အရှင်စန္ဒိမာ (မွန်စိန်တောရ) – မြေခွေးရဲ့ တရားမျှတမှုနဲ့ အလှူခံပြည်သူများရဲ့ဘဝတွေ ဆက်စပ်မှု ရှိနေပါသလား
သြဂုတ် ၂၁၊ ၂၀၁၄
ဘာသာရေးဆုိုင်ရာ ယုံကြည်မှုတွေ ဘယ်လုိုပင်ရှိသည်ဖြစ်စေ အများအားဖြင့် လူတွေဟာ လက်ငင်းပစ္စုပ္ဗန်ဘဝကုိုသာ အဓိကထား ဦးတည်စဉ်းစား လုပ်ကုိုင်ဆောင်ရွက်နေကြတာပါ။ ဒါကြောင့်မုို့ ပစ္စုပ္ဗန်အခြေအနေကုို ဦးတည်စဉ်းစားတာဟာ လူမျိုးဘာသာမရွေး လူတုိုင်းနဲ့ အကျုံးဝင်သက်ဆုိုင်ပါတယ်။
နုိုင်ငံတစ်နုိုင်ငံရဲ့ အရေးကုို စဉ်းစားတဲ့အခါမှာလည်း သာမာန်ပြည်သူလူထုရဲ့ အရေးကုို ပထမဦးစားပေး စဉ်းစားသင့်ပါတယ်။ ပြည်သူလူထုရဲ့ စားဝတ်နေရေး၊ ဘဝရပ်တည်ရေး၊ ကျန်းမာရေး၊ ပညာရေး စတာတွေကုို ပထမဦးစားပေး ဖြေရှင်းသင့်ပါတယ်။ ဒီအရေးကိစ္စတွေမှာ အဓိကတာဝန်ရှိသူဟာ အစုိုးရသာ ဖြစ်ပါတယ်။
တစ်ဖက်အိမ်နီးချင်းနုိုင်ငံရဲ့ နယ်စပ်မြို့တစ်မြို့မှာ နှစ်စဉ်ပြုလုပ်နေကျ ဘာသာရေးအရ အလှူပေးပွဲကုို မြန်မာနုိုင်ငံသားတွေ သောင်းဂဏန်းချီပြီး သွားရောက်အလှူခံယူနေကြရတာဟာ နုိုင်ငံနဲ့ လူမျိုးရဲ့ ဂုဏ်သိက္ခာအရ အရှက်ရစရာပါ။ အဲဒီနုိုင်ငံကုို အုပ်ချုပ်နေတဲ့ အစုိုးရရဲ့ ဂုဏ်သိက္ခာကုိုလည်း ထိခုိုက်စရာပါ။ ဒီလုို အဖြစ်မျိုးတွေကုို ကြည့်ရင် သာမာန်ပြည်သူလူထုအတွက် အစုိုးရအနေနဲ့ ရေတုိုရေရှည် ဆောင်ရွက်ပေးသင့်တာတွေကုို ထိရောက်စွာ အမြန်လက်တွေ့ အကောင်အထည်ဖေါ် ဆောင်ရွက်ပေးသင့်ပြီဆုိုတာကုို မီးမောင်းထုိုးပြနေတာပါ။
ရေတုိုရေရှည်လုို့ ဆုိုရာမှာ ရေရှည်အရ ဆောင်ရွက်ပေးနုိုင်ဖုို့ နုိုင်ငံရဲ့ စီးပွါးရေး ဖွံ့ဖြိုးတုိုးတက်မှုကုို ဆောင်ရွက်ရပါမယ်။ နုိုင်ငံစီးပွါးရေးဖွံ့ဖြိုးတုိုးတက်မှုကုို ဆောင်ရွက်နိုင်ဖုို့ နုိုင်ငံငြိမ်းချမ်းမှ ဖြစ်နုိုင်မှာပါ။ နုိုင်ငံငြိမ်းချမ်းဖုို့ နုိုင်ငံရေး တည်ငြိမ်ဖုို့ လိုအပ်ပါတယ်။ နုိုင်ငံရေးတည်ငြိမ်ဖုို့ နုိုင်ငံရေးအရ တရားမျှတမှု ရှိကုို ရှိရပါမယ်။ နုိုင်ငံရေးအရ တရားမျှတမှု မရှိခဲ့တာကြောင့် တုိုင်းရင်းသားများရဲ့ ရပုိုင်ခွင့်တွေနဲ့ နုိုင်ငံရေးပြဿနာတွေကုို စားပွဲဝုိုင်းထုိုင် မဖြေးရှင်းနုိုင်ခဲ့မှုမှတဆင့် လက်နက်စွဲကုိုင်တော်လှန်မှု၊ ပြည်တွင်းစစ်ရှည်ကြာမှု၊ နုိုင်ငံမငြိမ်းချမ်းမှုနဲ့ နုိုင်ငံစီးပွါးရေးချွတ်ခြုံကျမှုတွေရဲ့ ဒဏ်ကုို ခါးစည်းခံစားနေကြရသူတွေဟာ သာမာန်တုိုင်းရင်းသားပြည်သူလူထုပါ။ ဒီသံသရာကုို အမြန် အဆုံးသတ်သင့်ပါပြီ။
စစ်အစုိုးရအဆက်ဆက်ရဲ့ လှည့်စားမှုတွေကုို ခံခဲ့ရဖူးတဲ့ တုိုင်းရင်းသားတွေဟာ လက်ရှိအစုိုးရရဲ့ ငြိမ်းချမ်းရေးကြိုးပမ်းမှု ရည်ရွယ်ချက်ကုို သံသယကြီးကြီးနဲ့ အကဲခတ်လေ့လာနေကြပါတယ်။ နှစ်ပေါင်း ၆၀ ကျော် ရှည်ကြာခဲ့တဲ့ ပြည်တွင်းစစ်ပဋိပက္ခကုို နေ့ချင်းညချင်း မဖြေရှင်းနုိုင်ပါဘူးလုို့ ပြောကြတယ်။ အချိန်ယူရမယ်လုို့လည်း ဆုိုကြတယ်။ မှန်ပါတယ် အချိန်ယူရပါမယ်။ အချိန်ယူရမယ် မှန်သော်လည်း အချိန်ဆွဲရမယ့် အရာမဟုတ်ပါ။ နုိုင်ငံရေးကစားကွက်တွေနဲ့ အချိန်ဖြုန်းရမယ့် အရာလည်း မဟုတ်ပါ။ ကစားတယ်ဆုိုတာ အသိဥာဏ်နုနယ်ကြသေးတဲ့ လူမမယ်ကလေးငယ်တွေရဲ့ အရာသာ ဖြစ်ပါတယ်။ ယောကျာင်္းရင့်မကြီးတွေရဲ့ အရာမဟုတ်ပါ။ တကယ်တော့ နုိုင်ငံရေးကစားတယ်ဆုိုတာ မရုိုးသားမှုရဲ့ စရုိုက်လက္ခဏာတစ်ခုသာ ဖြစ်ပါတယ်။ နုိုင်ငံရေးကစားတာကုို ရပ်ကြပါ။ သူများနုိုင်ငံမှာ သွားရောက်တောင်းရမ်း အလှူခံစားနေကြရတဲ့ ပြည်သူတွေကုို ပြန်ငဲ့ကြပါ။
ယုံကြည်မှုတည်ဆောက်ရမယ်လို့လည်း ပြောကြတယ်။ သိပ်မှန်တဲ့ စကားပါ။ ဒါပေမယ့် ပြည်သူတွေ အစုိုးရကုို မယုံရဲပါဘူး။ မယုံရဲတာကုို အပြစ်မဆုိုသင့်ပါ။ ခံခဲ့ရပေါင်းလည်း များခဲ့ပြီလေ။ လက်ငင်းလည်း ခံနေရဆဲပါ။ လယ်သမားများကုို မတရားဖမ်းဆီးထောင်ချမှုတွေ၊ နစ်နာကြရသူ ပြည်သူများအတွက် ဦးဆောင်ဆန္ဒထုတ်ဖေါ်ပေးခဲ့ကြသူတွေကုို ပုဒ်မအမျိုးမျိုးတပ် ဖမ်းဆီးထောင်ချနေမှုတွေဟာ အစုိုးရနဲ့ စစ်တပ်ရဲ့ စိတ်စေတနာမဲညစ်မှု သရုပ်မှန်ကုို လှစ်ထုတ်ဖေါ်ပြမှုတွေပါ။ ဒီလုိုအစုိုးရကုို ယုံကြည်ဖုို့ မဖြစ်နုိုင်ပါဘူး။
