အရှင်စန္ဒိမာ (မွန်စိန်တောရ) – စိန်ခေါ်မှုတွေရှိတယ်

ဘောင်းဘီဝတ် စစ်အစိုးရမှ ပုဆုိုးတုိုက်ပုံပြောင်းဝတ်ထားတဲ့ အရပ်သားအသွင်ဆောင် လက်ရှိအစုိုးရလက်ထက်မှာ တသတ်မကြားဖူးတဲ့ နုိုင်ငံရေးအကြံပေး စီးပွါးရေးအကြံပေး စတဲ့ အကြံပေးအမျိုးမျိုး ပေါ်လာတယ်။ သူတုို့အထဲမှာ တစ်ယောက်တစ်လေ စစ်ဗုိုလ်ဟောင်းမှ လွဲလုို့ အများစုဟာ ဆုိုင်ရာပညာရပ်မှာ ကျွမ်းကျင်ကြတဲ့ ပညာရှင်တွေဆုိုတာ ယုံမှားဖြစ်စရာ မရှိပါဘူး။ သူတုို့အနေနဲ့ အစုိုးရကုို အကောင်းဆုံးအကြံတွေ ပေးကောင်းပေးကြပါလိမ့်မယ်။ ဒါပေမယ့် သူတုို့ပေးတဲ့ အကြံတွေကုို အစုိုးရက အပြည့်အဝမယူဘူးဆုိုရင်လည်း အံ့သြစရာတော့ မဟုတ်ပါဘူး။ အရပ်သားပညာရှင်တစ်ယောက်ရဲ့ အတွေးအကြံနဲ့ စစ်ဗုိုလ်တစ်ယောက်ရဲ့ အတွေးအကြံမတူတာ သဘာဝကျပါတယ်။

သုို့သော် နုိုင်ငံကောင်းစေချင်လို့၊ ပညာရှင်တွေရဲ့ အကြံအဥာဏ်ကုို လုိုချင်လုို့ စစ်ဗိုလ်တွေကုိုယ်တုိုင်ပဲ ပညာရှင်တွေကုို ခန့်အပ်ခဲ့တာ မဟုတ်ဘူးလား။

သုို့မဟုတ် နုိုင်ငံတကာနဲ့ ပြည်သူတွေ အမြင်ကောင်းအောင်၊ အရပ်သားအစုိုးရပုံစံပေါက်အောင် ပညာရှင်တွေကုို အခန့်ပြတာလား။

သုို့မဟုတ် ဘီလူးခေါင်းစစ်အာဏာရှင်ကုို မင်းသားခေါင်းဒီမုိုကရေစီမျက်နှာဖုံးစွပ်ပြီး စစ်အာဏာရှင်စနစ်ကုို အသွင်တစ်မျိုးနဲ့ သက်ဆုိုးရှည်အောင် လုပ်ရာမှာ အဆုိုပါ ပညာရှင်တွေကုို အသုံးချနေတာလား။

ပညာရှင်တွေကလည်း ကုိုယ်ကျိုးစီးပွါးအတွက် အလိုတူအလုိုပါ အသုံးတော်ခံနေကြတာလား။

စသည်ဖြင့် မေးစရာ မေးခွန်းတွေ တစ်သီတစ်တန်းကြီး ထွက်လာပါတယ်။ ထိုမေးခွန်းများထဲမှ အဖြေလို့ ယူဆစရာ စကားတချို့ကုို သမ္မတအကြံပေးတစ်ယောက်ရဲ့ ဆောင်းပါးတစ်ပုဒ်မှာ တွေ့လုိုက်ရပါတယ်။

အဲဒါကတော့ အစုိုးရဟာ ဒီမုိုကရေစီအပြောင်းအလဲကုို လုံးလုံးလျားလျားလုပ်ဖုို့ ရည်ရွယ်ချက် ရှိချင်မှ ရှိမယ်တဲ့။ တကယ်တော့ အဲသလုို ရည်ရွယ်ချက်မရှိဘူးဆုိုတာ အစုိုးရရဲ့  သက်တမ်း ၃ နှစ်ကျော်လာတဲ့ နုိုင်ငံရေးအခင်းအကျင်းမှာ ပေါ်လွင်ပြီးသား ဖြစ်ပါတယ်။ ဘာကြောင့် ဒီမို်ကရေစီအပြောင်းအလဲအတွက် လုံးလုံးလျားလျား ရည်ရွယ်ချက်မရှိတာလဲလုို့ မေးခွန်းဆက်ထုတ်လုိုက်ရင် နုိုင်ငံနဲ့ ပြည်သူအပေါ် အမှန်တကယ် စေတနာမရှိဘဲ ကုိုယ်ကျိုးစီးပွါးကုို ရှေ့တန်းတင်နေရလို့ပါဆုိုတဲ့ အဖြေမှတစ်ပါး တစ်ခြားအဖြေမရှိနုိုင်ပါ။

