အရှင်စန္ဒိမာ (မွန်စိန်တောရ) – ဓမ္မစေတီခေါင်းလောင်းကြီး ဆယ်ယူနုိုင်ရေး တွေးမိသမျှ
သြဂုတ် ၂၉ ၊၂၀၁၄
ယခုတလော ဓမ္မစေတီခေါင်းလောင်းကြီး ဆယ်ယူရေးကိစ္စမှာ လူတွေရဲ့ စိတ်ဝင်စားမှု အတော်ပင် မြင့်မားနေတာကုို သတိပြုမိပါတယ်။ မွန်လူမျိုးတွေအနေနဲ့ ဓမ္မစေတီခေါင်းလောင်းကြီးဟာ မွန်ဘုရင် ဓမ္မစေတီမင်းနဲ့ ဆက်စပ်နေတာမုို့ မွန်လူမျိုးတုို့ရဲ့ ယဉ်ကျေးမှုသမုိုင်းအမွေအနှစ်နဲ့ ဇာတိသွေးဇာတိမာန်ကုို ထုတ်ဖေါ်ပြသနုိုင်မယ့် အခွင့်အလမ်းတစ်ခုဖြစ်မှာ ဧကန်ပါ။ ဗုဒ္ဓကုို ကြည်ညိုလေးစားကြသူ ဗုဒ္ဓဘာသာဝင်တွေအနေနဲ့လည်း ဓမ္မစေတီခေါင်းလောင်းကြီးဟာ ဗုဒ္ဓဘာသာအတွက် အလွန်တန်ဘုိုးကြီးမားတဲ့ သာသနာ့အမွေအနှစ်တစ်ခု ဖြစ်မှာ အမှန်ပါ။ ဒါကြောင့် ဓမ္မစေတီခေါင်းလောင်းကြီး ဆယ်ယူနုိုင်ရေး ကြိုးပမ်းနေမှုဟာ မှန်ကန်တဲ့ လုပ်ရပ်တစ်ခုလုို့ ယူဆနုိုင်ပါတယ်။
သုို့သော် ကျယ်ပြောလှတဲ့ မြစ်ကြီးတစ်ခုမှာ နှစ်ပေါင်းလေးရာကျော် နစ်မြုပ်နေခဲ့တဲ့ သာသနာ့တန်ဘုိုးနဲ့ သမုိုင်းတန်ဘုိုးကြီးမားလှတဲ့ ဧရာမခေါင်းလောင်းကြီးကုို ယနေ့ ဆယ်ယူဖုို့ ကြိုးစားနေတဲ့ လုပ်ငန်းဟာ စနစ်တကျ ဖြစ်သင့်တယ်လုို့ ထင်မိပါတယ်။ သက်ဆုိုင်ရာနယ်ပယ်အသီးသီးမှာ ကျွမ်းကျင်တဲ့ ပညာရှင်တွေနဲ့ စနစ်တကျ စုပေါင်းဖွဲ့စည်းထားတဲ့ ဓမ္မစေတီခေါင်းလောင်းဆယ်ယူရေးအဖွဲ့တစ်ခု လုိုအပ်မယ် ထင်ပါတယ်။ ထုိုအဖွဲ့ဟာ အစုိုးရရဲ့ ပံ့ပုိုးကူညီမှုသာမက နုိုင်ငံတကာအဖွဲ့အစည်းတွေရဲ့ အကူအညီတွေကုိုလည်း လိုအပ်ကောင်း လိုအပ်ပါလိမ့်မယ်။ ဒါပေမယ့် ယခု ခေါင်းလောင်းကြီးကုို ဆယ်ယူဖုို့ ကြိုးစားနေတဲ့ အဖွဲ့ဟာ ထုိုကဲ့သုို့ စနစ်တကျ ဖွဲ့စည်းထားတဲ့ အဖွဲ့တစ်ခု မဟုတ်တာ တွေ့ရပါတယ်။
