(မိုးမခ) ဇွန် ၂၁၊ ၂၀၁၅
စာအုပ်ပုံထဲ ခေါင်းထိုးအိပ်လိုက်တာ
စာအုပ်တွေထဲ ရောက်သွားတယ်
စာအုပ်တွေရဲ့ ခေတ်ကာလမတူညီထဲ
စာအုပ်တွေနဲ့ပေါင်းလို့ ရောမီးအရှို့ခံရတာနဲ့
စာအုပ်ထဲက အီဒီယမ်သရုပ်ဖော်ကာတွန်းထဲ ဇာတ်ဆောင်တခုအနေနဲ့ ပါခဲ့ရတယ်
စာအုပ်ထဲက ကြိုးတိုက်ထဲမှာ ကြိုးအပေးခံရမယ့် တော်လှန်ရေးသမားနဲ့ စကားစမြည်ပြောရာက
သူပြော သူယုံကြည်တဲ့
ဖက်ဆစ်တွေ တနေ့ကျရှုံးရမယ်ဆိုတာကို
သူသေပြီးနောက် တွေ့လိုက်ရတယ်
ဒီအတွေ့အကြုံကို စာအုပ်တအုပ်ထဲ
ဗီယက်နမ်စစ်ပွဲမှာတော့ ပြန်ပြောပြနိုင်ခဲ့ပေမယ့်
ရသစာအုပ်ထဲမှာတော့ အဲဒီအခန်းပါ စာရွက်တွေ
ဆုတ်အဖြဲခံလိုက်ရတာကို ကိုယ်တွေ့ကြုံလိုက်ရ
ပဒေသရာဇ်တအုပ်ထဲမှာတော့
ဘုရားဝင်ထူး၊ ဆုလာဘ်တော်များ တောင်စမုခ်ကရ
သို့သော် ဘုရင့်သမီးတော်လှလို့ ဘုရင်ပုန်ကန်သူ နယ်မြေထဲ စာအုပ်ဆုံးသည်အထိ ဝင်ခိုလှုံရ
လူပြောများမယ့် သမိုင်းတင်အချစ်ပုံပြင်တခု
ဆုံးရှုံးရပြန်ပေါ့
စာအုပ်ထဲက ပင်လယ်ဓားပြတွေရဲ့ စွတ်ပြုတ်ရည်ပန်းကန်ထဲ ထိုးကျရာက
ပါးမှာကပ်ပါလာတဲ့ အာလူးဖတ်ဟာ
ငွေစက္ကူခိုးလုပ်ဖို့ ဘလောက်တုံးဖြစ်နေတာ၊
စာအုပ်ထဲက ကုန်သည်အုပ်စုနဲ့ရော အရှေ့ပိုင်းဒေသဆီ ခရီးထွက်
လားတကောင်ဆီဟာ ကုန်ထုပ် နှစ်ထုပ်ဆီ သယ်ဆောင်ပြီး
ကုန်ထုပ်တိုင်းဟာ ကျိန်စာမိနေတဲ့ သဲတွေဖြစ်နေတာ၊
စာအုပ်ထဲမှာ အကျဉ်းကျရာက ပင်ပန်းအိပ်ပျော်သွားပြီး
လူစည်ကားတဲ့ လမ်းပေါ် ခွေးထိန်းအဖြစ်နဲ့ ပြန်နိုးလာတာ၊
သင်္ချိုင်းထဲက ခွေးအူသံကို နားစွင့်နေသူ အိမ်ခြေရာမဲ့ သူခိုးအဖြစ်က
နောက်စာအုပ်တအုပ်ကို ခုန်ကူး အာဏာသိမ်းအစိုးရရဲ့ ဗိုလ်ချုပ်ကြီးဖြစ်နေတာ၊
စာအုပ်တအုပ်နဲ့ တအုပ်ကြား အဖုံးလဲလှယ်
စာသားတချို့ အကျဉ်းသားအဖြစ် လဲလှယ်ကြတာ
စာအုပ်ပုံထဲ စိုက်နေတဲ့ခေါင်းကို
မျက်နှာဖုံးစွပ် လူသတ်ဝါဒက လှီးဖြတ်နေတာ
ပုန်းစရာမရှိလို့ စာအုပ်ထဲ ဝင်ပုန်းရာက
ယူနီဖောင်းဝတ်တွေ စာအုပ်ကို
အဓမ္မဝိုင်းကျင့်ရင်း ကိုယ်ပါခံလိုက်ရတဲ့အဖြစ်က
ပြောမယုံ ဖတ်ဖူးမှ သိမှာပဲ။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