ထုိုအကြံပေးအရာရှိရဲ့  ဆောင်းပါးမှာ ဒီမုိုကရေစီအပြောင်းအလဲဖြစ်ဖုို့ အချိန်ယူရပုံကုို ၁၉၄၉ ခုနှစ်မှ ၁၉၈၇ ခုနှစ်အထိ ၃၈ နှစ်ကြာ စစ်အာဏာရှင်စနစ်ကျင့်သုံးခဲ့တဲ့ ထုိုင်ဝမ်နုိုင်ငံကုို သာဓကဆောင်ပြတယ်။ ဒီနေရာမှာ စ်ိတ်ဝင်စားစရာကောင်းတာက နှစ်ပေါင်းများစွာ စစ်အာဏာရှင်စနစ်ကျင့်သုံးခဲ့တာချင်းတူပေမယ့် ယနေ့ ထုိုင်ဝမ်နုိုင်ငံဟာ ဟောင်ကောင် တောင်ကုိုးရီးယား စင်ကာပူ ၃ နုိုင်ငံနဲ့အတူ အာရှကျား ၄ နုိုင်ငံ (Four Asian Tigers) လို့ တင်စားခေါ်ရတဲ့ စီးပွါးရေးဖွံ့ဖြိုးတုိုးတက်တဲ့ နုိုင်ငံတစ်နုိုင်ငံဖြစ်နေပြီး မြန်မာနုိုင်ငံကတော့ LDC (Least Developed Country) ဖွံ့ဖြိုးမှုအနည်းဆုံးနုိုင်ငံစာရင်းဝင် ဖြစ်သွားရခြင်းပါပဲ။

ဘီလူးခေါင်းစစ်အာဏာရှင်ကုို မင်းသားခေါင်းဒီမုိုကရေစီမျက်နှာဖုံးစွပ်ပြီး စစ်အာဏာရှင်စနစ်ကုို အသွင်တစ်မျိုးနဲ့ သက်ဆုိုးရှည်အောင် လုပ်နေတယ်လုို့ ပြောနုိုင်တဲ့ အခင်းအကျင်းတွေလည်း ကျယ်ကျယ်ပြန့်ပြန့် တွေ့နေရတယ်။ သုို့သော် လူထုမကျေနပ်မှုတွေကုို အာရုံလွှဲတဲ့အနေနဲ့ သမ္မတရော ဝန်ကြီးတွေရော အစုိုးရအရှိကြီးတွေရော သမ္မတအကြံပေးတွေပါ ပြောနေကျစကားတစ်ခွန်းလည်း ရှိပါတယ်။

အဲဒါကတော့ စိန်ခေါ်မှုတွေရှိတယ်ဆုိုတာပါပဲ။

စိန်ခေါ်မှုဆုိုတဲ့စကားက သူတုို့အတွက် အကောင်းဆုံးဆင်ခြေတစ်ခု ဖြစ်ပါလိမ့်မယ်။ သာမာန်ပြည်သူတွေအနေနဲ့ စိန်ခေါ်မှုဆုိုတာ ဘာကြီးပါလိမ့်လို့ သေသေချာချာ ပြန်စဉ်းစားမိကြမယ် မထင်ပါဘူး။ ဒီစကားဟာ သာမာန်ပြည်သူတွေအနေနဲ့ ဝိုးတုိုးဝါးတားပဲ ဖြစ်နေကြမယ် ထင်ပါတယ်။ ပြည်သူတွေ ဝိုးတုိုးဝါးတားဖြစ်လေ အစုိုးရအာဏာပုိုင်ဆုိုသူတွေတွက် ရောချလို့ ကောင်းလေ ဖြစ်မှာပါ။

