အရှင်စန္ဒိမာ (မွန်စိန်တောရ) – ကြောက်ရွံ့ခြင်း၊ မျှတခြင်း၊ ငြိမ်းချမ်းခြင်း၊ ချမ်းသာခြင်း၊ ယဉ်ကျေးခြင်းနှင့် ဒီမုိုကရေစီလူ့ဘောင်
သြဂုတ် ၂၃၊ ၂၀၁၄
မကြာသေးခင် ရက်ပုိုင်းက ထုိုင်းရဲအရာရှိကြီးတစ်ယောက်ဟာ ဘက်ငွေသန်း ၁၆၀ ကျော် တန်ဘုိုးရှိတဲ့ စိတ်ကြွဆေးပြားတွေနဲ့အတူ အဖမ်းခံလိုက်ရကြောင်း ဧရာဝတီအွန်လုိုင်းသတင်းတစ်ပုဒ်မှာ ဖတ်လိုက်ရပါတယ်။ မူးယစ်ဆေးတွေကုို သူ့ရဲ့ ရာထူးအရှိန်အဝါ အားကုိုးပြီး သူ့ကားနဲ့ အခကြေးငွေယူ သယ်လာတာလုို့ ဆုိုတယ်။ သယ်ယူခအဖြစ် ရမယ့် အခကြေးငွေကလည်း မက်လောက်စရာပါ။ ဒါပေမယ့် သူကံမကောင်းရှာပါဘူး။ လမ်းခရီးရှိ စစ်ဆေးရေးဂိတ်တစ်ခုမှာ တာဝန်ကျ နယ်မြေခံရဲတွေက သူ့ကားထဲမှ မူးယစ်ဆေးတွေကုို ရှာတွေ့သွားခဲ့ပြီး သူအဖမ်းခံလုိုက်ရပါတယ်။
ထုိုသတင်းကုို ဖတ်ပြီး ကျမ်းဂန်လာ ကြောက်စရာဘေး ၄ မျိုးအကြောင်းကုို စဉ်းစားမိပါတယ်။ အတ္တာနုဝါဒဘယ၊ ပရာနုဝါဒဘယ၊ ဒဏ္ဍဘယ၊ ဒုဂ္ဂတိဘယ ဆုိုတဲ့ ဘေး ၄ မျိုးပါ။
အကုသုိုလ်မကောင်းမှုတစ်ခုခု ကျူးလွန်မိလို့ ကုိုယ့်ကုိုယ်ကုို ပြန်လည်စွပ်စွဲ အပြစ်တင်ရမယ့်အဖြစ်ကုို ကြောက်တာဟာ အတ္တာနုဝါဒဘယ ဖြစ်ပါတယ်။ ပရာနုဝါဒဘယက မကောင်းမှုအတွက် သူတပါးက ကုိုယ့်ကုို စွပ်စွဲကဲ့ရဲ့ အပြစ်တင်မှာကုို ကြောက်တာပါ။ ဒဏ္ဍဘယက မကောင်းမှုအတွက် မျက်မှောက်ခေတ် သက်ဆုိုင်ရာ နုိုင်ငံအရပ်ဒေသရဲ့ တည်ဆဲဥပဒေအတုိုင်း အပြစ်ပေးအရေးယူခံရမှာကုို ကြောက်တာ ဖြစ်ပြီး ဒုဂ္ဂတိဘယကတော့ အကုသုိုလ်ကံရဲ့ အကျိုးဆက်ဖြစ်တဲ့ အပါယ်ဒုဂ္ဂတိဘဝ ရောက်ရမှာကုို ကြောက်တာ ဖြစ်ပါတယ်။