လက်ရှိအဖွဲ့ရဲ့ ခေါင်းလောင်းကြီးကုို ဆယ်ယူနုိုင်ဖုို့ ကြိုးစားအားထုတ်နေကြပုံဟာလည်း ခေတ်မှီနည်းပညာတွေ မထွန်းကားသေးတဲ့ လွန်ခဲ့တဲ့ နှစ်ပေါင်းလေးရာကျော် ခေါင်းလောင်းကြီး နစ်မြုပ်သွားခဲ့စဉ်ခေတ်အခါက အတွေးအခေါ်အစွဲအလန်း အစဉ်အလာယုံကြည်မှုတွေ ရှိကြတဲ့ ရှေးခေတ်လူတွေရဲ့ ကြိုးစားအားထုတ်ကြပုံနဲ့ ခပ်ဆင်ဆင် တူနေမလားလုို့ တွေးမိပါတယ်။ ခေါင်းလောင်းကြီးဆယ်ယူနုိုင်ရေး ကြိုးစားနေကြသူတွေရဲ့ ဇွဲလုံ့လနဲ့ စိတ်အားထက်သန်မှုကုို လေးစားချီးကျူးမိပေမယ့် လုပ်ပုံလုပ်နည်းတွေကုို မြင်ရတော့ အချိန်ကုန်လူပန်းပဲ အဖက်တင်မလား စဉ်းစားစရာပါ။
တဆက်တည်း စဉ်းစားမိတာက ကုိုယ့်နုိုင်ငံဟာ ကျန်းမာရေးစောင့်ရှောက်မှုအဆင့်အတန်း၊ ပညာရေးအဆင့်အတန်း၊ စီးပွါးရေးဖွံ့ဖြိုးမှုအဆင့်အတန်း စတာတွေမှာ ကမ္ဘာ့စားရင်ဇယားရဲ့ အောက်ဆုံးအဆင့်မှာ ရောက်နေတာပါ။ မူးယစ်ဆေးဝါးပြဿနာ၊ အကျင့်ပျက်ခြစားမှု၊ လူ့အခွင့်အရေးချိုးဖေါက်မှု၊ တရားဥပဒေစုိုးမုိုးရေးမရှိမှု၊ ဆင်းရဲမွဲတေမှု စတာတွေမှာတော့ ကမ္ဘာ့စားရင်းဇယားရဲ့ ထိပ်ပုိုင်းမှာ နေရာယူထားပါတယ်။
နဝတ နအဖစစ်အစုိုးရခေတ် ဝန်ကြီးတစ်ယောက်က နုိုင်ငံခြားသတင်းဌါနတစ်ခုနဲ့ အင်တာဗျူးမှာ ဖြေဆုိုခဲ့တာကုို ဒီနေရာမှာ ပြန်လည်ဖေါ်ပြချင်ပါတယ်။ မြန်မာနုိုင်ငံမှာ ပြည်သူတွေ ဆင်းရဲကြပ်တည်းနေကြတယ်ဆုိုတာ မဟုတ်ရပါဘူးတဲ့။ ရန်ကုန်မြို့မှာ ရှိတဲ့ စားသောက်ဆုိုင်တွေ လက်ဖက်ရည်ဆုိုင်တွေကုို ကြည့်ပါတဲ့။ လူတွေနဲ့ အမြဲ ပြည့်ကြပ်နေတာပါတဲ့။ သူ့စကားအတိအကျတော့ မဟုတ်ပါ။ ထုိုသဘောမျိုး သူဖြေသွားခဲ့တာသာ ဖြစ်ပါတယ်။ ယခုအစိုးရလက်ထက်မှာလည်း သူ့ကုို သံယောင်လုိုက်မယ့် လူတွေ ရှိနုိုင်ပါတယ်။