နာဂစ်အခြေခံဥပဒေကုို ပြင်လုို့မဖြစ်ဘူး။ ဘာကြောင့်လဲ စိန်ခေါ်မှုတွေရှိတယ်။

နဂုိုမူအတုိုင်းသွားရင် ၂၀၁၅ ခုနှစ်အလွန်မှာ  ထုိုင်ခုံပျောက်ကိန်းရှိနေတယ်။ ဒါကြောင့် PR စနစ်ကုို အတင်းသွပ်သွင်းလုိုက်တယ်။ အကြောင်းပြချက်က စ်ိန်ခေါ်မှုတွေရှိတယ်။

သမ္မတကြီးက “ဖိတ်ချင်ဖိတ် ကုိုယ့်အိတ်ထဲဖိတ်” ဆုိုတဲ့စကားလုို သူ့ရဲ့  လူရင်းမိတ်ဆွေကုို ရွေးကောက်ပွဲကော်မရှင်ဥက္ကဌ ခန့်ထားလုိုက်တယ်။ ကော်မရှင်ဥက္ကဌကလည်း သမ္မတကြီးအလုိုကျ ရွေးကောက်ပွဲစည်းမျဉ်းမူလီကုို တရစ်ချင်း တင်းပေးနေတယ်။ အကြောင်းပြချက်က စိန်ခေါ်မှုတွေ များနေလုို့ ဖြစ်ပါလိမ့်မယ်။

နုိုင်ငံကောင်းရာကောင်းကြောင်း အဖြေရှာနုိုင်ဖုို့ လေးပွင့်ဆုိုင်ဆွေးနွေးရေး တောင်းဆုိုမှုကုိုတော့ ပယ်ချလုိုက်တယ်။ ဘာကြောင့်လဲ စိန်ခေါ်မှုတွေရှိတယ်။

ငြိမ်းချမ်းရေးဆွေးနွေးပွဲတွေ တစ်ခုပြီးတစ်ခု လုပ်တယ်။ အပစ်အခက်ရပ်စဲရေးသဘောတူညီချက်တွေလည်း ဖေါဖေါသီသီ ထုတ်ပြန်တယ်။ တုိုက်ပွဲတွေကတော့ ရပ်မသွားပါဘူး။ အကြောင်းပြချက်က စိန်ခေါ်မှုတွေရှိတယ်။

စာနယ်ဇင်းသမားတွေကုို ပြင်းထန်တဲ့ ထောင်ဒဏ်တွေ ချမှတ်လုိုက်တယ်။ ဘာကြောင့်လဲ စိန်ခေါ်မှုတွေရှိတယ်။

ကုိုယ့်လယ်ကုိုယ်ပြန်တောင်းတဲ့ လယ်သမားတွေကုို ထောင်ချလုိုက်တယ်။ ဘာကြောင့်လဲ စ်ိန်ခေါ်မှုတွေရှိတယ်။

စက်ရုံအလုပ်သမားတွေ ရတဲ့လစာက နဲလွန်းတယ်။ လစာတုိုးပေးဖုို့နဲ့ အလုပ်သမားခံစားခွင့်တွေကုို တောင်းဆုိုကြတယ်။ အစုိုးရအနေနဲ့ အခြေခံလူတန်းစား အလုပ်သမားများဘက်မှ ရပ်တည်ပြီး လုံလောက်တဲ့ စောင့်ရှောက်ကူညီမှုတွေ ပေးဖုို့ ပျက်ကွက်တယ်။ ဆင်ခြေကတော့ စိန်ခေါ်မှုပဲ လာအုံးမှာပါ။

အိမ်နီးချင်းနုိုင်ငံတွေမှာ သွားရောက်အလုပ်လုပ်နေကြတဲ့ ကုိုယ့်နုိုင်ငံသားတွေကုို သက်ဆုိုင်ရာ မြန်မာနုိုင်ငံသံရုံးတွေက လုိုအပ်တဲ့ အကူအညီတွေပေးဖုို့ ပျက်ကွက်လျှက်ရှိတယ်။ ဘာကြောင့်လဲ စ်ိန်ခေါ်မှုတွေရှိတယ်။