ထုိုကြောက်စရာဘေး ၄ မျိုးထဲမှာ အတ္တာနုဝါဒဘယဖြစ်တဲ့ ပုဂ္ဂိုလ်ဟာ စိတ်ဓါတ်အရင့်ကျက်ဆုံးနဲ့ အမြင့်မြတ်ဆုံးပုဂ္ဂိုလ် ဖြစ်ပါတယ်။ မကောင်းမှုတစ်ခုခု လုပ်မိလုိုက်လုို့ ဘယ်သူမှ မသိဘူးထား၊ ကုိုယ့်ကုိုယ်ကုိုတော့ သိပါတယ်။ ဒီတော့ ကုိုယ့်စိတ်မှာ မသန့်တော့ပါဘူး။ လိပ်ပြာမသန့်တော့ပါဘူး။ မိမိကုိုယ်ကုို ယုံကြည်မှု မရှိတော့ပါဘူး။ မဝံ့မရဲ ဖြစ်လာပါတယ်။ ဒါ့ကြောင့် ပညာရှိသူတော်ကောင်းများဟာ အတ္တာနုဝါဒဘယကြောင့် မကောင်းမှု မလုပ်တော့ပါဘူး။ အတ္တာနုဝါဒဘယဖြစ်တဲ့ ပုဂ္ဂိုလ်ဟာ ရှားပါးပုဂ္ဂိုလ်စာရင်းထဲမှာ ပါဝင်ပါတယ်။
ပရာနုဝါဒဘယဖြစ်တဲ့ ပုဂ္ဂိုလ်ကျတော့ မကောင်းမှုတစ်ခုခုလုပ်လုိုက်ပြီး အခြားသူတစ်ဦးဦး မြင်သွားရင် ကုိုယ့်ကုို အထင်အမြင်သေးလိမ့်မယ်။ အပြစ်တင်လိမ့်မယ်။ ကဲ့ရဲ့လိမ့်မယ်။ သူတပါးက ကုိုယ့်ကုို အထင်သေးကဲ့ရဲ့အပြစ်တင်မှာကုို စုိုးရိမ်ကြောက်ရွံ့လို့ မကောင်းမှုမှ ရှောင်ကြဉ်တယ်။ သုို့သော် ထုိုပုဂ္ဂိုလ်ဟာ လူကွယ်ရာမှာ ဆုိုရင်တော့ မကောင်းမှုကုို ကျူးလွန်နုိုင်ပါသေးတယ်။ ထုိုပုဂ္ဂိုလ်အမျိုးအစားလည်း လူနည်းစုစာရင်းဝင်ပဲ ဖြစ်ပါတယ်။
ဒဏ္ဍဘယကတော့ ပုဂ္ဂိုလ်တစ်ဦးတစ်ယောက်ဟာ မကောင်းမှုတစ်ခုခု ကျူးလွန်မိရင် ရဲဖမ်းမှာ အရေးယူအပြစ်ပေးခံရမှာ ထောင်ချခံရမှာကုို စုိုးရိမ်ကြောက်ရွံ့တာကြောင့် မကောင်းမှုမှ ရှောင်ကြဉ်တာ ဖြစ်ပါတယ်။
ဒုဂ္ဂတိဘယဖြစ်တဲ့ ပုဂ္ဂိုလ်ကျတော့ မကောင်းမှုအကုသုိုလ်ကံကြောင့် အပါယ်မှာ ဆင်းရဲဒုက္ခခံရမှာကုို ကြောက်လို့ မကောင်းမှုမှ ရှောင်ကြဉ်တာ ဖြစ်ပါတယ်။
ထိုဘေး ၄ မျိုးထဲမှာ လူတွေအကြောက်ဆုံးဘေးက ဒဏ္ဍဘယပါ။ ဒဏ္ဍဘယက ချက်ချင်းခံရမှာမို့ပါ။ ဥပဒေစည်းမျဉ်းတွေက လောကလူသားတွေကုို ထိန်းကျောင်းတည့်မတ်အနားသက်ပေးထားပါတယ်။ ဥပဒေသာ မရှိရင် လူတွေဟာ ဘယ်သူသေသေ ငတေမာပြီးရော လုပ်ချင်ရာ လုပ်ကြလိမ့်မယ်။ သုို့သော်လည်း ဥပဒေအထက်မှာ နေခွင့်ရှိကြတဲ့ လူတွေကတော့ လုပ်ချင်ရာ လုပ်ခွင့် ရကြတယ်။ သူတုို့အတွက် ဒဏ္ဍဘယ ဖြစ်စရာ မလုိုတော့ပါဘူး။
