ဇင်လင်း – ဗိုလ်အောင်ကျော်ရဲ့ အခန်းဆက်တိုက်ပွဲ
(မတ်လ ၂၀၁၅၊ လက်ပံတန်းကျောင်းသား အရေးတော်ပုံသို့)
(မိုးမခ) ဧပြီ ၁၊ ၂၀၁၅
• လေအဟုန်ထဲမှာ
လင်းယုန်အုပ်ကြီးလို
လက်သီးဆုပ်များစွာ ပျံဝဲနေတယ်…..။
• အံ့ဖွယ်ဘနန်း…လူထုပရိသတ် ရံဝန်း
ကျောင်းစာသင်္ခန်းထဲက
နိုင်ငံတော်ရဲ့ အနာဂတ်ကြယ်စင်တွေ..
အာဏာရှင်ကို အန်တု…
လမ်းမတွေပေါ် ရုံးစုခဲ့ပေါ့…
သမိုင်းအသစ်တခု ထုဆစ်နေကြပြီလေ။
• လင်းယုန်အုပ်ရဲ့ ကြွေးကြော်သံ
ဗိုလ်အောင်ကျော်ထံ…တိုင်တည်နေသလိုပဲ…
အမှန်တရားအတွက်…အခန်းဆက်တိုက်ပွဲ…
လွတ်လပ်မှုအတွက်…အခန်းဆက်တိုက်ပွဲ…
ဥာဏ်ပညာသစ်အရေးတော်ပုံအတွက်…အခန်းဆက်တိုက်ပွဲ…
ဗိုလ်အောင်ကျော်ရဲ့…အခန်းဆက်တိုက်ပွဲကို…
လင်းယုန်ပျိုတွေ…လက်ဆင့်ကမ်း သယ်ဆောင်နေကြပေါ့…။
• သံတိုင်နဲ့ လက်ထိပ်…ပုလိပ်နဲ့ လုံထိန်း…
ဘယ်လိုပင် ခြိမ်းခြောက်သော်လည်း…
မကြောက်မရွံ့….ထိုးဖေါက်…ဗကသ အလံတော်အောက်မှာ…
သွေးသောက်ရဲဘော်တသင်း…သံမဏိစိတ်ဓါတ်ချင်းချိတ်ဆက်…
ယုံကြည်ချက် အလင်းရောင်ဆီ …သစ္စာမပျက် ချီတက်နေကြပြီလေ။
• ဗိုလ်အောင်ကျော် ရင်းခဲ့တဲ့သွေး….
နယ်ချဲ့ကိုလိုနီစနစ်ကို ဆွေးမြေ့ယိုင်လဲစေခဲ့တယ်…
ဒီ ကနေ့ ကျောင်းသားထုရဲ့သွေးဟာလည်း….
စစ်အာဏာရှင်စနစ် ယန္တရားကို…မသွေမုချ…ကျိုးကျစေလိမ့်မယ်…
ရွှေရေစိမ် ဒီမိုကရေစီအတုကို မသွေမုချ ကျိုးပဲ့ကြေမွစေလိမ့်မယ်…။
• ဗိုလ်အောင်ကျော်…ရဲဘော်ရဲ့…သွေးအစက်စက်ဟာ..
မျိုးဆက်အသစ်..အသစ်တို့ကို…လမ်းပြနေဆဲ….
ဘယ်မှာ အချည်းအနှီးဖြစ်ပါ့မလဲ….
အာဏာရှင်အဆက်ဆက်ကတော့..ရဲဘော်ရဲ့ဂုဏ်…ဗကသရဲ့ဂုဏ်ကို..
ဖေါ်ကျူးးဖို့ ဝေးစွ…တစ္ဆေခြောက် ခံရသလို..ကြောက်နေတာပ။
• ဗိုလ်အောင်ကျော်….ရဲဘော်ကို ကိုယ်စားပြု…ကျောင်းသားလူငယ်ထုရဲ့…
လက်သီးဆုပ်များစွာ … မိုးယံမှာ … ပျံဝဲနေတယ်…
ဗိုလ်အောင်ကျော်…. လူထုဟာ ကျောင်းသားထုနဲ့ တသားတည်း ရှိနေတယ်…
ဗိုလ်အောင်ကျော်…. လူထုဟာ ရဲဘော်ကို သတိရနေဆဲရှိတယ်…
လူထုဟာ…ကိုလိုနီခေတ် အတွင်းဝန်ရုံးတိုက်ပွဲကို သတိရနေဆဲရှိတယ်…။
• ဗိုလ်အောင်ကျော်…
ဒီကနေ့ လူထုဟာ ကျောင်းသားထုဘက်မှာ…မားမားမတ်မတ်ရပ်နေဆဲပါပဲ။
ဒီကနေ့လူထုဟာ လက်ပံတန်းသပိတ် ဘက်မှာ … မားမားမတ်မတ်ရပ်နေဆဲပါပဲ။
တရားမျှတတဲ့ အရေးပုံမှန်သမျှ…လူထုက ထောက်ခံကြစမြဲ ဖြစ်တယ်။
တရားမျှတတဲ့ အရေးပုံမှန်သမျှ သမိုင်းက ကမ္ဗည်းတင်စမြဲ ဖြစ်တယ်။
• ဗိုလ်အောင်ကျော်… ရဲဘော်ကို ဂုဏ်ပြု…
ကျောင်းသားထုဟာ ခေတ်အဆက်ဆက် တရားမျှတမှုဘက်မှာ သင်နဲ့အတူရှိနေတယ်။
ဇင်လင်း
မတ်လ ၂၀၁၅။
(ဓာတ်ပုံ -ထွန်းဝင်းငြိမ်း ။ ဗိုလ်အောင်ကျော် (၁၉၁၅ ဒီဇင်ဘာ – ၁၉၃၈ ဒီဇင်ဘာ))