ)
ဆရာတာရာမင်းဝေက ရှစ်လေးလုံးမတိုင်မီ အလယ်တန်းကျောင်းသားဘဝထဲက ကဗျာတွေစရေးနေပြီဖြစ်သည်။ အဲဒီ တုန်းက ဆရာကလောင်အမည်က “မီးခိုးဖြူ” ဖြစ်သည်။ ၁၉၈၂ မှာ “မီးခိုးဖြူ” နာမည်နဲ့ ပထဆုံးမဂ္ဂဇင်းမှာ ကဗျာပုံနှိပ်ဖော်ပြခံရပါတယ်။ အဲဒီနောက် ရွှေဘုန်းလူ ကလောင်နာမည်နဲ့အရေးတော်ပုံကာလမှာ ကဗျာတွေဆက်ရေးပါတယ်။ “တာရာ မင်းဝေ” ဆိုတဲ့ကလောင်နာမည်က ဘယ်ကရလာလည်းဆိုတော့ … ဒီလိုပါ .. ၁၉၉၀ ဖေဖော်ဝါရီ မှာ ဆရာ အဖမ်းခံရပါတယ်။ ထောင်က (၅) နှစ်ကြပါတယ်။ ပထမအင်းစိန်ထောင်မှာပဲထားပါတယ်။ အဲဒီအင်းစိန်ထောင်ထဲမှာ အကိုဖြစ်သူ ဆရာအောင်ဒင်နဲ့ တွေ့ပါတယ်။ နောက်တော့ ညီအကိုနှစ်ယောက်လုံး သရက်ထောင်ကိုပြောင်းရွှေ့ခံလိုက်ရပါတယ်။ အဲဒီသရက်ထောင်မှာ ညီအကိုနှစ်ယောက်က ထောင်မှူးရဲ့စည်းကမ်းတစ်ခုကိုမကြိုက်လို့ ဆန္ဒထုတ်ဖော်လိုက်တော့ တိုက်ပိတ်ခံလိုက်ရပါတယ်။
ညတစ်ညမှာတော့ ဆရာက အကိုဖြစ်သူကိုမေးပါတယ်။
“ကိုကို ထောင်ကထွက်ရင်ဘာလုပ်မယ်စိတ်ကူးထားလည်း”
အဲဒီ တော့ အကိုဖြစ်သူက “အရင်ဆုံးအလုပ်တစ်ခုရှာရမှာပေါ့။ အိမ်မှာလည်း အကြွေးတွေတင်နေတာများလှပြီ၊ ဒီအကြွေးတွေအမြန်ဆုံးဆပ်နိုင်အောင်ကြိုးစားရမှာပေါ့”
ဆရာ ရွှေဘုန်းက “ငယ်ငယ်ကတော့ထောင်ကလွတ်ရင် စာပေလောကထဲခြေစုံပစ်ဝင်တော့မယ်။ စာရေးဆရာတစ်ယောက်အဖြစ်ရပ်တည်တော့မယ်“
အကိုဖြစ်သူက “ကောင်းပါတယ်ကွာ” လို့ထောက်ခံလိုက်တဲ့အခါ
ဆရာရွှေဘုန်းလူက ငယ်ငယ် ကိုကိုဆီက တစ်ခုတောင်းချင်တယ်။
“ဘာများလည်းကွ”လို့အကိုဖြစ်သူကမေးတော့
“တာရာမင်းဝေ” ဆိုတဲ့နာမည်ကို ငယ်ငယ်ရဲ့ကလောင်အဖြစ်သုံးချင်တယ်။ ကိုကို အဲဒီနာမည်ကို ငယ်ငယ်ကိုပေးမလားတဲ့”
အကိုဖြစ်သူကလည်း “ယူပါကွာ” ဟု ကြည်နူးစွာပေးလိုက်သည်။
တကယ် တော့ “တာရာမင်းဝေ” ဆိုတဲ့ကလောင်နာမည်က အကိုဖြစ်သူဆရာအောင်ဒင်ရဲ့ကလောင်ခွဲတစ်ခုပါ။ ရက်အနည်း ငယ်ကြာတော့ ညီအကိုနှစ်ယောက်ကိုထောင်တစ်ခုတည်းမှာထားလို့မကောင်းဘူးဆိုပြီး ဆရာရွှေဘုန်းလူကို သာယာဝတီထောင် ပို့လိုက်ပါတယ်။ ၁၉၉၄ ဖေဖော်ဝါရီမှာ သာယာဝတီထောင်ကနေ ဆရာရွှေဘုန်းလူ လွတ်လာပါတယ်။ ၁၉၉၄ ရင်ခုန်သံမဂ္ဂဇင်းမှာ “လေစီးကြောင်းထဲမှလူများ” စာမူသည် “တာရာမင်းဝေ” ကလောင်နာမည်ရဲ့ ပထမဆုံးစာမူဖြစ်ခဲ့သည်။ ၁၉၉၅ “စာပေဂျာနယ်” မဂ္ဂဇင်းမှာဖော်ပြခဲ့တဲ့ “အာလူးစားသူများ” ဝတ္ထုတိုနဲ့ ဖြူးမိတ်ဆွေများစာပေဆုရခဲ့လေသည်။ ဆရာ တာရာမင်းဝေရဲ့ဝတ္ထုတွေကို ရုပ်ရှင်ဇာတ်ကားအဖြစ်ပြောင်းလဲခြင်းကိုလည်း ခံခဲ့ရသည်။ ထိုရုပ်ရှင်ကားတို့တွင် ဒါရိုက်တာ မောင်သူရ (ဇာဂနာ) ရိုက်ကူးတဲ့ “မြင်းစီးထွက်သော အိပ်မက်များ” ရုပ်ရှင်မှာ မြန်မာနိုင်တွင်ပြသခွင့်မရရှိခဲ့ပါ။
ဒေါင်းအလံကိုင်တဲ့ “ရွှေဘုန်းလူ” ကိုထောင်ထဲပို့တော့ ကလောင်ကိုတဲ့ “တာရာမင်းဝေ” အဖြစ်ပြန်ခဲ့သူ ၂၀၀၇ သြဂုဏ်လ ၅ ရက်နေ့မှာတော့ ကွယ်လွန်သွားရှာသည်။ ဆရာ “တာရာမင်းဝေ” ရဲ့ နောက်ဆုံးဈာပနာမှာတော့ ဆရာ မင်းကိုနိုင်က “ကြယ်ကြွေသတိုးသား”ကဗျာကို ရေးဖွဲ့ရွတ်ဆိုခဲ့သည်။
“တာရာမင်းဝေ”
သူကကျောင်းသားခေါင်းဆောင်
၈ ရက်၊ ၈ လ၊ ၈၈ အတွက် မွေးဖွားခဲ့သူ
ဒေါင်းအလံကိုင်တဲ့ “ရွှေဘုန်းလူ” ကိုထောင်ထဲပို့တော့
ကလောင်ကိုတဲ့ “တာရာမင်းဝေ” အဖြစ်ပြန်ခဲ့တဲ့ အကိုရေ
လွမ်းဆွတ်သတိရခြင်းတွေနဲ့အတူ
အကိုကောင်းရာသုဂိရောက်ပါစေလို့
ကျွန်တော် ဆုတောင်းပေးလိုက်ပါ အကို….။
{ဆရာတာရာမင်းဝေ (၈) နှစ်ပြည့် အမှတ်တရ}
လေးစားစွာဖြင့်
နေ၀န်းနီ (မန္တလေး)
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