မြန်မာနုိုင်ငံမှာ ပညာရေး ကျန်းမာရေး စီးပွါးရေး နိမ့်ကျတာ မမှန်ပါ။ အင်တာနေရှင်နယ်စကူးလ်တွေ ရန်ကုန်စတဲ့ မြို့ကြီးတွေမှာ ရှိနေပါပြီ။ ခေတ်မှီပုဂ္ဂလိဆေးရုံတွေ ပေါ်ပေါက်လာပါပြီ။ နုိုင်ငံခြားမှာ သွားရောက်ဆေးကုနုိုင်တဲ့ လူတွေလည်း များလာပါပြီ။ ပြိုင်ကားစီးနုိုင်သူတွေလည်း များလာပါပြီ။ လက်မှတ်တွေကုို ဈေးကြီးပေးဝယ်ကြည့်ရတဲ့ K-pop ဖျော်ဖြေပွဲကုိုတောင် လူတွေ ကြိတ်ကြိတ်တုိုး အားပေးခဲ့ကြတယ် မဟုတ်လား။ ဒါတွေကို ကြည့်ရင် မြန်မာပြည်ဆင်းရဲတာ ဘယ်ဟုတ်ပါ့မလဲ။ စသည်ဖြင့် ထုိုကဲ့သုို့ အပေါ်ယံအမြင်တွေဟာ ရေပေါ်ဆီ လက်တဆုပ်စာ လူတန်းစားအလွှာမှာ ရှိနေနုိုင်ပါတယ်။
ငြိမ်းချမ်းရေးဆွေးနွေးပွဲတွေမှာလည်း တုိုးတက်မှုလက္ခဏာတွေ မြင်နေရတယ်။ တုိုင်းရင်းသားများ လုိုလားတဲ့ တန်းတူရေး၊ ကုိုယ်ပုိုင်ပြဌာန်းခွင့်နဲ့ ဖက်ဒရယ်မူကုို အခြေခံတဲ့ ပြည်ထောင်စုစနစ်လည်း အကောင်အထည်ပေါ်လာပါတော့မယ်။ စသည်ဖြင့် အကောင်းမြင် မျှော်လင့်သူတွေ ရှိနုိုင်ပါတယ်။
ဒီလုိုနဲ့ ပြည်သူလူထုဟာ ရေပေါ်အရုပ်ရေးထားသလုို အကောင်အထည်မရှိတဲ့ မျှော်လင့်ချက်တွေနဲ့ အကောင်းမြင်မှု လွန်ကဲပြီး အရေးအကြီးဆုံး ကိစ္စဖြစ်တဲ့၂၀၀၈ အခြေခံဥပဒေပြင်ဆင်ရေးမှာ စိတ်ဝင်စားမှု လျှော့ကျသွားနုိုင်ပါတယ်။ ပုဒ်မ ၄၃၆ ပြင်ဆင်ရေးတွေ မှေးမှိန်။ PR ရွေးကောက်ပွဲစနစ်ကျင့်သုံးရေုးု ရုပ်လုံးပေါ်လာ၊ နောက်ဆုံး စစ်အာဏာရှင်တွေ စိတ်ကြိုက်ပုံသွင်းထားတဲ့ စည်းကမ်းရှိတဲ့ ဒီမုိုကရေစီဆုိုတာကြီး ထာဝရအခြေတည်ခုိုင်မြဲရေး လမ်းကြောင်းမှာ လုိုက်ပါမိရက်သား ဖြစ်သွားနုိုင်ပါတယ်။
ဒီလုိုအခြေအနေမှာ ဓမ္မစေတီခေါင်းလောင်းကြီး ဆယ်ယူရေးကိစ္စဟာ အားသွန်ခွန်စုိုက် လုပ်သင့်တဲ့ အရေးကိစ္စလား စဉ်းစားစရာပါ။