ဥပဒေအထက်မှာ နေခွင့်ရှိကြတဲ့ လူတွေဟာ ကျန်တဲ့ ဘေး ၃ မျိုးကုိုလည်း ဂရုမစုိုက်တဲ့ လူတွေပါ။ ထုိုလူမျိုးတွေဟာ အတ္တာနုဝါဒဆုိုတဲ့ ကုိုယ့်ကုိုယ်ကုို အပြစ်တင်မှု လိပ်ပြာမသန့်မှုဆုိုတာ ယောင်လုို့တော့ ဖြစ်မယ်မထင်ပါဘူး။ ပရာနုဝါဒဆုိုတဲ့ မီဒီယာတွေက ဝေဖန်ထောက်ပြတာတွေ ရှိမယ်။ လူတွေက အပြစ်တင်ရှုတ်ချတာတွေ ရှိမယ်။ ဒါပေမယ့် ဥပဒေအထက်မှာ နေခွင့်ရှိတဲ့လူတွေနဲ့ လုပ်ချင်တုိုင်း လုပ်ခွင့်ရှိတဲ့ လူတွေဟာ ပရာနုဝါဒဘယဖြစ်ဖုို့ ခဲယဉ်းတတ်ပါတယ်။ ထုိုလူမျိုးတွေအတွက် ဒုဂ္ဂတိဘယလည်း မဖြစ်ရုံမက ဒုဂ္ဂတိအပါယ် ၄ ဘုံတွေ၊ ငရဲအုိုးထဲ ဇောက်ထုိုးကျ ဆုိုတာတွေကုို ပုံပြင်ဒဏ္ဍာရီလုို သဘောထားကြမယ့် လူစားတွေပါ။
အထက်က ထုိုင်းရဲအရာရှိကြီးကုို ပြန်ကြည့်ရင် သူဟာ သူ့ရဲ့ ရာထူးအဆင့်အတန်းကုို သုံးပြီး ဥပဒေကုို ရှောင်ကွင်းနုိုင်မယ်လုို့ ယူဆခဲ့တယ်။ ဒါပေမယ့် သူ့တွက်ကိန်း မှားသွားခဲ့တယ်။ ထုိုရဲအရာရှိကြီးစဉ်းစားပုံအတုိုင်း အခြားရာထူးအာဏာရှိကြသူများရဲ့ ဒဏ္ဍဘယမဖြစ်ကြပုံများကုိုလည်း လေ့လာသုံးသပ်နုိုင်ပါတယ်။
ဒါကြောင့် လူ့အဖွဲ့အစည်းမှာ အလုိုအပ်ဆုံးက ဒဏ္ဍဘယပါ။ ဒဏ္ဍဘယက လူများစုကုို ကုိုယ်စားပြုတာကြောင့်ပါ။ ဒဏ္ဍဘယဖြစ်ဖုို့ ခေတ်စကားနဲ့ ပြောရရင် တရားဥပဒေစိုးမုိုးမှု လုိုအပ်ပါတယ်။ တရားဥပဒေစုိုးမုိုးမှုမရှိရင် လူတွေ ဒဏ္ဍဘယဖြစ်ကြမှာ မဟုတ်တော့ပါဘူး။
ဒီမိုကရေစီရင့်ကျက်ပြီး တရားဥပဒေစုိုးမုိုးမှု ခုိုင်မာအားကောင်းတဲ့ နုိုင်ငံများမှာ လူတွေဟာ ဒဏ္ဍဘယဖြစ်ကြတာကြောင့် ဥပဒေချိုးဖေါက်ဖုို့ ကြံစည်သူတွေ နည်းကြတယ်။ ဥပဒေအတုိုင်း သမာသမတ်ကျကျ လုိုက်နာကျင့်သုံးကုိုင်တွယ်မှု ခုိုင်မာအသားကျနေတာကြောင့် ဘယ်သူမှ ငွေရာထူးအာဏာပါဝါတွေ သုံးပြီး ဥပဒေကုို လက်တလုံးခြား ရှောင်ကွင်းဖုို့ မလွယ်ကုူပါဘူး။ ဒါ့အပြင် ဒီလို ပတ်ဝန်းကျင်အကြောင်းတရာတွေက လူတွေကုို ပရာနုဝါဒဘယနဲ့ အတ္တာနုဝါဒဘယတွေကုို ဖြစ်ပေါ်စေဖုို့လည်း ရှင်သန်ခုိုင်မာစေပါတယ်။