ဟောင်းနွမ်းဆွေးမြေ့နေတဲ့ ဓါတ်ကျိုးတွေ ပြုတ်ကျတယ်။ အပြစ်မဲ့ ပြည်သူတွေ အသတ်ဆုံးကြရတယ်။ လူတွေသေပြီးမှ လျှပ်စစ်ဌါနက သွားရောက်ပြင်ဆင်မှုတွေ လုပ်တယ်။ ပြင်သင့်ပြင်ထုိုက်တာကုို ကြိုတင်ပြင်ဆင်သင့်ပါလျှက် မပြင်ပါဘူး။ ဘာကြောင့်လဲ စိန်ခေါ်မှုတွေရှိတယ်။

ဝန်ကြီးတစ်ယောက်က ပြည်သူတွေကုို ရုိုင်းစုိုင်းတဲ့ စကားလုံးတွေနဲ့ ခြိမ်းခြောက်ပြောဆုိုခဲ့တယ်။ တတုိုင်းပြည်လုံးကုို ပွက်လောရုိုက် သွားစေခဲ့တယ်။ အခြားဝန်ကြီးတစ်ယောက်က အချိန်ယူစုံစမ်းရမယ် ဘာညာကွိကွတွေနဲ့ ကြိုးရှည်ရှည်လှန်ပြီး ဖါထေးပေးခဲ့ရတာကုို ထောက်ရင် ဒီဝန်ကြီး ဘက်ဂရောင်းအတော်ကောင်းပုံရတယ်။ ဒါကုိုလည်း အစုိုးရအဖွဲ့အတွင်းမှ စိန်ခေါ်မှုတွေအဖြစ် ဆင်ခြေပေးလုိုက်ရုံပါပဲ။

ပြည်သူဖက်မှ ရပ်တည် ပြည်သူတွေရဲ့ ထောက်ခံမှုတွေရနေတဲ့ ဝန်ကြီးတစ်ယောက်ကျတော့ အရေအတွက် မပြောပလောက်တဲ့ ငွေအလွဲသုံးစားမှုနဲ့ ရာထူးမှ ဖယ်ရှားခံရပြီး ဖမ်းဆီး အရေးယူတာ ခံလုိုက်ရတယ်။ ဒီဖြစ်ရပ်ဟာ တစ်ခြားတစ်ခြားသော စစ်ဗုိုလ်တွေကုိုလည်း ခြိမ်းခြောက်ခြင်း တစ်မျိုးပဲလား။ အထက်ဖါးအောက်ဖိ စစ်အာဏာရှင်နည်းဥပဒေကုို လုိုက်နာဖုို့ ပျက်ကွက်ရင် မလွယ်ဘူးသာ မှတ်ပေတော့လုို့ အခြားစစ်ဗုိုလ်တွေကုို သင်ခန်းစာပေးပြီး ပညာပြလုိုက်တာလား။ စဉ်းစားစရာ။ သေချာတာကတော့ အစွယ်တငေါငေါနဲ့ စစ်အာဏာရှင်ဘီလူးခေါင်းကုို လှမ်းမြင်လုိုက်ရခြင်းပါပဲ။  ဖြောင့်မတ်ပုံရတဲ့ ထုိုဝန်ကြီးဟာ ဘက်ဂရောင်းမရှိရှာဘူး ထင်ပါရဲ့ ။ ဘက်ဂရောင်းကောင်းကြတဲ့ ဝန်ကြီး ဝန်ကလေးတွေကျတော့ ဘယ်လောက်စားစား ကိစ္စမရှိပါ။ ထုံးစံအတုိုင်း စိန်ခေါ်မှုတွေရှိတယ်လုို့ ဆင်ခြေပေးအုံးမယ် ထင်ပါတယ်။

တကယ်လုို့သာ စိန်ခေါ်မှုဆုိုတဲ့ စကားကုို ပြောနေကြတဲ့ အစုိုးရအရာရှိဆုိုသူတွေရဲ့ ဝမ်းဗုိုက်တွင်းမှ ကုိုယ်ကျုိုးအတ္တဝိသမလောဘစတဲ့ အညှီအပုပ်တွေကုို ဝမ်းချပေးနုိုင်တဲ့ ဝမ်းနှုတ်ဆေးတစ်မျိုး ရှိခဲ့မယ်ဆုိုရင် အားလုံးအတွက် ကောင်းခြင်းမင်္ဂလာ ဖြစ်မှာ ဧကန်ပါ။