နုိုင်ငံတစ်နုိုင်ငံရဲ့ ကံကြမ္မာဟာ ထုိုနုိုင်ငံသူနုိုငံသားများရဲ့ အတွေးအမြင် ဥာဏ်ပညာ ဆင်ခြင်နုိုင်မှုစွမ်းအားနဲ့လည်း ဆက်စပ်မှု ရှိနေမယ် ထင်ပါတယ်။ ဓမ္မစေတီခေါင်းလောင်းကြီးဆယ်ယူမှုမှာ လူတွေရဲ့ စွဲလန်းယုံကြည်မှုတွေနဲ့ စဉ်းစားတွေးခေါ်နေကြပုံတွေကုို ကြည့်ပြီး မြန်မာပြည်အနာဂတ်အတွက် ဆင်ခြင်အတွေးပွားစရာတွေ များစွာ ဖြစ်လာစေပါတယ်။
အာဏာရှင်စနစ်လောင်းရိပ်အောက်မှာ ရှိနေဆဲ နုိုင်ငံတစ်နုိုင်ငံမှာ တရားမျှတ ငြိမ်းချမ်း ခေတ်မှီတိုးတက်တဲ့ ဒီိမုိုကရေစီစနစ်တည်ဆောက်နုိုင်ရေး ရည်မှန်းချက်ဖြင့် ကျားကုပ်ကျားခဲ ကြိုးပမ်းနေရဆဲ အရေးအကြီးဆုံးကာလမှာ ပဓာနနဲ့ သာမညကုို ခွဲခြားသိမြင်နုိုင်တဲ့ ပြည်သူလူထုရဲ့ ဥာဏ်ပညာအမြှော်အမြင် အတော်ပင် လုိုအပ်နေသေးတယ်လို့ ရုိုးသားစွာ ထင်မြင်ယူဆမိပါတယ်။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
ဝေဖန်စရာတွေကအများကြီးပါဘုရား။
သတင်းတခုမှာဆိုရင် သံမပေါ်မီခေတ်ကခေါင်းလောင်းလို့ရေးပါတယ်။
သံမပေါ်မီခေတ်ကမဟုတ်ပါ။ ဓမ္မစေတီခေတ်မှာ သံခေတ်ရာက်နေတာ အနှစ်၂ထောင်ကျော်ပါပြီ။
နောက်သတင်းတခုမှာသံလျင်ဘက်မှာစပိန်စကားပြောတဲ့နတ်ဝင်ပူးလို့စပိန်စကားပြန်ခေါ်တော့လည်း ရှေးဟောင်းစပိန်စကားမို့သိပ်နားမလည်ဘူးတဲ့။ တကယ်တော့ ဖီးလစ် ဒီဘရစ်တိုခေါ်ငဇင်ကာနဲ့သူ့စစ်သားတွေဟာ ဗမာလို”ပူတကေ” လို့ခေါ်ခဲ့ တဲ့ ပေါ်တူဂီတွေပါ။ ဘာဖြစ်လို့စပိန်စကားသုံးရမှာလဲ။ ပေါ်တူဂီစကားဘဲသုံးမှာပေါ့။ ပေါ်တူဂီစကားနဲ့ စပိန်စကားဟာ ရှမ်းစကားနဲ့ယိုးဒယားစကားလို နီးစပ်တဲ့စကားတွေပါ။ အဲဒါကိုမသိရင်မသိဘူးဝန်မခံဘဲ ဘာကြောင့်ရှေးဟောင်းစပိန်စကားလို့ဖြီးရတာလဲ။
ထူးဆန်းတာက တချို့ဗမာနတ်တွေဟာပုဂံခေတ်ကတည်းကနတ်ဖြစ်တယ်လို့အဆိုရှိတယ်။ ဒါပေမဲ့သူတို့ဝင်ပူးတယ်ဆိုတဲ့နတ်ဝင်သည်တွေကတော့ သူတို့ပြောရိုးပြောစဉ် ပုဂံခေတ်ကဗမာစကားမပြောဘဲ ဘာကြောင့်ခေတ်ပေါ်ဗမာစကားပြောနေကြတာလဲ။