လူအဖွဲ့အစည်းတစ်ခုမှာ ပရာနုဝါဒဘယနဲ့ အတ္တာနုဝါဒဘယဖြစ်သူတွေ များလာပြီဆုိုရင် ထုိုလူ့အဖွဲ့အစည်းဟာ ပုိုပြီး ငြိမ်းချမ်းတည်ငြိမ်ယဉ်ကျေးတဲ့ လူ့အဖွဲ့အစည်း ဖြစ်လာပါပြီ။ ဒီလုိုဖြစ်လာဖုို့ အစပျိုးလုိုအပ်မှုက ဒဏ္ဍဘယပါ။ တနည်းအားဖြင့် တရားဥပဒေစုိုးမုိုးမှုပါ။ တရားဥပဒေစုိုးမုိုးမှုဆုိုတာ ငွေရာထူးအာဏာပါဝါတွေနဲ့ မျက်နှာကြီးရာ ဟင်းဖက်ပါ ဥပဒေကုို လက်တလုံးခြား ရှောင်ကွင်း၊ မာဖီးရားလူမုိုက်ဆန်ဆန် ဥပဒေအထက်မှာ နေခွင့်ရှိသူများ ကြီးစုိုးလွှမ်းမိုးရာ အာဏာရှင်စနစ်လူမှုဝန်းကျင်နဲ့တော့ ပြဒါးတလမ်း သံတလမ်းပါ။ အာဏာရှင်အရိပ်မဲ အုပ်မိုးထားတဲ့ ဟန်ပြဒီမုိုကရေစီစနစ်မှာလည်း တရားဥပဒေစုိုးမုိုးမှု ကင်းမဲ့နေအုံးမှာပါ။ အပေါ်ယံအရောင်အသွေး ပြောင်းကောင်း ပြောင်းပေမယ့် အတွင်းအနှစ်သာရကတော့ မပြောင်းပါဘူး။ အာဏာရှင်လောင်းရိပ်မှ မလွတ်မြောက်သေးတဲ့ ဆုိုင်းဘုတ်တင်အမည်ခံ ဒီမုိုကရေစီစနစ်မှာ တရားဥပဒေစုိုးမုိုးမှု မရှိရုံမျှမက ဥပဒေကုိုယ်နှိုက်က မျှတမှု ကင်းမဲ့နေတာပါ။
ချုပ်လုိုက်ရင် ကြောက်စရာဘေး ၄ မျိုးဆုိုတာ မိမိတစ်ဦးတည်းအတွက် ဦးတည်စဉ်းစားပြီး ကြောက်ရွံ့တာဖြစ်သော်လည်း မိမိနေထုိုင်ရာ လူ့အဖွဲ့အစည်းရဲ့ ငြိမ်းချမ်းတည်ငြိမ်မှုကုို အထောက်အကူပြုနေရုံသာမက မိမိတို့ တစ်ဦးချင်းအတွက်လည်း ယဉ်ကျေးအဆင့်အတန်းမြင့်တဲ့ ရင့်ကျက်တဲ့ဘဝကုို ရယူပုိုင်ဆုိုင်စေတာ ဖြစ်ပါတယ်။
ကြောက်စရာဘေး ၄ မျိုးနဲ့အညီ လူ့အဖွဲ့အစည်းကုို ထိန်းကျောင်းတည့်မတ်ပြီး တရားမျှတ ငြိမ်းချမ်းတည်ငြိမ် ချမ်းသာပြည့်ဝ ယဉ်ကျေးတဲ့ ဒီမုိုကရေစီလူ့ဘောင်ကုို တည်ဆောက်နုိုင်ပါစေ။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