နုိုင်ငံရေးပါတီတွေလည်း အလားတူ။ အစုိုးရကုို အပြည့်အဝ ယုံကြည်နုိုင်ဖုို့ ခက်မှာပါ။ ၉၀ ရွေးကောက်ပွဲရလဒ်က ပူပူနွေးနွေးပဲ ရှိနေပါသေးတယ်။ အေးစက်မသွားသေးပါဘူး။ ညောင်နှစ်ပင်ညီလာခံကုို ဘယ်လုိုလုပ်ခဲ့တယ်။ ၂၀၀၈ အခြေခံဥပဒေကုို ဘယ်လုိုအတည်ပြုခဲ့တယ်။ ၂၀၁၀ ရွေးကောက်ပွဲကုို ဘယ်လိုကျင်းပခဲ့တယ်။ ဒါတွေဟာ အစုိုးရအပေါ်ရှိနေတဲ့ သံသယကုို ပယ်စွန့်ဖုို့ ခက်ခဲစေတဲ့ အရာတွေပါ။
ဒီလို အရုပ်ဆုိုးအကျည်းတန်တဲ့ အခြေခံအကြောင်းတရားတွေနဲ့ ယုံကြည်မှုကုို ဘယ်လို တည်ဆောက်နုိုင်ပါ့မလဲ။ ယုံကြည်မှုကုို ရုိုးသားမှုနဲ့သာ တည်ဆောက်နုိုင်ပါလိမ့်မယ်။ ရုိုးသားမှုကုို လက်တွေ့လုပ်ဆောင်မှုနဲ့ သက်သေပြရပါမယ်။ လက်တွေ့လုပ်ဆောင်စရာများစွာထဲမှ တစ်ခုက တရားမျှတမှုကုို လက်တွေ့လုပ်ဆောင်ပြရပါမယ်။ စစ်လေယာဉ်တွေ စစ်သဘောင်္တွေ သံချပ်ကာယာဉ်တွေ ပုိုင်ဆုိုင်ထားပြီး လက်နက်ကုိုင်အင်အားသိန်းချီရှိတဲ့ အဖွဲ့အစည်းက အဆီအသားတွေကုို အကုန်ယူပြီး အဆုိုပါ အကြီးစားစစ်လက်နက်ကိရိယာတွေ မပုိုင်ဆုိုင်ထားနုိုင်ဘဲ အင်အား ထောင်ဂဏန်းရာဂဏန်းလောက်သာရှိတဲ့ အဖွဲ့အစည်းတွေက တောင်ပံနဲ့ အမြီးလောက်ပဲ ရရင်တော့ အဆုိုပါတရားမျှတမှုဟာ မြေခွေးရဲ့ တရားမျှတမှုပဲ ဖြစ်မှာပါ။
ဒါကြောင့် ယနေ့ ငြိမ်းချမ်းရေးစင်တာမှာ ပြောဆုိုဆွေးနွေးနေမှုတွေဟာ မဲဆောက်မြို့ဘုံကျောင်းမှာ ဆန်တွေ ခေါက်ဆွဲထုတ်တွေ သွားရောက်အလှူခံယူနေကြရတဲ့ ပြည်သူလူထုရဲ့ ဘဝတွေနဲ့ တုိုက်ရုိုက်ဆက်စပ်နေတယ်ဆုိုတာကုို မမေ့သင့်ပါ။ ငြိမ်းချမ်းရေးစင်တာက လူတွေ နုိုင်ငံရေးကစားကွက်တွေနဲ့ အချိန်ဆွဲလေ နယ်စပ်က မြန်မာနုိုင်ငံသား တုိုင်းရင်းသားပြည်သူတွေရဲ့ တောင်းရမ်းအလှူခံစားကြရမယ့် ဘဝသက်တမ်း ရှည်ကြာလေပဲဆုိုတာ တာဝန်ရှိကြသူများ မမေ့ကြစေချင်ပါ။ မျက်နှာအောက်ချ တောင်းရမ်းအလှူခံနေကြရသူ ပြည်သူများရဲ့ လူမှုဘဝဒုက္ခတွေနဲ့ မြေခွေးရဲ့ တရားမျှတမှုဆုိုတာဟာ တုိုက်ရုိုက်ဆက်သွယ်မှု ရှိနေတာလည်း အမှန်ပင် ဖြစ်ပါတယ်။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
